المساعد الشخصي الرقمي

مشاهدة النسخة كاملة : الفرق بين اشهر 3برامج تورنت و حل مشكلة التحميل من الارشيف وجميع التراكرات صعبةالتحميل



Black foxer
02-05-2016, 04:15
السلام عليكم اخواني في موقع ومنتديات عرب هاردوير تحية طيبة وبعد :

طبعا لان النت عندنا في مصر مش كويس نهائيا فالتحميل من خلال IDM او اي برنامج تحميل عادي بيكون صعب لانه في اغلب الاوقات بيسبب تلف في الملفات فالكل بيلجأ لبرامج التورنت
ولكن ايضا يوجد في التورنت مشكلة عدم وجود الSeeders بكثرة وبيسبب تقل التحميل لذلك قمت بتصوير فيديو للمقارنة بين اشهر 3 برامج لتحميل ملفات التورنت وتم اختبار السرعة على اسوأ التراكرات على الاطلاق وهو الارشيف لان هذا التراكر هو من يقوم بعمل seed بنفسه على الملفات لذلك يكون التحميل عليه شبه مستحيل عن طريق التورنت ولكن !! مع الفيديو سترى وتعلم ان لا يوجد مستحيل في عالم التكنولوجيا والانترنت

رابط الفيديو مباشرة اذا لم يظهر
https://youtu.be/YjXDWKwridg


https://www.youtube.com/watch?v=YjXDWKwridg

بعد مشاهدة الفيديو سوف تتسائل كيف حدث هذا ؟

سأخبرك اخي الكريم

في البرنامجين الاول والثالث يقومون بالاستفادة من كافة الseeders ألموجودين حتى وان كانوا واحدا فقط وهذا ما لايتوفر في البرنامج الثاني
وايضا البرنامج الثاني لا يستطيع الاستفادة من بعض الseeders الموجودين في اسيا وبعض دول اوروبا بسبب مشاكل الانترنت في مصر ولكن !
تم حل تلك المشكلة في البرنامج الاول و الثالث ويستطيع الاستفادة من كافة السيدرز الموجودة في التورنت .

والسلام عليكم ورحمة الله وبركاته

| OMA |
02-05-2016, 04:39
- فعلا utorrent اصداراته الاخيره اصبحت سيئه و اصبحت غير مستقره

- ولكن ايضا موضوع السرعه متوقف بشكل كبير علي الseeders في التورنت العام لكن في التورنت الخاص حتي لو seeder واحد السرعه بتكون افضل من التورنت العام

لكن في المجمل الموضوع هيساعد الناس اللي بتواجه مشاكل مع اصدارات utorrent الاخيره - انه حان الوقت لتجربة برنامج اخر

شكرا علي الموضوع يا محمد :)

phenomenon
02-05-2016, 04:43
فكره هايله يا صديقى , انا من وقت ماشوفت ايكونه Ratio Faker على سطح المكتب امبارح وانا متوسم فيك خير بخصوص مواضيع التورنت فعلا :)
عموما الف شكر على مجهودك والطريقه الممتازه واكيد سيتم تخزينها للتجريب
انا ضيفت شكر هل محتاج اى شىء اخر :)

Black foxer
02-05-2016, 04:46
- فعلا utorrent اصداراته الاخيره اصبحت سيئه و اصبحت غير مستقره

- ولكن ايضا موضوع السرعه متوقف بشكل كبير علي الseeders في التورنت العام لكن في التورنت الخاص حتي لو seeder واحد السرعه بتكون افضل من التورنت العام

لكن في المجمل الموضوع هيساعد الناس اللي بتواجه مشاكل مع اصدارات utorrent الاخيره - انه حان الوقت لتجربة برنامج اخر

شكرا علي الموضوع يا محمد :)

ده بقاله فترة طويلة جدا على الحال ده مش مؤخرا فقط وايضا بالنسبة للبرنامج الاول و الثالث فهم يستفيدوا من الseeder لو كان واحد في الترراكرات العامة وانا جربتها وحضرتك خير دليل تراكر موقع الارشيف حضرتك شوفت السرعة بتكون ازاي في اليوتورنت و الباقي !!

نورت الموضوع وشرفتني يا غالي :)

Black foxer
02-05-2016, 04:51
فكره هايله يا صديقى , انا من وقت ماشوفت ايكونه Ratio Faker على سطح المكتب امبارح وانا متوسم فيك خير بخصوص مواضيع التورنت فعلا :)
عموما الف شكر على مجهودك والطريقه الممتازه واكيد سيتم تخزينها للتجريب
انا ضيفت شكر هل محتاج اى شىء اخر :)

نورت الموضوع واقسام السوفتوير كلها يا كبير :)

وحضرتك اعتبرني مصباح علاء الدين فكر بس في اي حاجة تخص السوفتوير وهتلاقيها موجودة : D

بأستخدام البرنامج الاول و الثالث لن تحتاج الى الRatio Faker فهو يقوم بوهم المواقع تلقائيا وخصوصا البرنامج الاول

لأ كفاية بس علينا مرور حضرتك في الموضوع ولك رسالة خاصة متشكلة في هيئة اخرى : D

Walid DX01
02-05-2016, 06:40
تسلم ياعم فوكسر
الواحد مش عارف يحمل لعبه ماريو حتي الظاهر فعلا ان عمرنا ما هنرجع زي زمان
عموما زمن التحميل من IDM انتهي فعلا الا لو كانت برامج صغيره او تحميلات روتينه
وعن نفسي "كنت" بستخدم التورنت في تحميل كل حاجه والارشيف كان كويس جدا
مش عارف ايه اللي حصله , سيتم التجربه بس ادعيلي :)

Black foxer
02-05-2016, 06:43
تسلم ياعم فوكسر
الواحد مش عارف يحمل لعبه ماريو حتي الظاهر فعلا ان عمرنا ما هنرجع زي زمان
عموما زمن التحميل من IDM انتهي فعلا الا لو كانت برامج صغيره او تحميلات روتينه
وعن نفسي "كنت" بستخدم التورنت في تحميل كل حاجه والارشيف كان كويس جدا
مش عارف ايه اللي حصله , سيتم التجربه بس ادعيلي :)

العفو استاذي الغالي نورت الموضوع :)

ربنا يكرمك كدة وتحمل ماريو واكلة الدهب و زوما والمزرعة : D

جرب بس ولو حاجة اعترضت طريقك قولي

إكس لارج
02-05-2016, 09:29
تسلم ياعم فوكسر
الواحد مش عارف يحمل لعبه ماريو حتي الظاهر فعلا ان عمرنا ما هنرجع زي زمان
عموما زمن التحميل من IDM انتهي فعلا الا لو كانت برامج صغيره او تحميلات روتينه
وعن نفسي "كنت" بستخدم التورنت في تحميل كل حاجه والارشيف كان كويس جدا
مش عارف ايه اللي حصله , سيتم التجربه بس ادعيلي :)

انا ممكن اساعد حضرتك فى تحميلها , ابعتلى اسم اللبعة واصدارها وا ابعتلك ملف تورنت ليها لو انت تحب

شكرا لصاحب الموضوع

MR>LVL
02-05-2016, 09:41
شكرا لك اخى الغالى على موضوعك لكن مع احترامى لك موقع ارشيف فى التورنت جيد نسبيا

فبعد التجربه التحميل منه فى جميع الاوقات سواء صباحا او ليلا فباخد سرعتى كامله 460 كيلو لسرعه 4 ميجا غير محدوده

بالنسب لبرامج التورنت لم استخدم مسبقا اى من البرامج التى ذكرتها سوى اليوتورنت فانا منذ ان عرفت التورنت سنه 2007 تقريبا وانا كنت استخدم برنامج bitcomet

وفضلت فتره معه لا باس بها حوالى سنتان على ماذكر حتى منتصف 2010 ومن وقتها وانا استخدم اليوتورنت الاصدار تحديد utorrent 2.2.1 Build 25302 لا اعرف الامر بالنسبه لاصدارت اليوتورنت الجديد ولا اريد استخدامه بسسب كثره الاعلانات فيها

اعرف ان هناك طريقه لتعطيلها لكن بما ان اصدارات اليوتورنت القديمه معتمده فى التركات الخاصه فلا مشكله من استخدامه والابتعاد عن الاصدار الاحدث

شكرا لك على الموضوع مره اخرى

Walid DX01
02-05-2016, 10:19
انا ممكن اساعد حضرتك فى تحميلها , ابعتلى اسم اللبعة واصدارها وا ابعتلك ملف تورنت ليها لو انت تحب

شكرا لصاحب الموضوع

شكرا يا زوقك فندم المشكله عندي حاليا اني شغال بالنت عن طريق vodafone usb والباقه بتخلص علطول ومفيش فرصه لتحميل اي شئ
ان شاء الله لو احتجت اي حاجه هقولك علطول :)


العفو استاذي الغالي نورت الموضوع


ربنا يكرمك كدة وتحمل ماريو واكلة الدهب و زوما والمزرعة : D


جرب بس ولو حاجة اعترضت طريقك قولي


منور بأصحابه :)

bisotiger
02-05-2016, 16:37
حبيب قلبى محمد ملك برمجيات منتدانا الحبيب عرب هاردوير

أشكرك بشكل شخصى على هذا الموضوع الرائع والمهم الصراحة بالنسبة لى ولكل واحد فى مصر مع الانترنت الزفت بتاعنا

بالفعل زى ماقولت فى الفيديو (كفاية عليك كده ل utorrent) برنامج شلنى الصراحة وكانت السرعه عندى بتوصل ل 0 كيلو بايت

سوف يتم التجربة

تحياتى أخى العزيز محمد

Ahmed Maher658
02-05-2016, 17:09
كالعادة موضوع متميز و مفيد ياريت لو تشرح طريقة الغش كمان انا شخصيا بفضل ال Vuze عليهم كلهم لكثرة ال options

إكس لارج
02-05-2016, 19:08
لو ممكن اشارك فى الموضوع وللأسف لم أشاهد الفيديو بعد :(
بس انا شايف الناس نازلة هجوم على اليو تورنت
فى الحقيقة هو برنامج ممتاز من وجهة نظري

الناس لو سمحت تسيب ومتحملش الإصدار الجديد لليو تورنت وتحمل اصدار 2.2.1

بخصوص سرعة الدوان لود , ده بيعتمد على سيرفر التراكر ذات نفسه اولا ,
ثم يعتمد على السيدرز اللى حملت الملفات وبتعمل سيدنج للناس ,
وطبعا هناك فرق شاسع بين التراكر العادي والتراكر الخاص ,
وكمان بيعتمد على مستوي التراكر نفسه , التراكر العالي أكيد هيجيب سيرفرات نضيفة الاعضاء , لانه بيعتمد على تبرعهم من اجل الشراء

فى الحقيقة الموضوع محتاج كلام كتير , بس ده الملخص

إكس لارج
02-05-2016, 19:11
نسيت اقول حاجة انى انا اخر حاجة منزلها من التورنت هو سلسلة صوتية مميزة بعنوان اسماء الله الحسنى لفضيلة الدكتور محمد راتب النابلسي
الرابط أهو https://www.arabp2p.com/index.php?page=torrent-details&id=83110ae41c01148c5c558da65505ece28cbffd24

انا كنت واخد سرعة كاملة والملف نزل وكله تمام والحمدلله
كنت بحمل بإصدار 41372

Hany Mohamed Nigma
03-05-2016, 03:17
فوكسر المميز استمر :)

MMS-AMMMK
03-05-2016, 05:46
فعلا عندك حق مشرفنا الحبيب Black foxer (https://arabhardware.com/forum/member.php?u=11282709)
من هناك مشكلة ما ببرنامج utorrent خصوصا بالاصدارات الاخيرة كنت استخدم bitsprit من فترة كبيرة ولكن ساجرب البرامج المذكرة خصوصا لانى اترك الجهاز فترات كبير يعمل للتحميل

doctor-adam
03-05-2016, 23:39
ايه علاقة القرآن الكريم بالتورنت علشان تحته خلفيه لشرحك؟

Black foxer
04-05-2016, 01:32
بالنسبة اني بهاجم الutorrent انا مش بهاجمه ع فكرة بس البرنامج في الوقت الحالي فعلا اصبح سىء لابعد الحدود بالنسبة لتجربتي معه والاصدار الذي استخدمه هو قديم ليس بأخر اصدار ولا اي اصدار من اصدارات 4xxxx ولا يستطيع التعامل مع التراكرات العامة بقوة نهائيا لانه لا يستطيع الاستفادة من كافة الSeeders انا شخصيا استخدم الUtorrent في التراكرات الخاصة لكن التراكرات العامة استخدم البرنامج الاول

وشكرا جدا لمروكم الغالي في الموضوع

Black foxer
04-05-2016, 01:46
ايه علاقة القرآن الكريم بالتورنت علشان تحته خلفيه لشرحك؟

اولا دي حرية شخصية زي الاشخاص التي تضع موسيقى و اغاني خليفة

ثانيا لو حضرتك تابعت شروحاتي كلها هتلاقيني بكون مشغل قران وانا شغال لان طول الوقت انا مشغله عندي ع الجهاز الحمد لله يعني

والقران له علاقة بكل حاجة في حياتنا بالنسبة ليا علشان الشرح يطلع كويس لازم اكون بسمع قران

شرفت الموضوع

doctor-adam
04-05-2016, 08:13
هل
للقرآن الكريم علاقة بامكانية الغش فى التراكات الخاصه ؟

| OMA |
04-05-2016, 08:21
هل
للقرآن الكريم علاقة بامكانية الغش فى التراكات الخاصه ؟

اخي الكريم من الواضح ان حضرتك لم تقرا الموضوع جيدا - الموضوع يوضح الفرق في سرعة 3 برامج علي التراكات العامه - وبصراحه مش شايف اي مشكله في تشغيل القراءن الكريم في الفيديو وهي حريه شخصيه كما قال كاتب الموضوع - فا ياريت توضح ايه المشكله بالظبط ؟ - مع اني مش شايف اصلا مشكله

phenomenon
04-05-2016, 08:53
هل
للقرآن الكريم علاقة بامكانية الغش فى التراكات الخاصه ؟


هل نسخه الويندوز بتاعتك اصليه ؟
هل كل العابك اصليه ؟ هل كل برامجك اصليه ؟
هل عمرك ما غشيت فى امتحان ؟
انا عارف انك زعلت منى لما قولتلك " تمام يا شيخ شعراوى " فى موضوع حمايه الالعاب وكان سؤالك نفس الشكل بالظبط
مجرد سؤال فلسفى ولو كان طالع بغرض الدعابه فللاسف انت بتساله بطريقه ولهجه غير صحيحه لا يمكن فهمها من وراء الشاشات للجميع
بالاضافه انى لما قولتلك ياشيخ شعراوى كان غرضى الضحك بحسن نيه ولكن انت زعلت ودى حاجه ترجعلك

doctor-adam
04-05-2016, 16:54
هل نسخه الويندوز بتاعتك اصليه ؟
هل كل العابك اصليه ؟ هل كل برامجك اصليه ؟
هل عمرك ما غشيت فى امتحان ؟
انا عارف انك زعلت منى لما قولتلك " تمام يا شيخ شعراوى " فى موضوع حمايه الالعاب وكان سؤالك نفس الشكل بالظبط
مجرد سؤال فلسفى ولو كان طالع بغرض الدعابه فللاسف انت بتساله بطريقه ولهجه غير صحيحه لا يمكن فهمها من وراء الشاشات للجميع
بالاضافه انى لما قولتلك ياشيخ شعراوى كان غرضى الضحك بحسن نيه ولكن انت زعلت ودى حاجه ترجعلك

مين قال انى زعلت يا اخ ظاهره :)

ضحكت جدا لان زى ما انت بتقول هو مجرد سؤال فلسفى او فكره فكرت فيها ليس اكتر دايما بيتفهم انه مشيخه وكده فدايما بضحك:)

بالنسبه للناس اللى بتستخدم الميوزيك ولااغانى فى الشروحات حريه شخصيه اكيد لان الاغانى والموزيك مالهمش اى قدسيه

بالنسبة للقرآن واياته ليه قدسية ماينفعش تستخدمه اى استخدام وتقحمه فى اى مواضع وتقول حريه شخصيه

ايه علاقة القران الكريم اللى بنهى عن الغش بامكانية غش فى تراكات او بشرح كراك مثلا زى كتير شروحات موجوده على النت

وايه فكرة اصلا اقحام القران الكريم فى موضع شرح فيديو لاى حاجه اصلا ؟ ولا اى حاجه غير مجرد اقحام


وصباح الفل يااخ ظاهره

bisotiger
05-05-2016, 00:20
مين قال انى زعلت يا اخ ظاهره :)

ضحكت جدا لان زى ما انت بتقول هو مجرد سؤال فلسفى او فكره فكرت فيها ليس اكتر دايما بيتفهم انه مشيخه وكده فدايما بضحك:)

بالنسبه للناس اللى بتستخدم الميوزيك ولااغانى فى الشروحات حريه شخصيه اكيد لان الاغانى والموزيك مالهمش اى قدسيه

بالنسبة للقرآن واياته ليه قدسية ماينفعش تستخدمه اى استخدام وتقحمه فى اى مواضع وتقول حريه شخصيه

ايه علاقة القران الكريم اللى بنهى عن الغش بامكانية غش فى تراكات او بشرح كراك مثلا زى كتير شروحات موجوده على النت

وايه فكرة اصلا اقحام القران الكريم فى موضع شرح فيديو لاى حاجه اصلا ؟ ولا اى حاجه غير مجرد اقحام


وصباح الفل يااخ ظاهره



أخى الكريم لا داعى للتهكم على الغير
ولا ارى أى حرج فى تشغيل
القرآن

الكريم فى خلفية الشاشة وبالفعل انا اتابع شروحات أخى محمد والخلفيات كلها ايات ايات قرانية
يعنى انت لو كان شغل عمر دياب هيكون أفضل لك دا مش كلام
أرجو أحترام حرية الأخرين أخى الكريم
بس خلى بالك زى ماوضحلك أخى ابراهيم الويندوز اللى قاعد عليه حرام وبرنامج التحميل idm حرام والالعاب المتكركة عندك حرام تعرف ليه عشان أنت قمت بسرقتها فلاداعى للدخول فى مثل هذا النقاش لان طريقة مسدود
ولا نملك الا أن نقول ربنا يرحمنا برحمته فيما نفعله وهو التواب الرحيم

phenomenon
05-05-2016, 00:54
مين قال انى زعلت يا اخ ظاهره :)
ضحكت جدا لان زى ما انت بتقول هو مجرد سؤال فلسفى او فكره فكرت فيها ليس اكتر دايما بيتفهم انه مشيخه وكده فدايما بضحك:)
بالنسبه للناس اللى بتستخدم الميوزيك ولااغانى فى الشروحات حريه شخصيه اكيد لان الاغانى والموزيك مالهمش اى قدسيه
بالنسبة للقرآن واياته ليه قدسية ماينفعش تستخدمه اى استخدام وتقحمه فى اى مواضع وتقول حريه شخصيه
ايه علاقة القران الكريم اللى بنهى عن الغش بامكانية غش فى تراكات او بشرح كراك مثلا زى كتير شروحات موجوده على النت
وايه فكرة اصلا اقحام القران الكريم فى موضع شرح فيديو لاى حاجه اصلا ؟ ولا اى حاجه غير مجرد اقحام
وصباح الفل يااخ ظاهره



يا سيدى الفاضل - يا اخ ادم - هذه الافكار صدقنى افكار دنويه ليس اكثر
وهى دى المشكله : النقض
بصراحه انا مش عارف مين اللى اعطاك فكره ان القران الكريم فى الشروحات اقحام ؟ ده شيوخ الازهر بيرفعوا فيديوهات شروحات وفيها قران - مين حرمها طيب ؟

كمان الاهم من كده هل انت فعلا قاصد تنصحه ؟ مليون الميه لا لان دى مش طريقه تقديم نصيحه من انسان " مثقف - متدين - خايف على قدسيه القران "
دى طرقه تهكم زى ما قال الاخ بيسو ومجرد نقض او فلسفيات وللاسف الشديد طريقه تقديمها نفسها مش مفهومه لكل الناس
فهتلاقى صاحب الموضوع او اللى انت موجله سؤالك مش قادر يفهمك هل انت غرضك الضجط او الفلسفه او الاستهزاء بيه والى اخره
بالرغم ان ممكن تكون نيتك حسنه من الاول

طيب لو قولنا الحرامى وهو رايح يسرق بيقول يارب نجينى هل هنقوله ايه دخل ربنا فى اللى بتعمله ؟ لو قولنا هيبقى بغض الضحك ايضا
لان الحرامى عارف انه بيعمل حاجه غلط لكن مش لاقى وسيله تانيه قدامه بالرغم انه عارف انها تغضب ربنا
مالناش دعوه فى اى مسائل جانبيه زى مايدور على شغل ولا ربنا هيتقبل دعائه ولا هيحاسبه ولا هيسامحه - محدش عارف مين فينا عند ربنا شكله ايه

الفكره كلها ان فوكسر فعلا بيرفع فيديوهات وفيها ايات قرانيه ودى مش اقحام للقران بالعكس دى فكره كويسه انه ينضف ودان ناس كتير مبتسعمشى غير مهرجانات اليومين دول :)
عموما انا عارف ان مشاركتك مجرد فتح باب للنقاش والدعابه بحس نيه ومش مقصوده ولكن دى تانى مره بتنقض فيها العمل اللى قدامك

طيب قولى اخى الكريم : هل شكرته على اى عمل قديم ليه ماكنشى بيقحم القران فيه لانك لقيته عمل خالى من الاخطاء والذنوب وبيحافظ على القدسيه ؟
مظنش لانى زى ماقولتلك الغرض هو النقض وسخريه الموقف فقط ومع ذلك انا مش بزعل شخصيا من حاجات زى دى ولكن هى بتزعل ناس كتير لانها بتعتبره تقليل من جهودهم ورايى انه من حقهم

وسيبك من ظاهره وباطنه مانت عارف اسمى :)

Black foxer
05-05-2016, 02:13
دكتور ادم انا شوفت طبعا ردك على الموضوع انهاردة الصبح لكن للاسف النت عندي فيه مشكلة بيشتغل دقيقة ويفصل 10 ساعات

حضرتك مبدأيا الفكرة او الاعتقاد في تشغيل القران اثناء شروحاتي اني اكيد هموت زي اي مخلوق ع الارض والشروحات دي هتفضل موجودة ولو حتى عند شخص واحد فقط بدل ما اشغل اغاني واخد عليها ذنوب في قبري يبقى اسيب قران افضل ليا تمام

النقطة التانية القران اكيد له احترامه ووقاره وانا واحد من الناس مش بستريح ولا بكون مركز الا وانا مشغل القران بحكم اني حافظ الحمد لله 17 جزء وبكمل حفظ فبكون مركز في القران وفي الي انا بعمله هتقولي ازاي حاجتين في نفس الوقت مش هتفهم قصدي ايه غير لما تكون من وانت عندك 8 سنين بتحفظ قران

النقطة التالتة والاهم حضرتك دي حرية شخصية زي ما قولتلك يعني حضرتك وانت مالك اشغل قران اشغل الي اشغله حاجة متخصكش متدخلش مواضيعي ولا تشارك فيها

النقطة الرابعة ربنا الي هيحاسبني مش حضرتك

النقطة الخامسة استاذي الكبير أ/ابراهيم اسم عضويته (Phenomenon) مش الظاهرة والله عرفت تكتب ا/ابراهيم خير عرفت تكتب Phenomenon خير انما حاجة تانية لأ لان هو مش كاتب اسم عضويته بالانجليزي علشان حضرتك تيجي تتفلسف وتترسم علينا وتترجمها لأ استاذ ابراهيم كتب اسم عضويته بالانجليزي علشان يتم نطقها انجليزي

النقطة الاخيرة انا لحد دلوقتي لم اتخذ اي اجراء ضدك لان حضرتك لم تحترم قوانين المنتدى

متنساش بقى تعمل هاشتاج ضد وضع القران كخلفية في الفيديوهات وتقول اقحام صدقني هتلاقي ناس هايفة وتافه كتير تدعمك

Black foxer
05-05-2016, 02:45
يا سيدى الفاضل - يا اخ ادم - هذه الافكار صدقنى افكار دنويه ليس اكثر
وهى دى المشكله : النقض
بصراحه انا مش عارف مين اللى اعطاك فكره ان القران الكريم فى الشروحات اقحام ؟ ده شيوخ الازهر بيرفعوا فيديوهات شروحات وفيها قران - مين حرمها طيب ؟

كمان الاهم من كده هل انت فعلا قاصد تنصحه ؟ مليون الميه لا لان دى مش طريقه تقديم نصيحه من انسان " مثقف - متدين - خايف على قدسيه القران "
دى طرقه تهكم زى ما قال الاخ بيسو ومجرد نقض او فلسفيات وللاسف الشديد طريقه تقديمها نفسها مش مفهومه لكل الناس
فهتلاقى صاحب الموضوع او اللى انت موجله سؤالك مش قادر يفهمك هل انت غرضك الضجط او الفلسفه او الاستهزاء بيه والى اخره
بالرغم ان ممكن تكون نيتك حسنه من الاول

طيب لو قولنا الحرامى وهو رايح يسرق بيقول يارب نجينى هل هنقوله ايه دخل ربنا فى اللى بتعمله ؟ لو قولنا هيبقى بغض الضحك ايضا
لان الحرامى عارف انه بيعمل حاجه غلط لكن مش لاقى وسيله تانيه قدامه بالرغم انه عارف انها تغضب ربنا
مالناش دعوه فى اى مسائل جانبيه زى مايدور على شغل ولا ربنا هيتقبل دعائه ولا هيحاسبه ولا هيسامحه - محدش عارف مين فينا عند ربنا شكله ايه

الفكره كلها ان فوكسر فعلا بيرفع فيديوهات وفيها ايات قرانيه ودى مش اقحام للقران بالعكس دى فكره كويسه انه ينضف ودان ناس كتير مبتسعمشى غير مهرجانات اليومين دول :)
عموما انا عارف ان مشاركتك مجرد فتح باب للنقاش والدعابه بحس نيه ومش مقصوده ولكن دى تانى مره بتنقض فيها العمل اللى قدامك

طيب قولى اخى الكريم : هل شكرته على اى عمل قديم ليه ماكنشى بيقحم القران فيه لانك لقيته عمل خالى من الاخطاء والذنوب وبيحافظ على القدسيه ؟
مظنش لانى زى ماقولتلك الغرض هو النقض وسخريه الموقف فقط ومع ذلك انا مش بزعل شخصيا من حاجات زى دى ولكن هى بتزعل ناس كتير لانها بتعتبره تقليل من جهودهم ورايى انه من حقهم

وسيبك من ظاهره وباطنه مانت عارف اسمى :)

خلاص يا مدير انا رديت على الموضوع وحضرته مش داخل بروح الدعابة والهزار لأ ده داخل يستظرف ويتفلسف سيبك من العالم دي

المهم حضرتك عندك تقيمات متأخرة و كرسي اعتراف واتهمتني ظلما وعدوانا اني الي عملته وانا النت عندي فاصل بقاله يومين : D انا عاوز تعويض 50 تقيم يا استاذ ظاهرة بعد اذنك يعني : D اشمعنا انا مستظرفش بس فيه ناس متعرفش ان حضرتك فعلا ظاهرة في مجال الهاردوير بس الناس بتنفسن عليك يا عم الظاهرة : D

Black foxer
05-05-2016, 02:46
اخي الكريم من الواضح ان حضرتك لم تقرا الموضوع جيدا - الموضوع يوضح الفرق في سرعة 3 برامج علي التراكات العامه - وبصراحه مش شايف اي مشكله في تشغيل القراءن الكريم في الفيديو وهي حريه شخصيه كما قال كاتب الموضوع - فا ياريت توضح ايه المشكله بالظبط ؟ - مع اني مش شايف اصلا مشكله


هدي نفسك يا استاذ محمود اصل دي شغلانة الناس الي معندهاش شغلانة بس كدة فمتستغربش وعديها

Black foxer
05-05-2016, 02:55
أخى الكريم لا داعى للتهكم على الغير
ولا ارى أى حرج فى تشغيل
القرآن

الكريم فى خلفية الشاشة وبالفعل انا اتابع شروحات أخى محمد والخلفيات كلها ايات ايات قرانية
يعنى انت لو كان شغل عمر دياب هيكون أفضل لك دا مش كلام
أرجو أحترام حرية الأخرين أخى الكريم
بس خلى بالك زى ماوضحلك أخى ابراهيم الويندوز اللى قاعد عليه حرام وبرنامج التحميل idm حرام والالعاب المتكركة عندك حرام تعرف ليه عشان أنت قمت بسرقتها فلاداعى للدخول فى مثل هذا النقاش لان طريقة مسدود
ولا نملك الا أن نقول ربنا يرحمنا برحمته فيما نفعله وهو التواب الرحيم

هدي نفسك استاذي الفاضل عادي يعني انا مش هستغرب لو لقيته جي يقول ازاي فوكسر يعمل مواضيع عن القران والشيخ محمد متولي الشعراوي في القسم العام ده بيعمل اقحام عادي عديها عديها

وممكن يعلق عادي على اني كاتب دعوة لاستاذي الله يرحمه في التعليق ويقولك بيقحم

واكيد يعني الدكتور بيشتري كل البرامج والالعاب والافلام والاغاني الي حضرته بيستخدمها ومشترك بطريقة شرعية في مواقع التورنت وجايب Seedbox ومش بيستخدم برامج الغش واحنا الي شغلنا كله حرام في حرام عادي عديها عديها انا دلوقتي سارق واي فاي من موبايل اخويا ومشغل قران شوفت انا وصلت بيا لايه بسرق و مشغل قران

طلما انه شاف كدة في القران يبقى عادي عديله وانا بكلم حضرتك اهو وبكلم استاذ ابراهيم واستاذ محمود يبقى يجي يتدخل في الكلام الي ما بينا هنا في الموضوع اصل انا بحب افكر بصوت عالي في العام

Black foxer
05-05-2016, 05:38
ردودك بتدل انك مفهمتش الفكره اللى انا بتكلم فيها اصلا وبتدل انك محدود الفكر وافتكرتنى بتنقضك او بقلل منك رغم ان كل كلامى عن فكر مش شخصى تجاهاك اطلاقا

لان اى حد متعود يفكر ويستخدم عقله باستمرار كان فهم اللى اقصده بسهوله ومعنى كده ان الرد والمناقشه غير مجديه

الصغائر اللى فى تعليقاتك سهل ارد عليها حذف بواسطة الادارة



حذف بواسطة الادارة




حضرتك الي مش عارف ترد وداخل بتتناقش في حاجات مش موجودة اساسا في الموضوع ايه الي جاب الغش في الموضوع ؟؟ ايه الي جاب موضوع اني اشغل قران في الموضوع ولا لأ ؟؟

وانا فعلا زي ما حضرتك قولت بوصف البيت بس اسمحلي بالمخالفة دي لانك استحققتها عن جدارة