الجهاز بيفصل اثناء اللعب

[AlyAly2]

مشكله عندي بالجهاز : كل اما اشغل لعبه ثقيله يعمل ريستارت
العاب زى : call of duty black ops 3
: GTA V
: far cry 4

امكانيات الجهاز
كارت شاشه GTX 770 2GB
معالج I5 4670K
رامات 12 جيجا
بورده ASUS Z87
باور سبلاى HEC 600 WAT

ردجات الحراره
المعالج 35 -60
كارت الشاشه 35-65
مع العلم ان بلعب الالعاب دي على اقل اعدادات

كل ما بيفصل بيجيب الرسالع دى

[bisotiger]

من الواضح ان المشكلة من الباورسبلاى

قم بتجربة باور سبلاى أخر

تحياتى أخى الكريم

[phenomenon]

مش تزعلى منى : ازاى تشترى كارت GTX 770 على باور HEC ؟
صحيح باور HEC مش لهذا الحد من السوء واحنا بنرشحه كتير لانه مناسب لاغلب المنصات البسيطه ولكن مع GTX 770 ؟ صعب ومخاطره كبيره
عموما انصحك بعدم الضغط حاليا او تشغيل ايه العاب

الصوره بتقول اللوحه الام اعادت تهيئه نفسها للحمايه من وحده طاقه غير مستقره " باور سبلاى "
انصحك مش تضغط حاليا خالص على الباور او المكونات ووقف العابك عشان مترهقشى اللوحه وتحافظ على مكوناتك كلها على ماتشترى باور قوى 600W حقيقى زى Seasonic او XFX او Corsair

[salahali244]

المشكلة 100% من البور سبلاي لانه مش قادر يمد الجهاز بالوات الكافي في وقت الضغط عليه (أثناء اللعب) , والمذبورد بتعمل علي فصل الجهاز عشان البور ميتسببش في حرق كارت الشاشة او اي قطعة من الجهاز

الحل انك تغيير البور سبلاي لبور سبلاي 600W من ماركة كويسة لان كارت GTX 770 بيحتاج بور 600 وات فعلي

ارشحلك بور من الاتنين دول :-

SeaSonic S12II Bronze 620W 80 PLUS Certified PSU = 750 L.E
او
XFX TS Series 650W 80 Plus Bronze PSU = 790 L.E

[AlyAly2]

تمام واضح ان فى اجماع ان المشكله من الباور مش من حاجه تانيه
وان شاء الله هغيره بس ارجو وضع اسماء باور مناسب
طيب درجات الحراره كده كويسه
وشكرا لكل ساهم بالرد

[salahali244]

تمام واضح ان فى اجماع ان المشكله من الباور مش من حاجه تانيه
وان شاء الله هغيره بس ارجو وضع اسماء باور مناسب
طيب درجات الحراره كده كويسه
وشكرا لكل ساهم بالرد

درجات الحرارة كويسة وهي دي درجات الحرارة الاعتيادية لكرت GTX 770 ومعالج I5 4670K

وحاول متضغطش علي الجهاز بالالعاب او بالاستخدام الثقيل لغاية ما تشتري بور تاني عشان بور HEC ميتسببش في حرق اي شئ من الجهاز

وملاحظة أخيرة ومهمة جداً : هتلاقي في ناس علي بعض المواقع بتنصح بحل عشان توقف المشكلة اللي عندك انك تدخل علي اعدادات المذربورد وتقفل خاصية asus anti-surge طبعاً ده غلط جداً وأوعي تعمل كده لان الخاصية دي اللي بتخلي الجهاز يرستر لما البور مش بيمده بالوات الكافي عشان يحافظ علي اي قطعة من قطع الجهاز من التلف ولو قفلتها ممكن تتسب في تلف الجهاز

[AlyAly2]

طيب ف انواع معينه وايه رايك ف الباور ده Thermaltake SE 730w Gold

[salahali244]

طيب ف انواع معينه وايه رايك ف الباور ده Thermaltake SE 730w Gold
فيه طبعاً انواع كويسة زي SeaSonic و XFX و EVGA و Corsair وأهم شئ يكون بور حاصل علي شهادة 80 plus bronze او 80 plus gold او 80 plus Platinum

Thermaltake SE 730w Gold البور كويس بس انت مش محتاج بور 730w جهازك محتاج بور 600w يعني ممكن توفر فرق السعر وتجيب بيه مشتت احترافي للمعالج او مروحة تبريد للجهاز او اي شئ اخر

وارشحلك بور من الاربعة دول بالترتيب من الاعلي للأقل من حيث جودة التصنيع :-

1 - SeaSonic S12II Bronze 620W 80 PLUS Bronze Certified PSU = 750 L.E
2 - XFX TS Series 650W 80 Plus Bronze PSU = 790 L.E
3 - EVGA 600B 600W Bronze PSU = 790 L.E
4 - Corsair VS Series VS650M 650w PSU = 750 L.E

[AlyAly2]

تم حل المشكله : بتغيير الباور الحالى الى باور جديد ماركهXFX 650 WAT ولا اوجه المشكله شكرا للاخوه والمنتدي

[AlyAly2]

هل درجات الحراره دى عاديه 32585

[phenomenon]

درجه حراره كارت الشاشه 75C وهى مناسبه جدا
درجه المعالج المركزى وصلت عند 80C تقريبا
من الافضل ان اقصى الحدود تثبت فى رنج 75C الى 80C عموما ولكن هى بتتحمل اعلى من كده بالتاكيد ولكن يفضل دائما تكون قليله خصوصا ان المعالجات ادائها بيختنق تدريجى مع ارتفاع الحراره لدرجات شديده
على كل حال الامر طبيعى لو المشتت المصنعى بتاع انتل هو اللى راكب ولكن يفضل شراء مشتت للبروسيور وفى سؤال اخر
درجه الحراره دى كانت اثناء لعبه ايه تحديدا ؟ وهل لو كانت لعبه فهل انت متاكد من تفعيل تقنيه V-Sync فى اللعبه ؟

[AlyAly2]

اللعبه الى بيحصل معاها كده call of duty black ops 3 ----- موضوع تفعيل تقنيه v-sync معرفهوش

[phenomenon]

بوجهه عام اتاكد دائما من تفعيل V-Sync لو الشاشه بتاعتك 60hz refresh Rate
غالبا هى بتكون مفعله اوتوماتيك ولكن لو الكارت بيجيب عدد اطارات اكبر من 63fps يبقى مش متفعله
هتفعلها هتلاحظ ان الكارت ثبت نفسه عند 60 اطار عشان يتساوى مع تردد عرض التحديث بتاع الشاشه عشان يعالج مشكله تقطيع او تمزيق الصوره اللى بتظهر فى اللعبه وكان الصور مقطوعه او مهتزه
وفى نفس الوقت احتمال تلاحظ هبوط فى الحراره ايضا للاجزاء
جرب وشوف لحد ما تشترى مشتت للمعالج ولكن بوجهه عام انت فى الامان مش تقلق

[AlyAly2]

طيب ممكن حضرتك ترشح لى مشتت للمعالج يكون جيد وميكنش غالي

[phenomenon]

حضرتك اى مشتت يقابلك بارخص سعر هيكون افضل باذن الله من مشتت انتل المصنعى بمراحل
لو الميزانيه محدوده ممكن تنتظر فرصه مشتت مستعمل بحاله جيده بردو زى ماقولتلك انت فى الامان
لو مستعد حاليا للشراء وبتفضل الجديد ممكن تلاقى ارخصهم CM Hyper 212 EVO بيتراوح بين 300 الى 400 جنبيه
مش عارف ايه الفرق بينه وبين موديل Turbo بصراحه - ممكن مستوى سرعه اعلى ولكن عموما هيكون كلاهما واحد تقريبا ومفيش داعى للتربو

تذكر فقط ان المشتت بعده فى الطول بيوصل تقريبا 158mm يعنى بيكون قريب جدا من ابواب اغلب كيسات Mid-Range فتاكد ان بعد الباب بتاع الكيس عندك 160m عشان تقدر تقفل الباب بعد تركيب المشتت
وتذكر ان تتاكد انك ركبت جميع مسامير اللوحه الام فى الكيس عشان تكون مستقره

[AlyAly2]

تم حل مشكلة المعالج بشراء مشتت haper 212 evo ودرجه الحراره جيدا

لكن مازلت مشكله كارت الشاشه
Evga 770 sc 2gb الخمول 33 واثناء الضغط 80

[salahali244]

تم حل مشكلة المعالج بشراء مشتت haper 212 evo ودرجه الحراره جيدا

لكن مازلت مشكله كارت الشاشه
Evga 770 sc 2gb الخمول 33 واثناء الضغط 80

الف مبروك علي المشتت اخي الكريم ويعتبر من افضل المشتتات الهوائية

بالنسبه لكارت الشاشة ودرجات الحرارة ~ الحل انك توفر تهوية كويسة للكيسة يعني تنقل الكيسة لمكان فيه تهوية افضل , وتزود المراوح الموجودة في الكيسة بتاعتك وتنظم المراوح بحيث يكون مراوح بتدخل الهواء البارد للكيسة ومراوح بتطرد الهواء السخن بره الكيسة زي الصورة دي


https://s18.postimg.org/elv128eft/cool.jpg

وممكن تشوف الموضوع ده هيفديك كتير في توفير افضل تبريد للكيسة

https://arabhardware.net/forum/showthread.php?t=384109