أسعار المواصفات دي في مصر

[أنا أحمد فوزى]

السلام عليكم ورحمه الله وبركاته
أنا اخوكم أحمد فوزي من صعيد مصر ونظرا لبعد المسافه بيني وبين القاهره وانى معرفش الف في القاهره ولو اصحاب المحلات عرفوا انى غريب هيكلوني - كنت عاوز أعرف اسعار تجميعه جهاز بمكونات قريت عنها في النت بس مش عارف اسعارها ايه انهارده .
عشان كده كنت عاوز اعرف الأسعار ولو حد يعرف نوع مازربورد تمشي مع البروسيسور وكارت الشاشة اكون مشكور جدا ليه .
Coolermaster mastercase pro 5
intel core i5 4690k 3.5 ghz
gigabyte geforce GTX 770 2gb ddr5
motherboard : gigabyte ga z97 dh3
ram : 8 gb
Hard 1 tera western digital
وكمان اكون مشكور لو حد يعرف سعر اسطوانه ويندوز 10 الأصليه كام دلوقتى
شكرا جزيلا واسف على الازعاج

[phenomenon]

وعليكم السلام ورحمه الله وبركاته
اهلا بيك اخى الكريم

سعر الكيس بيتراوح من 1250 الى 1350 فى الشركات حاليا

سعر المعالج اذا اتضح انه مازال متوفر هيكون فى رنج سعر 2350 جنيه الى 2500 جنيه

كارت الشاشه هو من الجيل السابق ولن تجده حاليا الا فى سوق المستعمل فى رنج 2000 جنيه تقريبا

ممكن تشوف كارت GTX 960 او R9-380 وهيكونوا فى رنج 2500 جنيه وهما البديل عن GTX 770 وافضل فى استهلاك الطاقه ولكن GTX 770 ربما افضل بفارق طفيف جدا فى الاداء

اللوحه خلصانه فى اشهر شركات مصر واخر سعر ليها اذا وجدتها هيتراوح تقريبا من 1350 جنيه الى 1650 جنيه حسب اسم الشركه

ذاكره 8 جيجا قطعه واحده او كيت قطعتين هيكون فى رنج 500 الى 700 جنيه حسب النوع والخصائص ومكان البيع

الهارد 1TB Purple هتلاقيه فى رنج 600 الى 750 جنيه حسب مكان البيع

ممكن حضرتك تشوف الاسعار اونلاين من خلال اختيار قسم الكومبيوتر على موقع متجر المنتدى https://store.arabhardware (https://<font color=&quot;#0000ff&quot;>store.arabhardware</font>).net او eg prices.com

من الافضل التفكير فى الجيل السادس بدلا من الجيل الرابع وتحديد اقصى ميزانيه والقطع المطلوبه والقطع القديمه اللى هتستفد بيها من الجهاز القديم اذا وجد وابعاد الشاشه

[أنا أحمد فوزى]

شكرا يا Phenomenon (https://arabhardware.net/forum/member.php?u=11301600) على اهتمامك
بس بصراحة انا اتصدمت كنت متوقع تكون الأسعار أقل من كده بكتير خصوصا ان الأحدث من كده بكتير ليه سنتين في السوق , ومخطرش في بالي أن حتى المكونات دي ممكن فعلا متكونش موجوده في السوق .
بس سؤال تاني عشان أنا مجرد مستخدم للكمبيوتر مش متخصص فيه ايه هو الجيل السادس وايه هو الجيل الرابع في الأجهزة ؟؟
ومتشكر مره تانية على اهتمامك وسرعة الرد

[Walid DX01]

بالفعل الجيل السادس هيكون افضل ليك بما انك كنت هتشتري Z97 ..
ياريت تحدد الميزانيه

[phenomenon]

للاسف بعد ارتفاع سعر الدولار حصل جنون للاسعار فجاه وبدات جميع شركات الهاردوير تعلى سعر جميع منتجاتها حتى المنتج اللى تم استيراده بسعر الدولار القديم وده شىء طبيعى ومتوقع


الجيل الرابع من المعالجات المركزيه لانتل اسمه Haswell 22nm وتم انتاجه عام 2013/2014
الجيل السادس من االمعالحات المركزيه لانتل اسمه Skylaje 14nm وتم انتاجه عام 2015

كل معماريه هندسيه جديده انتل بتطورها سنويا بتعبر عن رقم الجيل طبقا للمنهج اللى بيسيروا عليه فى تطوير المعالجات كل جيل من اجل زياده وسرعه الاداء للمعالجات الاحدث

الجيل الخامس تم انتاج معالجات فقط للاجهزه المكتبيه واربعه معالجات للطبقه الغنيه جميع ارقامهم على شكل I7-6xxx Extreme وهى موجهه لمنصات Extreme من اللوحات الام


الجيل السادس اتضح انه لا يقدم اى جديد عن الجيل الرابع فى زياده الاداء سوى جرعه طفيفه جدا فى الاداء تقدر تقريبا ب 5%

الميزه الوحيده فى الجيل السادس هى تدعيماته لذاكره التخزين الجديده DDR4 وترددات سرعه النقل بها اعلى ممكن توصل الى 3600MHz او اعلى وفولتيات اقل
بالاضافه ان جميع اللوحات الام لسلسله 100sSeries الموجهه لمعالجات الجيل السادس وخاصه لوحات شيبايه Z170 فيها خصائص ممتازه بتحاول تقنع المستهلك على افضليه الانتقال
الى الجيل السادس بدلا من الجيل الرابع

الجيل الرابع فى مصر حاليا تفكير خاطىء عند شراء القطع الجديده لان المتوفر منه هتلاقيه بنفس سعر الجيل السادس تقريبا

حدد الميزانيه اخ احمد والقطع المطلوب تحديثها ونوع استخداماتك للجهاز زى العاب او برامج معينه وهنقرب الصوره بشكل افضل ان شاء الله