المساعد الشخصي الرقمي

مشاهدة النسخة كاملة : اريد شاشة للـ Gaming بسعر لا يتخطي ال1200 جنيه



EL K4L!B3Y
16-04-2016, 21:25
الـسلام عليكم
الكارت بتاعي Nvidia GTX 970
كنت عاوز شاشة FULL HD 1080p عشان الكارت
بسعر ياريت لا يتخطي ال1200 قدر الامكان
وتكون شاشة حلوة كدا من حيث الالوان والزوايا والتفاصيل

تقريبا هتبقي 24 inch بس معرفش ايه الاحسن

وياريت برضو حد يفهمني حوار الـ TN و IPS في الشاشة اللي هيوصيها وايه الافضل بينهم
وكذلك بالنسبة لـ ( HDMI - DVI - DisplayPort )
انا مش فاهم اخر جزئية بتاعت الكابلات دي بالذات
ايه الافضل بينهم وازاي اجيبه واركبه

وشكرا

phenomenon
16-04-2016, 22:47
وعليكم السلام ورحمه الله وبركاته
فى رنج الميزانيه ممكن تفكر بشاشه BenQ GL2450HM سعرها فى حدود 1200 تقريبا
ولكن بردو للدقه سلسله BenQ GL تعتبر للاستخدامات الروتينيه وبالتاكيد الالعاب من ضمنها لكن مش مخصصه لالعاب الشبكه تحديدا
يمكن تلاقى افضل شاشه العاب اونلاين فى الرنج ده هتكون RL2240HE وفيها كميه خصائص كثيره مطلوبه للالعاب
لكن طالما فى احتياج 24inch ولو هتكمل مع شاشه GL2450HM هتبقى مناسبه وبوجهه عام هتبقى راضى عن ادائها وجوده صورتها فى الالعاب وهى من خلال مراجعاتها وخصائصها التقنيه مقبوله جدا
بصراحه كنت اتمنى لو تنتظر قليلا على الميزانيه وتقدر توصل لشاشه زى RL2455HM هتلاقيها اعلى فى حدود 200 جنيه ولكن بالتاكيد هتكون الاختيار الانسب للالعاب الاونلاين وحتى العاب مود السينجل

اما بخصوص شاشه افضل فى نقاء وعمق وضوح الصور ودقه زوايا العرض يبقى شاشه ساسونج LS24D590PL
هى تعتبر شاشه ممتازه للالعاب بوجهه عام على فكره وزمن استجابتها جيد جدا للتخلص من مشاكل ظلال الاشياء والاجسام اللى ممكن تلاحظه فى بعض الالعاب نتيجه تاخير الشاشه بزمن الاستجابه
لكن هتلاقى ان جميع شاشات BenQ الاخيره افضل فى خصائص السرعه تحديدا بوجهه عام من اجل الالعاب الاونلاين ولانها وفرت شاشات برنج سعرى يناسب جميع فئات المستخدمين

بخصوص سؤالك عن تيكنولوجيا العرض نفسها سواء كانت TN / IPS :
هختصر عليك شرحها جدا
لو محتاج شاشه العاب فدائما يجب النظر الى شاشه بتيكنولوجيا TN Panel Type
لو محتاج شاشه اعمال دائما يجب النظر الى شاشه بتيكنولوجيا IPS

بنحتاج الاولى غالبا بسبب سرعتها فى اداء الالعاب ومعالجه اخطاء كثيره جدا فى زمن تاخير الصور وهى دى التيكنولوجيا الافضل المعتمد عليها فى صناعه الشاشه للوصول بالشاشات الى افضل النتائج
لكن بردو الامر بيتطلب اختيارك لشاشه Tn Panel جيده فى الخصائص والمواصفات بتاعتها وفيها تعديلات غنيه وخصائص تم الاهتمام بيها من قبل الشركه نفسها وليست مجرد TN Panel رخيصه
تكتشف من خصائصها ان اعلى درجه وضوح لم تصل الى 200cd/m² او زمن استجابتها ابعد من 8ms وعشان كده فى شاشه ب 1000 جنيه وشاشه 5000 جنيه بسبب التعديلات الحديثه
وجوده الـ panel نفسها المستخدمه فى موديل الشاشه


بنحتاج التانيه عشان درجات الالوان الاكتر ووضوح زوايا الرؤيه اثناء جلوسك امام الشاشه فى اكتر من وضع بزاويه رؤيه حاده
لو معاك شاشه عاديه دلوقتى TN Panel وحاولت مثلا تقف بزايه 45 درجه هتلاحظ ان حصل اختلاف فى الوان الشاشه وبتظهر فورا بوضوح مع درجات اللون الازرق
فى الحاله دى لو انت فى كليه هندسه او شغال فى مكتب هندسى هتكون مشكله كبيره بالنسبالك لانك بتكون طول الوقت فى اكتر من وضع مختلف اثناء شغلك ومتابعتك للتفاصيل على الشاشه
بالاضافه انك لو فى كليه فنون تطبيقيه او بتاخد دورات فى عمل التصاميم وبرامج الجرافيك فانت محتاج بردو شاشه IPS Panel بسبب تدرج ونسب تباين وضوح الالوان الافضل واللى اكيد
هتلاحظ انك فى احتياجه جدا اثناء شغلك واختيارك لضبط مستويات معينه من الوان الشاشه عشان تناسب ميولك او مشاريعك اللى انت شغال عليها
طبعا فى ناس بتخلص الجامعه ولم تهتم مطلقا لوجود شاشه محدده :)
ولكن مع تقدم مستويات اعمالك وتوافر الوسائل والتيكنولوجيا الاحدث وتفضيل السرعه والمساعده فى انجاز الاعمال فهتكتشف ان لكل مستخدم بقى فى اختيارات محدده للتسهيل من اعباء عمله
لكن النقطه التانيه انه معروف شاشات IPS ليست شاشات العاب - يعنى مش بتقدر تقدم شاشات سريعه فى زمن عرض الاطار الاحدث او زمن الاستجابه ليها هيكون قياسى اقصاه 5ms او حتى 6ms او 8ms
كلما كانت الخصائص المسؤله عن السرعه فى الالعاب متاخره بالفترات الزمنيه كلما ماظهرت العيوب على الشاشه فى الالعاب وبدات تقتنع انك محتاج شاشه العاب

لذلك انت فى احتياج الاولى اكتر عشان زمن الاستجابه الاسرع
لكن لو عاوز كلا الامرين يبقى يا اما محتاج ميزانيه عاليه جدا او تحاول توفق اختيارك قدر الامكان فى افضل شاشه بافضل مواصفات للحصول على الميزتين والتضحيه بما لا يهمك
وعشان كده هتلاقى موديل زى SAMSUNG LS24D590PL مناسب فى الفئه السعريه دى
فهى اولا تيكنولوجيا IPS Panel يعنى زوايا رؤيه اوضح وتدرجات الوان اكبر وفى نفس الوقت زمن الاستجابه ليها قياسى

اتمنى انك تجد الوقت المناسب لقرائه هذا الموضوع (https://arabhardware.com/forum/showthread.php?t=446227)وتحديدا لو هتبدا مع الفقره رقم 5 بالجزء التانى من الموضوع
فى اجابه شامله لكل شىء عن الفرق بين كلاهما

بخصوص مخارج العرض مفيهاش اى مشكله سواء اعتمادك على اى كابل فيهم حسب المتوفر معاك وفى الشاشه
احيانا مخرج HDMI مطلوب فى اوقات محدده لبعض الاستخدامات ومع بعض الشاشات لتحصيل ريزلوشن ابعاد كبير لا يستطيع مخرج DVI تقديمه
او لتفعيل 3D Vision او عشان الشاشه تحاول توفرلك المخارج اللى ممكن تكتشف كارت الشاشه بتاعك مش قادر يتعامل غير معاها
منفذ Displayport ضرورى لشاشات الالعاب المتقدمه المتعتمده على تقنيات زى G-Sync او FreeSync
ولكن بمجرد استخدامه بيلغى تماما عمل مخارج الصوت
بالنسبالك هتقدر تعتمد على اى مخرج بسهوله حسب المتوافر معاك فى كارت الشاشه