استفسار بالنسبه ل gtx 570

[mahmoudabdou19]

السلام عليكم
كنت بفكر اشتري كات gtx 570 من واحد صاحبي بس الباور عندي hec 500w فعاوز اعرف هل الباور بتاعي يشغله بثبات ولا لا
لان الكارت مكتوب انه طالب 550w

[DaktoorH]

هذا سؤال سيختلف عليه الناس. ولكن استخدام الجهاز كله بالكارت الشاشة هيكون حوالى 350 وات. ولكن فى موضوع لا يطيه الكثير بالا, ألا و هو, الكابل اللى طالع من الباورسبلاى عشان يدخل فى الكارت, اللى اسمه بالانجليزى "12V Rail" هيقدر يوصل قد ايه امبير؟ حضرتك محتاج على الأقل 38 أمبير, عشان الكارت يشتغل براحته.

حضرتك ممكن تجربه على جهازك قبل عملية الشراء للتأكد لا غير. اذا الجهاز شغل أى لعبة و معملش أى ريستارت يبقى ان شاء الله تبقى الدنيا كويسة. بس لو كنت مكانك, احط ايدى على قلبى.

ثانيا, حضرتك كان ليك مداخلة تانيه بخصوص الباورسبلاى. وواضح ان فى مشكلة ما فى الباورسبلاى بتاع حضرتك. فالأفضل و الأأمن, ان حضرتك تجيب باورسبلاى تانى.

هذا و الله أعلم.

[mahmoudabdou19]

انا شغال بكارت hd 5850 علي الباور من لما اشتريته والحمد لله مفيش مشاكل هوا بس المروحه بتعمل صوت شويه بس شغاله والحراره بتاعه الكات تمام ومتهيألي دا مش من الباور لان الكارت بيعمل صوت والكيسه ف واقفه في وضعها الطبيعي بس لما بنيم الكيسه ع جنبها الصوت بيختفي
انا مش عارف احدد هوا بيطلع كام امبير بالظبط لان مكتوب كذا حاجه
مكتوب تحت (+12v1) امبير 25
وتحت (+12v2) امبير 20
وتحت الاتنين دول444w
يارب حضرتك تكون فهمت الوصف انا بحاول ارفع صوره ليه بس الموقع مش راضي

[H_KIMO]

التغيير من HD5850 إلى GTX570 لا تستحق والفرق ليس كبيرا
دور على كرت تانى أحدث أفضل

[DaktoorH]

بالنسبة لسؤال حضرتك. ال GTX 570 هيبقى محتاج كابلين 6 بن, فبالتالى هيسحب التيار من الكابلين مش من كابل واحد, والكابلين, يكونوا مش من نفس المصدر طبعا, هيعملوا 45 أمبير. أنت كدا فى السليم ان شاء الله.

هذا و الله أعلم.

[mahmoudabdou19]

لو جبت كارت اعلي من كدا هحتاج اغير البروسيسور كمان
البروسيسو عندي q9400 ترشحلي كارت ايه احسن وميكونش فرق سعر كبير والاهم انه يبقي كويس مع البروسيسور بتاعي من غير ما احتاج اغيره

[mahmoudabdou19]

تمام شكرا لاهتمام حضرتك

[DaktoorH]

هو كارت الشاشة الأعلى اللى حضرتك عايز تجيبه...نوعه ايه؟

[mahmoudabdou19]

msi twin frozer 3 power edition

[DaktoorH]

معلش اعذرنى على سؤالى, MSI عاملة نسخة ل Nvidia و AMD. ودا فى الأغلب نظام تبريد أفضل و كسر سرعة معالج كارت الشاشة. اذا كان قصدك النسخة لنيفيديا, فأدائها هىبقى أفضل من من الموديل العادى. بس لو هتجيب حاجة أعلى, خليك فى الفئة السادسة أو فوق.

أنا كان قصدى, هتجيب مثلا GTX 660 أو GTX 770?

[mahmoudabdou19]

تمام هوا اعلي من العادي فعلا .... انا بس كنت عاوز اعرف هل الفرق بين كارتي و ال 5tx 570 يستاهل ولا لا
خصوصا ان الكارت عندي مكسور السرعه مصنعيا علي hd 5870 ومديني اداء جيد

[phenomenon]

اعتقد ان فى فرق فى الاداء اكيد
انتقالك من HD 5850 حتى الى GTX 560TI هتحس بفرق فى الاداء على ارض الواقع وفرق كبير واكيد فى درجات الحراره واستهلاك الطاقه
لكن ممكن نقول الانتقال نفسه مش صحيح
حاول تفكر باكتر من وجهه نظر واحده
الكروت الاحدث بقت افضل كتير فى درجه الحراره ونظريا فرصتها افضل انها تعيش فترات اطول
واستهلاكها بقى متميز فى الطاقه بكتير واذكى فى محافظتها على فلوسك
لو الميزانيه حاليا ضعيفه بيع 5850 وحاول تدبر مبلغ عليه وبعد كده ابدا فكر على مهلك ايه ممكن يتناسب معاك من الموديلات الاحدث

الزنه اللى انت بتسمعها من الباور ممكن تكون من المراوح او من المكثفات نفسها

[mahmoudabdou19]

طيب حضرتك تنصحني بكارت ايه بس يمشي مع بروسيور q9400 لانه مفيش نيه لتحديثه في الوقت الحالي

[DaktoorH]

ممكن حضرتك تحكى لنل عن مواصات جهازك بالتفصيل الدقيق كالتالى:
1-ماذربورد
2-الرامات

و أيضا, ما هى ميزانيتك لشراء كارت شاشة أعلى؟

[mahmoudabdou19]

الماذر ep41t ud3l
الرام 2x4 kingstone 4gb 1333
الميزانيه بقي 300 او 400 جنيه فوق الكارت اللي معايا

[DaktoorH]

مبدئيا الماذربورد فيها PCI Express 1.0. أى كارت شاشة جديد ممكن يشتغل عليع بس هيعانى من ظاهرة عنق الزجاجة.

الكارت اللى مع حضرتك دلوقتى هو كارت هيديلك اداء ممتاز فى معظم الألعاب فى الوقت الحالى.

فنصيحتى هى كالأتى: وفر فلوسك و حوش شويه كمان واعمل تحديث كامل للجهاز ككل. بالأضافة ان الميزانية المتوفرة اللى مع حضرتك دلوقتى مش هتجيب كارت شاشة أقوى من كارتك.

هذا والله أعلم.

[mahmoudabdou19]

تمام
الف شكرا لحضرتك