ما رأيكم في شاشة Skyline 32 Inch HD LED TV - LD3208A

[salahali244]

السلام عليكم

ما رأيكم في شاشة Skyline 32 Inch HD LED TV - LD3208A بشكل عام ؟! , ومن حيث جودة التصنيع ؟! , وهل بتستحمل التشغيل لفترات طويلة ولا بتتحرق بسرعة ؟! , وهل في حاجة في نفس السعر 32 بوصة واحسن منها ؟!

سعر الشاشة : 1289 جنية

الاستخدام : هستخدمها كتلفزيون وهشتري معاها رسيفر Skyline mini 222i

موعد الشراء : ان شاء الله اناوي اطلبها اليوم بعد الاطلاع علي الاراء

ودي المواصفات المذكورة عن الشاشة


درجة وضوح الصورة 1366x768

نسبه التباين 1:15000
فلتر معالجة رقمى 3D
إمكانية عرض القائمة باللغة العربية
مؤقت للتشغيل/للإيقاف ومؤقت للنوم
2 مدخل رقمى HDMI
مدخل VGA لتوصيل الكمبيوتر
مدخل YPbPr لتوصيل الدى فى دى
مدخل صوت وصورة AV
مخرج فيديو
مخرج لتوصيل سماعات خارجية
مدخل USB لتشغيل ملفات الفيديو والأغانى والصور
شاشة A عالية الدقة
الابعاد : 73 (عرض) * 43 (طول) * 7.5 (سمك) سم (بدون ستاند)
73 (عرض) * 45.3 (طول) * 7.5 (سمك) سم (ب ستاند)
التليفزيون مكونات كوري
تصميم نحيف
لوحة واضحة فائقة للصورة وأعمق وأكثر وضوحا
زاوية مشاهدة واسعة: 178

2 يو اس بي
زووم
صوت تلقائي
مؤقت لوضع السكون

ملحوظة: التليفزيون لا يمتلك مدخل للاريال الارضي

منتظر آراؤكم

[phenomenon]

وعليكم السلام ورحمه الله وبركاته
اعتقد انها صينى تقريبا اخى صلاح / بصراحه معنديش ثقه فى الصينى مهما كانت سمعته ولكن من خلال مراجعات اللى جربوها بيشكروا كتير فيها
فبصراحه مش متاكد من التليفزيون وموضوع استخدامها فترات طويله مش مشكله خصوصا انك معاك فتره ضمان تقدر تهرس الشاشه فيها تشغيل عشان تختبرها

[salahali244]

وعليكم السلام ورحمه الله وبركاته
اعتقد انها صينى تقريبا اخى صلاح / بصراحه معنديش ثقه فى الصينى مهما كانت سمعته ولكن من خلال مراجعات اللى جربوها بيشكروا كتير فيها
فبصراحه مش متاكد من التليفزيون وموضوع استخدامها فترات طويله مش مشكله خصوصا انك معاك فتره ضمان تقدر تهرس الشاشه فيها تشغيل عشان تختبرها
بس كاتبين في مواصفاتها مكونات كوري ولا ممكن يكون كاتبين كده لمجرد الدعاية ؟!

وهي فعلا ملهاش مراجعات علي النت انا دورت كتير عن اي مراجعة ليها مفيش الا فيديو واحد ليها علي اليوتيوب ومش بيوضح اي شئ

مفيش غير تعليقات الناس اللي اشترتها ومعظمهم بيشكروا فيها , الصراحة بفكر اغامر واجربها سعرها بالنسبة لمواصفاتها كويس جداً , وخصوصاً ان شاشات 32 بوصة من ماركات توشيبا وسامسونج وال جي تبدأ من 2000 جنية والميزانية للاسف مش هتسمح بيهم

[phenomenon]

لا يجوز فعلا تكون مكونات كورى ولكن للاسف كورى عن كورى يفرق كتير
اكيد الشاشات دى مشبيتم توريدها غير للدول الفقيره فقط عشان تلاقى اهتمام ولذلك لن تجد لها مراجعات من مواقع عالميه كباقى الانواع الاخرى

على العموم طالما ميال ليها وتجارب الناس بتقول كويسه فالتجربه بالنسبالك خير دليل وان شاء الله ربنا يباركلك فيها ومش تخيب ظنك

[salahali244]

لا يجوز فعلا تكون مكونات كورى ولكن للاسف كورى عن كورى يفرق كتير
اكيد الشاشات دى مشبيتم توريدها غير للدول الفقيره فقط عشان تلاقى اهتمام ولذلك لن تجد لها مراجعات من مواقع عالميه كباقى الانواع الاخرى

على العموم طالما ميال ليها وتجارب الناس بتقول كويسه فالتجربه بالنسبالك خير دليل وان شاء الله ربنا يباركلك فيها ومش تخيب ظنك

ان شاء الله هطلبها النهارده وبأذن الله تطلع كويسة وتستحمل معاية لان الشاشة بتشتغل عندي فترات طويلة

وبردو عشان أطمن اكتر النهارده الصبح سألت علي الشاشة عند محل رسيفرات وشاشات وقالي انه شاري واحده منها للبيت عنده وكويسة جداً معاه , بس حبيت استني المنتدي بردو عشان اطمن اكتر

ومعلش عندي استفسار اخير يا استاذ ابراهيم ايه الطريقة اللي ممكن اجرب بيها الشاشة لما اجيبها عشان اطمن انها بحالة كويسة غير طبعاً شكلها الخارجي , هل افضل مشغلها 12 ساعة مثلاً واشوف هتشتغل كويس ولا لا ؟!

[salahali244]

الحمدلله الشاشة وصلتلي من كام يوم وحالتها ممتازة وبعد التجربة مش ملاحظ اي عيوب فيها , الصوت والصورة اكثر من رائعين والشاشة بشكل عام كويسة جداً

[omda120]

مبروووك

[salahali244]

مبروووك

الله يبارك فيك اخي الكريم

[phenomenon]

جووود نيوووز بالعربى اخى الكريم :)
الف مبروك على الشاشه

[salahali244]

جووود نيوووز بالعربى اخى الكريم :)
الف مبروك على الشاشه
الله يبارك فيك يا غالي , الحمدلله انا شغال عليها بقالي اسبوع تقريباً وشغالة تمام التمام , وفرق كبير اوي بين التليفزيون والشاشة اجمل بكتير الصراحة (y)