المساعد الشخصي الرقمي

مشاهدة النسخة كاملة : مشكله في hp 8000 واريد رائيكم


Abd el moazz
31-01-2016, 13:01
بسم الله الرحمن الرحيم
اولا ارجو تقبلي لاني عضو جديد وهذا اول موضوع لي في هذا المنتدي :ah7:

المشكله
من 4 شهور اشتريت كيسه 8000 hp بحيث انها من الفئه المتوسطه والجيده في السعر
امكانيات
بروسيسور : core 2 quad q9550 cash 12m
رامات : 4
كانت بدون هارد وكارت شاشه ب 950 جنيه من مول البستان
دلوقتي اشتريت كارت شاشاه : r7 260x giga byte v3 /85 watt
جيت اركبه لاقيته 6 بن ومعاه كونفرت 6 بن الداتا القديم
وطبعا الكيس الاوريجنال مفهاش داتا و دورت علي الساتا ملاقيتش
اتصلت بواحد قالي هعملعولك يدوي و قالي الباور بتاعك كام قلتله 320 سكت وقالي اسم كيستك ايه قلتله 8000
قالي بلاش علشان البوار واخد من البورده ومش من الباور سبلاي وطبعا انا مش فاهمه
وقالي لو ركبت الكارت ممكن يطير البورده

السؤال

هل كلامه صح ؟؟ :(

ولو صح هل ممكن اغير الباور سبلاي واجيب 500 وات اوريجنال ؟ ويكون ده حل :D

وهل الكونفرت الساتا ضار ؟ او ممكن الاقيه جاهز لو مش ضار

ولو لا لو حبيت ابيع الكيسه علي الامكانيات دي بدون الكارت هتعمل كام ؟:rolleyes:
ahmad2006771
31-01-2016, 13:26
اولا الكيسة تاور ولا ديسكتوب لان ده اللي هيحددلك اذا كنت تقدر تغير الباور ولا لأ
ثانيا يوجد وصلة باور 6 بن ساتا ومتوفرة وببتباع عادي وهي غير ضارة ولو انت عايز ممكن ابعتلك اسم ورقم تليفون البائع ولكن في رسالة خاصة وليس على العام علشان ده ممنوع في قسم المشكلات كتابة اسماء وارقام تليفونات التجار والبائعين
ثالثا الكارت ده محتاج باور 450 وات فعلي علشان يشتغل تمام وتكون مطمن عليه وعلى الهارد وباقي مكونات الجهاز يعني مش ينفع تشغله على الباور اللي عندك
رابعا بصراحه انت اشتريت الكيسة غالية جدا وبالسعر ده كنت تقدر كيسة لينوفو او Acer كور i3 ولو زودت 200 جنيه كمان فوق ال 950 جنيه كنت تشتري كيسة اوريجينال كور i5 او كيسة وركستيشن قوية زي dell t3500
Abd el moazz
31-01-2016, 13:33
شكرا لرد حضرتك
الكيسه تاور
باريت تقولي اتواصل مع حضرتك ازي بخصوص الوصله
بالنسبه لغلاء الكيسه فكلامك صحيح لاني ساعتها اشتريتها والاسعار كلها رافعه واستغبيت :(
بالنسبه للباور فمكتوب علي الكروتونه max power =85 watt لانه فيرجن 3
طيب لو حبيت اغيير الباور واجيب 500 مثلا زي باور لينوفو s20 هينفع ؟ او اي باور وركستيشن ؟
ahmad2006771
31-01-2016, 13:44
مادام الكيسة تاور ممكن تغير الباور عادي
وبالنسبه للوصلة الساتا في واحد صديقي كان اشترى كارت شاشة من واحد في شبرا واشترى منه وصلة باور ساتا مع الكارت وانا هدخل على صفحتك واكتبلك اسمه وعنوانه ورقمه وصفحته هنا على المنتدى لان هو عضو في هذا المنتدى معانا ولكني في نفس الوقت انصحك مش تجازف وتركب الكارت على الباور اللي عندك ولكن اشتري باور 500 وات فعلي والباور نفسه بيكون فيه كابلين 6 بن لكروت الشاشة علشان الكارت مش يبوظ منك والوصله اصلا غاليه صاحبي كان شاريها ب25 جنيه - وفر تمن الوصله وادفعه في الباور افضل وممكن تشتري باور 500 وات مستعمل 175 جنيه تقريبا
Abd el moazz
31-01-2016, 13:46
مادام الكيسة تاور ممكن تغير الباور عادي
وبالنسبه للوصلة الساتا في واحد صديقي كان اشترى كارت شاشة من واحد في شبرا واشترى منه وصلة باور ساتا مع الكارت وانا هدخل على صفحتك واكتبلك اسمه وعنوانه ورقمه وصفحته هنا على المنتدى لان هو عضو في هذا المنتدى معانا ولكني في نفس الوقت انصحك مش تجازف وتركب الكارت على الباور اللي عندك ولكن اشتري باور 500 وات فعلي والباور نفسه بيكون فيه كابلين 6 بن لكروت الشاشة علشان الكارت مش يبوظ منك والوصله اصلا غاليه صاحبي كان شاريها ب25 جنيه - وفر تمن الوصله وادفعه في الباور افضل وممكن تشتري باور 500 وات مستعمل 175 جنيه تقريبا


طيب الباور صيني ولا اوريجنال امريكي ؟
والي عندي يهمل كام ؟ 320 watt اوريجنال