زيادة سرعة الفايرفوكس !!!!؟ [الأرشيف]

مشاهدة النسخة كاملة : زيادة سرعة الفايرفوكس !!!!؟

Mohamad Moataz

26-03-2016, 13:55

السلام عليكم ....
ارجو من اخوانى الافاضل اعطائى احسن واضمن طريقة لتسريع الفايرفوكس ...

وشكرا .:)

Ibrahim.Hamdy

26-03-2016, 16:48

برجاء التوضيح ما هي مشكلتكم تحديداً مع المتصفح...
لان اي متصفح تقوم بفتح اكثر من تاب به يحتاج الى ذاكرة فمن اهم الأشياء للحفاظ على سرعة البرنامج لديك هو :
- زيادة ذاكرة الرام الخاصة بالجهاز
- التاكد من عدم تركيب الكثير من الإضافات في المتصفح

Mohamad Moataz

27-03-2016, 03:59

المشكلة انى مش بفتح اكثر من تاب
كل شغلى على تاب واحد فى الغالب ولكنه بيهنج وبطىء للغاية
ومفيش غيرها اضافة واحدة خاصة بالتحميل من على اليوتيوب فقط !!! والرامات 1 GB
وشكرا على الاهتمام والرد ....

البعد الخامس

27-03-2016, 11:31

لزياده سرعة الفيرفوكس

- تأكد ان هناك مساحه فاضية فى الرامات لتجعلك تستخدم البرنامج بشكل افضل .

- تأكد من زياده سرعه الانترنت لو كانت بطيئة لان الانترنت البطىء يجعل التصفح بطىء .

- لا تقيس سرعه تصبح الانترنت اثناء التحميل لان التحميل هيبطىء التصفح .

- فى بعض الاحيان يكون بطىء الانترنت من البرامج الخبيثه على الجهاز مثل الفيروسات .

- فى بعض الاحيان الاخرى يكون المشكله فى برنامج الحماية لديك لانه ثقيل على الجهاز ( على امكانياته )

وبالتالى يبطىء لديك الانترنت والجهاز ككل .

- فى بعض الاحيان يكون نظام التشغيل السبب مع برنامج الحماية او ان ليس هناك مساحه فاضيه

فى البرتشن الذى تم تثبيت نظام التشغيل عليه .

بعد التأكد مما سبق هناك بعض الخطوات قد تساعدك على تسريع الفيرفوكس بجانب ما سبق :-

- افتح متصفح الفيرفوكس واكتب فى العنوان هذا الامر

about:config واضغط انتر

- هتفتح لديك صفحه بها تحذير اضغط على

I'll be careful I promise

- هتفتح ليك صفحه بها اوامر كتير

ادخل فى المستطيل اللى امامك هذا الامر باسم search

network.http.proxy.pipelining ثم اضغط انتر

هيظهر ليك الامر وتحته كذا امر شبيه ليه

اضغط على الامر اللى ظهر ليك مرتين بالموس

- هتتحول القيمة فى خانه Value من false الى ture

- ثم ضيف ايضا هذا الامر فى مستطيل search

network.http.pipelining.maxrequests

- وغير القيمة اللى هتظهر ليك الى اى قيمه اخر من رقم 45

وهذا القيمة تدل على عدد الاموار التى يستطيع المتصفح تنفيذها فى نفس الوقت .

اضغط على الامر مرتيين ايضا لتتحول القيمة الى ture

- ثم ضيف ايضا هذا الامر فى مستطيل search

network.http.pipelining

واضغط عليه مرتين لتحويل القيمة الى ture واخير

- اعمل كليك يمين فى اى مكان فاضى فى الصفحه واختار من القائمة

new

ومنها

Integer

هيظهر ليك مستطيل اكتب فيه

nglayout.initialpaint.delay

ثم هيظهر ليك مستطيل اخر ادخل فى رقم 0 ( صفر ) ثم انتر

وهذه القيمة معناها الوقت الذى يستغرقه المتصفح لاستقبال البيانات من الموقع

دمتم فى حفظ الله

Mohamad Moataz

27-03-2016, 12:48

البعد الخامس

27-03-2016, 14:38

شكرا جزيلا على هذا الرد ....
واحب اقول ان انا ماعنديش برنامج حماية عشان يضغط على الفايرفوكس !
ودائما يا بتصفح بس او بحمل بس .. يعنى مش بشغل الاتنين مع بعض
والانترنت عندى سريع بدليل ان انا شغال دلوقتى على الكروم ! طبعا اسرع بمراحل من الفايرفوكس
ايه السبب ماعرفش ؟؟؟
هل احمل برنامج حماية احسن ولا اجرب الحل اللى سعادتك قولتلى عليه "About:Config" ?
ولو هانزل برنامج حماية ايه احسن برنامج ومايكونش ثقيل على الجهاز ؟
وشكرا مرة تانية على الاهتمام . :)

- من الاكثر الاخطاء عدم استخدام برامج حماية عند الدخول الى الانترنت خصوصاً لو انت لا تعرف كتير عن البرامج الخبيثة وما يقد يضرك من الانترنت .

- هو برنامج الكروم اسرع من الفيرفوكس وديه الميزه اللى جوحل عملتها فى الكروم عشان الناس لا تستخدم اى متصفح اخر .

- لا لو بتستخدم كروم ومش بتفتح اكثر من صفحه مع بعض جرب برنامج حماية

بما انك الجهاز شغال كويس ممكن تجرب البرنامج ده تحميل وتعمل بيه اسكان من هنا (https://www.webroot.com/us/en/home/products/trials)

ده برنامج مساعد وسريع بيشتغل لمده 14 يوم ولكنه ليس قوى والاهم ينظف الجهاز من كل البرامج الخبيثه

التى تؤثر سلباً على الجهاز فى الاداء وخصوصاً التى لا تجعل برامج الحمايه تثبت على الجهاز

وبعد ما تمسح اللى يمسكه كده تقدر تحمل برنامج حماية اساسى على الجهاز من هنا (https://free.360totalsecurity.com/totalsecurity/360TSE_Setup_8.2.0.1031.exe)

ده برنامج مجانى حلو به اكثر من نوع من قواعد البيانات ومع هذا مش ثقيل على الجهاز

جربه وقولى رئيك فيه

Mohamad Moataz

27-03-2016, 22:25

حضرتك تقصد "- لا لو بتستخدم كروم ومش بتفتح اكثر من صفحه مع بعض جرب برنامج حماية "
ولا " لو بتستخدم الفايرفوكس ومش بتفتح اكتر من صفحة مع بعض جرب برنامج حماية " ؟
و شكرا ... :)

البعد الخامس

28-03-2016, 01:02

السلام عليكم ورحمه الله وبركاته

افصد لو حضرتك بتستخدم الكروم ولا تفتح على الكروم اكثر من صفحه مع بعض ( tab ) استخدم برنامج حماية

لانك معندكشى برنامج حمايه وده خطأ لانه سيحميك فى النهاية بنسبه قدرته على كشف البرامج الخبيثة وغيرها من التهديدات

وخصوصا وحضرتك بتدخل على الانترنت بتكتب معلومات خاصه مثل الاسم وكملة السر فى المنتدى وغيرها من المواقع

Mohamad Moataz

28-03-2016, 02:49

وعليكم السلام ورحمة الله وبركاته ..
فى واحد بتعامل معه وبيحذرنى من وضع برنامج حماية لانه ثقيل على الجهاز ومشيت وراه وليا كذا سنة مش منزل AntiVirus
للجهاز وفجأة يروح الجهاز ضارب النسخة واروح عنده ويقولى اصلى الجهاز بتاعك مليان الفيروسات !!! قال يعنى انا ماكنتش عارف وكل ما اقوله نزلى AntiVirus يقولى لأ مينفعش !! والجهاز كل يوم بيسوء عن اللى قبله وبيهنج ويفصل حتى الكروم ظهر فيه البطء البسيط وانا حضرتك مش عايز اخاطر بالجهاز خصوصا فى الفترة دى لان انا طالب 3 ثانوى وبعتمد كليا على الشرح من اليوتيوب وبحمل منه يعنى خلاص انزل ال 360 Total Security
مش هيبقى فيه مشاكل على الجهاز ان شاء الله ؟؟
وشكرا جزيلا على المتابعة والاهتمام ..
وانا اسف ان كنت طولت خالص على حضرتك :)

البعد الخامس

28-03-2016, 19:45

السلام عليكم ورحمه الله وبركاته

- اخى فى الله الشخص اللى بتتعامل معاه كلامه ليس دقيق لان ليست كل برامج الحماية ثقيله على الجهاز .

- المهم ما يحدث لجهازك من انهيار للنسخه بيكون نتيجه لعدم وجود برنامج حماية .

- فى النهايه نزل برنامج الحمايه total security 360 وان شاء الله لن يضر بالنسخه .

- للعلم البرنامج بعد عمل الاسكان لن يمسح اى برنامج خبيث يكشف وياريت حضرتك تدينى

اى برنامج خبيث كشف فى البرتشن الذى مثبت فيه نسخه الويندوز

ليتم تقيمها اذا كانت يتسبب بانهيار النسخه من عدمه قبل مسحها .

ملحوظه

- بعد تثبيت برنامج الحمايه وعمل Enable للبرامج التى معها و ( Avira ، Bitdefender )

وعمل تحديث للبرنامج اغلق كل شىء على الجهاز من برامج مثل الكروم وغيرها

الى الانتهاء من الاسكان على الجهاز بالكامل

توكل على الله ولو فى اى حاجة تحت امرك ولو حابب اعملك العملية ديه تحت امرك من خلال الانترنت

البعد الخامس

29-03-2016, 02:56

لتحميل البرنامج

قم بتحميل البرنامج من هنا (https://free.360totalsecurity.com/totalsecurity/360TSE_Setup_8.2.0.1031.exe)

وتحميل تحديث البيت ديفندر من هنا (https://free.360totalsecurity.com/vdb/360TS_VDB_BD_20160328.exe)

وتحميل تحديث الافيرا من هنا (https://free.360totalsecurity.com/vdb/360TS_VDB_BD_20160328.exe)

بعد تثبيت البرنامج قم باغلاق البرنامج وتثبيت تحديث برنامج البيت ديفندر والافيرا

وبعدها اغلق كل البرامج وافتح برنامج الحماية واعمل اسكان على الجهاز كله

Mohamad Moataz

03-04-2016, 11:56

السلام عليكم ورحمة الله وبركاته ..
شكرا ليك خالص على البرنامج :)
انا نزلته وشغال زى الفل والنت بقى سريع جدا
شكرا ليك على الاهتمام والرد والمتابعة :)

البعد الخامس

03-04-2016, 15:41

وعليكم السلام ورحمه الله وبركاته

لا شكرا على واجب

ملحوظه

اى حاجة البرنامج بيكتشفها ويمسكها بتكون فى Quarantine تقدر تمسحها من هناك

دمت فى حفظ الله ورعايته