افضل بورد z77 تدعم كسر سرعة ثقيل

[m4md0u7]

السلام عليكم

ايه افضل بورد z77 اقدر اكسر عليها i7 3770K

لتردد 4.7Ghz بسهولة

[phenomenon]

ممكن تشترى لوحه سعرها 200$ وتحاول تكسر سرعه I7-3770K وتقدر توصل لـــ 4,7GHz على فولت 1.30v
ممكن تشترى لوحه سعرها 400$ وتحاول تكسر سرعه I7-3770K وتقدر توصل بالعافيه 4.6GHz على فولت 1.35v
I7-3770K الاول غير I7-3770K التانى
I7-3770K الاول سليكون تصنيع ماليزيا I7-3770K التانى تصنيع فيتنام I7-3770K التالت تصنيع كوستاريكا I7-3770K الرابع تصنيع دوله اخرى
كلهم معالج واحد لكن متقدرشى تراهن مين افضل واحد فيهم فى تصنيع السليكون نفسه ومتقدرشى تحدد اختيارك ايضا
بوجهه عام افضل لوحه = فى لوحات كتيره جدا جدا

GA-UP7 فيها 32 منفذ فولتيه ( 8 ) قنوات حقيقيه
GA-UP5-TH فيها 8 منافذ فولتيه ( 8 قنوات حقيقيه )

ASUS P8Z77-V Premium + ASUS P8Z77 DELUXE + P8Z77 Revolution كلهم 16 منفذ فولتيه ( 8 ) قنوات حقيقيه

[m4md0u7]

ممكن تشترى لوحه سعرها 200$ وتحاول تكسر سرعه I7-3770K وتقدر توصل لـــ 4,7GHz على فولت 1.30v
ممكن تشترى لوحه سعرها 400$ وتحاول تكسر سرعه I7-3770K وتقدر توصل بالعافيه 4.6GHz على فولت 1.35v
I7-3770K الاول غير I7-3770K التانى
I7-3770K الاول سليكون تصنيع ماليزيا I7-3770K التانى تصنيع فيتنام I7-3770K التالت تصنيع كوستاريكا I7-3770K الرابع تصنيع دوله اخرى
كلهم معالج واحد لكن متقدرشى تراهن مين افضل واحد فيهم فى تصنيع السليكون نفسه ومتقدرشى تحدد اختيارك ايضا
بوجهه عام افضل لوحه = فى لوحات كتيره جدا جدا

GA-UP7 فيها 32 منفذ فولتيه ( 8 ) قنوات حقيقيه
GA-UP5-TH فيها 8 منافذ فولتيه ( 8 قنوات حقيقيه )

ASUS P8Z77-V Premium + ASUS P8Z77 DELUXE + P8Z77 Revolution كلهم 16 منفذ فولتيه ( 8 ) قنوات حقيقيه



الموضوع طلع كبير يعنى البوردة مش مهم تكون غالية او رخيصة المهم الحظ الأوفر مع البروسيسور

[phenomenon]

لا مش كبير بس محتاج متابعه منك فقط لادراكه بشكل صحيح
فى لوحتين بيقدروا يكسروا سرعه المعالج على تردد واحد وفولتيه واحده بس فى واحده موفره فى الطاقه والاخرى لا - فى واحده تبريدها افضل من تبريد الاخرى
بوجهه عام اختيارك اقوى واغلى اللوحات صحيح والامر بقى متوقف على حظك فى باتش المعالج نفسه وخصائص التبريد معاك

[m4md0u7]

وصلت المعلومة طيب وايه افضل لوحة من حيث التبريد وتوفير الطاقة فى الفئة دى
وانا شايف ان لوحات asrock منتشرة اكتر من باقى اللوحات فى سوق المستعمل

[phenomenon]

اذا كان فى امامك موديل اتنين تلاته لاى شركه مناسبين لميزانيتك هات اسمائهم اولا ونشوف افضلهم فى كسر السرعه
لكن انا بالفعل ذكرتلك افضل واغلى لوحات كسر السرعه فى جيل 70 من حيث كل شىء - تابع ردى السابق

[m4md0u7]

انا متوفر امامى لوحة
ASUS P8Z77 DELUXE
ودى من اللوحات الى ذكرتها
وايضا asrock extreme4

[BAZOOKA_N2O]

توجد ايضا لوحات
ASUS Z77- SABERTOOTH
ASUS Z77-MAXIMUS V FORMULA
ASUS Z77- MAXIMUS V EXTREME

[m4md0u7]

توجد ايضا لوحات
ASUS Z77- SABERTOOTH
ASUS Z77-MAXIMUS V FORMULA
ASUS Z77- MAXIMUS V EXTREME

اللوحات ممتازة خصوصا MAXIMUS بس صعب انك تلاقيها بسهولة
شكرا على المشاركة

[phenomenon]

جميع اللوحات اللى اتذكرت فى الموضوع ممتازه
سواء Deluxe or premium or up7 or تقريبا افضل اخيتار واغلاهم يجى بعدهم Extreme و UD5 TH يجى بعدهم Sabertooth و Formula
اضعفهم فى كسر السرعه Extreme4 لان شركه ازروك فى الجيل ده كل منظمات فولتياتها كانت انالوج فقط وليست ديجيتال

[m4md0u7]

جميع اللوحات اللى اتذكرت فى الموضوع ممتازه
سواء Deluxe or premium or up7 or تقريبا افضل اخيتار واغلاهم يجى بعدهم Extreme و UD5 TH يجى بعدهم Sabertooth و Formula
اضعفهم فى كسر السرعه Extreme4 لان شركه ازروك فى الجيل ده كل منظمات فولتياتها كانت انالوج فقط وليست ديجيتال

شكرا على المساعدة والمعلومات القيمة انا عارف انى طولت فى الموضوع بس اهو نستفيد من اهل الخبرة

[phenomenon]

مفيش تطويل ولا حاجه شوف اللى حضرتك عايز تعرفه وضيفه فى اى قسم اى وقت

[m4md0u7]

الف شكر كلك زوق
فى
Extreme6 معروضة للبيع كنت ناوى اجبها الصراحة بس بعد مشاركات حضرتك فى الموضوع اتنقل تفكيرى للوحة Deluxe شكرا مرة تانية

[phenomenon]

الشكر لله
مش هكدب عليك .. مفيش فيها اى فرق فى كفائه كسر السرعه عن EXTREME4
لوحه Extreme4 بتستخدم ارخص واقدم انواع ترانستورز الطاقه
فى اسباب كتيره مهمه تخليك تدور على الترانستورز الاحدث اسفل مشتتات التبريد حوالين المعالج اذا كنت ناوى على كسر سرعه
اهمهم المحافظه على تقليل Ripple Noise وكفائه الطاقه ودرجات الحراره الاقل وبيعود عليك فى النهايه بكسر سرعه افضل

مجموعه الترانستورز اللى استخدمتها لوحه EXTREME4 نوعها D-PAK تصنيع شركه Webess اقل من 25A وتقييماتها منتهى السوء - ليه ؟
لاكتر من سبب واحد
اولا شركه انتل فى لوحاتها استخدمت مجموعه ترانستورز اعلى فى تقديم الطاقه - الكفائه - افضل فى تحمل درجات الحراره
اللوحه لا تسمح اطلاقا بكسر سرعه فى وجود مبردات مائيه والا فرصه تلف الترانستورز بنسبه 99.9% لارتفاع درجه حرارتها وارده

ازروك عشان منظلمهاش بتعطى لوحه Z77 professional + performance + OC Formual لازم اختيارك يكون وسط التلاته دول فقط
بالرغم من كده فهم ليسوا الافضل - ازروك بوجهه عام لم تبدا كشركه تنظر لامور كسر السرعه بقدر نظرتها للمستهلك البسيط
لكن فى الاوقات الاخيره بدات منافسه اقوى زيها زى MSI ومع ذلك لازالت نظره المستهلك البسيط مهمه جدا ليهم

هتلاقى كل منظمات الفولتيه فى لوحات ازروك Z77 بلا استثناء نوعها Analog بعكس موديلات عديده من جيجابايت واسيوس منظمات ديجيتال
مفيش فرق كبير لكن انت محتاج منظم ديجتال لانه اوفر فى استهلاك الطاقه - قادر على تدعيم عدد اكبر من قنوات الفولتيه

تخيل انت مع لوحه زى UP7 او DELUXE او Premium معاك دائره طاقه قادره على تقديم 400A امبير للمعالج المركزى وحده
دى لوحات مستعده للعمل فى اقصى الظروف ودرجات الحراره وقادره على توصيلك 5.0GHz اذا توافرت الظروف المناسبه من تبريد وباور وباتش معالج

نروح على لوحه زى Extreme4 / Extreme4 هتلاقيهم بسبب امتلاكك منظمات فولتيه انالوج فهى لا تمتلك القدره على تغزيه اى عدد اكبر من
منافذ فولتيه يقدر عددها باربعه قنوات فقط ومع ذلك لديك ترانستورز ضعيف وبالنهايه دائره طاقه ضعيفه
تواجهه صعوبه فى الاستقرار عليها مع الكسر + كفائه طاقه غير منتظمه + ارتفاع فى درجات الحراره وهبوط الاداء + احتماليه تلفيات وارده

طالما ناوى على كسر سرعه عالى وفى الفرص اللى بتسمح بكده لازم توصل لنظام كسر سرعه على لوحه ام تخليك فى النهايه
شغال 24/7 طوال الاسبوع او اى فتره مهما كانت شكل تحميلاتك كانها على ضوابط الـ Stock المصنعيه مفيش فرق سلبى كبير

يعنى مش عشان هزود فى طلب الامبير مع الكسر الاقى دائره الفولتيه ارتفعت من 40C الى 80C فى الضغط
بالشكل ده انت بنتهى عمر اللوحه تدريجيا بمرور الوقت بشكل اسرع
يعنى مش عشان طلب الطاقه بدا فى الزياده يتسبب الترانستورز فى تهريب عدد اكبر من الفولتيات يخلينى ادفع تمن
طاقه ضعف الطاقه اللى كنت بدفعها على حاله ستوك مرتين تلاته
ده غير انك هتواجهه مشاكل وصعوبه فى الاستقرار لو فكرت ترفع ترددات المعالج

لكن اللوحات الـ High-End بتوفر فرصه استقرار سريع وكفائه طاقه ذكيه ودرجات حراره ممتازه لا تتسبب ان المعالج درجته ترتفع
ولا الدائره نفسها درجاتها ترتفع وعموما لان منطقه المعالج دى معقده ومكونه من عده اجزاء مختلفه فلازم لو فكرت فى كسر سرعه
عليها يكون اختيارك افضل شىء ممكن

لكن للاسف لوحتين ازروك اللى انت اختارتهم او متاحين امامك ممكن تقول هما اسوا شىء ممكن قابلوك
ممكن منقلوشى اسوا وممكن ايوه يكسروا السرعه عادى لان معالج انتل عموما هادى فى طلب الطاقه
لكن فى احسن منهم وافضل منهم

اى لوحه من لوحات اسيوس اللى اتذكرت فى الموضوع افضل بمراحل واامن فى الاستقرار وجوده بناء اللوحه
لكن عشان منظلمشى ازروك هى ممتازه طبعا لكن كسر السرعه حاله شاذه

لوحه H61 من ازروك هى هى لوحه Z77 من اسيوس بالضبط لو ركبت عليهم معالج I7-3770 بضوابط مصنعيه وقياسيه
ابدا فكر فى I7-3770K + كسر سرعه = تختلف الموازين تماما وكل جنيه واحد ازيد فى تمن دائره الطاقه بيعود عليك بالنفع

فى معالج مكسور السرعه على فولت 1.30V بيستهلك 120W ولوحه بتستهلك 50W
نفس المعالج انقله على لوحه تانيه وحتى وان قدر يوصل للاستقرار على 1.30V لكن تتفاجىء انه بستهلك 200W ولوحه 90W
يبقى اللى انت وفرته فى تمن اللوحه الرخيصه هتدفعه فواتير كهرباء بمرور الوقت
دا غير ان ارتفاع الحراره اساسى دا غير ان وسائل التبريد تحديدا للمعالج بقت مسؤله عن طرد حراره power dissipation اعلى وشغاله بجهد اعلى وصوتها اعلى

خليك فى اسيوس ومش شرط DELUXE موديل Extreme ممتازه
ولوحات GIGABYTE Ultra Power/Durable دائما اختيارها مستحيل يعود عليك بخيبه امل وخصوصا UD7 + UD5 او UP7 + UP5 + UP3

لوحات اسيوس وجيجابايت احيانا بتستخدم عدد يقدر ب 10 layers طبقات مضغوطين عشان تتحمل درجات الحراره
مسار الـ circuit paths على ظهرهم واضح جدا ضخامته ومدى تحمله لمقدار طاقه مرتفع

الامر يمكن يكون ابسط من كده لكن لو بتفكر فى كسر سرعه 24/7 اكيد الامر مش بسيط
لان درجات الحراره الاعلى مع الفولتيات الاعلى مفيش شك بتنهى العمر اسرع
لكن لو كانت فولتياتك ودائره الطاقه بتاعتك شغاله بنفس الرنج الطبيعى ليها على حاله Stock
او فروق طفيفه لا تتعدى 3 او 4 درجات ؟ اذن مازالت ماشيه بعداد عمرها الافتراضى المصنعى

[m4md0u7]

مافيش بعد كدا دلوقتى فى انتظار لوحة من لوحات اسيوس و جيجا بايت وان شاء الله تتوافر فى القريب
والف شكر على المعلومات استفدت كتير