المساعد الشخصي الرقمي

مشاهدة النسخة كاملة : مساعده فى اختيار شاشه 50 بوصه



shezo_egyption
17-02-2016, 20:38
شباب محتار بين 2 شاشه lg
ارجو الافادة
49 بوصه 631v رسيفر داخلى سمارت المفروض سعرها كان 5200 دلوقتى وصلت 5400
https://www.lg.com/nz/tvs/lg-49LF631V

لما سعر الى فاتت رفع قولت ممكن اجيب الشاشه دى

49 بوصه 6300 سمارت سعرها 5500

https://www.lg.com/us/tvs/lg-49LF6300-smart-led-tv


انا كنت مقرر اجيب الشاشه الاولى حتى لما غلت بس فيه شئ واحد بس قلقنى ips مكتوب فى الشاشه رقم 2 اما الشاشه رقم 1 مافيش اى كلام عنها
فطبعا تبقى مصيبه ادفع الفلوس دى كلها فى رقم واحد وافاجا انى مش شايف من الجنب والصورة بتتغير الونها من زوايا

ارجو الافاده لان احتمال كبير اروح اجبها بكره

MeR0
17-02-2016, 22:15
بص يا باشا انا مش خبير ولا هفتي في الي معرفوش بس هكلمك بعد لف ودوران كتير في الحوار ده :)

قدامك حل من اتنين يا تستني شهر 4 او 5 موديلات 2016 تنزل اكيد هتبقي افضل لو انت مش مستعجل
والسعر اعتقد الموديلات القديم المفروض يرخص والموديلات الجديدة هي الي هتنزل بسعر جديد

ولو انت مستعجل

انا اشتريت lg 43uf 770v
بس بصراحة مش عجابنى خالص وبفكر ارجعها

وافضل شخصيا و اختيار ي سامسونج
بس النصيب والظروف الي خلتني اجرب lg

حدد الاول ميزانيتك كام وحدد حجم الشاشة المناسب ليك والمناسب للغرفة والغرض من الشاشة الاساسى وكمان انت عاوزها uhd ولا fullhd
عاوز اوضح حاجة الموديلات الي بتنزل برسيفر
رائي الشخصي
الرسيفر الي فيها عقيم بمعني الكلمة :(
بطء في فتح قايمة القنوات ولما تحب تعدل مكان القناة خطوات كتير وهتموت علي ما ترتبها :) غير ان لو عندك كذا قمر القنوات كلها بتنزل في ليست واحدة

هو الاستفادة من الريسفر لو انت عاوز توفر وتقضيها بيه وخلاص
الموديلات الي حضرتك كاتبها كويسه

بس انا ارشحلك كام موديل وانت وميزانيتك واختيارك وعلي حسب هو متوافر ولا لا

Samsung UN40J6200
Samsung UN40JU6400
samsung 40ju6000
الموديلات دي ممتازة باختلاف احجامها
LG 49UF7600 بس مش عارف موجود ولا لا الموديل ده

او خليك في الموديل الي انا اشتريته بص عليه كده في الريفيو والمحلات جايز يعجبك وتقييمي ليه غلط
اصلي من النوع الي مبيعجبنيش العجب في اختيارى :)
وربنا يوفقك ويباركلك فيه مقدما

shezo_egyption
18-02-2016, 08:13
محتاج شاشه 50 بوصه اويعنى زى ما موجود 49
الميزانيه 5400 الحد الاقصى
المتطلبات لكل شئ ( حجم كبير - اشغل العاب عليها )

نقطه الشاشه الى فيها رسيفر داخلى ممكن اجنبها خالص واجيب رسيفر خارجى

الى مخلينى نفسى اجيب الموديل lf 631 انه 49 بوصه بحجم 50بوصه ولو شوفت مقاس الشاشه بتديك حجم اكبر من قياس ال50 بوصه كمان وهما كتبين كده فى فى مواصفاتها تردد الهيرتز بتعها 100mhz يعنى مناسبه للالعاب

الى مخوفنى منها جدااااااااااااااا انها مش ips خايف اشتريها افاجا انى مش شايف من زوايا والمفروض ان ماعدش الكلام ده (بس مافهاش ips ) ومش لاقى اى زوايه وضوح او اى معلومه عن زاويه رؤيا الشاشه


2- بخصوص المودل lf 6300 لذيذ وجميل مافهوش رسيفر مش مشكله وسئلت عليه اتضح انه 5200 ج بقى ارخص من النوع الاول
العيب الوحيد حجم الشاشه شاريها 49 بوصه كتبلك انها 48.5 تشوف قيايسات الشاشه تفاجا انها اقل كمان من كده يعنى ناقص 2.5 سم من طول وعرض


بس بدات اميل للشاشه 6300
لانى اعتقد انها الاحدث قليلا + ips عشان المجازفه
والهرتز بتعها 120 مقفله يعنى افضل فى كل شئ
غير ان ليها دعم يعنى تلاقيها كتير على النت ومقاطع يوتبوب انما مودل 631 غير موجود نهائى الا على موقع الشركه


على فكره انا برده مش بيعجبه العجب والتدقيق ده مرض احيانا عدم الفهم بيريح وتروح تشترى وخلاص

MeR0
18-02-2016, 20:05
الى مخلينى نفسى اجيب الموديل lf 631 انه 49 بوصه بحجم 50بوصه ولو شوفت مقاس الشاشه بتديك حجم اكبر من قياس ال50 بوصه كمان وهما كتبين كده فى فى مواصفاتها تردد الهيرتز بتعها 100mhz يعنى مناسبه للالعاب

الى مخوفنى منها جدااااااااااااااا انها مش ips خايف اشتريها افاجا انى مش شايف من زوايا والمفروض ان ماعدش الكلام ده (بس مافهاش ips ) ومش لاقى اى زوايه وضوح او اى معلومه عن زاويه رؤيا الشاشه

بص انا كنت مركز بردو في موضوع بانل ips زيك بس لاقيت انه مش الحاجة الي تخليك تتنازل عن شاشة افضل وفيها نقاء ووضوح
لو انت مركز في موضوع زوايا الرؤيا عندك سامسونج j6300 curved
بس ان الموضوع ده كترتيب في الاهمية يبقي رقم 2 او 3
لو انت حابب تتاكد اوي ان الموديل ده فيه ipsولا لا اتصل بخدمة عملاء شركة ال جي واسالهم
واسال بردو في منتديات الاجنبي غير ان شاء الله لما تشتريها اتاكد طبعا من الفني الي هناك وجايز بردو تكون مكتوبة علي الكرتونة


2- بخصوص المودل lf 6300 لذيذ وجميل مافهوش رسيفر مش مشكله وسئلت عليه اتضح انه 5200 ج بقى ارخص من النوع الاول
العيب الوحيد حجم الشاشه شاريها 49 بوصه كتبلك انها 48.5 تشوف قيايسات الشاشه تفاجا انها اقل كمان من كده يعنى ناقص 2.5 سم من طول وعرض

انت بتدقق في كام بوصة :) ياراجل كبر دماغك :)

بس بدات اميل للشاشه 6300
لانى اعتقد انها الاحدث قليلا + ips عشان المجازفه
والهرتز بتعها 120 مقفله يعنى افضل فى كل شئ
غير ان ليها دعم يعنى تلاقيها كتير على النت ومقاطع يوتبوب انما مودل 631 غير موجود نهائى الا على موقع الشركه
الموديل 6300 الي كاتبه حضرتك جميل بس تقريبا مش 2015
بس في الحجم الكبير
لو انت مهتم بحجم الشاشة شوف الموديلات دي
48J6200


Samsung UN48J5200


على فكره انا برده مش بيعجبه العجب والتدقيق ده مرض احيانا عدم الفهم بيريح وتروح تشترى وخلاص
عن تجربة انا عندى تلفزيون سامسونج وجبت lg بس انا شايف ومن وجهة نظري ان سامسونج تتفوق
حاول تبص علي الموديلات دي في الطبيعة وشوف انت مرتاح لايه اكتر وتوكل علي الله
علي الرغم ان في الستور حمادة وفي البيت حمادة تانى خالص :)