طلب نصيحه بخصوص تحديث الجهاز

[Mhmd2h]

لدي كيسه واريد المساعده في تحديثها
MB :Gigabytep55-uD3l
CPU : intel core i3 540 3ghz/4m
Ram : 2 GB DDR3 1333
2GB DDR3 1600
VGA : Nvidia Geforce GTS 450
HDD : 2TB Seagate
1TB WD Green
Power : HEC 500w plus 80

الاستخدام :
الاستخدام العادي من تصفح لفترات طويله والملتميديا
بالاضافة لبرامج الاوفيس والفوتوشوب والالعاب المتوسطة

[salahali244]

الميزانية اللي هتجدد بيها الجهاز كام اخي الكريم ؟!

وبالنسبه لنوع الالعاب اللي بتلعبها ( الالعاب المتوسطة ) تقصد بيها العاب زي pes و fifa , ولا تقصد العاب زي gta و Battlefield ؟!

[Mhmd2h]

الميزانية 1500
الالعاب Pes

[H_KIMO]

بيع الجهاز اللى معاك بإستثناء الهارد 2 تيرا
وإشترى جهاز أحدث مستعمل طبقا للتكلفة

[salahali244]

هتبيع البورده والمعالج والرامات الموجودين عندك

وبعدين تحط الفلوس اللي هتطلعلك من بيعهم علي ال1500 جنية اللي معاك وتشتري بندل مستعمل من الجيل الرابع ( بورده h81 + معالج i5 4440 + رامه 8 جيجا ddr3 والافضل تشتريها قطعة واحدة عشان لو حبيت تزود رامه كمان في المستقبل وفي انوع كويسة زي kingston hyperx fury او corsair او g skill )

كده تكون اشتريت البورده والمعالج والرامات , بالنسبه لكارت الشاشة gts 450 هيشغل معاك pes علي اعدادات كويسة فلو انت مبتلعبش غيرها فمفيش داعي انك تغير كارت الشاشة لكن لو هتلعب العاب بتحتاج كارت شاشة قوي يبقي تبيع كارت الشاشة Nvidia Geforce GTS 450 وتبيع معاه الهارد 1TB وتشتري بفلوسهم كارت شاشة مستعمل gtx 750 ti او gtx 950 علي حسب الفلوس

[Mhmd2h]

هو لازم ابيع البورده مينفعش احدث البروسيسور والرامات علي نفس البورده

ولو هابيع الكيسه ماعدا الهارد ال 2 تيرا وكارت الشاشة تعمل كام

[salahali244]

لازم تبيع البورده لان المعالجات اللي بتركب عليها من الجيل الاول , ولو هتفضل علي نفس البورده يبقي هتحدث المعالج ل i5 او i7 من الجيل الاول ومش هتحس بأي فرق في الالعاب لان المعالجات دي انتهي زمنها في الالعاب , فالافضل انك تبيع البورده والمعالج وتشتري بورده ومعالج من الجيل رابع , وفي جيل سادس احدث بس الميزانية مش هتسمح بيه لان اقل مذبورد جيل سادس جديدة سعرها 1100 جنية

وده توضيح لرقم سوكيت كل جيل

LGA 1156 socket = سوكيت مذربورد ومعالجات الجيل الاول زي (i3 540 , i5 750 , i7 860 , i7 875K )
LGA 1155 socket =سوكيت مذبورد ومعالجات الجيل الثاني والثالث زي ( i5 2500k , i7 2600 , i7 3770 , i5 3470 , i3 3220 )
LGA 1150 socket = سوكيت مذربورد ومعالجات الجيل الرابع زي ( i5 4440 , i5 4590 , i7 4790 , i7 4770k , i3 4160 )
LGA 1151 socket = سوكيت مذربورد ومعالجات الجيل السادس زي ( i5 6600k , i5 6400 , i7 6700k , i7 6700 , i3 6100 )
وفي سوكيت LGA 2011 و LGA 2011-v3 ودول للمعالجات الاكستريم ومش منتشرين اوي لان سعرهم غالي وفئة محدده اللي بتستخدمهم ومعالج الاكستريم بينتهي بحرف x زي I7-5960X

بالنسبه لسعر بيع الكيسة الحقيقة معرفش في اسعار المستعمل , استني احد الاخوة اللي بيشتغلوا في المستعمل وهما يسعرولك الجهاز

[Mhmd2h]

الف شكر
ومعلش تعبتك معايا

[salahali244]

الف شكر
ومعلش تعبتك معايا

ولا تعب ولا حاجة يا غالي

وبالتوفيق ان شاء الله