Gigabyte gtx 950

[Aemad]

كنت ناوي أشتري gigabyte gtx 950
فأية أفضل شاشة تشتغل معاة بمعني أني عايز استفيد من أمكانيات الكارت بحجم شاشة تتوافق مع امكانياته ؟

وايه افضل شركات مصنعه للشاشات ؟

[phenomenon]

خليك فى رتج 1920x1080 او 1600x900
هو المفروض انك تعكس السؤال - يعنى نقول هل كارت GTX 950 2GB مناسب لشاشه 1920x1080
فهنقول ان شاء الله مناسب لكن لو محتاج تضمن اداء سريع مع جميع الالعاب وجوده الترا يلزمك كارت 4GB
مش عشان الكارت هيكون 4GB فقط ولكن عشان معالج الجرافيك اللى بيجى ب 4GB حاليا اعلى واسرع مع كثافه بيانات الالعاب

فى نفس الوقت اذا فكرت فى GTX 960 & R9-380 مش هيعطولك اداء سريع وجوده الترا مع جميع الالعاب على ابعاد الشاشتين بنفس كفائه
كارتين زى GTX 970 & R9-390 افتره طويله

كارت GTX 950 2GB ممكن يعطيلك اداء سريع وجوده الترا على لعبه ولعبه تانيه يعطيلك جوده High او حتى Medium
ممكن تتنازل عن بعض تاثيرات الظلال او التنعيم من قوائم اللعبه عشان خاطر ترفع خيار Textures + Sharers الى High + Ultra فى الالعاب دى
ممكن يعطيلك اداء 60 اطار على ابعاد 1080 لكن طبيعى لو الشاشه 1600x900 هيعطيلك عدد اطارات اكبر او هيسمح بزياده جوده بعض الالعدادات
لكن كل ما ابعاد الشاشه كانت اكبر زادت فى نقاء الصوره ودقه الوضوح

BENQ حاليا افضل شاشات الالعاب فى رنج مختلف من الميزانيات
AOC ايضا بتقدم نفس المميزات
ASUS بتهتم بنفس الشىء

شاشات الالعاب غالبا بتكون panel : TN Type
شاشات الافلام العائليه بتكون غالبا panel : IPS لانها بتقدم نسبه وضوح افضل فى الالوان عشان خاطر اللى هيبقى قاعد على زوايا يمين او شمال قصاد الشاشه
لكن مع هذا لا يوجه شاشه IPS مثاليه حتى الان بكفائه التليفزيونات فى وضوح الالوان بمختلف زوايا الرؤيه البصريه ليها

شاشات الالعاب 60hz تعتبر قياسيه ولابد من توفيرها وتوفير كارت شاشه بيقدر يحصل 60 اطار فى الالعاب بتاعتك عليها
شاشات الالعاب 120hz تعتبر شاشات حماسيه ومطلوبه جدا لهاويين العاب الشوتر لانها اسرع فى زمن الاستجابه وسلاسه الاداء
شاشات الالعاب 144hz شاشات الميزانيات المفتوحه وهى افضل واسرع شاشات فى معالجه الـــ LAG وتاخير حركه الـ Motion Blur
شاشات G-Sync 144Hz بتعطيلك حريه فى سلاسه الاداء وبتعالج screen tearing ونفس الوقت مش هتلاحظ Lag or Screen stuttering اذا
هبطت اعداد اطرات المعالج حتى 30 اطار
اكيد كل الشاشات السابقه فيها مميزات لا تعد ولا تحصى ولكن سؤالك صعب جدا اخى فى تحديد الاجابه السريعه عليه عشان كده دخلنا فى المسائل دى

انا رايى ان الكارت ادائه ممتاز جدا اذا كان مناسب لميزانيتك وموجود مع ناس كتير فى المنتدى هنا راضيين وسعيدين بادائه بصوره كامله
اشترى شاشه 1080p FHD سواء كانت 21inch او 24inch او اللى تناسب ميزانيتك

كل الشركات محترمه ولكن شوف الموديل اللى انت مرتاحله
شاشه Samsung مش افضل من شاشه HP ولا شاشه HP افضل من Samsung
لكن انت ممكن تشترى شاشه Samsung تلاقى متطلباتك فيها واعلى فى الخصائص عن شاشه HP اللى موجوده بنفس السعر
بوجهه عام شاشات BENQ حاليا افضل شاشه للالعاب لانها متعدده الفئات الطبقيه وممكن تتابع مواقع الشاشات وانظمه العرض تتاكد من الكلام ده بنفسك
فى شاشات BENQ مش موجهه للالعاب بشكل كامل ولكن فيها خصائص بتحاول تعالج التقطيعه اللى بتحصل فى الالعاب
اذا كنت بتفعل V-Sync بالالعاب والكارت ادائه قل من 60 اطار وحتى 55 او 50 اطار

ممكن حد يرشحلك شاشه لانى بصراحه مش بعرف ارشح شاشات اطلاقا

[Aemad]

شكراً ا/Phenomenon (https://arabhardware.com/forum/member.php?u=11301600)
والرؤية وضحت بعض الشئ
لكن حالياً في تقسيمات للشاشة لـ 3 LCD - LED - PLS فأيه الفرق بينهم ؟

وفيه قدامي 3 ماركات فأيه افضلهم :
Samsung SyncMaster S22C350h 21.5 Inch LED LCD
BenQ DL2215 21.5 Inch LED
Asus VS228HR 21.5 Inch LED

[phenomenon]

الشكر لله اخى الكريم وهنا تجد اجابه على السؤال الاول (https://arabhardware.com/forum/showthread.php?t=349371)
والله يا اخ احمد الموضوع بسيط ولكن بفضل اجتنابه - اتمنى انك تلاقى موديل كويس والاخوه الكرام يرشحولك شاشات ليهم تجربه معاها
شاشه سامسونج بانل تايب PLS وبالتاكيد هتكون افضل فى سطوع الالوان عن اى شاشه TN
ولكن لما نتكلم على شاشات سامسونج تحديدا PLS للميزانيات الضعيفه فالغالبيه العظمى ترجح انها الاسوا من وسط الجميع
بالرغم ان فى ناس بتفضل الاعتماد عليها ولكن فى احدى المرات اتذكر انى فضلت اعد اكتر من 7 عيوب فيها لاحد الاعضاء
لذلك شاشات سامسونج فى السوق PLS نايمه جدا لانها من اجل الاستخدام العائلى وفى نفس الوقت مفترض تكون جيده بالالعاب الا ان فيها عيوب كتير
للاسف النت مش مساعدنى حاليا انى اشوف خصائص التلات شاشات وان شاء الله تسمع بقيه الاراء

[totyyyd]

Samsung SyncMaster S22C350h 21.5 Inch LED LCD