مساعدة في شراء برسيسور افضل لشغل جرافيك

[Amr_Salih]

عايز اشتري بروسيسور افضل لشغل after effects و gaming
في حدود 2000 ل 2500 جنية
محتار بين انى اشتري intel core i5-6600 6m skylake ولا Intel Core I5-4690K Devil's Canyon Quad-Core 3.5GHz (https://www.********.com/en/product/intel-core-i5-4690k-devils-canyon-quad-core-3-5ghz-lga-1150-desktop-processor-el-frencya)
موصفات جهازى
بروسيسور:intell core i3 -3220 3.30Ghz
رام:2x4 kingstone ddr3
ماذر بورد:intel ivy bridge H61
كارت شاشة:AMD R7 250 2Gb ddr3
و هل لو هاجيب بروسيسور جديد هاحتاج اغير الماذربورد ولا لا

[Walid DX01]

البورده تقبل معالجات الجيل التاني والتالت فقط
يمكنك شراء معالج i5 جيل تالت مستعمل وتركيبه علي اللوحه
للالعاب يلزمك شراء كارت شاشه افضل حسب قدره الباورسبلاي ودقه الشاشه لديك

[Amr_Salih]

شكرا لرد حضرتك
انا حالا هاعدل بس على الموضوع.
انا عايز اشتري ماذر بور و برسيسور في حدود 3300.
انا سالت و في محل اسمه بركه قالى على الماذر بورد B150 (1200جنيه) و برسيسور (2100جنية)core i5-6400 و طبعا رام 8 (600جنية)ddr4 kingstone
التكلفه كانت 3800 و كنت هابعله الماذربور و البروسسور المعايه و يزل في التكلفه
كدا كويس ولا الافضل انى اجيب افضل موديل في الجيل الرابع i5 4690 او i5-4460 و ادفع اكتر في الماذربورد لفتح مجال للتحديث اكثر في المستقبل؟
اسف لو الموضوع طويل :]

[Walid DX01]

شكرا لرد حضرتك
انا حالا هاعدل بس على الموضوع.
انا عايز اشتري ماذر بور و برسيسور في حدود 3300.
انا سالت و في محل اسمه بركه قالى على الماذر بورد B150 (1200جنيه) و برسيسور (2100جنية)core i5-6400 و طبعا رام 8 (600جنية)ddr4 kingstone
التكلفه كانت 3800 و كنت هابعله الماذربور و البروسسور المعايه و يزل في التكلفه
كدا كويس ولا الافضل انى اجيب افضل موديل في الجيل الرابع i5 4690 او i5-4460 و ادفع اكتر في الماذربورد لفتح مجال للتحديث اكثر في المستقبل؟
اسف لو الموضوع طويل :]

الله يخليك .. الموضوع بسيط مفيش مشكله واي سؤال تاني اتفضل

الجيل السادس هيكون كويس جدا لو متاح لوحات H110\B150 تانيه ارخص او افضل بنفس السعر
انتظرنا كتير الفتره اللي فاتت يمكن توصل لوحات تانيه بنفس السعر او ارخص ولسه مفيش جديد - حاول تنتظر
معالج i5-6400 سعره المفروض يكون حوالي 1900~2000 بالكتير

الناحيه التانيه شوف واحسب هتبيع المعالج واللوحه والرامات القديمه بكام
لو استمرارك مع البورده اللي عندك والرامات .. وحدثت فقط لمعالج جيل تالت i5 مستعمل
اذا كانت الخطوه دي هتعطيلك الفرصه في شراء كارت شاشه عالي للالعاب هيكون ده قرارك الصحيح وبدون اي تردد
معالج الجيل الرابع i5 اداءه يوازي الجيل التالت i5 في اداء الالعاب ولا يوجد بينهم اي فارق حقيقي وملموس في الاداء .

[Amr_Salih]

كلام حضرتك كويس جداااا
انا كنت عايز اغير الماذر بورد لانى في المستقبل ناوى اجيب ال gtx950 و كنت عايز اعرف لازم و ضرورى اجيب الماذربورد ب مخرج pcie 3.0 ولا ال 2.0 كويس و كافي
كمان لانى مركز اكتر على الموشن جرافيك دلوقتي مجال كويس و فلوسه حلوه :]
فا انا كنت فكرت في تجميعة معينه
Asuse B85 gameing (1050جنية)
core i5 4690k 2300جنية
و اخترت دول بدل من ال p85 و ال i5 4690 or 4460 علشان بفكر اكسر السرعه في بعض الاوقات و اعذرنى انا معرفش اجيب منين مستعمل و كمان بقلق منه
و كمان اخترت كدا لانى خايف اجيب جيل سادس و محسش بل الفرق الكبير
انا ممكن اجيب جيل سادس قفط لانى اكيد الدولار هاغلي تانى في خلال الشهرين الجايين و طبعا لانة هافتحلى مجال للتحديث بشكل اكبر في المستقبل
اسف لو طولت عليك ولاكنى مشتت و محتار و للذلك جيب هنا :]

[Walid DX01]

عموما منفذ pcie 3.0 هو نفس اداء pcie 2.0 مع جميع كروت الشاشه والمنصات الحديثه
تمام بيع القديم لكن مترضاش بأقل من 700 جنيه للمعالج واللوحه والرامات كمان هتبيعها بحوالي 300 جنيه

معالج i5-4690k كويس جدا وهتستفاد من التردد بتاعه الاعلي بدون الحاجه للكسر حتي لو قدامك i5-4690 مفيش مشكله
لان كسر السرعه متاح فقط مع لوحات Z97 للجيل الرابع ..
بالاضافه انك لازم تشتري مشتت احترافي للمعالج وباورسبلاي ممتاز في حاله الكسر يعني ميزانيه تانيه.

لكن انت في النهايه هتلاقي معالج الجيل الرابع i5-4690 هو نفس سعر معالج الجيل السادس i5-6500 او i5-6400
الفرق فقط هتلاقيه في سعر اللوحات الداعمه عشان كده حاول تنتظر قليلا حتي تتوفر ماذربورد ارخص للجيل السادس
عالاقل هتستفاد باداء افضل في البرامج بحوالي 5-10% مع الجيل السادس مقارنه بالجيل الرابع الأقدم
ورامه DDR4 هتبقي اغلي بحاجه بسيطه بس
بالنسبه للاسعار فهي كده كده ارتفعت قبل فتره ومش هتعلي اكتر من كده متقلقش :)

عموما عشان يكون فرصه التحديث معاك كويسه دايما - اشتري بورده فيها 4 سوكيت للرام
فرصه للتحديث لمعالج i7 في المستقبل موجوده بالطبع مع الجيل السادس اذا هتمشي معاه او الجيل الرابع ايضا

[Amr_Salih]

كلام مفيد جدااا بجد شكرا
يعنى من وجهة نظر حضرتك استنى شوية و مشتريش ماذربور بس هاستني اد اية؟
عامة انا استقريت على ال i5 6500 (2200جنية)و فرق الاداء مش كبير اوى بينه و بين i5 4460 ,4690 و 8Gb ddr4(550جنية)..ناقص بس الماذر بورد
و انا اقتنعت ان الجيل السادس افضل بس انا مش عايز افضل مستني كتير و و فتره انتظار في معدل اد ايه ؟

[Walid DX01]

حاول تسئل اكتر من شركه بالتليفون او علي صفحاتهم بالفيس لانهم بقالهم كتير بيقولوا باقي اللوحات في الطريق
افضل بورده متاحه حاليا هي Gigabyte GA-B150-HD3 وسعرها بالفعل حوالي 1200 جنيه

[Amr_Salih]

انا نزلت سالت في محل اسمه بركة و واحد تانى اسمه ستارت
و الاتنين قالولي ان الماذربورد و البروسيسور و الرامات ب 600
لان الكيسا اوريجنال و الماذربورد ديل و الرام واحده عادى و التانية هايبر اكس
و كمان الكيسا مش هاتكفي الحجم للماذر بورد فا هاحتاج واحده اكبر.
و محدش قالي خالص ان في اى لوحات تانيه جاي او نازله "غالبا كله عايز يبيع و خلاص" و في واحد بس قالي علي ماذربورد msi b150 بس قالي الجيجابيت احسن منها طبعا
اولا .تكلفه كلها 4500
B150 GB+ i5 4500+ 8gb KS ddr4+ case cooler master 525جنية
او جاما ب 375 جنية
او tiger zx3 +psu 300w 280L.E و راي حضرتك فيها اية؟
او هايخد البور من الكيسا مني بس البور عنديdell max power 275 w بس حاضرتك دا يكون كفاية ولا لأ؟
انا دلوقتى اجيب انى كيسا و البور المعايه شغال ولا لازم اجيب واحد تانى و 300w كافي؟
و كدا التكلفه زادت عليا. ...يعني ان شاء الله انا واثق في كلام حضرتك و قرار نهائي انت شايف اصبر شهر كمان للوحه ام ارخص ولا اجيب دلوقتي جيل رابع b85 +i5 4690 +case gama or tiger with psu ؟
وبجد اااااااااااسف جدا انى سالت كتير

[Walid DX01]

مفيش مشكله انت فعلا موجود هنا عشان توصل للقرار الصحيح وانت مطمئن تماما وهنجاوب علي كل اسئلتك
واضح انك اتلغبط جدا والبياعين عايزينك تشتري وخلاص فعلا :)
اللي قالك فيه لوحه MSI B150 حاول تتواصل معاهم بالتليفون وتعرف موديل اللوحه بالظبط وسعرها كام ؟

لوحه Gigabyte او MSI ومميزات البوردتين وسعرهم هما اللي هيقولوا انهي الافضل
مش ضروري جيجابايت تكون علطول هي اللوحه المفضله ومفهمتش نقطه الرام اوي لكن
زي ما قولتلك السادس هيكون افضل بحاجات بسيطه واحدث من الرابع
لانك كده كده كنت هتشتري لوحه للجيل الرابع بحوالي 1000 جنيه والمعالج نفس السعر تقريبا
المهم انك وصلت لشكل التجميعه النهائيه للجيل السادس وهي :

CPU : Intel Core I5-6500 6M Skylake 3.2GHz
MB : Gigabyte GA-B150-HD3
RAM : Kingston HyperX FURY Black 8GB DDR4 2400MHz CL15 1.2v

ناقص الباور والكيس .. انت محتاج باور 500W عالاقل عشان لما تشتري كارت شاشه بعد كده
الباور القديم مش هينفع .. وباور كولر ماستر Cooler Master Extreme 2 525W ابعد عنه خاااااااالص لانه كارثه لوحده
وميستحقش ربع تمنه وبيعمل ريستارت ومشاكل كتير اثناء الضغط وغير حاصل علي شهاده 80Plus+ Bronze

ممكن تستخدم الكيسه التايجر مؤقتا لكن اشتري باور كويس زي
Seasonic 520W , XFX 550W , EVGA 500B , Cooler Master B500 Ver.2 , Corsair CX 500W

[Amr_Salih]

هما تمنه ااكيسا بتاعتي كدا لانها اوريجنال ديل..فا تمن ااماذربورد و البروسيسور قلل...الكييسا انا شاريها ب رام واحده 4جيجا عادى و بعدين زوت 4 كمان هايبراكس...فا قالي الرامات هاحسيبها ب 200 لا في واحد عادى و واحده هايبر اكس.
القالي في ماذربورد ..انا مش فاكر بظبط الموديل بس هوقالي ب 1100 و انا اما دورت ملقتش غير موديل واحد جيل سادس بنفس التمن و هو
MSI B150M PRO-VD Socket LGA 1151 Motherboard
و بعدها قالي بس اداء الجيجابايت احسن مع الضغط كمان.
انا لما لاقيت التكلفه زادت اوى كدا غالبا هاتراجع ل i5 6400 علشان احاول اجيب الباور.او اصلا التايجر معاها باور 300w بس انا معرفش دا كافي ولا لأ دا علم حضرتك..او ممكن حضرتك ترشحلس بور تانى ارخص و اقل لان اصلا لسه قدامى كذا شهر علي ماهاجيب كارت شاشه تانى لو انت شايف ان دا هايكون احسن في الوقت الحالى.
و متشكر جدا لفهمك و تعبك و متابعة حضرتك

[Walid DX01]

لا تمام خليك مع لوحه الجيجابايت افضل .. الباور الموجود بالكيسه التايجر تجاري وبرضو متقدرش تبقي مطمئن معاه خالص
الباور ده مناسب Cooler Master Elite V2 500W وسعره كويس
او الافضل Corsair VS Series 450w اذا متاح امامك

[Amr_Salih]

بعد اذنك هو الباور الgama او hec او thermaltake ال 400 او 450 w مينفعوش علي التجميعه دى حتي لو مؤقته لمد شهر او اتنين من غير شغل تقيل اوى و بعده هاجيب باور احسن
لان اصلا الموضوع واقف علي 250 جنية و كنت بكلم واحد من كمبيو ارت دلوقتي و بيقولى علي سعر البروسيسور زات 200 جنية 😀
فا انا هاتشل بسبب حوار اازياده كل شوية دا

[Walid DX01]

باور Thermaltake كويس لو موجود خليك معاه وبعده باور HEC واضغط علي الجهاز براحتك مفيش مشكله
شوف شركه تانيه اسعارها احسن واعرف الاسعار من موقع eg-prices ..

[Amr_Salih]

كلامك مظبوط..كلمت كمبيو داتا النهارده و قالي في خلال الاسبوعين هاتنزل لوحة GB GA-h110 بس دورت و لقيت انها ب مكانين بس للرام و فرق تانى في الجرافيك بينها و بين b150

[Amr_Salih]

سوال بعد اذنك ضرورى
التجميعه بتكون افضل ولا الأجهزة الاستيراد الديل الاورريجنل
لان في حد قريب لي صاحب محل و شغال فيهم و قالي انهم افضل و ارخص من التجميع و احسن في الجودة
..انا مكنتش مقنع اوى بس لما دورت علي الكيسا و البروسيسور القالي علية هو كان قوى
..فهل ينفع اجيب كيسا استيراد تدعم الجيل السادس بردو علشان افتح مجال افضل للتحديث اكتر امامي في المستقبل؟ حضرتك تفلي التجميعه دى ولا الاستيراد

[Walid DX01]

طب ايه هي مواصفاتها اخي الكريم وسعرها ؟

عموما الاورجينال من الجيل السادس لا يباع في مصر
جهاز التجميع بنفس الكفائه وتقدر تركب مشتت احترافي للمعالج او نظام تبريد في الكيس وتحدث براحتك مع باورسبلاي ممتاز والاداء في النهايه واحد
يعني لما نقارن لوحه Z170 تقبل كسر السرعه وتركيب اكتر من كارتين شاشه وبعدين حد تاني يقول ان اللوحه الام في الجهاز الاورجينال افضل واقوي ده اعتقاد خاطئ
تجميعه الجيل السادس جيده جدا اخي الكريم

[Amr_Salih]

انا بردو مقتنع بل التجمعة بتاعتي لاكن التكلفه زات عليا و واقف بسبب ثنمن الباورسبلاى و قولت استنى لحد ما ال h110 تنزل.بس الفلوس دا داخلانى افكر في الاوريجنال
و فافكرت ان انا ممكن بردو اعدل علي الكيسا الاوريجنال و ازد فيها و سعره اقل ...انا بدرو بس مش حاببها علشان انا استقرت علي الجيل السادس
المواصفات هي dell opetilx 9020
I5 4590
Mobo q87
Ram 4
مكلفه من غير الهارد 2250

[Walid DX01]

ممتاز لكن الباور 255W فقط ومش هتقدر تغيره بعد كده للاسف

[Amr_Salih]

شكرا جدااااااا واسف لو تعبتك.... بجد افدتني كتيير