المساعد الشخصي الرقمي

مشاهدة النسخة كاملة : إستفسار عن باور لـ " zotac gtx 780 ti amp edition "


TheLeader
28-04-2016, 16:25
السلام عليكم

كارت zotac gtx 780 ti amp edition لسه هجيبه كمان يومين إن شاء الله , وعندي في الجهاز باور Extreme power plus 500W

هل الكارت يشتغل على الـ 500 عادي ولا قليل عليه , مع العلم إن باقي إمكانيات الجهاز كالأتي

i7 4790
8GB RAM
1TB Blue

وشكراً مقدماً :)
salahali244
28-04-2016, 22:15
وعليكم السلام

الكارت حسب موقع شركة zotac (https://www.zotac.com/us/product/graphics_card/gtx-780-ti-amp) بيحتاج بور سبلاي 600w , فالافضل انك تمشي مع المواصفات المطلوبة عشان ميحصلش أي ضرر للكارت وخصوصاً ان الكارت سعره مش رخيص فحرام يحصله حاجة , بيع البور الموجود عندك واشتري بور 600W من ماركة كويسة وارشحلك بور من الاتنين دول

SeaSonic S12II Bronze 620W 80 PLUS Certified PSU = 750 L.E
او
XFX TS Series 650W 80 Plus Bronze PSU = 790 L.E

وممكن لو مش مستعجل علي شراء الكارت تنتظر لشهر 6 القادم في كروت جديدة من nvidia و amd هتنزل

وبالتوفيق ان شاء الله
TheLeader
29-04-2016, 09:17
هو الكارت انا هجيبه مُستعمل , وفي قدامي باور 750 Cooler Master والباور القديم اللي كان عندي كان 500 نفس النوع , فـ لو النوع كويس يبقى هجيب الـ 750 علشان لو حبيت احدث قدام ميحصلش مشاكل صح ولا ؟

ثانياً الكروت اللي هتنزل في شهر 6 هتبقى غاليه اكيد مُقارنه بسعر الدولار كمان كام شهر انا الكارت الـ 780 ti ده هجيبه بـ 2500 من واحد صاحبي واعتقد على اداء الكارت السعر مناسب ولا انت شايف ايه ؟
Walid DX01
29-04-2016, 14:30
فئه باورات الاكستريم جميعها سيئه وانصحك بعدم استخدام باور من تلك الفئه حتي ولو كان 1000W :)
في اوقات الضغط لا يقدم الباور المكتوب علي العلبه بالاضافه الي الضجيج الصادر من المروحه شوف باور اخر حتي لو كان 600W لكن موديل محترم
كارت GTX 780 Ti افضل من GTX 970 بحاجه بسيطه لكن 970 بيستهلك طاقه اقل واعتقد ان سعره مناسب لكن حاول تنزل 100 او اقل عشان تشتري باور كويس
TheLeader
29-04-2016, 19:03
تمام يعني الأفضل إني اشتري XFX في الباور ولو حتى 600 هيبقى احسن من الـ 750 الـ coolermaster ؟

وسؤال تاني هل يُفضل شراء الكارت من فئه 7xx ؟ يعني لو قدامي 970 بـ 2800 مثلاً اجيبه وانفض للـ 780 ؟

وشكراً على الرد ;)
Walid DX01
29-04-2016, 20:35
بالظبط الفكره ان باور زي XFX مكوناته يابانيه 100% وتصنيع Seasonic قادر علي تحمل الضغط في اوقات العمل الشاقه ودرجات الحراره العاليه
افضل من باور مكتوب عليه 750w لكن في الحقيقه هو غير آمن علي مكونات جهازك .
تعريفات انفيديا الجديده للالعاب داعمه باستمرار لفئه GTX 7xx وما قبلها ، وجميع كروت معماريه Fermi, Kepler و Maxwell داعمين لـ Directx 12
رايئ اشتري الكارت وانت مطمئن بدلا من الانتظار ودفع مزيد من الاموال
TheLeader
03-05-2016, 20:24
تم شراء الكارت والباور XFX TS Series 650W 80 Plus Bronze PSU

والكارت ما شاء الله جبار