مشكلة ف الشاشة

[clever7]

السلام عليكم

عندى لما بوصل pc عليه ويندوز 7 بشاشة led عن طريق hdmi الشاشه بتبقى مش كاملة ليه !!!

[Walid DX01]

هل جربت تظبط الريزلوشن حسب دقه عرض الشاشه ؟

[clever7]

كل الخيارات جربتها برضو مش راضيه تتصلح حتى الشاشة دقتها مش hd خالص
العيب ف ويندوز 7 ؟
انا لما بنزل ويندوز 8.1 الشاشة بتبقى كامله

Standard VGA Graphics Adapter
هو كدا كارت فيجا اللى متوصل ولا ايه مع انى موصل كابل hdmi

[ayoub_bob]

جرب ادخل على سيتنج الشاشة نفسها
وضبط الأبعاد منها

[phenomenon]

فى جميع الاحوال حضرتك موصل على فيجا طبعا لان الفيجا هى اللى بتتنقل الصوره للشاشه عن طريق الكابل ايا كان سواء HDMI / VGA / DVI او خلافه

سواء كانت الفيجا خارجيه زى كارت انفيديا او AMD او داخليه مدمجه فى اللوحه الام او البروسيسور فاتاكد انك مثبت تعريف القياده " درايفرز الفيجا دى " المتوافقه مع نظام ويندوز 7

انظر على مخرج الكابل ولو لقيته متوصل فى فى ضهر الكيس فى كارت شاشه خاص بنفسه راكب فى سوكيت البورده PCI Express فلازم تعرف اسم الكارت بتاعك ده وتحمل تعريفه المتوافق مع النظام

اذا اتضح ان وصله الكابل لاحظت انها راكبه فى الباك بانل " الراكه " اسفل مداخل الماوسات واعلى مخارج السماعات فهى فيجيا مدمجه ولازم حضرتك تذكرلنا اسم اللوحه الام عشان نعرف هل مدمجه باللوحه ولا المعالج
بعدها هتحمل التعريف المتوافق للويندوز وتضبط الريزيلوشن وتجرب تشوف النتيجه لاننا هنعرف من خلال توضيح المواصفات ايضا اعلى ابعاد مدعومه

اعتمد على CPUz او AIDA64 Extreme لتوضيح مواصفات وخصائص قطع الجهاز كامله

[clever7]

شكرا يا رجاله :)