[مصر] جهاز ب 5500 جنيه للالعاب

[ahmeed_top23]

سلام عليكم
- أقصى ميزانية محددة:5500
- استخدامك للجهاز العاب وجرافيك:
- حجم الشاشة و الدقة 20
- القطع التي تنوي شراءها موزربورد وبروسيسور ورامات وكارت شاشة وكيسة
- القطع التي ستعيد استخدامها من الجهازاقديم شاشة وماوس و كيبورد وسى دى روم وهارد وسماعات
- ميعاد شراء الجهاز خلال اسبوع
- مكان الشراء القاهرة البستان او سوق العصر
- محل سكنك: القاهرة

[ahmeed_top23]

استفسار تانى انا عندى كايسة كولر ماستر 400 وفيها باور سبلاى 400 تقريبا وبروسيسور amd فينوم x2 ورمات 4 جيجا ddr3 كينجستون ومزور بورد اسوس m4a78ltmle فهل ممكن استفاد باى حاجة منهم فى التجمية ولا ابعهم

[Walid DX01]

ممكن تستخدم كيس كولر ماستر فقط ويفضل تغيير الباور او تتأكد من الموديل تحديدا
وياريت تكتب نوع الرامه عندك بالظبط وتواقيتها وترددها ؟


CPU: Intel Core I5-4460 Haswell 3.2GHz LGA 1150 = 1800 L.E
Motherboard: ASUS H81M-V3 LGA1150 = 600 L.E
RAM: Kingston HyperX FURY Blue 8GB DDR3 1600MHz CL10 1.5v = 450 L.E
Video Card: Gigabyte GTX 950 XTREME GAMING 2GB GDDR5 = 2200 L.E
Power Supply: Cooler Master B500 Ver.2 = 550 L.E

[ahmeed_top23]

رامات 4 جيجا ddr3 كينجستونcl9 240 _ 10600 والباور سبلاى 420 وجاى مع الكيس كولر ماستر Elite 310
تانى شى ياريت لو تجميعة amd

[Walid DX01]

الصراحه لا انصحك بتجميعه AMD
معالج انتل احدث وافضل في استهلاك الطاقه .. افضل في فرصه التحديث المستقبلي لمعالجات اقوي ..
الباورسبلاي اللي عندك من الافضل تغييره حتي لا تواجهه مشاكل توقف للجهاز او ريستارت اثناء الضغط

CPU: AMD FX-8350 4.0GHz Eight Core AM3+ = 1700 L.E
Motherboard: MSI 970A-G43 Socket AM3+ = 700 L.E
RAM: Kingston HyperX FURY Blue 8GB DDR3 1600MHz CL10 1.5v = 450 L.E
Video Card: MSI R7 370 GAMING 2G GDDR5 = 1550 L.E
Power Supply: SeaSonic S12II Bronze 520W 80 PLUS = 650 L.E

[ahmeed_top23]

شكرا على ردك اخى الفاضل طب لو البروسيسور Intel Core I7 هايبقى بكام وهل اقدر اضيف رامات ال4 جيجا الى قلتلك على نوعها وترددها مع نوع الرامات كينجستون الى انتها حاططها وهل بتجميعة انتل الى حضرتك كتبتها اقدر العب اخر الالعاب عادى ولا هاتوجهنى مشاكل عدم التشغيل او البطء فى بعض الالعاب

[Walid DX01]

معالج I7-4790 من الجيل الرابع سعره 3200 جنيه , مش هتستفاد منه لان اداءه مماثل لمعالج i5 من نفس الجيل في الالعاب
الافضل لو تقدر تزود الميزانيه يبقي تحط مبلغ اكبر في كارت الشاشه فقط مش المعالج ..
الرامات مش هتنفع للاسف اخي لتعارضها مع الرامه الموجوده بالتجميعه وحتي تتجنب حدوث اي مشاكل من عدم التوافق ويفضل انك تبيعها مع الجهاز القديم

تجميعه انتل ممتازه وقادره علي تشغيل جميع الالعاب بسلاسه مع شاشتك
اذا ملقتش معالج I5-4460 ممكن تبدله لـيصبح i5-4690
اذا تقدر تزود وتوصل لكارت R9 380 4GB هيكون افضل وسعره حوالي 2500 او 2600 شوفه متاح امامك او لا
ولو اشتريت كارت R9 380 هات معاه باور SeaSonic S12II Bronze 520W حتي تكون مطمئن تماما

[ahmeed_top23]

انت تقصد نوع الكارت ده ولا شركه تانيهSAPPHIRE NITRO R9 وهل لو جبت المعالج i5 4690 هيبقى افضل شويه من i5 4460 وهل اقدر ازود الرامات تبقى 16 بدل 8 وشكرا على اهتمامك وردك

[ahmeed_top23]

ومعلش اخر استفسار عاوز اشترى كايسه جديده كامله بالبور سبلاى بتاعها مايقلش عن 520 زى ماقولت على اساس انى ابيع الجهاز القديم بكاسته ماعدا الهارد هيبقى افضل فى البيع تنصحنى بنوع كايسه معين

[Walid DX01]

1- هتقدر في المستقبل تزود كمان رامه بحيث هتكون مركب رامات 2x8gb
2- لو فرق السعر بين المعالجين اكتر من 100 جنيه , يبقي i5-4460 صفقه افضل
3- جميع الباورات الموجوده بالكيس لن تصلح لجهازك , جودتهم سيئه وهما في الاصل موجهين للاستخدام الخفيف
والاجهزه التي لا تحتوي علي كروت شاشه .. الامر لا يتعلق بعدد الوات المكتوب علي الباور فقط فجوده الصناعه وتحمل الشغل تحت الضغط وعدد الامبير الذي يقدمه امور تانيه مهمه جدا
الافضل تشتري باور منفرد مثل SeaSonic 520W او Cooler Master B500 Ver.2 او XFX 550W او Corsair CX 500W او EVGA 500B
واشتري كيس اخر منفصل مثل Corsair Carbide Series SPEC-01 Red LED .
4- كارت R9 380 4GB له نسخ من MSI و SAPPHIRE و Gigabyte وجميعهم ممتازين
اذا كان الكارت هيعلي عليك الميزانيه تقدر تكتفي بكارت GTX 950 ويمكن تلاقي امامك نسخ اخري ارخص 200 جنيه زي Zotac GTX 950 AMP! 2GB

[ahmeed_top23]

شكرا لردك وان شاء الله دة كلة يكون فى ميزان حسناتك وانا هافدر ازود واجيب r9 380 بس انت بتقول كلهم ممتازين طب ترجح شركة اية ولا مش فارقة

[Walid DX01]

جميع نسخ الكارت نفس الاداء ونفس نواه الكارت اللي يختلف بينهم فقط هو نظام التبريد وامكانيه كسر السرعه البسيط وعدد سنوات الضمان
الافضل كنظام تبريد نسخه MSI وبعدها مباشره SAPPHIRE
MSI R9 380 GAMING 4G او SAPPHIRE NITRO Radeon R9 380 4G D5 With Back Plate

[ahmeed_top23]

شكرا يا غالى جزاك الله كل خير

[ahmeed_top23]

معلش ياغالى ممكن نوع بوردة تانية تكون اعلى بحيث تستوعب رامات 32 جيجا لشغل برامج الجرافك واختى بتشتغل فى مجال هندسة ديكور فبتقولى الجهاز عندنا البروسيسور بتاعة i7 فانت قلتلى مش هاحس بفرق فى الالعاب فهل بردو مش هيكزن فيه فرق بينهم فى برامج الجرافيك

[ahmeed_top23]

وياريت تقولى ايه التبريد المائى وهل ينفع للتجميعه ولا وايه مميزاته وعيوبه

[Walid DX01]

معلش ياغالى ممكن نوع بوردة تانية تكون اعلى بحيث تستوعب رامات 32 جيجا لشغل برامج الجرافك واختى بتشتغل فى مجال هندسة ديكور فبتقولى الجهاز عندنا البروسيسور بتاعة i7 فانت قلتلى مش هاحس بفرق فى الالعاب فهل بردو مش هيكزن فيه فرق بينهم فى برامج الجرافيك

تمام انت كده اكيد بكل تأكيد هتبص لشريحه اعلي من لوحات الجيل الرابع H97 او B85 ودول سعرهم حاليا 1000 جنيه
فالافضل في تلك الحاله الانتقال للجيل السادس الأحدث وفرق السعر هيكون بسيط بينهم بما انك كنت هتشتري لوحه H97
ارشحلك تمشي مع القطع دي منصه الجيل السادس
CPU : Intel Core I5-6500 6M Skylake 3.2GHz = 2200 L.E
MB : Gigabyte GA-B150-HD3 = 1200 L.E
RAM : Kingston HyperX FURY Black 8GB DDR4 2400MHz CL15 1.2v = 550 L.E

بالنسبه للتبريد تقدر تكتفي بمشتت CRYORIG H7 بحوالي 350 جنيه هيكون ممتاز جدا

[ahmeed_top23]

تمام طب لو زودت الميزانيه وجبت i7 هو بحوالى 3000 جنيه هيفرق عن i5 فى الاداء بنسبه قد ايه فى برامج الجرافيك

[Walid DX01]

علي حسب نوع برامج الجرافيك ومدي احترافيه الشغل والاستخدام ؟

[ahmeed_top23]

مهندسة ديكور الى بتشتغل بالبرامج دية يعنى اكيد بقى الموضوع بالنسبالها احترافى وعرفت ان i7 بيفرق فى الاداء عن i5 بالذات فى الرندر فياريت ترشحلى نوع مع البوردة جيجا بيت عشان اظبط التجميعة

[Walid DX01]

اذا كان ريندر فمعالج i7 هيفرق بفارق كبير في الاداء بالفعل
امشي مع اللوحه دي Gigabyte GA-B150-HD3 ومعالج i7-6700 بدون K
وحاول تشتري SSD بعد كده هيساعد في تسريع تثبيت وفتح البرامج والنظام

[ahmeed_top23]

انا معايا هارد ساتا عادى هايفى بالغرض والssd هارد خارجى ولا حاجه تانيه

[phenomenon]

القرص الصلب SSD بيعمل نقله كبيره جدا فى اداء الجهاز بوجهه عام وخصوصا مع برامج الاعمال
عموما مبروك مقدما وان شاء الله تفكر بشراء واحد حجم مناسب للنظام ولتثبيت برامج الشغل اللى بتشتغل عليها عليه فى المستقبل
هل الهارد معاك SATA III ؟ وخالى من اى عيوب او اخطاء ؟

[ahmeed_top23]

الهارد زى الفل بس هو ساتا معرفش بقى ساتا كام تانى حاجة هو هارد ssd هو اكسترنال ولا حاجه تانيه لان عندى هاردى تانى اكسترنال

[phenomenon]

هارد SSD اللى حضرتك هتشتريه هيكون داخلى Internal موديل SATAIII 6Gbps وهو بيكون سعره مرتفع نظير سرعته الكبيره فى الاعمال
يعنى هارد SSD SATAIII 120GB ممكن تلاقى سعره بيبدا من رنج 650 جنيه تقريبا جديد بالرغم انك ممكن تجيب هارد HDD 1TB بالسعر ده او حتى اقل
لكن الميزه فى اقراص Solid State Drives انها تقريبا تضاعف سرعه اى جهاز فى الاعمال التقيله اضعاف كبيره ولكن مش فى الالعاب بالتاكيد
مطلوبه لاجهزه الاعمال الشاقه وبرامج المونتاج والتعديل على الفيديو او الوورد وهذه الاعمال
بتفيد جدا ايضا فى استخارج ملفات بسرعه اكبر وقت تثبيت الالعاب او تضغيط وفك ضغط الملفات وفتح الويندوز وعمليات النسخ الى اخره
بوجهه عام هو بيعطى دفعه جديده كليا فى شكل الاداء العام للجهاز باسثتاناء اداء الالعاب فقط
ممكن جهاز سعره 10.000 جنيه تحس انه ابطىء فى الفتح والشغل عليه من جهاز سعره 2.000 جنيه بسبب ان الجهاز الارخص يمتلك قرص صلب بينما الجهاز الاغلى لا
ولكن الجهاز الاغلى يكون بالتاكيد افضل فى اداء الالعاب وسرعه الجيم بلاى واعدادات جرافيك اقوى عن الجهاز الارخص لانه اكيد يمتلك معالجات مركزيه وجرافيك اقوى

عموما خلى موضوع القرص الصلب ولو 120GB فى بالك حتى بالترقيه القادمه واهتم حاليا بجهازك والاساسيات لجين اكتمالها ومبروك مقدما

[ahmeed_top23]

شكرا ياباشا على التوضيح