المساعد الشخصي الرقمي

مشاهدة النسخة كاملة : عايز رايكم فى تلفزيون caira


omda120
26-03-2016, 10:13
السلام عليكم ورحمة الله و بركاته
ايه راى الخبراء هنا فى التلفزيون caira
40 بوصة
ودى صورته
32181
phenomenon
26-03-2016, 11:12
وعليكم السلام ورحمه الله .. اخبارك ايه يا ابو حمزه ؟ انت جايب صوره صعبه ... جدا :)
عموما انا رايى خليك فى الموديلات المشهوره افضل بيتهيالى انت شوفت الويل مع التليفزيون القديم وبصراحه معنديش فكره عن Ciara يمكن حد يقول رايه بردو احنا منتظرين :)
omda120
26-03-2016, 11:37
اهلا يا هيما منور الموضوع والله ما على يدك الشاشة مكفرانى وعايز اغيرها اللى مخلينى اخترت الشاشة دى انى حبيع القديمة و حكمل فرق مش كبير قووى و شايف ان مواصفاته جميلة بالنسبة للسعر و الحجم نما لو جبت شاشة الموديلات المعروفة و الكبيرة الميزانية حتزيد حوالى الف جنيه كمان على اللى حزوده على دى و صعب بصراحة واعتقد ان الشاشة عمرها ما حتكون بالواحشة اللى عندى دلوقتى بس بردو قولت اسال يمكن فيها عيوب قاتله تخلينى اندم على شراءها او حد يقول رايه فيها و يشجعنى اشتريها اصل مش كل الصناعات الصينى وحشة ؟
omda120
26-03-2016, 11:47
رابط الشاشة اهو يا هيما بص عليه و رايك الفنى وانطباعك يهمنى بردو وبعدين يا نجم انت لازم يكون ليك باع فى الشاشات لانه كترت و بقت انواع كتير و مهمة علشان تقدر تفدنا بخبرتك الكبيرة رابط الشاشة https://caira.uk.com/ar/led-tvs/ca-ld5840/#prettyPhoto
phenomenon
26-03-2016, 12:07
ربنا يبارك فيك اخى العزيز ان شاء الله انا متابع معاك
بصراحه انت فاجئتنى بموضوع صناعه صينى .. بص مشكله التصنيع الصينى مش انه وحش دائما بس مشكلته ان استمرار حالته على جودته اللى جاى بيها فتره طويله هى اللى بتقلق بس
عموما هرد عليك تانى باذن الله بس هى ميزانيه التليفزيون كام معاك ؟
omda120
26-03-2016, 12:30
بالنسبة للصناعة سالت على صفحتهم على الفيس الراجل قلى كورى صينى A+
مش عارف بقى يقصد ايه بــ A+ دى

الميزانية 2200 اخرى و ده علشان حبيع القديمة واكمل عليها
فاخرى 2200 جنيه :)
phenomenon
26-03-2016, 14:09
يا ابو حمزه ما تخليك فى توشيبا او سامسونج او ال جى حاجه كده 32 انش مضمونه
فى تليفزيونات جميله فى رنج الميزانيه دى من الشركات العاليه 32 انش اما لو شرطك 40 ومرتاح للشاشه دى نفسيا خلاص بس بصراحه مش هشجعك عليها الشاشه مالهاش اثر على جوجل ولا حتى الشركه
omda120
27-03-2016, 08:16
يا ابو حمزه ما تخليك فى توشيبا او سامسونج او ال جى حاجه كده 32 انش مضمونه
فى تليفزيونات جميله فى رنج الميزانيه دى من الشركات العاليه 32 انش اما لو شرطك 40 ومرتاح للشاشه دى نفسيا خلاص بس بصراحه مش هشجعك عليها الشاشه مالهاش اثر على جوجل ولا حتى الشركه

يا هيما انا معاك ان الماركات اضمن واحسن بس متنساش ان اللى عندى توشيبا و مش عجبانى خالص :D

وبالنسبة للشاشة دى انا مش مرتاح ليها ولا حاجة بس فى ناس اشترتها و بتشكر فيها و فى الونها

بس طبعا انا بحب اخد رايك انت بالذات لانك صاحب فكر عالى وليك مقياس ممتاز فى اختيار الاجهزة الالكترونية بصفة عامة وبتهتم بجودة التصنيع و الخامات

على العموم حصبر شوية يمكن القى عروض ولا اى حاجة عليها العين و تكون ماركة كويسة
phenomenon
27-03-2016, 14:22
طيب خلاص مبدا ان كل الناس بتقول انها جميله وراضيه عنها دى شهاده فى حقها تطمن بردو واذا مفيش حاجه بديله ليها يبقى توكل على الله وشوف بدايتها كده
والف شكر يا ابو حمزه على كلامك تحت امرك
على العموم والله انا محتار زيك وعاوز اجيب تليفزيون الفتره الجايه عشان خاطر USB فى المقام الاول بس لسى شويه فمش متابع اوى بصراحه ؟
omda120
28-03-2016, 08:07
يبقى عليك و على اقرب فرع كارفور ليك و شوف الشاشات على الطبيعة وقدام عينك وشوف مميزاته وانت اكيد حتعرف تقرر
galalaldin
11-04-2016, 11:42
السلام عليكم
خليك فى الماركات المشهور احسن
وبعدين شوف الامكانيات الى اتنت عايزها الاول وبعدين تقرار
وفى حد قال ليا قبل كدة على شاشة اسمها سيمفونك واخد البوردة بتاعتها من شركة ال جى
ولكن فى كافة الاحوال لازم تشوف الشاشة وهى شغال بنفس الفديو وبنفس الجودة
وركز على اللون الابيض
frozenzero
23-01-2017, 19:43
السلام عليكم
ياريت حضرتك تقولي هل اشتريت التلفزيون الكايرا ده؟ وايه رأي حضرتك فيه لحد دلوقتي؟ وايه الموديل بتاعه وسمارت ولا عادي؟
وشكراً لحضرتك



السلام عليكم ورحمة الله و بركاته
ايه راى الخبراء هنا فى التلفزيون caira
40 بوصة
ودى صورته
32181
abdalhaliem
23-01-2017, 21:51
الى كل الأخوه الذين يستفسرون

عن تلفزيون او شاشات كيرا ( caira )

وهى شاشات محترمه جداا

وأنا أقتنى واحده من أربع سنوات

لدرجه أنى قمت بشرائها لعدد من أفراد العائله

وقصه صناعتها فهى كالتوشيبا العربى ( طاهر العربى )

تقومون بجلب قطع مستورده وتجميعها بمصر

ولقد تعاملت مع التوكيل لكى أقوم بشراء ريموتات أضافيه

وبصراحه المندوب قدم ألى المنزل وقام بتجربه الريموتات أمامى

الشاشه محترمه وبها كل الكماليات التى تحتاجها

أتكلم على موديلات من أربع سنوات بالتأكيد الأن توجد عندهم موديلات أحدث

لاأعلم أن كان ردى جاء متأخراا من عدمه

لكن لعل أحد يريد الأستفسار لذا قمت بوضع ردى هذا

تحياتى للجميع
frozenzero
23-01-2017, 22:04
شكراً لحضرتك على الاهتمام بالرد، جزاك الله خيراً أخي عبدالحليم.
abdalhaliem
23-01-2017, 23:18
شكراً لحضرتك على الاهتمام بالرد، جزاك الله خيراً أخي عبدالحليم.

العفو أخى الكريم

ومبروك مقدماا على الشاشه

تحياتى
hamdy1959
24-01-2017, 17:25
ولقد تعاملت مع التوكيل لكى أقوم بشراء ريموتات أضافيه
أخى ... السلام عليكم ورحمة الله وبركاته
abdalhaliem (https://arabhardware.net/forum/member.php?u=16359)
اين هذا التوكيل وهل له فروع فى الاسكندرية
abdalhaliem
24-01-2017, 19:49
ولقد تعاملت مع التوكيل لكى أقوم بشراء ريموتات أضافيه
أخى ... السلام عليكم ورحمة الله وبركاته
abdalhaliem (https://arabhardware.net/forum/member.php?u=16359)
اين هذا التوكيل وهل له فروع فى الاسكندرية



الأخ الكريم

الذى فهمته منهم أن المصنع بالعاشر أو 6 أكتوبر

لاأتذكر المهم مكان بعيد عن الأسكندريه

ولكونى من قاطنى الأسكندريه

قمت بالتواصل معهم على صفحتهم بالفيس

https://www.facebook.com/cairayourrightmove/

وأنا معى رقم تليفونهم 01002511998

ومعى أيضاا تليفونات موظف عندهم

وتليفون مندوب لديهم

أذا أردتهم فقط أخبرنى

ولى رجاء عندك

من فضلك حجم الخط لايتعدى 3

تحياتى