المساعد الشخصي الرقمي

مشاهدة النسخة كاملة : هام - استفسار بخصوص نظام التبريد في كيسه Cooler Master


Dark sider
17-01-2016, 15:22
السلام عليكم اخواني

عندي كيسه كولر ماستر فيها 4 مراوح
مروحه اماميه 120mm " لادخال هواء للكيسه"
مروحه خلفيه 120mm "لطرد الهواء من الكيسه"
مروحتان جانبيتان 90mm في باب الكيسه "لطرد الهواء من الكيسه"
فهل كدا نظام التبريد مظبوط ؟؟ ولو مش مظبوط ايه التعديلات المطلوبه ؟؟؟ وشكرا
Dark sider
17-01-2016, 18:14
????
Dark sider
17-01-2016, 22:48
هل من مجيب
N3V3RMiND.2016
18-01-2016, 14:30
و عليكم السلام,
شوف دا رأى الشخصى انت ماتشغلش بالك لان كل كيسه مختلفه عن التانيه فى التصميم يعنى فيه كيسات بتكون محكمة الغلق اكتر , و فيه كيسات بتكون فيها فتحات فى اماكن مختلفه و دا بيفرق فى طرد الهواء خارج الكيسه .
فالحل انك تجرب تشغيل المراوح المختلفه فى الكيسه و تقيس درجة حرارة المكونات (الهارد و المعالج و كارت الشاشه) عن طريق برنامج و بعدين توقف احد مراوح الكيسه و تعيد القياس لدرجة الحراره و تجرب مع ايقاف و تشغيل مراوح مختلفه و فى النهايه تشوف ايه اقل درجة حراره يبقى هو ده انسب حاجه للمراوح .
SemsemBanhawy
18-01-2016, 14:57
اعتقد مشكلتك هي في ان عدد مراوح الطرد اكثر من مراوح ادخال الهواء كثيرأ
حاول تعديل النظام ليصبح 2x2 وليس 3x1
phenomenon
18-01-2016, 15:26
راى الشخصى ان النظام بالشكل ده صحيح
الهواء البارد كثافته اتقل من الهواء الساخن وبالتالى المروحه الاماميه بتقوم بدورها فى مكانها بشكل سليم وبتدخل هواء بارد للاجزاء
المروحه الخلفيه بتاخد الهواء الناج عن طرد حراره مشتت البروسيسور
مروحتين فى الباب لطرد الهواء الناتج عن مشتتات كارت الشاشه
النظام صح لكن انا متفق جدا مع اللاراى
كل كيس وكل غرفه ليها طريقه بغض النظر ان عدد المراوح فى الكيس مهما زاد مش قضيه كبيره ولكن فى نفس الوقت مش قضيه خسرانه بالعكس ايجابيه

الموضوع كمان بيرجع لكفائه المراوح وسرعاتها وحجمها
مراوح 120mm صوتها عالى ولكن سريعه وكفائتها افضل فى التبريد من مراوح 200mm انواع كتير جدا

افترض ان فى شباك خلف الكيسه يبقى المفروض تعكس نظام التبريد وتخلى ال Rear لدخول الهواء والامام exhaust او شفط وتشتيت

راى شيل مروحه من الباب وهاتها بعد الاماميه فى منتصف الكيس بنفس نظام الاماميه وبالشكل ده فى تساوى فى المراوح زى اراء الاخوه
وبالشكل ده المروحه الاماميه هتسلم الهواء البارد للمروحه اللى بعدها من فوق الهاردات وتحدفها على اجزاء اللوحه

هما طريقتين مالهمشى تالت يا اما تبريد يا اما تشتيت يعنى لازم كل المراوح تبقى فى اتجاه واحد بس داخل الكيس مينفعشى عكس بعض ( نظريا )
فى النهايه مشهتحس باى فرق ولكن المروحه الاماميه ايجابيه جدا وكمان الخلفيه لانها بتسحب الهواء من فوق بورده الكارت الناتج عن مشتت المعالج خاصه لو ضخم ومن فوق دوائر الفولتيه
لو فى سقف الكيس مكان فاضى هتضيف مروحه وبردو للتشتيت مش لدخول الهواء لدائره الفولتيه
اما لو فى مروحه سقف بتحدف هواء بارد فى الصيف هتعكس الدنيا وتخلى الاماميه للطرد وتبقى مروحه سقف الكيس لدخول هواء بارد

الموضوع ده ممكن يفيدك
كيف تصل الى افضل تبريد (https://arabhardware.com/forum/showthread.php?t=384109)