انا هشترى شاشة LG TV 55UF850T

[hany_elkfrawy]

انا هشترى شاشة LG TV 55UF850T
4K
3D
اسمارت
وانا بكلم الشركة قالى دا تصنيع كورى تقفيل مصرى خفت مش عارف اعمل اية هو فعلا كل اللى فى السوق كدا :ah8::ah8:
ومحتاج رأيكم النوع دا نضيف ولا اية النظام اعمل اية باللله عاليكم تدلونى يا اهل الخير
ودا فيديو للشاشة

https://www.youtube.com/watch?v=DzUndqZyApU

[phenomenon]

وايه المشكله ؟ انت قلقان لانها تصنيع كورى ولا لانها تقفيل مصرى ؟
شركه LG شركه كوريه
كمان احنا عندنا افضل امكانيات الهاردوير بيجيلنا تصنيع وتقفيل صينى بس ده مش معناه انه " صناعه صينيه "
بعض المواد الخام بيتم اضافتها بالتاكيد من بلد الصنع ( الصين )
لكن معايير تصنيعها وتقفيلها بيكون متفق عليها مسبقا حسب ما يراه خبراء ومهندسين التصنيع فى الشركه الاساسيه HQ وممنوع اى تجاوزات والا المصنع بيتقفل
انا رايى تقفيل مصرى او تقفيل اجنبى ميهمنيش
كمان عاوز اقولك ان اغلب شاشات سامسونج بقت تقفيل مصرى ايضا
التقفيل امره بسيط حتى لو متقفله فى الصعيد ميهمكش :)
المهم انها تثبت كفائتها فى اول فترات شغلها وميكونشى فى عيوب او سمعه سيئه للموديل او حد حزرك ان فى دفعه منها عانت من مشاكل
فى موديلات اجنبيه بتجيلنا فيها عيوب لا تعد ولا تحصى بالرغم انها تقفيل بلادها
كل الحكايه هترجعها طالما معاك فاتوره الضمان وتستلم موديل اخر افضل مفيهوش اى اخطاء
مبروك مقدما

[hany_elkfrawy]

سؤال الموديل دا كويس ولا اية النظام والشكرة LG افضل من أى شركة انا اسف على التطويل لان الشاشة مش بمبلغ صغير وشكرا ليك على ردك القيم

[phenomenon]

مفيش داعى للاسف اخى الفاضل .. لكن هكون صريح معاك
شخصيا مش من النوع اللى بعتمد على مبدا مين افضل Sony vs Toshipa
انا هشوف الميزانيه معايا كام وايه الموديلات المتوفره للشركتين واشوف انهو افضل موديل حاصل على سمعه وتقييمات افضل

عشان اكون صريح معاك اكتر .. انا مش هقدر ارد على سؤالك بالرغم انه ممكن يكون سهل لكن زى ماحضرتك قولت
التليفزيون سعره غالى ولو حتى رخيص
ممكن ارد عليك رد ضخم احسسك بيه انى فاهم لكن انا فى الحقيقه مش فاهم اى حاجه زى مثلا تلاقينى بقولك كده
" شركه LG هى من اضخم الشركات العريقه فى مجال تصنيع التليفزيونات والشاشات بافضل واحدث التقنيات البصريه التى تم الوصول اليها "
هل فهمت حاجه ؟ :)
ممكن اكملك واقولك موديل كذا كذا كذا موديل رائع وانسب موديل فى رنج الميزانيه مع حضرتك
بردو انا لو فى مكانك مفهمتش حاجه من رد زى ردى ده

انا عاوز واحد يقولى الشاشه دى فيها عيب كذا وكذا وكذا عشان ابقى مستعد وفاهم انا بضحى بايه
وعاوز واحد يقولى فى شاشه كذا كذا بتقدم كذا كذا كذا لكن عيبها ومميزاتها كذا كذا
كده هبقى مطمن ان اللى بيكلمنى فاهم ومدرك لكلامه واقدر اعتمد عليه والمهم انك متاخدشى كلامك من تجار طبعا ولا اصحاب ميول شخصيه
حتى لو اعتمدت على كلامه وظهر خطا فردى معايا فى المستقبل فهبقى واثق ان اللى رد عليا مالوش زنب ولا اقول منه لله لخبطلى دماغى
وربنا يعوض عليا

وبما ان المنتدى العربى اصبح بارد / نايم / بلا هدف وبلا قيمه وبلا ابداع حسى او اهتمام بالزوار فنصيحتى ليك سيب الموضوع هنا وتابعه من وقت للتانى
اى رد اضافى من اى حد ممكن يفيدك جدا ولو بجمله واحده لكن ياريت تطلع على المنتديات الاجنبيه اقسام العرض
ولان وسائل العرض بالالاف فممكن متلاقيش اجابات سهله او سريعه حتى من الاعضاء الاجانب لذلك انا بقولك اعمل موضوع فى اكتر من منتدى

انا بقول لحضرتك السؤال سهل لكن عشان ارد عليك فيه فانا بصراحه خبتى ضعيفه جدا فى التليفزيونات تكاد تكون معدومه
محتاج متابعه مقالات ومتابعه اراء اعضاء ومراجعات مختلفه من اكتر من مصدر كانك بتعمل بحث موسع للامر
والموضوع سهل ايوه لكن بصراحه مفيش نفسيه ولا فى تشجيع لا من منتدى ولا من اعضاء - فليه هتتعب قلبك فى حاجه مش هتفيد حد
حتى يمكن الالاف تستفاد بس ممكن 10 من الالالف هما اللى يقولولك شكر واحد - فعلى ايه بناقص الشكر

عاوز الصراحه حتى الشكر هنا بقيت تسمعه من الاعضاء القريبه منك بس اللى نفسهم يسمعوا اى جديد طول الوقت
لكن يمكن ميكونشى مستفاد لكن بيحاول يشجعك وبيقولك والله انا مش مستفاد بس كتر خيرك
لكن انت عاوز لما تعمل بحث موسع تسمع نقد وتسمع مناقشات وطلب تفسير وشرح اكتر لبعض النقاط
ما عليك اخى الفاضل لكن للاسف مش هقدر ارد على سؤالك فعلا عشان مظلمكشى

[hany_elkfrawy]

أصبت الهدف بجدارة فى كلامك الجاد والفعال وفعلا دا اللى انا بعملو وفعلا المنتديات العربية مافيها شئ واضح ومميز غير عرب هاردوير بنسبة 80 % وانا مقدر امجهودك فى اللى انتا بتقوم بية وفققك الله يا بشمهندس

[M_GTX]

سؤال الموديل دا كويس ولا اية النظام والشكرة LG افضل من أى شركة انا اسف على التطويل لان الشاشة مش بمبلغ صغير وشكرا ليك على ردك القيم

الشاشة LG UF850T موديل 2015 الشاشة حلوة جدا وان شاء الله متلقيش فيها مشاكل بس دلوقتى نزل منها موديل 2016 بنفس السعر تقريبا 12900 موديل LG UH850V الموديل ده فى خاصية HDR مش موجودة فى الموديل اللى قبلة ورسيفر داخلى ولك حرية الاختيار فما هو افضل لك

[إنـــســـان]

الشاشة LG UF850T موديل 2015 الشاشة حلوة جدا وان شاء الله متلقيش فيها مشاكل بس دلوقتى نزل منها موديل 2016 بنفس السعر تقريبا 12900 موديل LG UH850V الموديل ده فى خاصية HDR مش موجودة فى الموديل اللى قبلة ورسيفر داخلى ولك حرية الاختيار فما هو افضل لك

انا رأي من رأي الأخ M_GTX، حيث شاشة LG UH850V افضل وتحتوي تقنيات احدث، فأذا كانت تتوفر لديكم في السوق المحلية هذه الشاشة وضمن ميزانيتك فقم بشرائها بدون تردد، وهذه وجهة نظري الشخصية.

[moatez]

طب سؤال هو الفرق بين 49 و 55 كبير فى الحجم

[إنـــســـان]

طب سؤال هو الفرق بين 49 و 55 كبير فى الحجم

نعم يوجد فرق اما نسبة شعورك بهذا الفرق فهذا سيعتمد على حجم الغرفة وعلى ما اعتادة عليه عينك في السابق.

يفضل ان تذهب الى احد المتاجر وترى الحجمين وتحكم بنفسك.

[M_GTX]

الفرق فى الحجم مش كبير للدرجة بين ال 49 وال 55
ال 49 من 123cm الى 125cm
ال55 تقريبا 139cm
لكن الفرق فى الفلوس ;)
ال49 ب 8500
ال55ب 12990 يعنى وقفه عليك البوصة الزيادة ب 1000