المساعد الشخصي الرقمي

مشاهدة النسخة كاملة : مشكلة فى لعبة Batman Arkham Knight ارجو المساعدة


peter magdy mon
13-01-2016, 23:15
مساء الفل يا شباب
عندى مشكلة فى لعبة Batman Arkham Knight نسخة كور باك
بعد ما سطبت اللعبة و سطبت كل البرامج المرفقة لتشغيلها
مش بتفتح و بتطلب انى ادخل اول مرة اون لاين - جربت كذا كراك و بروض نفس المشكلة
و دى صورة للرسالة - هل من حل - شكرا
https://store2.up-00.com/2016-01/145271767959331.png (https://www.up-00.com/)
phenomenon
14-01-2016, 22:12
بالشكل ده اعتقد ان مفيش كراك شغال اخى بيتر
اتاكد دائما ان برنامج Steam متثبت باخر تحديث
اتاكد دائما ان جميع وسائل الحمايه مغلقه قبل عمليه فك الضغط عن الكراك او قبل بدايه تثبيت اللعبه

اقفل الانتى فيرس الخارجى اذا كنت بتعتمد على انتى فيرس
اذا كان انتى فيرس الويندوز فعال اذهب الى كونترول بانل ثم اكتب فى خانه البحث اعلاها Anti هتلاحظ ظهور جدار الحمايه Windows Defender افتحه
ادخل على Settings ثم اوقف نشاطه
اذهب الى ملف الرار المضغوط الموجود بداخله الكراك وجميع ملفات steam dll وفك الضغط عنه وانقلها لنفس مسار اللعبه الموجود بالصوره او حسب المسار الصحيح
اذا اللعبه اشتغلت اذهب الى برنامج الحمايه واختار استثناء فولدر باتمان من اى عمليه سكان او البحث عن الفيروسات
peter magdy mon
16-01-2016, 09:48
متشكر جدا جدا لمساعدتك يا استاذ ابراهيم
فعلا كلام حضرتك سليم - مكنتش مسطب برنامج
لانى مش حاطط انتى فيرس و قافل برنامج ويندوز ديفندر
اول ما سطبت البرنامج اللعبة اشتغلت على طول و بدون مشاكل الحمد لله - لكن ثابتة على 31 فريم سواء مع اقل اعدادات او اقصى اعدادات على دقة 1080
عدد الفريمات ثابت و بدون اى تقطيع او مشاكل اثناء اللعب
انا كدة تمام و اكمل على كدة ولا فى حل يرفع عدد الفريم - علشان اول ما نزلت جربتها على جهازى القديم و كانت بتموت و كان فيها مشاكل
ف اية رأى حضرتك
شكرا
phenomenon
16-01-2016, 11:31
الشكر لله .. بصراحه انا مش متذكر شكل قائمه اللعبه لكن اتذكر ان فيها خيار بيثبت V-Sync على تردد 30hz ودا هيتعب عنيك ( مش كل الناس )
وفى خيار بيفتح الـ V-SYNC على 60 اطار وده مثالى للعين لكن مع puce of crap like BAK ممكن تلاحظ تقطيع بدون سبب خصوصا اثناء ركوب باتموبيل

لو انت مرتاح مع الخيار الاول كمل معاه بس بصراحه متعب اوى والجميع اشتكى منه على نسخه الكومبيوتر
جرب الحل الموجود فى توقيعى لكن لو الويندوز 10 بصراحه مش ضامن نجاحه
peter magdy mon
18-01-2016, 00:09
متشكر جدا يا استاذ ابراهيم
فعلا جربت الاداة الموجودة فى موضوع حضرتك و فعلا عملت فرق كبير
انا شغلتها على اعلى اعدادات و مظبط الفريم لحد 63 و شغالة على 63 فريم
بس اللعبة بتوصل فيها استهلاك الرام الى 8.5 جيجا
انا متشكر جدا لانها باين عليها لعبة حلوة و خسارة تعدى علينا
و خصوصا لما سمعت ان خلال العامين القادمين هيبقى صعب تكريك الالعاب - وربنا يستر - ههههههه
متشكر جدا جدا جدا على تعبك معايا - ودة مش جديد على حضرتك
الف شكر
peter magdy mon
18-01-2016, 02:37
كلام حضرتك سليم 100%
انا مع كل نقطة قلتها و خصوصا ان فى ناس ممكن تلعب اللعبة بكراك و ناس تشتريها
لكن الاكيد ان كل محبى الالعاب بيشترو احدث المنصات علشان يقدرو يشغلو الالعاب - فلو الشركات كلها نفذت نفس فكرة لعبة
اعتقد ان شركات الهاردوير الكلام دة اكيد اكيد مش فى صالحها نهائى لانها على الاقل هتبقى خسايرها فادحة - لانها هتخسر فئة اللى بيلعبو بكراك و انا منهم - و دى نسبة لا يستهان بيها - وزى ما حضرتك ذكرت البلاد اللى بتلعب بكراك زى حالتنا
بسبب اسعار الالعاب و النت البطئ فى مصر - و بسبب الكلام دة معتقدش انى ممكن احدث جهازى مستقبلا لان مش هيبقى لية لازمة
و اعتقادى الشخصى ان شركات الهاردوير هيتفقو انهم يساندو فريق هاكرمشهور زى 3dm او يجمعو هما فريق و هيكون ميزانيتة ضخمة علشان مافيش لعبة تقف قدامة
و يارب تكون الحركة دى فى اللعبة دى بس و متتكررش تانى فى باقى الالعاب
و استفد من خبرة حضرتك و طريقة شرحك للموضوع
و دايما ممتعنا بموضوع حضرتك الشيقة
متشكر جدا جدا