المساعد الشخصي الرقمي

مشاهدة النسخة كاملة : سؤال بخصوص شاشة lg 50 lf6500 3d smart


ابو كريم محمد
19-04-2016, 09:59
السلام عليكم
اشتريت منذ ايام شاشةlg 50lf6500
انا معنديش اي خلفية عن تشغيل الثري دي ومتطلباته ايه مع العلم عندي نظارة وحاولت عن طريق اوبشن الثري دي في الشاشة لكن ملقيتش اي ثري دي... ونفسي اجربه دائما اسمع عنه وانه ينقلك لموقع الفيلم وكأنك فيه... نزلت كام فيلم من مواقع نت على فلاشة بس حجمهم مشكبير ...وما اشتغلش ثري دي بالنضارة خالص ...خايف اكون دفعت المبلغ على الفاضي ...الرجاء ارشادي من المتخصصين او اللي جرب الشاشة ويقول ايه مطلوب بالظبط...ولكم كل الشكر
phenomenon
19-04-2016, 10:48
وعليكم السلام ورحمه الله وبركاته
الف مبروك على التليفزيون اخى الكريم ,
مبدايا متطلبات تدعيم نظام رؤيه ثلاثى الابعاد معقد لابعد الحدود بالفعل ويحتاج خبره تجربه عمليه عشان اقدر افيدك وفى الحقيقه لم يسبق لى بتجربه امرها باى شكل من الاشكال
ولكن حسب علمى فلابد ان يكون التليفزيون او الشاشه داعمين لــــــ NVIDIA 3D VISION اى انهم بالفعل يمتلكوا البرمجيه اللازمه وتم التوافق اثناء التصنيع بين كلا الشركتين لتاكيد التدعيم

اما بالسبه لتليفزيون lg 50lf6500 فهو داعم لنظام عرض Passive 3D Vision وليست NVIDIA 3D VISION
وبناءا عليه لا يمتلك البرمجيه اللازمه , لذلك انت فى حاجه لاحد البرمجيات القادره على ارغام NVIDIA 3D Vision من برنامج NVIDIA Control Panel على رؤيه شاشتك كانها مدعومه بالفعل من NVIDIA 3D VISION
وبعد ذلك تتاكد من رؤيه NVIDIA 3D Vision Logo وتبدا فى اختبار الامر من داخل NVIDIA Control Panel اثناء ارتداء النظاره لتتاكد انه بالفعل تم تفعيلها وتنشيطها

مبدايا ساحاول البحث عليك عن البرمجيه ولكن خلال هذا الوقت تاكد انك مثبت جميع خصائص تعريف NVIDIA Geforce Driver بدون نقصان وحاول تختار تعريق قديم عشان تتاكد من ثبات ادائه وتدعيمه بدون مشاكل
ابو كريم محمد
19-04-2016, 11:11
اولا: شكرا على مرورك وردك الكريم
ثانيا: يقال ان شاشات الثري دي قادرة على تشغيل افلام الثري دي ..طالما يوجد الفيلم او النظارات ...ممكن من قناة ثري دي ...معرفش الفلاشة تنفع ولا لا لان الافلام مممن تكون حجمها كبير وممكن من هارد متصل بالشاشة مباشرة ؟؟ اتمنى مراجعة متخصصي هذا النوع من التلفاز
phenomenon
19-04-2016, 13:12
للاسف اخى الفاضل لن تجد اى مسؤلين او متخصصين باى شركه بعينها الا بصفحات دعم المنتج نفسه على مواقعهم وهى مفترض تكون اقرب وسيله صحيحه ليك بالفعل
ولكن عموما الطريقه اللى بقول لحضرتك عليها مجربه من عدد كبير من الناس ومشهوره جدا من اجل LG passive 3DTVs ,
ربما تعانى معها فى البدايه حتى يتم تفعيلها وحتى ان وصلنا لحل ربما تعانى من صوره ليست جيده وتكون متضطر معها لاختيار ريزيلوشن مختلف ولذلك هى ممكن نقول 50% فشل ولكن اذا نجحت فيعتبر استفدت من امرها
على كل حال اذا حبيت تجربه الامر مفيش مانع اضيف ليك ما تحتاجه للبدا فى التجربه اما اذا اردت التواصل مع المتخصصين فيجب الذهاب الى صفحات الدعم بموقع LG Electronics نفسه
ابو كريم محمد
19-04-2016, 13:22
انا اشتريتها لاني وجدت كتير بيشكروا فيها وف خاصية الثري دي ...وانها كشاشة مهيئة تماما لكده
bisotiger
19-04-2016, 15:50
شوف الفيديو دد اخى الكريم واتفرج عليه لأخره يمكن ينفعك

https://www.youtube.com/watch?v=I7Q-x8lFVDA
kareka20
23-04-2016, 04:41
اولا الف مبروك على الشاشه اختيار موفق جدا انا مشترى شاشتين من نفس النوع لزوج اختى مقاس 32 و 42 والشاشه والموديل ده خصوصا من اجمل ما صنعت شركه ال جى .

ثانيا تشغيل الثرى دى على الشاشه انصحك تروح اى محل كمبيوتر وهتلاقى عنده افلام ثرى دى علشان الافلام دى حجمها كبير وكل مكان الفيلم حجمه كبير الصورة بتكون حلوة واشترى منه كام فيلم بس انا مش فاكر الطريقه ازاى بظبط علشان بقالى كتير مشغلتش فيلم عندهم من ساعه ما اشتريتهلهم بس هقولك على انا فكرة و تشغيل الفيلم مش صعب وشغل الفلاشه على الشاشه ومنها بتختار الفيلم من على الفلاشه ويوجد زرار لتشغيل الفيلم ثرى دى وبتظبط الاعدادات و تلبس الننظارة اللى جاى مع الشاشه ومشاهده ممتعه ان شاء الله

ثالثا ممكن حضرتك تذهب اللى اقرب وكيل ال جى ويكون معاك هارد usb وهم هيدولك افلام ثرى دى ويعرفوك ازاى تشغل الافلام
shehab_elzahed
02-05-2016, 23:08
السلام عليكم
اشتريت منذ ايام شاشةlg 50lf6500
انا معنديش اي خلفية عن تشغيل الثري دي ومتطلباته ايه مع العلم عندي نظارة وحاولت عن طريق اوبشن الثري دي في الشاشة لكن ملقيتش اي ثري دي... ونفسي اجربه دائما اسمع عنه وانه ينقلك لموقع الفيلم وكأنك فيه... نزلت كام فيلم من مواقع نت على فلاشة بس حجمهم مشكبير ...وما اشتغلش ثري دي بالنضارة خالص ...خايف اكون دفعت المبلغ على الفاضي ...الرجاء ارشادي من المتخصصين او اللي جرب الشاشة ويقول ايه مطلوب بالظبط...ولكم كل الشكر
و عليكم السلام و رحمة الله و بركاته
انا عندي نفس الشاشة
شغل التطبيق يوتيوب الموجود في الشاشة و اعمل بحث على 3d vedio أو 3d sbs movies
هيظهر لك فيديوهات أولهم غالبا فيديو من موقع 3dn3d.com شغل الفيديو اللي انت عايزه البس النظاره و دوس على زر 3d الموجود ف الريموت هتلاقي كل حاجه تمام