طلب مساعدة فى شراء جهاز شبه جديد

[mroshdy]

السلام عليكم انا كنت عايز اشترى جهاز شبه جديد .. انا عندى hard مساحته 1 تيرا ساتا و عندى كارت شاشة AMD كان 1 جيجا بس مش فاكر رقمه بس كان غالبا Sapphire 7770 بس مش متاكد كنت مشغله مع power supply 350 watt و كان شغال كويس فانا كنت عايز اشترى mother board و processor و رامات و كاسا .. الميزانية المتاحة 2500 جنيه ممكن توصل ل 3000 جنيه اذا لزم الامر .. انا كنت حاجيب processor i3 بس كان فى كذا نوع و generation فكنت عايز اعرف بيكون ايه الاختلاف و ايه الانسب و ال mother board كان فى gigabyte H81 و سعرها حوالى 570 جنيه بس انا لما عملت search لقيت كذا نوع منها و كذا model مثلا واحدة فيها hd و واحدة لأ و انا حاجبها فيها كارت شاشة build in لان لو كارت الشاشة ال AMD حصله حاجة ممكن مجبش كارت شاشة بسرعة .. الكاسا كنت حجيب coolermaster 400 watt دى كانت عاملة 550 جنيه و فى ال 500 watt كانت عاملة 750 جنيه فغالبا حاجيب ال400 watt و الرامات انا معرفش فى اختلافات فيها ولا لأ بس انا حاجيب 4 جيجا مبدئيا و حازود 4 بعد كدة مش دلوقتى .. فانا كنت عايز اعرف كدة تجميعة كويسة و كنت عايز اعرف اسعار الاربع حاجات دول....
1-processor i3 الاسعار و انواعه و ال cashe المناسبة
2- mother board h81 اسعارها و انوعها و كمان لو فى حاجة احسن منها او موديل افضل فى نفس السعر بتاعها او ازيد حاجة بسيطة
3- كاسا cooller master سعرها كام و ايه الانسب لكارت الشاشة الى موجود 400 ولا 500 watt
4- سعر الرامات و ايه افضل نوع و ايه الختلافات

انا اسف على الاطالة لكن ارجو الافادة و شكرا ليكم

[الواد ميشو]

تماام مبدأيا ... حاول تجيب كيسة منفردة وباور منفرد
فالكيسة ممكن تبقى cooler master haf 912 combat@ 550
والباور seasonic s12 520wt @ 600
والبروسيسور core i3-4160 @ 975
ملحوظة : اي بروسيسور i3 الكاش بتاعه 3 ميجا ودلوقت السهل تلاقيه الجيل الرابع hasewell وممكن تلاقي جيل تالت بس قديم وبلاش وممكن شوية وتلاقي الجيل السادس نزل skylake بس ممكن تلاقي سعره مرتفع نسبيا.. ولو لاقيت i3 مش هتلاقي اختلاف كبير في السعر لا يتجاوز 50
والبوردا @ 650 ASUS h81 gamer شخصيا شايفها مناسبة
والاختلاف مش هيبقى كبيير اووي بينهم لان كلهم نفس ال chip اللي هي h81 بس ممكن تلاقي منافذ مختلفة او لوحة بها كارت داخلى او لا والاسعار ما بين 500 ل 600 واللوحة المذكورة اغلاهم تقريبا لانها بها اضافات مختلفة شوية زي كارت صوت قووي واربه بانكات رامات

والرامات خلينا kingston hyper x fury 4g DDR3 @ 250
افضل الانواع ال corsair g.skill .. وحاول دائما تبحث عن التوقيت الاقل والفولتيه الاقل والتردد العالي
يعني لو رامتين 4g 1600 بس واحدة CL 9 والتانية 11 فالافضل ال9 (سرعة الاستجابة)
ولو كانت بفولت أقل تبقى أفضل وأفضل

وكدا المجموع 3025
وطبعا ممكن يقل لو حضرتك اخترت الكيسة المدمج معها الباور بس رأي خليك في ال500 لان أفضل لو حبيت تغير كارت الشاشة
بس زي ما ذكرت حاول تخليهم منفصلين

وبالتوفيق

[mroshdy]

شكرا لحضرتك

[mroshdy]

معلش هو انا عندى سؤال انا حاجيب دلوقتى motherboard H81 فدخلت على النت على موقع gigabyte و Asus فلقيت على موقع gigabyte انواع منها و اختلافات ... فكنت عايز اعرف الفروق بتكون فى ايه و ايه الانسب ... انا لاحظت ان الفروق بتكون فى حاجات بسيطة زى فى واحدة فيها dvi و واحدة hdmi و كدة .... و عايز اعرف سعر ال kingston 8 gb hyper x سعرها بيكون كام ..... و الprocessor لقيت i3 الجيل الرابع 3 mb cache فالبنسة لل processor فى اى حاجة تانية محتاج اسئل عليها .... بالنسبة للرامات هو ايه الفرق بين fury و ال predator و ال impact و ال savage و ال beast

[الواد ميشو]

تمام ...
Asus H81-GAMER Socket LGA 1150 Motherboard @650
Gigabyte GA-H81M-S2PH Socket 1150 Motherboard @600


Gigabyte GA-H81M-S2PT Socket 1150 Motherboard @570
ASUS H81M-V3 LGA1150 Motherboard @550
Gigabyte GA-H81M-S2PV LGA 1150 Motherboard @560
ASUS H81M-A LGA1150 Motherboard @535
MSI H81M-E33 Socket 1150 Motherboard @550


حضرتك مقدما الشريحة ضعيفة او امكانيتها قليلة.
ودول أغلب الموديلات او كلها اللي ممكن تلاقيها في مصر هنا ومتوسط الاسعار (بس ممكن يكون فيه اختلاف حسب المكان).
ملحوظة : اكتر الاختلافات هتلاقيها في منافذ usb 2 زيادة او منافذ خرج للشاشة مختلفة -دول الشائعين-وتشوف حضرتك اللي يناسبك .. لو هتأجل كارت الشاشة يبقى لازم تختار بوردا فيها مخارج شاشة والشاشة اللي عند حضرتك تدعمها زي يكون منفذ vga (دا العام او العادي) ومنفذ DVI كدا خد بالك قصدي
وعمتا البوردا تقبل 2 usb 3.0 وكلهم في الخلف و2 بانك للرامات ..وممكن تلاقي بوردا فيها مكان لمروحة زيادة .. وكمان الشريحة مش كل منفاذ الساتا (ٍSATA 3.0)..ومنفذ PCIe من الجيل التاني طبعا الشرائح الأعلى من الجيل الـ3 وكمان الكروت الحديثة... وبلاش تختار واحدة فيها منافذ الــparallel بتاعت الطابعة والحاجات اللي ما حدش بيستخدمها دلوقت.. وارشح لحضرتك asus gamer لانها اربع بانكات رامات وكمان تقبل 2 مروحة(شخصيا بهتم بالمرواح-ههه) وسعرهاا معقووول
جدا غير الصوت وكدا ..,

البروسيسورi3 مش محتاج تسال الا على سرعته اهم حاجة وتقريبا اسرع واحد 4160
والرامات ممكن تلاقيها تختلف من تردد لفولتيه يعني الشركة ممكن تسمى حسب الاستخدام او الفئة الموجهة .. بس اهم حاجة توافق نوع الرامة مع نوع السوكيت اللي ف البوردا
وتمن الرامة المذكورة 450 جنيه


اتمنى اكون افادتك ... وبالتوفيق

[mroshdy]

شكرا جدا لحضرتك ... طبعا استفدت من كلام حضرتك

[H_KIMO]

برأىى بدل ما تجيب Core i3 ممكن تشترى AMD FX-8300 صفقة أفضل معالج أقوى يقارن بال Core i5 مع لوحة محترمة مليئة بالمزايا من كرت صوت لكرت شبكة وخلافه ورامات 8 جيجا باص 1866 وكيسة مناسبة بباور 400 بقترح

AMD FX-8300 3.3GHz Eight Core 16MB = 1125
MSI 970 GAMING = 970
Crucial Ballistix Elite 2*4GB DDR3 1866 CL9 1.5V = 560
Cooler Master CMP-350 Mid Tower Desktop Case + 400W PSU = 430
بإجمالى 3085 جنيه
وتحط كرت الشاشة اللى معاك وتدعيلى

[mroshdy]

شكرا لحضرتك