عايز اشترى جهاز workstation .. عندى استفسار خفيف ..

[ALGS]

السلام عليكم ورحمه الله وبركاته ..

بإذن الله ناوى اشترى جهاز work station نوعه hp z800 وعندى كام استفسار بخصوصه بعد اذنكم ..

1- هل الجهاز لو فيه 2 بروسيسور .. الالعاب بتقرى الـ 2 ولا واحد بس ؟؟

2- ايه نوع البروسيسور الافضل دا XEON X5650 ولا XEON 5620 ؟؟ وهل بروسيسور واحد فيهم قادر على تشغيل الالعاب الحديثه 2016 ؟؟

3- ايه نوع كارت الشاشه المناسب اللى ممكن يركب مع الكيسه دى بدون مشاكل ؟

4- هل لو جمعت جهاز بالموصفات دى هيبقى جهاز كويس وقادر على تشغيل الالعاب الحديثه :

بروسيسور : XEON 5650 كاش 12 ميجا

رامات : 10 GB DDR3

كارت فيجا : النوع المناسب اللى هتقولو عليه ..

هل جهاز بالمواصفات دى يكون قادر على تشغيل جميع الالعاب ؟؟

وهل جهاز hp z800 فى مشاكل فى الصيانه الخاصه به ؟؟

يا ريت رد سريع بعد اذنكم .. ولكم جزيل الشكر ..

[Walid DX01]

عليكم السلام ورحمه الله وبركاته
الالعاب هتقري بروسيسور واحد بس وهتظلم نفسك مع الجهاز لانه غير مخصص للالعاب
اكتر شئ بيزعجي اللي بيقول انه بيعادل معالج I7 ؟ طيب انهي معالج في I7 والجيل الكام ؟
جمله بيعادل معالج i7 غامضه جدا ماهو يمكن في النهايه بيعادل الجيل الأول من I7
اكيد اللي اقترح عليك شراءه قالك كده
ولا تعتمد علي اي مراجعات من خلال مواقع زي cpu-world او game debate
المعالج بدقه تصنيع32nm المعالجات الجديده في السوق دلوقتي من الجيل الرابع او السادس 14nm
المعالج اعتقد انه غير داعم بشكل كامل لدايرتكس 12 مستقبل الالعاب علي ويندوز 10 وبمافيه من مميزات
اهمها لحد الان تركيب كارتين شاشه من شركه NVIDIA او Amd علي جهاز واحد
القصه مازالت في البدايه لكن مع الوقت سيتم الاعتماد عليها اكتر وتدعيمها من تعريفات الشركتين
في المستقبل القريب ان شاء الله
الجهاز هيكون ممتاز للمصممين واعمال الرندر والفيديو باختصار اي برنامج يطلب تعدد نواه المعالجه
واخيرا مش معني كلامي ده ان كل اجهزه الوركستيشن سيئه لا بالعكس
لكن احنا في مصر بيوصلنا اجهزه الاستيراد اغلبها معماريات قديمه
كل استخدام له مواصفات معينه واحتياجات في الجهاز ربما تكون موجوده في hp z800 او لا
معالجات Xeon الحديثه من اغلي المعالجات في العالم في منها بيوصل 900$ للمعالج
لكن هل انت محتاج معالج بالتمن ده في الالعاب ؟ الاجابه لا
يكفيك معالج رباعي من الجيل الرابع زي I5-4xxx او I7-6xxx
وهتوفر كتير جدا وتحط فلوسك في كارت شاشه محترم وشاشه كويسه
طيب في حد قالك ياباشا جهاز HP Z800 بيشغل كل الالعاب علي الالترا
طيب علي دقه وجرافيك عامل ازاي وكارت ايه اسمه ايه والجهاز هيكلف كام؟
اهم شئ في جهاز الجيمر اللي مبيحبش يدفع فلوس علي الارض
انه بيحب يشتري جهاز يقبل اي تحديث في المستقبل
يعني تقدر تقولي بعد سنتين هتقدر تحدث المعالج مثلا ؟ لا مش هتلاقي في مصر اساسا
بعكس جهاز التجميع لو اشتريت السنه دي I5 السنه الجايه هتشتري I7
حبيت تبيع الجهاز ماشي هتلاقي سعره في السوق مقبول لانه معماريه حديثه
وناس هتشتري بعكس الجهاز التاني اشتريته السنه دي بعد سنتين تلاته
يمكن تحتاج تحدث هتلاقي ان المعالج معماريه بقت قديمه 32nm
وفي سنه 2019 هينزل معالجات بدقه تصنيع 10nm وبكده
المعالج بتاعك هيكون فات عليه حوالي 8 سنين من انتاجه
ملناش دعوه استعمل قد ايه بس خلاص زمنه هيكون انتهي بالنسبه
لدعم التطبيقات والويندوز واي تطور في المستقبل ده رأيي

[ALGS]

رد صادم :D .. لكن مقنع :)

ناس كتير نصحتنى انى اشترى جهاز الورك ستيشن وقالو انه شغال كويس مع الالعاب وبدون مشاكل وبيستحمل الشغل الكتير ...... الخ

فدا السبب اللى خلانى نويت اشترى الجهاز .. لكن انت بكلامك دلوقتى بتعكس الكلام للناحيه التانيه خالص انى اجمع جهاز جديد ..

انا شوفت الموضوع بتاعك ( ماهي افضل تجميعه متوسطه لتشغيل جميع العاب عام 2015 ؟ (https://arabhardware.com/forum/showthread.php?t=439240) )

والتجميعه جميله فعلاً والكلام مقنع جداً ودى اللى تقريبا نويت اشتريها ان شاء الله ..

ممكن تقولى أداء التجميعه اللى حضرتك كتبتها دى مع العاب زى The Division و metal gear solid v و sniper elite III

وهل الهارد بيكون ليه تأثير على سرعه الالعاب وكفاءه الجهاز ؟؟ وايه افضل نوع هارد مناسب للتجمعيه اللى انت كتبتها ..

[Walid DX01]

شوف ياصديقي اي معالج رباعي حديث اداءه هيكون افضل بمراحل في الالعاب من hp z800
تاني حاجه بتضايقني جدا جمله ( بيستحمل الشغل الكتير ) اي جهاز تجميع القطع الخاصه به متوافقه مع باورسبلاي نضيف
هيستحمل الشغل التقيل 24 ساعه حتي مع الاجهزه القديمه والضعيفه
عندي جهاز تاني بمعالج بانتيم وبورده G41 وشغال 24 ساعه افلام واغاني والعب خفيفه زي بيس 13
جهاز workstation اللي كنت ناوي تشتريه تمنه كام 7000 ؟
بنفس الميزانيه تشتري تجميعه محترمه تعيش اكتر وباداء اعلي
بالنسبه للتجميعه اللي بالتوقيع الالعاب هتشغلها مع كارت GTX 950 علي جرافيك عالي
ولو عندك ميزانيه اعلي اكيد ممكن تفكر في كارت اعلي زي GTX 970 او R9-390
بالنسبه للهارد غير مؤثر اطلاقا في اداء وجرافيك الالعاب
وهارد زي Western Digital Caviar BLUE 1TB SATA 6Gb/s 7200 RPM بـ 430 جنيه مناسب للجهاز

[ALGS]

باذن الله هجيب التجميعه اللى انت قولت عليها للوقت الحالى
وخلال كام شهر هضيف قطعه رامات كمان 8 جيجا وهحدث كارت الفيجا ..
بخصوص المعالج هل هيشغل الالعاب اللى هتنزل فى 2016 ؟ ولا هيكون محتاج تحديث قريب ؟
--
وبخصوص وقت الشراء .. انا ناوى ان شاء الله اشتريه الشهر الجاى .. فبخصوص اسعار السوق دلوقتى
تنصفح اشتريه دلوقتى ولا الشهر الجاى ولا امتى ؟؟

[Walid DX01]

اختيار جيد اكيد بالنسبه للمعالج I5-4460 رباعي النواه من الجيل الرابع و كافي لتشغيل جميع الألعاب
كارت GTX 950 هيشغل The Division علي اعدادات 1080p high هتحصل علي 40FPS AVG
لو اعدادات Medium 1080p هتحصل علي 60FPS+
لو جبنا كارت زي R9 380\GTX 960 علي 1080p high هتحصل علي 45FPS
كارت R9 390\GTX 970 هتحصل علي 60FPS وهيبقي عندك فرصه لرفع الاعدادات Ultra و Very High
دي لعبه واحده بس ولكن حبيت اعطيك فكره عن الفرق بين اداء الكروت عامل ازاي

بالنسبه للوحه Asus H81 Gamer و الباور XFX TS Series 430W الاتنين حاليا Out of stock للاسف
حتي الآن رامات 8 جيجا كافيه لجميع الالعاب بالنسبه للكارت تقصد انك هتشتري GTX 950 مؤقتا وهتحدث تاني بعدين؟
ميعاد الشراء الصراحه الله اعلم ممكن نلاقي الدولار فجأه ارتفع امام الجنيه مره تانيه
لكن المتوقع ان الاسعار تخف شويه وعموما اي وقت هتشتري فيه هتلاقي شركه بتبيع بسعر مقبول وشركه تانيه أغلي
فانت اشوف ارخص شركه حتي لو اشتريت من كل شركه قطعه او اتنين المهم السعر في الاخر

[Frankenstien]

والله هوا كلام dx01 كويس جدا و صح 100% لان فعلا البروسيسور بيعادل I7 الجيل 1 الي هوا 990 باين فا ابعد عنو لو لسا في نيتك ورك station خليك في z420 هيا نفس التمن تقريبا و البروسيسور بتعها هيبقا بدقه تصنيع 32mm و يدعم DX 12 و الرامات ال 1600 MHZ و هيبقا في نفس رينج التمن بتاع ال z800 و هيديك اداء احسن 100 مره و لو قارنتو بل جديد هتلاقي انو هيجي بضعف الرامات 16 جيجا و هارد Raptor سريع جدا 300 جيجا باين ممكن تخليه للويندوز بس و تجبلك هارد كبير للألعاب اما لو حضرتك خلاص هتجيب جديد خليك معا الاستاذ dx01

[ALGS]

بالنسبه للوحه Asus H81 Gamer و الباور XFX TS Series 430W الاتنين حاليا Out of stock للاسف
حتي الآن رامات 8 جيجا كافيه لجميع الالعاب بالنسبه للكارت تقصد انك هتشتري GTX 950 مؤقتا وهتحدث تاني بعدين؟


طيب الحاجات دى بتفضل فتره مش موجوده وبعدين بتنزل تانى ولا ايه الوضع ؟؟
ولو مش هتنزل فإيه البديل ليها ؟؟

ناوى اشترى GTX 950 واحدث تانى بعدها بفتره قليله ان شاء الله ..

تعرف اماكن فى اسكندريه بيكون متوفر فيها التجميعه اللى انت قولت عليها بحيث انى ممكن اروح اسكندريه اشتريها مره واحده وخلاص ؟

[ALGS]

والله هوا كلام dx01 كويس جدا و صح 100% لان فعلا البروسيسور بيعادل I7 الجيل 1 الي هوا 990 باين فا ابعد عنو لو لسا في نيتك ورك station خليك في z420 هيا نفس التمن تقريبا و البروسيسور بتعها هيبقا بدقه تصنيع 32mm و يدعم DX 12 و الرامات ال 1600 MHZ و هيبقا في نفس رينج التمن بتاع ال z800 و هيديك اداء احسن 100 مره و لو قارنتو بل جديد هتلاقي انو هيجي بضعف الرامات 16 جيجا و هارد Raptor سريع جدا 300 جيجا باين ممكن تخليه للويندوز بس و تجبلك هارد كبير للألعاب اما لو حضرتك خلاص هتجيب جديد خليك معا الاستاذ dx01

متشكر جداً لنصيحه حضرتك المفيده جداً ..
انا نويت باذن الله اشترى جهاز جديد منعاً لحدوث اى مشاكل فى التحديث خلال الفتره القادمه وايضا نظراً لصعوبه عمل صيانه ..
جزيل الشكر لحضرتك ..

[Walid DX01]

طيب الحاجات دى بتفضل فتره مش موجوده وبعدين بتنزل تانى ولا ايه الوضع ؟؟
ولو مش هتنزل فإيه البديل ليها ؟؟

ناوى اشترى GTX 950 واحدث تانى بعدها بفتره قليله ان شاء الله ..

تعرف اماكن فى اسكندريه بيكون متوفر فيها التجميعه اللى انت قولت عليها بحيث انى ممكن اروح اسكندريه اشتريها مره واحده وخلاص ؟

بالنسبه لموضوع الكارت يفضل انك تنتظر شويه وتشتري الكارت اللي انت عايزه مره واحده
عشان متخسرش في تمن GTX 950 بس عالاقل استمر معاه لمده سنه هيكون نزل
المعماريه القادمه من انفيديا في كروت الشاشه اللي هتنزل في النصف التاتي من عام 2016
اماكن البيع في سموحه وفي شركات كتير هناك محترمه

لوحات Asus Gamer كلها خلصت من اسكندريه
ودول افضل المتوفرين في حدود الميزانيه
Gigabyte GA-H81M-S2PH Socket 1150 = 600 L.E
ASUS H81M-V3 LGA1150 = 600 L.E
Gigabyte GA-P85-Gaming 3 Socket = 920 L.E

الباور
SeaSonic S12II Bronze 520W 80 PLUS = 620

[ALGS]

بالنسبه لموضوع الكارت يفضل انك تنتظر شويه وتشتري الكارت اللي انت عايزه مره واحده
عشان متخسرش في تمن GTX 950 بس عالاقل استمر معاه لمده سنه هيكون نزل
المعماريه القادمه من انفيديا في كروت الشاشه اللي هتنزل في النصف التاتي من عام 2016
اماكن البيع في سموحه وفي شركات كتير هناك محترمه

لوحات Asus Gamer كلها خلصت من اسكندريه
ودول افضل المتوفرين في حدود الميزانيه
Gigabyte GA-H81M-S2PH Socket 1150 = 600 L.E
ASUS H81M-V3 LGA1150 = 600 L.E
Gigabyte GA-P85-Gaming 3 Socket = 920 L.E

الباور
SeaSonic S12II Bronze 520W 80 PLUS = 620

بخصوص الكارت خلاص هشتريه ان شاء الله وقبل ما اغيره هسالك واخد رأيك فى النوع الجديد وتوقيت التغيير ..

بخصوص اللوحه .. انا قولت لكذا واحد صاحبى يسألى عليها ويشوف اذا كانت متوفره ولا لا ..

لو لا قدر الله مش متوفره .. فى لوحه تانيه تكون اغلى حاجه بسيطه وافضل من اللى انت كتبتهم ؟؟ ( لأن انا حاسس انك مش مقتنع باللى انت كتبتهم : D )

والباور انت متاكد انك كتبت صح ؟ لان فى فرق 170 جنيه بين الاتنين !

[Walid DX01]

بخصوص الكارت خلاص هشتريه ان شاء الله وقبل ما اغيره هسالك واخد رأيك فى النوع الجديد وتوقيت التغيير ..

بخصوص اللوحه .. انا قولت لكذا واحد صاحبى يسألى عليها ويشوف اذا كانت متوفره ولا لا ..

لو لا قدر الله مش متوفره .. فى لوحه تانيه تكون اغلى حاجه بسيطه وافضل من اللى انت كتبتهم ؟؟ ( لأن انا حاسس انك مش مقتنع باللى انت كتبتهم : D )

والباور انت متاكد انك كتبت صح ؟ لان فى فرق 170 جنيه بين الاتنين !

بالنسبه للوحه هتلاقي ان شاء الله
وخلي معاك دول احتياطي يمكن تلاقيهم
Gigabyte GA-H97-D3H Socket 1150 = 950 L.E
MSI B85-G43 GAMING Socket 1150 = 950 L.E
Gigabyte GA-B85-HD3 Socket 1150 = 900

اي بورده Socket 1150 هتكون متوافقه مع المعالج
ابدا كلهم لوحات محترمه وكلهم هيشغلوا المعالج والكارت بأعلي جهد ليهم من غير اي مشاكل
اللي بيفرق بينهم هي الكماليات


الباور لازم تشتريه 520W أو اعلي عشان يكون مناسب لأي كارت من الفئه المتوسطه او العليا
ممكن تفكر فيه في المستقبل ومتحتاجش تغيير الباور
استهلاك الطاقه في المعماريات الجديده لكل من Nvidia و AMD بيقل مش بيزيد
فالباور هتعتمد عليه لفتره من الزمن وانت مطمئن

[Hany Eid]

ياريت تكون اشتريت من مارس فعلاً زي ما كنت ناوي لأن الدولار أقنع الجنيه انه يحلق شنبه ويلبس طرحة ويربي العيال
كان عندي نفس وجهة نظرك وخصوصاً مع مميزات عالية ف z800 زي 12 سوكيت رام اب تو 96 GHZ
2 معالج 3 كاش 12 .. 6 أنوية
يعني الحصيلة النهائية في الجهاز
12 نواة .. 6 كاش 24
بس بعد شوية بحث وشويتين صداع لمشرفين عرب هاردوير فهمت أن كل مش هاستفاد بيه غير مشاكل تركيب كارت رسومي احترافي لأن النوع دة من الوورك ستيشن غير مخصص الألعاب ومفيش سوكيت باور للكارت وهاتضطر تستخدم كارت ضعيف الي متوسط
كل دة بالأضافة للي مكتوب فوق كله
معمارية المعالج وقابلية التحديث
90 سبب و سبب يمنعوك تخلي "سباك" يركبلك شبابيك شقتك

أرسلت من Infinix X509 الخاص بي