أيهما الافضل اجهزة الاستيراد أم التجميع؟

[leprince2007]

السلام عليكم ورحمه الله وبركاته
لى عدة استفسارات أرجو منكم أيها الاخوة الكرام الاجابة عنها:
1-أيهما الافضل اجهزة الاستيراد أم التجميع؟ من ناحية الاستقرار والأداء
2-أيه أفضل جهاز استيراد Core I5 يحتوى على كارت شاشة داخلى عالى (500ميجا أو أعلى)
3-عايز أعرف الفرق بينcore 2Due-Core2Quad-Core I3-Core I5-Core I7 ,وعايز أرتبهم من الأقل سرعة للأعلى سرعة؟ وهل فى أعلى من كده؟؟
أرجو الافادة

[phenomenon]

وعليكم السلام ورحمه الله وبركاته

1- كلاهما ولكن الاجهزه التجميع تكون فرصتها افضل من خلال ترقيه مكوناتها واجزاء الكيس بسهوله عليها بدون قيود
واستمرار الشركات بدعمها والاهتمام بالبرمجيات اللازمه لها فتره اطول من تدعيمات انظمه التشغيل الاحدث حين اصدارها او معالجه مشاكل عدم التوافق مع
عدد اكبر من الهاردوير

ولكن اذا كان الجهاز الاستيراد ستكون منصتك لفتره طويله من العمر دون الترقيه فيمكن الاتجاه لها ولكن تاكد فى جميع الاحوال من اقصى حدودها فى تدعيمها للمعالجات الاقوى لنفس الجيل
قبل شرائها من اجل الحريه فى ليك حتى اذا حبيت ترقى المعالج المركزى بالمستقبل
وفى نفس الوقت تهتم بنوع الباور سبلاى فيها ونظام عمله مع اللوحه الام من اجل اعطائك حريه لتغييره مستقبليا ولشراء كارت جرافيكى اقوى
ممكن تلاقى كل شىء مناسب فى الاوريجنال حسب اختيارك وتكتشف ان حتى الباور مناسب اذا فكرت فى الكروت الحديثه الموفره فى الطاقه وصاحبه الاداء الافضل

2- كروت الشاشه الداخليه منذ فتره طويله انتقلت الى المعالجات المركزيه نفسها من انتل لاغلب المنصات
باستثناء معالجات Xeon + I7 Extreme لمنصات الاعمال والطبقه الغنيه فقط
كروت الشاشه الموجوده فى منصات Pentium + Celeron + I3/I5/I7 جميعها من اجل الميديا فقط وليست من اجل شغل الجرافيك والالعاب ولذلك لا يفضل الاعتماد عليهم
الا اذا كان غرضك الاساسى هو تشغيل روتينى فقك للافلام والميديا او جهاز مكتبى بسيط

3- الفرق هو الهندسه المعماريه لكل جيل منهم بالتاكيد وبالتاكيد يكون الانتاج الافضل وسرعه الاداء بالتالى مع كل جيل احدث بينزل
انتهى عصر معالجات Core 2Quad خلاص اخى الكريم وممكن نقول ان معالج I3 الجيل التانى من معالجات Core I قدر يصل لنفس ادائه بل افضل فى استهلاك الطاقه والتحديث المعمارى
بياتى بعده معالجات بانتيم وسيليرون و I3/I5/I7 الجيل التالت ثم الجيل الرابع والخامس والسادس

فرق معالج الجيل السادس الذى جاء فى عام 2015 بنفس سعر معالج الجيل الثانى الذى جاء فى عام 2011 بيفرق عنه فى الاداء تقريبا 25% و 25% فى التحسين الهندسى للصناعه نفسها
يعنى اذا اعتبرنا ان معالج I3-2100 كان ادائه 100%100 عام 2011 مع لعبه معينه انهارده معالج I3-6100 يقدر يحقق فيها 125% تقريبا على نفس اللعبه
اما اذا اعتبرنا ان معالج I5-2500 كان ادائه 100%100 عام 2011 مع لعبه معينه انهارده I5-6500 بيعوض وجوده ويحقق 125% تقريبا على نفس اللعبه

الفكره هى هل I3-2100 للجيل التانى اذا قمت بشرائه مع كارت شاشه وليكن GTX 960 سيتسبب فى عنق زجاجه ؟
الاجابه هى نعم ولكن قد تحاطر بالامر وتضحى بعدد الاطارات الضائع لحين ترقيه المعالج الى I5-2500 او I7-2600 وتعوض هذا العنق او العجز فى تحقيق الاداء الافضل مع GTX 960

دائما اسال هل المعالج المركزى فى اختيارى يتسبب فى عنق زجاجه لكارت شاشه المنوى عليه ام لا وهل العنق واضح ولا يمكن تقبله ام يمكننى تجاهله تماما

[leprince2007]

بس مشكلة التجميع فى عدم التوافق
أنا كان لى تجربة اشتريت جهاز عام 2005تجميع بس كان كل شوية تجينى شاشة زرقاء
طيب أيه أفضل جهاز استيراد نزل السوق فى فئة Core I5 وسعره كام؟؟؟

[Amr_Salih]

هو ممكن تغير البورسبلاي الفي الكيسا الاستيراد؟

[phenomenon]

بس مشكلة التجميع فى عدم التوافق
أنا كان لى تجربة اشتريت جهاز عام 2005تجميع بس كان كل شوية تجينى شاشة زرقاء
طيب أيه أفضل جهاز استيراد نزل السوق فى فئة Core I5 وسعره كام؟؟؟

موضوع الشاشه الزرقاء ده ليه اسباب كتيره بعيدا عن ان الجهاز اوريجنال او تجميع
ممكن رامه فيها مشكله او باور سبلاى سىء او هارد او حتى احيانا ارتفاع درجات الحراره , اى شىء ممكن يتسبب فى المشكله دى ولكن هى ليست عيب او محدوده على جهاز بعينه
بخصوص السؤال : غالبا هتلاقى الاجهزه الاستيراد حاليا بمعالج I5 هيكون هو I5-2400 ولكن الحقيقه مش عارف هيكون فى رنج كام
رايى انك تتابع قسم العروض المستعمله من التجار والاعضاء وتشوف افضل شىء يناسبك لو بتحبث عن الاوريجنال





هو ممكن تغير البورسبلاي الفي الكيسا الاستيراد؟

على حسب اصدار الكيس وشكل اللوحه الام فى كابل الطاقه الخاص بيها
هتلاحظ ان بعض اللوحات الام كانت بتيجى 20pin او 24pin فى جميع اللوحات التجميع
لكن هتلاحظ ان فى بعض الكيسات الاوريجنال بتيجى بلوحه ام بتستلم طاقتها من كابل 6pin AUX واحنا معندناش باورات سبلاى قويه بتنزل غير بكابل 4+20 فقط
فى الحاله دى مش هتقدر تغير الباور الا بنفس النوع بالضبط وممكن تلاقى موديلات اقوى عند التجار المتخصصه فى بيع الاوريجنال
وممكن توصى حد بالبحث عن ادابتر 20pin ~ 6pin AUX Adapter ولكن وجوده صعب غالبا غير بالخارج

[hosamhoshos]

على حسب تجربتى الشخصيه مع التجميع والاستيراد
حابب اقلك نصيحه منى الجديد افضل بكتير من التجميع
لكن المشكله اللى هتقابلك هى الاسعار بالنسبه للاداء

[أنا أحمد فوزى]

انا كمان واقع في نفس الحيره
من ناحية : الاجهزة التجميع لو اللي بيجمعها مش فاهم كويس ممكن يعمل مصيبه ويبوظ الكيسه كلها ودى أنا شفتها بنفسي مع واحد اشترى جهاز جديد وأول ما داس على زرار الباور الجهاز ضرب بورده .
من الناحية التانية : كنت عاوز اشترى جهاز استيراد الخارج hp z800 لكن صاحب المحل لما لقيني بسأل كتير عن حالة الجهاز جبهالي على بلاطة وقالي في ما معناه انا هديك الجهاز وانت عارف انه مستعمل يعنى اشتغل معاك سنة او عشرة او باظ تاني يوم المحل ملوش دعوة .
طبعا هما بيقولولك ان الضمان شهر من تاريخ الشراء بس حتى لو ده صحيح ودفعت 5000 جنية او أكتر تمن الكيسة وباظت بعد الشهر اعمل ايه .
فانت ترجع تاني وتقول الجديد أحسن بس ارتفاع اسعار المكونات وعدم خبره ودرايه العمالة القايمه على تجميع الأجهزة في الشركات تخليك تتردد وترجع تاني تفكر في الأجهزة استيراد الخارج وتكون عملت زي انا دخلت في دايرة مقفولة كذا شهر لغاية ما كل أسعار الأجهزة رفعت من غير ما اشتري حاجة

[phenomenon]

بصراحه الاجهزه الاستيراد ممكن تعتبرها بالضبط زى شراء سمك فى مياه من قبل ما تشوفه
الكونترات بتيجى مشحونه بمئات الالاف من الاجهزه وفى منها اللى لسى حالته فوق الممتازه وفى منها اللى تم هلكه وصيانته اكتر من مره اثناء شغله فى الشركات
وبنسبه 100%100 هناك مجموعه منها تعمل منذ اكثر من 3 سنوات لمده 24 ساعه متواصل طوال الاسبوع ولم تغلق ابدا ومجرد دخول فى حاله خمول فقط
اختيارك للجهاز الاستيراد بيشترط خبرتك فى ما تشتريه ويمكن يكون فرصتك افضل لو ليك تعامل كويس وصله بصاحب الجهاز والبائع نفسه عشان لو واجهتك مشكله تقدر تتفاهم معاه على تغييره

ما لا يرد فهمه او ا لاقتناع به عدد كبير منا للاسف ان هناك اجهزه استيراد بنفس سعر الاجهزه الجديده وقت تجميعها
ولكن بسبب رؤيه جهاز يمتلك معالج مركزى 8 نواه فيفضله على الجهاز التجميع لان المعالج الحديث 2 نواه فقط

وما لا يدريه جيدا ان ممكن المعالج المركزى الحديث يكون صاحب 2 نواه فقط الا انها معماريه هندسيه اقوى واحدث من 20 نواه من المعالج المركزى القديم
وربما تقدر تخدم استخداماته بشكل افضل اذا كانت الانويه قليله ولكن اقوى

[محمد السنهوري]

انا كمان واقع في نفس الحيره
من ناحية : الاجهزة التجميع لو اللي بيجمعها مش فاهم كويس ممكن يعمل مصيبه ويبوظ الكيسه كلها ودى أنا شفتها بنفسي مع واحد اشترى جهاز جديد وأول ما داس على زرار الباور الجهاز ضرب بورده .
من الناحية التانية : كنت عاوز اشترى جهاز استيراد الخارج hp z800 لكن صاحب المحل لما لقيني بسأل كتير عن حالة الجهاز جبهالي على بلاطة وقالي في ما معناه انا هديك الجهاز وانت عارف انه مستعمل يعنى اشتغل معاك سنة او عشرة او باظ تاني يوم المحل ملوش دعوة .
طبعا هما بيقولولك ان الضمان شهر من تاريخ الشراء بس حتى لو ده صحيح ودفعت 5000 جنية او أكتر تمن الكيسة وباظت بعد الشهر اعمل ايه .
فانت ترجع تاني وتقول الجديد أحسن بس ارتفاع اسعار المكونات وعدم خبره ودرايه العمالة القايمه على تجميع الأجهزة في الشركات تخليك تتردد وترجع تاني تفكر في الأجهزة استيراد الخارج وتكون عملت زي انا دخلت في دايرة مقفولة كذا شهر لغاية ما كل أسعار الأجهزة رفعت من غير ما اشتري حاجة
اخي الفاضل أن جهاز يبوظ مع فني بالطريقه دي يبقي العيب منك أنت في أنك تسلم الجهاز لشخص زي ده وبيبان جدا انو مش خبره أثناء التركيب
انا أفضل ىتنزيل فديو من اليوتيوب ودا موجود كتير جدا عن تجميع الأجهزه وتقدر تتفرج اكثر من مره حتي التعلم وتجمع بنفسك
ثانيا معاك 5000 وتشتري كيسه استعمال خارج ليه

[أنا أحمد فوزى]

اخي الفاضل أن جهاز يبوظ مع فني بالطريقه دي يبقي العيب منك أنت في أنك تسلم الجهاز لشخص زي ده وبيبان جدا انو مش خبره أثناء التركيب
انا أفضل ىتنزيل فديو من اليوتيوب ودا موجود كتير جدا عن تجميع الأجهزه وتقدر تتفرج اكثر من مره حتي التعلم وتجمع بنفسك
ثانيا معاك 5000 وتشتري كيسه استعمال خارج ليه

معاك حق في انى اتعلم تجميع الأجهزة من النت لاننا فعلا وصلنا لمرحلة لو انت عاوز حاجة صح وزي ما انت عاوز اعملها بنفسك.
الراجل اللي انا ذكرته ان جهازه ضرب اول ما شغله ده زميلي في الشغل وجاب الجهاز من شركة معروفه عندنا في الصعيد وصاحب الشركة شغله ممتاز بس عيبه انه بقى يقابل الزبون وبعدين يخلي حد من اللي شغالين عنده يركب الجهاز واغلب اللي شغالين بيكونو عيال صغيرين لسه في الدبلوم جايين يتعلمو صنعه مش اكتر والنتيجه انهم بيغلطو غلطات فادحة .
اما موضوع ال 5000 جنية دول فأنا مليش في اني احدث جهازي كل شويه فكنت عاوز اجيب جهاز قوى وامكنياته عاليه وياخد معايا حوالى 5 او 6 سنين عشان كده انبهرت بجهاز ال hp بس خفت من موضوع انه ممكن ميكملش معايا السنة اللي هشتريه فيها عشان كده رجعت تاني افكر في التجميع بس الامكانيات اللي عاوزها طلعت تعدى السته او السبع تلاف وكنت عشمان انها تكون رخصت بعد الكروت والمعالجات الحديثة اللي صدرت بعدها بس للأسف الكام شهر اللي فاتو دول كل حاجة رفعت والظاهر انى مكتوبلى اعيش بجهازي اللي بقى بيهنج وانا مشغل الفاير فوكس