طلب زيادة vram لكارت داخلى Intel HD 2000

[leprince2007]

السلام عليكم ورحمه الله وبركاته
أنا جهازى Hp 8200 استيراد Corei5 2400 ورام 4جيجا
وكارت الشاشة Intel HD 2000
لقد شاهدت العديد من الفديوهات على الأنترنت بخصوص زيادة Vram لكروت intel الداخلية
مثل :https://www.youtube.com/watch?v=MrKFwaCqPoA
وذلك لتشغيل ألعاب pes ولكن هذه الطرق لم تنفع معى
عايز أعرف أيه السبب؟؟؟
أرجو الافادة

[bisotiger]

اخى الكريم بتدخل على البيوس للجهاز
ودور وهتلاقى حاجه اسمها video memory او ماشابه ذلك حسب نوع المازربورد والبيوس تبعك
هتلاقيها مظبوطة على 64 mb أو 32mb هتغيرها الى اكبر رقم هيقابلك وليكن 1 gb وده معناه انه هيسحب من راماتك 1 جيجا وهيفضلك 3 جيجا فقط
ارجو العملية تكون وضحت لحضرتك
تحياتى أخى الكريم

[leprince2007]

هناك اختيار اسمه على ما أتذكر Graphics بس غير مفعل
كيف يتم تفعيله
وهل هناك طريقة حتى وإن كانت وهمية لتوهم ألعاب بيس أن كارت الشاشة 1 جيجا
رجاء شاهد الفيديو ، وهناك أكثر من فيديو على اليوتيوب لطرق أخرى بس مش شغالة عندى
أرجو الافادة

[bisotiger]

أخى الكريم هذه البرامج الوهمية الصراحة غير مجدية فى اغلب الأحيان
لكن فى حالتك من الممكن والطبيعى رفع ذاكرة كارت الشاشة الداخلى من البيوس
صورلى خيار graphics وارفعه كده

[leprince2007]

وانظر هذا الفيديو:
https://www.youtube.com/watch?v=jxveA17oqt4
هذه الطريقة أيضاً لم تشتغل معى
أرجو الافادة

[bisotiger]

أخى الكريم انا اصلا شغال حليا بكارت انتل داخلى زيك intel hd graphics
وواجهتنى نفس مشكلتك ورفعتها من البيوس طبيعى جدا دون الحاجه لاى برامج

[bisotiger]

اخى الكريم هتدخل على البيوس اضغط على advanced هتجيلك قائمة منسدلة
اختار vga configuraton
هتلاقى حاجه اسمها DVMT هترفعها الى اعلى رقم موجود عندك وأحفظ
وبس خلاص
تحياتى أخى الكريم

[phenomenon]

للاسف هو المشكله لو كان بيوس الجهاز الاوريجنال مغلق او لا يتيح ليك الميزه دى بوجهه عام فقط

حاول تتاكد من وجود الخواص اللى تم ذكرها فى المشاركات السابقه - اى شىء بيدل على Share Allocated memory لجرافيك المعالج المدمج
اذا لم تجد اذن العمليه تلقائيه واوتماتيك حسب ضبط اللوحه الام للامر ولا يوجد لك امكانيه تدخل بها زى بعض اللابات
ولكن انا اعتقد انك اذا دورت فى Video او Onboard Graphics او اى شىء يدل عليها هتلاقى دليل على وجود خاصيه مشابهه

[leprince2007]

وجدت الحل للمشكلة
قمت بتثبيت ويندوز Xp ولقيت كارت الشاشة 1 جيجا
مش عارف إزاى !!!!!!!!!!
وعرفت أشغل جميع ألعاب PES
يبقى المشكلة كانت فى الويندوز 7
بس ليا استفسار : هل هناك طريقة لجعل ويندوز 7 يقرأ كارت الشاشة مثل ويندوز XP ؟
أرجو الافادة

[phenomenon]

للاسف المشكله من قيود الاجهزه الاوريجنال والبيوس الخاص بيها طالما حضرتك مش قادر توصل للخيار اللى طلبنا منك تغييره فى البيوس
خيار Share memory Allocated او يكون له اسماء بديله ويكون دائما اسفل خيار Integrated GPU وغالبا بقائمه Advanced Option فى جميع البوردات ويمكن من خلاله زياده حجم الفيديو رام على اى لوحه ام