ارجو من الاخوة الكرام مساعدتي في الكارثة الي حصلتلي..

[مصراوي اهلاوي22]

السلام عليكم..

النهردة قلت انضف الجهاز بتاعي من الاتربه وقلت بالمره انضف البرسيسور ..المهم وانا بنضف البرسيوسر وخلصت قفلت لقيت مرضاش يقفل .. ببص لقيت فيه بعض البانت(9) اطقطمت ..يريت لو حد يعرف الحل انا من الاسكندرية والصيانه الي هنا مش لاقين حل ..ارجو التفاعل معي الجهاز لسا شاريه وحالتي النفسيه مدمرة وشكرا..

326743267632675

[الواد ميشو]

وعليكم السلام ورحمة الله وبركاته ...
لا تقلق كل حاجة ليها حل ان شاء الله ...
المهم هل البوردا جديدة وفي الضمان ولا شاريها مستعمل ؟
حتى لو خارج الضمان انت ممكن تنزل القاهرة وتروح لتوكيل البوردا وان شاء الله تتصلح حتى لو خارج الضمان
بس بلاش تحاول تظبطها او حتى لا تحدث اضرار اكثر ...

وانتظر رأي باقى الاعضاء
وربنا يوفقك ويبقى كله تمام ان شاء الله

[H_KIMO]

تحتاج إلى تغيير قاعدة وتتكلف 125 جنيه فى التوكيل

[مصراوي اهلاوي22]

شكرا للاخوة الي حولت تساعدني..الحمد والشكر لله الجهاز اشتغل بكفائته الطبيعية بالتسعه المقطومين.بعد ان استعنت بالله وقلت اجرب اشتغل.. مش عارف كانو ارضي ولا ايه بس المهم انه اشتغل

[H_KIMO]

عموما إضغط على المعالج ببرنامج Prime95 للتأكد من عدم وجود مشاكل

[مصراوي اهلاوي22]

انا عمكلت زي ماقلت يا كريم ..لاحظت شويه حجات.اولا الكمبيوتر اول مابيفتح بتجيلي ايرور ان في مشكلة في فانه البروسيسور وانا جربت اركبها ممكن 10 مرات بس الرسالة بتطلع..تاني حاجه في الساعه الي بتبين استخدام البرسيسور والرام الساعه دي بتقول ان البرسيسور مستخدم 100/100..وده مش طبيعي الطبعي مبتعديش 30 ... وانا رافق الصور يريت الاستفادة من ارائكم وخبراتكم عشان اعمل خطوة فعليه في المشكلة الي مازالت مستمرة..

32691


32690

[Walid DX01]

ركب مشتت المعالج مره تانيه ولو تقدر تجرب مشتت تاني يكون افضل
درجات الحراره مقبوله جدا
استخدام المعالج 100% بيكون امتي ؟

[H_KIMO]

مشكلة المروحة هى مشكلة شائعة فى لوحات ال ASUS مالهاش علاقة بالقاعدة
ودرجة الحرارة جيدة مع الضغط

[مصراوي اهلاوي22]

100% دبعد ما الكمبيوتر يشتغل ب5 دقايق من غير تشغيل اي برامج او العاب

انا كلمت توكيل اسوس في القاهرة وقلولي كلمنا بعد اسبوع عشان نقدر نقلك في سوكت ولا لا.. فلقيت واحد هنا بياكدلي انه يقدر يعمل حاجه اسمها (زرع بنات) وانه هيرجع طبيعي وان مشكله المروحة سببها ان المعالج معرفش يطلع الحرارة بتاعته الطبيعية بسبب البنات المقطومة الي هي الارضي فبتالي بيدي اشارة انه في مشكلة في المروحة عشان مبيجلهوش التبريد المطلوب وفاكر ان المشكلة فيها...
ان شاء الله المشكة تتحل.

[Walid DX01]

تمام تواصل مع الضمان للنهايه
وحاول تشوف اي برامج شغاله قد تكون سبب في استهلاك كامل جهد المعالج اثناء التشغيل ؟
حاول تنزيل ويندوز ..

[مصراوي اهلاوي22]

الحمد والشكر لله..تم حل المشكلة .. احب اشكر كل من حاول يساعدني في هذا المنتدى..واشكر ايضا البشمهندس محمد علي الي والله بدون مبالغة رجع البانات لوضعها الاصلي كانها طالعة من التوكيل.

[SemsemBanhawy]

الجهاز بتاعك ها يشتغل عادي جدا لكن هتلاقي في تهنيج في البرسيسور
لو ملقتش تهنيج في العمليات الي بيقوم بيها البروسيسور هتلاقي ان في مداخل في الرام مش شغالة
مكانش هتلاقي مدخل كارت الشاشة عطل
وليها تأثير سلبي علي المدي البعيد علي القطع الي موجودة
الافضل تنزل عند شركة جاما في القاهرة قريب من سوق العصر
ها يغيرو ليك السوكت خالص او ها يعملو أعادة اصلاح لو ينفع
لكن 9 بنات كتير ومش اتعوجو دة انت بتقول تم قطمهم

[SemsemBanhawy]

نسيت اقولك حاجة لا تنتظر شيئ من توكيل اسوس سواء المعتمد او غير لان معندهمش سوكتات

[مصراوي اهلاوي22]

انا والله لوكان ينفع اصور القاعدة بعد مازرع البانات كنت رفعتها هنا.. البانات دي جايه بميل كده شوية هو لما زرعهم عملهم بنفس الميل بنفس الزاويه انا لما شفتها نسيت هما كان فين المقطومين ..الشغل الي عملهمولي شغل احترافي الصراحة.. وانا سايب الكمبيوتر من امبارح شغال يعمل في دونلود وسطبت 3d max 2017 و revit 2016 والحمد والشكر لله .. الجهاز رجع طبيعي

[SemsemBanhawy]

خلاص تمام كمل بية علي كدة ولو واجهك اي مشاكل قدام اعرف انها سببها كذا