المساعد الشخصي الرقمي

مشاهدة النسخة كاملة : شاشة LG 50LF6500 مشكلة في 3D برجاء الاهتمام بالرد


حسن 55
02-02-2016, 00:52
اشتريت شاشة LG 50LF6500 هي 3D سمارت وهي 50 بوصه لما شغلت عليها افلام 3D ظهر من علي الجانب اليمين والجانب الشمال اطار اسود والاطار ده بيزيد وبيقل مع حركة الصورة فانا مش عارف ده عيب في الشاشة في البنل ولا ده عادي لاني اول مره استخدم شاشه 3D فمش عارف ده عيب ولا ايه

الصورة دي للشاشه من الجانب والاطار الاسود مش ظاهر في المشهد


https://store1.up-00.com/2016-02/145436496834851.jpg

ودي صورة تاني وهو الاطار ظاهر مع تغير المشهد

https://store1.up-00.com/2016-02/145436496846622.jpg


وزي ماقولت لكم الاطار مش ثابت لا بيتغير من مشهد الي مشهد يعني حسب حركة الصورة


ودي صورة من الزاوية بتوضح الاطار الاسود

https://store1.up-00.com/2016-02/145436496865764.jpg


ودي صورة لما الاطار اختفي مع حركة الصورة

https://store1.up-00.com/2016-02/145436496855743.jpg



سؤالي لكل الاخوة اللي عندهم علم هل ده عيب في الشاشه ولا ده شيء طبيعي لاني اول مره استخدم 3d فمش عارف

الشاشة لسه جديده بقلها 15 يوم
kareka20
02-02-2016, 01:49
العيب مش فى الشاشه انت لازم تظبط الاعدادات كويس قبل تشغيل اى فيلم الشاشه عند جوز اختى واتفرجت على كذا فيلم عليها بس انا ظبط الاعدادات الاول كويس .والف مبروك عليك الشاشه بجد موديل محترم جدا من ال جى
حسن 55
02-02-2016, 02:03
يعني الموضوع ده عندك انت كمان ولا انت ماختش بالك من موضوع الاطار ده ؟
SheTos.
02-02-2016, 02:10
لا مش شيء طبيعي طبعا
انتظر حد يكون عندو نفس الشاشه و يراجع معاك الضبط
حسن 55
02-02-2016, 02:23
يا جماعة بالله عليكم عايز مساعده علشان الشاشة غاليه ولسه جديده فلو حد عارف ان دي مشكلة يقولي علشان اعرف اتعامل مع الشركة انا خايف يكون عيب بانل في الشاشة ياريت لو حد جرب 3d في شاشة LG يقولي دي مشكلة ولا لاء
zeka005
02-02-2016, 02:36
انت اكيد بتشغل الفيلم عن طريقة الفلاش ميموري و هي دي المشاكلة جرب تشغل الفيلم عن طريقة الكمبيوتر ويكون في كارت شاشة قوي اوجهازة بلوراي
حسن 55
02-02-2016, 02:43
طيب حضرتك ايه علاقة الفلاشة بالاطار الاسود ؟
neztiti
02-02-2016, 02:45
المشكلة هذه مع كل الافلام ؟؟ ممكن تكون من نفس الفيلم اللي بتشاهده
حسن 55
02-02-2016, 02:51
مع كل الافلام بس مش في كل المشاهد يعني ممكن مشهدين او ثلاثه في كل فيلم واحيانا بتكون في كل الفيلم من بدايته لاخره بس الاطار مش ثابت متحرك مع حركة الصورة
SheTos.
02-02-2016, 03:35
خد الشاشه و فلاشه اللي عليها الافلام و روح للمكان اللي انت اشترية
منو الشاشه اي نعم ال14 يوم خلصو بس برضو
روح قوله ع المشكله اللي معاك يمكن هو عارف ..
انا عندي شاشه سامسونج بس مبيحصلش
كده خالص حتي وانا مشغل من الفلاشه !
حسن 55
02-02-2016, 15:37
انا اتصلت بالشركة بالتليفون مفهموش المشكلة فقالولي هبعتلك مهندس واشرح له مشكلتك فأنتم ايه رايكم أقوله ايه وهل دي فعلاً مشكلة؟ يعني اصمم أن دي مشكلة حتي لو هو قالي أنها طبيعيه؟ ولا انتم ايه رايكم؟
MeR0
02-02-2016, 19:38
من وجهة نظرى لو انا مكانك
لو ينفع تعمل استبدال بجهاز تاني وتخلى الفني يجربه معاك حاول تصمم علي كده
انا شايف من الصور ان شكلها مشكلة
بس ان شاء الله خير وتطلع سليمة
Mahmoud 2013
03-02-2016, 10:23
جرب ماتشغلش الثري دي وشوف المشكلة هتحصل في نفس الفيلم ولا لأ لأن في الغالب المشكلة في الفيلم
وان لم تكن فسيكون بالأعدادات حاول تعمل الشاشة فول سكرين من الاوبشن وايضا جرب الحجم الاصلي من ضمن خيارات الاوبشن واخيرا جرب ديمو لمقاطع 3D التى تبع شاشة lg
zeka005
03-02-2016, 13:46
طيب حضرتك ايه علاقة الفلاشة بالاطار الاسود ؟

لاان الفلاشة مابيشغلش الافلام بشكل كويس وخصوصا ال3d علشن كدة بقلك جرب الفيلم البيعمل اطارة اسود علي كمبيوتر في كارت شاشة قوي الفيلم هيشتغل كويس و بدون اطار اسود و الشاشة الي عندك كويسة مفهاشة حاجة بس 3dعايز اعدات كويسة لانو بيختلف من فيلم لافيلم اخر ممكن الفيلم يشتغل من الفلاشة بكمال الشاشة بدون اطا اسود و فيلم اخرة يشتغل بي اطار اسود داي حسب الفيلم ومسحتو علي الفلاشة علشان كد ة بقولك جرب علي كمبيوتر
zeka005
03-02-2016, 13:57
هو الموضوع روزليشن الفيلم عالي علي الفلاشة فا الشاشة مش قدرة تجري العرض بكامل الشاشة
حسن 55
04-02-2016, 18:49
الف الف الف شكر ليكم علي تعبكم معايا وعلي الردود اللي حاولتم تحلوا مشكلتي بيها انا بشكركم بجد علي تعبكم واهتمامكم معايا

الحمد لله الموضوع طلع ضبط الإعدادات بطريقة معينه
والاطار المتحرك طلع ميزه وإمكانية ذكية من شركة إل جي أن الشاشه بتظبط نفسها بطريقة اتوماتيكية مع المشهد المعروض علي الشاشه علشان يديلك أفضل أداء لل3d والاوبشن ده ممكن تشغله أو توقفه حسب راحتك وانا لما عملت له اقاف الإطار اختفي

انا اول مره اشتري شاشة 3d فكنت خايف وجاهل بيها

انا عايز مساعدتكم أنكم ترشحلولي كارت شاشة للكمبيوتر عندي أشغل عليه افلام والعاب علي الشاشه دي بس عايز كارت رخيص علشان انا فلست خالص بعد ماشتريت الشاشه
فأنا عايز أرخص كارت يشغل افلام اتش دي و دي ومثلا بيس 2015
عايز كارت رخيص وينفع مع الشاشه والف الف شكر ليكم علي تعبكم واهتمامكم