مشكلة فى كارت الفيجا msi gtx 960 4gb ارجو المساعدة

[aboeid2010]

الجهاز بشغله عادى مفيش اى مشكلة .
لما افتح لعبة عشان العب الجهاز بيفصل .
اتاكدت من كل شي اكتشفت ان كارات الفيجا ال GPU بيسخن عن طريق برنامج 3DMark Vantage وزيادت تاكد برنامج SpeedFan .
واستخدمت MSI Afterburner وضبطت اعدات المروحة بحيث يكون التبريد عالى وبرنامج MSI Gaming APP وظبطه على نظام ال gaming .
غيرت وندوز . ومنزل اخر تحديثة للفيجا . وشيلت التعريفة ونزلت الى على الاسطوانة الاصلية . تاكيد .
استخدمة كبل dmi وكبل hdmi نفس المشكلة .
لو فى حل تاني ارجو المساعدة لو مفيش هوديها الضمان وشكرآ .

[phenomenon]

اخى الفاضل فصل الجهاز وقت الالعاب دليل على ضعف الباور سبلاى نفسه فى عجزه عن تقديم الفولتيات المناسبه لكارت الشاشه اثناء الضغط عليه ولذلك الباور بيفصل ليس اكثر

سخونه معالج الجرافيك وقت الالعاب شىء طبيعى جدا
ومع ارتفاع حرارته جدا 90C ~ 105C الجهاز مش بيفصل ولكن بيحصل كراش للتطبيق المفتوح ويبدا الدرايفر بيعمل عمليه اعاده تهيئه لحمايه نفسه او اسوا الحالات لا سمح الله تلف المعالج

اذكرلنا موديل الباور سبلاى ودرجه حراره الكارت فى الضغط

[bisotiger]

مثل ما ذكر لك أخى العزيز أبراهيم يجب ذكر نوع الباور سبلاى

لأن الكارت يحتاج الى باور أصلى لابقل عن 400 وات

تحياتى

[MMS-AMMMK]

اخى الكريم اتمنى منك ذكر مواصفات جهازك كاملة
كذلكضع صورة لدرجات الحرارة والفولتيات اثناء الضغط والاسنخدام العادى خصوصا للمعالج وبقية المكونات وليس للGPU فقط
ومتابع معاك بإذن الله

[Man of Steel]

مشكلة باور صبلاى اكيد

[aboeid2010]

power supply cooler master g650m

الجهاز بريسيسور core i7 4970
هارد 2 t
مازربورد gigapit game1
بور سبلاى
cooler master g650m

الجهاز كان شغال بقاله 6 شهور زى الفل بدون اى مشكلة

[aboeid2010]

32227

[phenomenon]

حاول تتابع معانا اخى الكريم باستمرار لحل المشكله سريعا
حضرتك قولت ان درجه الحراره كانت مرتفعه .. كانت كام درجات الحراره ؟ هل تعدت 90C
احنا طلبنا منك ايضا وضع صور لدرجات الحراره
حمل برنامج HWiNFO وارفعلنا صور من قوائم Sensors اللى بتوضح درجات الحراره والفولتيات

للاحتياط اذا كانت المشكله ظهرت معاك بعد تحديث تعريف كارت الشاشه ارجع لتعريفات ما قبل اصدار 364 كمثال على تحميل تعريف 361 او احد فيرجناته وتجربه الاحوال عليه
قبل تشغيلك الالعاب افتح برنامج HWiNFO قائمه Sensors واضغط اسفل القائمه على " علامه الملف بالموجب الاخضر " واختار مكان حفظ ملف التسجيل على سطح المكتب ولا تغلق البرنامج ابدا
بعد خروجك من اللعبه او مواجهه مشكله الريستارت ارفعلنا الملف الموجود على سطح المكتب بصيغه CSV على موقع ميديا فاير ومتابعين معاك
اذا تقدر تجرب باور سبلاى اخر يعتمد عليه لا يقل عن 500W يكون كويس ولا تنسى امر العوده الى احد درايفرات 361 فقط للاحتياط

[aboeid2010]

https://www.mediafire.com/download/7od99god9979u4g/my_pc.CSV

للاسف مش بلحق اشوف درجة الحرارة كام بس عن طريق SpeedFan كان اخر حاجة gpu كان 59 اثناء اللعب معا العلم انى ظبطت المراوح بتاعت الفيجا نها تكون تبريدها عالى
هجرب الاصدار الاقدم 3.5

[phenomenon]

خد بالك اخى من الكلام .. تعريق انفيديا المقصود تجنبه هو احد اصدارات 364 ولكن انا بنصحك بتحميل تعريفات قبل هذه الاصدارات لان ظهر معاها خلل احيانا مع بعض الاجهزه
الاصدارات اللى قبل التعريف المشار اليه كان رقمه 362 او 360 او حتى احد اصدارات 355 وما شابهه ذلك .. كل الحكايه عاوزين نحزف التعريف الحالى من على الجهاز " كليا " قبل تثبيت التعريف المشار بالعوده اليه قبل التجريب

عشان اسهل عليك تقدر تحمل تعريف 361.43 او اصدار 362 واذا كنت بدات فى تحميل اى اصدار قبله بفتره مفيش مشكله ولكن المهم تذكر اختيار نظام الويندوز المناسب ليك
بعد تحميله هتعمل عمليه uninstall لجميع ما يخص تعريفات انفيديا فى كونترول بانل او لتسهيل الامر عند تثبيت التعريف اللى بتحمله حاليا اختار Custom Install ونشط علامه صح امام مربع Clean Installing
وبالشكل ده هيعمل عمليه تثبيت نظيفه

حضرتك بتقول مش بتلحق تشوف درجات الحراره , هل تقصد ان الجهاز بيعمل ريستارت لما بتحاول تخرج لسطح المكتب ؟ ولا حضرتك عارض النتائج داخل الالعاب امامك وكان اخر حاجه شوفتها هى 59C
عموما درجه حراره 59C مطمئنه جدا داخل الالعاب , فى الواقع الكارت حتى الان كانه فى مراحل الخمول , هذه الدرجه ممتازه داخل الالعاب بل واعلى منها بمسافه كبيره يمكن احتسابها ممتازه ايضا كدرجه 78C ~ 70C لكارت GTX 960
على كل حال هحمل الملف اللى انت رفعته ولو فى حاجه غلط ربما نلاحظها ان شاء الله

النتائج بتقول انك مقدرتش تسجل غير لمده دقيقتين ونصف فقط ؟ وبعدها اكيد الجهاز فصل .
على كل حال جميع النتائج طبيعيه , درجات الحراره للمعالج المركزى لم تتعدى 45C وكارت الشاشه لم يصل حتى الى 49C وقت ما فصل الجهاز
لكن اللى ممكن تلاحظه ان فى اخر ثوانى قبل فصل الجهاز من خلال اختيار Total GPU Power ووصوله الى 76% من احتياجه للطاقه هتلاقى تحت اخر تلات خانات على الشمال حصل هبوط فى الفولتيات التلاته ولكن مفيش ضرر
لان التلات فولتيات مازالت داخل الحدود المسموحه ليها فولتيه 12V لم تهبط لحدها الادنى " 11.400 " وفولتيه 5V لم تهبط لحدها الادنى " 4.750 " وفولتيه 3.3V لم تهبط لحدها الادنى " 3.135 "
يعنى جميع الفولتيات منتظمه وجميع درجات الحراره امنه ودرجه حراره اللوحه الام لم تتعدى 34C
ومع ذلك مازلت اشك فى الباور سبلاى بالتاكيد انه غير قادر على تغزيه الكارت بالباور اللازم وبيفصل مع الضغط
بردو كان فى حالات كتير وقت التسجيل اتضح انها ناقصه وواضح ان البرنامج مش قادر يتعرف عليها واهما سرعات مراوح الكارت وهى غريبه بالنسبه للهاردوير الحديث لكن بتحصل عادى
عموما ابدا بتجربه تعريف قديم اولا وبعدها ابدا بتجربه باور سبلاى اخر نوع مشهود ليه بالفوه مع الضغط زى Seasonic او XFX

افتكر لو كنت عملت اى حاجه فى البيوس فى الفتره اللى فاتت ممكن تتسبب فى كده : لو مش متذكر ارجع للاوضاع المصنعيه Load Defaults من داخل البيوس واحفظ الوضع واخرج
فى مكان ممكن يوضحلك اذا كان الريستارت اللى بيحصل نتيجه خلل فى تعريف الكارت المستخدم وهو event Viewer من سجلات الويندوز ولكن صعب فهمه اذا لم تعتمد عليه سابقا
لكن ممكن تجرب تدخل عليه من كونترول بانل وتبحث فى الاخطاء Crirical + Error اللى حصلت فى زمن حدوث الريستارت المفاجىء بالضبط وتقرا مدلول اااخطاء اسفل نافذه Log Viewer ربما يقولك فى خلل فى ال application Nvidia
اى خلل او مشكله امامها كلمه Kernal ID 41 هو زمن حدوث الريستارت بالضبط ويبنغى عليك رؤيه الاخطاء التى سجلها الويندوس قبلها فورا ومدلولها من خلال الاخطاء المسجله فى قوائم Custom / Administrative Events



https://oi66.tinypic.com/wv34g0.jpg
https://oi67.tinypic.com/1fczrc.jpg

[aboeid2010]

كنت مسطب تعريفة 359.06 مسحتها وسطبت 361.43 وشغلت لعبة The Witcher 3 Wild Hunt واللعبة اشتغلت فترة اطول من المرة الى فاتت ودى الاحداثيات الجديد
https://www.mediafire.com/download/5m68brc5bv7vgmk/my_p.c_1.CSV
بلنسة لموضوع الحرارة كنت لعبت شوية صغيرة وكنت مشغل برنامج SpeedFan وطلعت لسطح المكتب قبل ما الجهاز يفصل لقيت علامة ال GPU حرارتها مرتفعة وجايبلى شكل نار صغيرة . وكان مكتوب 59 درجة معا العلم انى كنت مشغل برنامج MSI Afterburner وظبط سرعة المروحة عشان اتجنب موضوع الحرارة .
معلومة انا مبستخدمش برامج كسر السرعة ولاعمري قربتلها .
عملت
Load Defaults معا العلم ملعبت فى النظام الداخلي .

3222832229

اتعرفت على المشكلة ووصلت لحل العيب طلع حاجة تافهة جدأ وهوا المشترك الخاص بلكمبيوتر فية فيشة الكيسة والشاشة والانترنت والسلك الخاص بيه اصبح ضعيف
نتيجة للضغط عليه يسبب انقطاع الكهرباء .
شكر خااااصhttps://arabhardware.com/forum/images/metro/bw/statusicon/user-offline.png
نائب مدير اقسام الهاردوير Phenomenon (https://arabhardware.com/forum/member.php?u=11301600) .

اتمنا ان تقبل اضافتى كصديق وشكرأ لمجهود الجبار .

[bisotiger]

اتعرفت على المشكلة ووصلت لحل العيب طلع حاجة تافهة جدأ وهوا المشترك الخاص بلكمبيوتر فية فيشة الكيسة والشاشة والانترنت والسلك الخاص بيه اصبح ضعيف
نتيجة للضغط عليه يسبب انقطاع الكهرباء .
شكر خااااصhttps://arabhardware.com/forum/images/metro/bw/statusicon/user-offline.png
نائب مدير اقسام الهاردوير Phenomenon (https://arabhardware.com/forum/member.php?u=11301600) .


الحمد لله ومبروك ع حل المشكلة

[phenomenon]

الحمد لله طلعت بسيطه , دائما المحول ده بيكون نقطه ضعف خطيره ومفروض تجنبه مع الاجهزه الحماسيه وكمان غير امن غالبا
عموما مبروك حل المشكله , اذا واجهت المشكله من جديد او حبيت تفتح الموضوع من جديد راسل اى مشرف فقط .. بالتوفيف
يغلق