المساعد الشخصي الرقمي

مشاهدة النسخة كاملة : بعض الإستفسارات بخصوص إضافة هارد جديد للجهاز


Hossam Mokhtar
15-04-2016, 11:42
السلام عليكم، أنا أولا عايز أوضح شىء وهو إنى مستخدم بسيط للكمبيوتر، يعنى عندى حد قليل من المعرفة... أنا عندى جهاز عليه هارد 1 تيرا بايت SSD وعايز أضيف هارد 500 جيجا HDD فعايز أسأل بعض الإستفسارات العامة

1- هل الهارد الجديد هيبقى محتاج يتنزل عليه ويندوز؟ وياترى لازم يتقسم ولا أسيبه كده وخلاص وهل هيبقى فيه مشكلة لو سبته؟

2- هل هبقى محتاج أعمل تحديث لأى قطعة من قطع الجهاز وبالذات الـ Power Supply؟

3- عايز أعرف بقى بخصوص موضوع Slave و Master وهبقى محتاج أعمل التعديلات دى؟ وإزاى؟
bisotiger
15-04-2016, 14:03
هتضيف أى هارد بدون أدنى مشكلة أخى الكريم

طالما عندك هارد ssd يبقى تنزل عليه الويندوز أفضل وأسرع

بالنسبة للباور سبلاى أكيد مش محتاج تغييره لان أستهلاك الهارد قليل جدا من الطاقة

بالنسبة لموضوع slave و master انت وصل الهارد من غير ماتعمل أى شئ

تحياتى أخى الكريم
Hossam Mokhtar
15-04-2016, 14:37
شكراً على ردك بس محتاج بعض التوضيحات لو سمحت. دلوقتى انا الهارد الرئيسى بتاعى (SSD) عليه ويندوز بالفعل، فهل انا محتاج انزل ويندوز على التانى برضه؟

تانى حاجة برضه انا وصلت الهارد التانى لكن الجهاز مش شايفه، فانا قلت يبقى اكيد هبقى محتاج اعمل تعديلات وكده؟!
bisotiger
15-04-2016, 14:50
لا مش محتاج تنزل ويندوز ع الهارد التانى

وبالنسبة ان الهارد مش باين لان حضرتك ماقمتش بتقسيم الهارد

اتفضل أخى الكريم طريقة تقسيم الهارد

https://arabhardware.com/forum/showthread.php?t=397140

تحياتى
Hossam Mokhtar
15-04-2016, 15:18
مية مية شكلها طريقة سهلة هجرب كده واشوف ايه النظام. شكراً على المساعدة !