الفرق بين المعماريات

[Frankenstien]

السلام عليكم
دلوقتي انا عاوز اجيب كرت شاشه فا كنت ناوي على 660ti او 760 او ال 7870 فا شفت مواضيع كتير بتتكلم عن ان المعماريه بتاعتهم قديمه و حجات غريبه كدا و انا ال GTX 950 احسن منهم و انا الصراحه عمري ما اصدق ال 950 احسن من الوحوش دول فا عاوز واحد فاهم في الحجات دي يقولي
1-هيا ايه المعماريه دي اساسا
2-ازاي ال 950 احسن من الكروت دي

علشان خلاص انا دماغي ورمت والله :D

[phenomenon]

وعليكم السلام ورحمه الله .. شوف اخى الفاضل قبل المعماريه

قبل ما اى موقع هاردوير بيحكم ويقول رايه فى معماريه معالج جرافيك او معالج مركزى بيبص لنقطه واحده وهى نقطه واحده بس لان التحدى الاول والاخير فيها وبس
بتقدم اداء كام فى الميه " % " على كل " 1W " هيستهلكه المعالج بالمعماريه دى
التحدى فى انك ازاى تصمم معماريه " معالج " اقل فى استهلاك الطاقه من المعماريه السابقه وفى نفس الوقت تقدم اداء اعلى من المعماريه السابقه

انت لو جيت تحسبها هتلاقى اجهزه الكومبيوتر الحماسيه حاليا عامله زى عداد التاكسى زمان شغاله عد كهرباء ومع ارتفاع اسعار شرائح الفواتير فى الدول الناميه والفقيره بقت ازمه
شغل اى لعبه دلوقتى تقيله على كارت شاشه تقيل واطلع بص على العداد هتحس انك مشغل تكييف او مكواه او سخان والقرص عمال يجرى
كروت الشاشه تحديدا اللى انت بتدفع فيه 1000 جنيه انت لسى مديون فيه ومخلصتش حقه
انت بتفضل تدفع فى تمنه لغايت اما تخلص منه وتبيعه او تجيب الاحدث منه لانه تحديدا اعلى قطعه بتسحب طاقه فى الجهاز عشان تقدر تقدم شكل مستويات الاداء اللى بتقدمه


مجرد مثال سريع
هنفترض انك اشتريت كارت GTX 950 انهارده ب 1000 جنيه وجيت اخر السنه تحسب لقيت نفسك فواتيرك كلها عامله 250 جنيه
هنفترض انك اشتريت كارت GTX 660 TI انهارده ب 1000 جنيه وجيت اخر السنه لقيت فواتيرك كلها حصلت 600 جنيه
ده مجرد مثال فقط لان موضوع استهلاك الطاقه هو الازمه الكبرى فى الموضوع
فى اجهزه بترندر 24 ساعه عمل متواصل ضغط على المعالجات 100%100 واكنها مصانع شغاله دون توقف

هى دى الفكره كلها ازاى معماريه GTX 900 بقى فيها تحسين كبير فى الاداء ونفس الوقت Efficiency او كفائه استهلاك الطاقه الافضل
بمعنى اخر ان المعماريه الحديثه قدرت تقدم اداء اعلى على كل 1W بيتم استهلاكه من المعماريه القديمه
استهلاك طاقه اقل للمعماريه يعنى استهلاك طاقه اقل لوسائل التبريد ايضا يعنى درجات حراره اقل ايضا يعنى اعمار زمنيه اعلى للمعماريه ايضا ولجميع اجزاء الهاردوير الملحومه على بورده الكارت من مكثفات وترانزستورز الطاقه


هى دى الفكره ليه تلاقى النظره السائده حاليا بدات تنظر لكارت GTX 950 على انه كارت مثالى افضل من GTX 660TI
صحيح يمكن GTX 660TI يتقدم فى الاداء بعدد من الاطارات لكن فرق الاداء بينه وبين GTX 950 نظير استهلاكهم الطاقه يجعل من GTX 950 متفوق اكثير
احيانا الموضوع فيه استثناءات

المعماريه او Architecture ممكن تقرا عنها على ويكى او اى موقع هاردوير وترجم مقالات كتيره عنها وهيا مقصود بيها الطريقه الهندسيه لتصميم معالج البيانات ونظام
اتصال اجزائه ببعضها او اساليب اتصاله مع باقى اجزاء الهاردوير على البورده ثم على المنصه
تدعيمات انظمه التشغيل او تدعيمات خصائص الهاردوير او طريقه المعماريه فى تحليل للبيانات ولغات واكواد الهاردوير او تخزينها ضمن معماريه المعالجات وطريقه تنظيمها لاستهلاك الطاقه

فى النهايه كارت GTX 950 طبعا افضل اختيار مش لانه بس بيقدم اداء اعلى على كل 1W بيستهلكه من GTX 660TI ولكن لانه جديد لسى وبضمانه وفرق الاداء بينه وبين GTX 660TI مش بيصنع معجزات
لكن لو عاوز الصراحه لو جينا نقارن الاسعار هتلاقى GTX 660TI انهارده لانه مستعمل هتلاقيه بيقدم اداء اعلى على كل 1 جنيه من سعره مقارنه مع GTX 950
والمعماريات الجديده خد بالك بجانب استهلاكها الاذكى للطاقه ولكن فيها مميزات كتير افضل واهتمام الشركه بتعريفاتها بتكون اكتر لتحسين ادائها

[bisotiger]

وعليكم السلام ورحمه الله .. شوف اخى الفاضل قبل المعماريه

قبل ما اى موقع هاردوير بيحكم ويقول رايه فى معماريه معالج جرافيك او معالج مركزى بيبص لنقطه واحده وهى نقطه واحده بس لان التحدى الاول والاخير فيها وبس
بتقدم اداء كام فى الميه " % " على كل " 1W " هيستهلكه المعالج بالمعماريه دى
التحدى فى انك ازاى تصمم معماريه " معالج " اقل فى استهلاك الطاقه من المعماريه السابقه وفى نفس الوقت تقدم اداء اعلى من المعماريه السابقه

انت لو جيت تحسبها هتلاقى اجهزه الكومبيوتر الحماسيه حاليا عامله زى عداد التاكسى زمان شغاله عد كهرباء ومع ارتفاع اسعار شرائح الفواتير فى الدول الناميه والفقيره بقت ازمه
شغل اى لعبه دلوقتى تقيله على كارت شاشه تقيل واطلع بص على العداد هتحس انك مشغل تكييف او مكواه او سخان والقرص عمال يجرى
كروت الشاشه تحديدا اللى انت بتدفع فيه 1000 جنيه انت لسى مديون فيه ومخلصتش حقه
انت بتفضل تدفع فى تمنه لغايت اما تخلص منه وتبيعه او تجيب الاحدث منه لانه تحديدا اعلى قطعه بتسحب طاقه فى الجهاز عشان تقدر تقدم شكل مستويات الاداء اللى بتقدمه


مجرد مثال سريع
هنفترض انك اشتريت كارت GTX 950 انهارده ب 1000 جنيه وجيت اخر السنه تحسب لقيت نفسك فواتيرك كلها عامله 250 جنيه
هنفترض انك اشتريت كارت GTX 660 TI انهارده ب 1000 جنيه وجيت اخر السنه لقيت فواتيرك كلها حصلت 600 جنيه
ده مجرد مثال فقط لان موضوع استهلاك الطاقه هو الازمه الكبرى فى الموضوع
فى اجهزه بترندر 24 ساعه عمل متواصل ضغط على المعالجات 100%100 واكنها مصانع شغاله دون توقف

هى دى الفكره كلها ازاى معماريه GTX 900 بقى فيها تحسين كبير فى الاداء ونفس الوقت Efficiency او كفائه استهلاك الطاقه الافضل
بمعنى اخر ان المعماريه الحديثه قدرت تقدم اداء اعلى على كل 1W بيتم استهلاكه من المعماريه القديمه
استهلاك طاقه اقل للمعماريه يعنى استهلاك طاقه اقل لوسائل التبريد ايضا يعنى درجات حراره اقل ايضا يعنى اعمار زمنيه اعلى للمعماريه ايضا ولجميع اجزاء الهاردوير الملحومه على بورده الكارت من مكثفات وترانزستورز الطاقه


هى دى الفكره ليه تلاقى النظره السائده حاليا بدات تنظر لكارت GTX 950 على انه كارت مثالى افضل من GTX 660TI
صحيح يمكن GTX 660TI يتقدم فى الاداء بعدد من الاطارات لكن فرق الاداء بينه وبين GTX 950 نظير استهلاكهم الطاقه يجعل من GTX 950 متفوق اكثير
احيانا الموضوع فيه استثناءات

المعماريه او Architecture ممكن تقرا عنها على ويكى او اى موقع هاردوير وترجم مقالات كتيره عنها وهيا مقصود بيها الطريقه الهندسيه لتصميم معالج البيانات ونظام
اتصال اجزائه ببعضها او اساليب اتصاله مع باقى اجزاء الهاردوير على البورده ثم على المنصه
تدعيمات انظمه التشغيل او تدعيمات خصائص الهاردوير او طريقه المعماريه فى تحليل للبيانات ولغات واكواد الهاردوير او تخزينها ضمن معماريه المعالجات وطريقه تنظيمها لاستهلاك الطاقه

فى النهايه كارت GTX 950 طبعا افضل اختيار مش لانه بس بيقدم اداء اعلى على كل 1W بيستهلكه من GTX 660TI ولكن لانه جديد لسى وبضمانه وفرق الاداء بينه وبين GTX 660TI مش بيصنع معجزات
لكن لو عاوز الصراحه لو جينا نقارن الاسعار هتلاقى GTX 660TI انهارده لانه مستعمل هتلاقيه بيقدم اداء اعلى على كل 1 جنيه من سعره مقارنه مع GTX 950
والمعماريات الجديده خد بالك بجانب استهلاكها الاذكى للطاقه ولكن فيها مميزات كتير افضل واهتمام الشركه بتعريفاتها بتكون اكتر لتحسين ادائها

شرح أكثر من وافى لكل المحتارين بين المعماريات القديمة والجديدة

[Frankenstien]

الله يخليك يا باشا والله حليت المشكله انتا كدا بس هوا فيه حاجه اخيره انا بقا معايا 60 مشاركه و مش عارف اعمل مواضيع في قسم البيع بتاع الاعضاء

[phenomenon]

طيب حاول تطلع على القوانين الاخيره ممكن يكون بقى فى بنود جديده او راسل احد مشرفين الاقسام التجاريه

[Frankenstien]

طيب هما مين مشرفين الاقسام التجاريه
طيب حاول تطلع على القوانين الاخيره ممكن يكون بقى فى بنود جديده او راسل احد مشرفين الاقسام التجاريه