r7 360 oc ام gtx 750 oc

[helpmeok]

السلام عليكم اختار ايه من دول مع العلم ان r7 360 هيكلفني باور اضافي 500 وات
....r7 360 oc 2gb ddr5...1200le
gtx 750 oc 1 gb ddr5 ....1020le
هل فرق الاداء بينهم كبير ويستحق ؟ هل 1 جيجا قليله ؟ هل gtx 750 oc قريب من gtx 750 ti ?

[bisotiger]

أخى الكريم يجب ذكر مكونات جهازك ونوع وقوة الباور سبلاى
وانا رأيى الشخصى أنك تجيب Gtx 750 ti مستعمل أفضل من الكارتين المذكورين
وهيشتغل على باور أصلى لايقل عن 350 وات نظرا لاستهلاكة القليل من الظاقة
هيديك أداء جيد بأذن الله
موفق بأذن الله

[helpmeok]

مش لاقي مستعمل للاسف

[bisotiger]

مش لاقي مستعمل للاسف
أخى الكريم الكارت متوافر عادى جدا
تابع قسم بيع المستعمل فى المنتدى هنا وهتلاقى
هرجع أقولك تانى رجاء ذكر مكونات جهازك ونوع وقوة الباورسبلاى عشان متشتريش الكارت على الفاضى
موفق بأذن الله

[helpmeok]

سلام عليكم شكرا للرد ... بالنسبه لجهازي فهوا اورجينال وامكانياته ضعيفه .. انا بخطط اني احدث الجهاز وبالصدفه شوفت فيديو c2d مع gtx 750 ti وكان محقق اداء كويس جدا ... ففكرت اني اجيب الكارت مؤقتا لحد ما احدث باقي الجهاز ........بالنسبه للجهاز
c2d e8400 3ghz 6 cash
4gb ddr2
وبس الماذر هيا الماذر بتاعه Dell optliex 755
عندي استفسار تاني هوا ممكن اشغل كارت pci express 3 علي ماذر 2 ؟ انا اظن انها 2 بما انها قديمه ..
بالنسبه للباور لا امل فيه
https://arabhardware.net/forum/attachment.php?attachmentid=32730&d=1463674311&thumb=1 (https://arabhardware.net/forum/attachment.php?attachmentid=32730&d=1463674311)

بالنسبه للباور ده هغيره فانا عاوز اعرف باور 380 وات ماركه كويسه يكفي r7 360 مع التجميعه ديه

[bisotiger]

يفضل باور400 وات لتشغيل r7 360
لكن المعالج بتاعك ضعيف وهتواجه بما يسمى بعنق الزجاجة
يعنى الكارت مش هيخرج كل قوته يفضل شراء معالج core2quad
لتشغيل الكارت بكل سلاسة
بالنسبة للبوردة pci express2 عادى هيقرا الكارت pci express 3 على أنه 2
موفق بأذن الله

[helpmeok]

يفضل باور400 وات لتشغيل r7 360
لكن المعالج بتاعك ضعيف وهتواجه بما يسمى بعنق الزجاجة
يعنى الكارت مش هيخرج كل قوته يفضل شراء معالج core2quad
لتشغيل الكارت بكل سلاسة
بالنسبة للبوردة pci express2 عادى هيقرا الكارت pci express 3 على أنه 2
موفق بأذن الله


تمام شكرا لحضرتك معني كدا ان 380 ينفع ..

.انا روحت سـألت عن باور قالي فيه دولفين او ابل تقريبا 500 وات ب 180 جنيه تفتكر ده تجاري ؟

... ولو قدامي c2q 2.6 vs i3 2100 اختار ايه ؟ هل اي ثري جيل تاني اقوي ؟

[bisotiger]

تمام شكرا لحضرتك معني كدا ان 380 ينفع ..

.انا روحت سـألت عن باور قالي فيه دولفين او ابل تقريبا 500 وات ب 180 جنيه تفتكر ده تجاري ؟

... ولو قدامي c2q 2.6 vs i3 2100 اختار ايه ؟ هل اي ثري جيل تاني اقوي ؟

لو عنده باور ديل هيكون أفضل
وعندك باور Cooler Master Elite V2 500W PSU ممتاز جدا بس 450 جنيه
بالنسبة ل i3 2100 ده طبعا أفضل من c2q
ده جيل وده جيل تانى
وخد بالك لو جبت i3 2100 مش هيركب عندك عشان البورده بتاعتك lga 775
بينما i3 2100 بمقبس 1155
وضحت الفكرة ...تحياتى أخى الكريم

[helpmeok]

اه تمام متعرفش بخصوص الباور ال500 وات ب180 شاكك فيه ؟ اصلو مش ماركه مش ممكن بكون تجاري ؟واشكرك جدا (y)

[bisotiger]

اه تمام متعرفش بخصوص الباور ال500 وات ب180 شاكك فيه ؟ اصلو مش ماركه مش ممكن بكون تجاري ؟واشكرك جدا (y)
الحقيقة لم يصادفنى أى من الباورين
لكن دولفين بشكل عام باور تجارى
أما باور أبل من أسمه باين أنه أصلى
موفق بأذن الله

[helpmeok]

شكرا ليك ....انا شفت كارت gtx 480 ب 800 جنيه في المنتدي (ملقتش غيره ) ايه رايك فيه احسن من 750 ti

[bisotiger]

اخى الكريم الكارت gtx 480 استهلاكة للطاقة مرتفع جدا ويحتاج الى باور أصلى 600 وات الى جانب أنه معمارية قديمة
أما gtx 750ti معمارية أحدث وأستهلاك طاقة أقل كثيرا منه وانا افضل هذا الكارت
بص أخى الكريم انا معرفش ظروفك المالية أيه هديك الخلاصة
البرسيسور بتاعك ضعيف وهيعملك عنق زجاجة مع الكروت المذكورة بالموضوع
يفضل بيع الكيسة فى قسم المستعمل وتحديث الى منصة i3 جيل ثالث أو رابع مستعمل
ولوعايز تستمر مع جهازك الحالى يبقى هات كارت r7 250 كافى جدا مع المعالج بتاعك وهيشتغل مع الباور اللى فى الكيسة بتاعتك طبيعى جدا
تحياتى أخى الكريم

[H_KIMO]

GTX480 كرت قديم وبيستهلك طاقة كتير وأعتقد باور 500 وات غير كافى له بلاش منه خالص
والباور الدولفين أو الأبل تجارى بلاش بردو

[Walid DX01]

اخي الكريم ياريت تحاول تحدث المنصه اولا لمعالج i3-2100 عالاقل وبعدها عليك التفكير في شراء كارت شاشه حسب الميزانيه

[helpmeok]

استاذ وليد بعد اذنك هوا ممكن اركب باور سبلاي تجاري لكل مكونات الجهاز ماعدا كارت الشاشه وباور خاص بكارت الشاشه واركبهم في مشترك وهيفتحوا في نفس الوقت بس من غير لحام او غيره ؟استفسار تاني معماريه باسكال الكروت بتاعتها بتاعه الفئه المنخفضه هتزل في حدود كام شهر ؟ ومعماريه polairs بيقولوا انها 2/6 الكروت هتنزل مباشره ساعتها وهتبقي للفئه المنخفضه..عكس انيفيديا ؟

[Walid DX01]

استاذ وليد بعد اذنك هوا ممكن اركب باور سبلاي تجاري لكل مكونات الجهاز ماعدا كارت الشاشه وباور خاص بكارت الشاشه واركبهم في مشترك وهيفتحوا في نفس الوقت بس من غير لحام او غيره ؟استفسار تاني معماريه باسكال الكروت بتاعتها بتاعه الفئه المنخفضه هتزل في حدود كام شهر ؟ ومعماريه polairs بيقولوا انها 2/6 الكروت هتنزل مباشره ساعتها وهتبقي للفئه المنخفضه..عكس انيفيديا ؟
للاسف الطريقه مش هتنفع .. يفضل تشتري باور فعلي مثل XFX TS 430W
بالنسبه للكروت المتوسطه لانفيديا هناك كارت GTX 1060 ربما نسمع عن صدوره قريبا في اواخر هذا العام وسعره في حدود 200~250$
واعتقد ان انفيديا هتنتظر حتي السنه القادمه حتي تصدر كارت بنفس سعر GTX 950 ربما يكون في صيف 2017
اما بالنسبه للمنافس الحقيقه الاخبار كلها عكس بعض بالنسبه لمعماريه بولاريس والمعلومات المؤكده هتكون في معرض كومبتكس اول الشهر الجاي فعلا

اي سؤال تاني افضل

[helpmeok]

ايه رايك في g3220 هيبقا احسن من i3 2100 مع كارت 750 ti او 960
ولو pentuim g3220 ضد i5 جيل تاني في الالعاب مع نفس الكروت الاداء هيستحق ؟ وشكرا :)

[phenomenon]

مستحيل معالج pentium G3220 يتفوق على I3-2100
يمكن بسبب قوه نواه الجيل الرابع تلاحظ انه بيتقدم حتى على معالج I5 + I7 الاجيال السابقه بالفعل فى حاله عدم احتياج الالعاب لتعدد مصادر المعالجه
امتلاكك لكارت GTX 750 ومعالج Pentium G3220 ذكى جدا لانك هتلعب على اعدادات جرافيكه متوسطه ولا تحتاج تعدد انويه
لكن بالتاكيد لا يزال معالج I3 افضل لامتلاكه خطان معالجه زياده وتقنيه HT اذا تطلبتها الالعاب وفى لعبه زى GTA V ممكن يحقق مع نفس الكارت ضعف عدد الاطارات اللى يحققها G3220

[helpmeok]

طب بالنسبه للكروس فاير . يعني apu مع كارت amd ..مثلا a6 7400 +r7 360 بيزوذ الاداء اد ايه وهيبقي افضل من g3220 750ti

[Walid DX01]

طب بالنسبه للكروس فاير . يعني apu مع كارت amd ..مثلا a6 7400 +r7 360 بيزوذ الاداء اد ايه وهيبقي افضل من g3220 750ti
ابعد تماما عن معالجات APU خصوصا في حاله تركيب كروت شاشه خارجيه
معالج APU مطلوب فقط في حاله اعتمادك عليه بالمعالج الرسومي الداخلي ..

معالجات انتل افضل ومتوفره بكثره في اي مكان
شوف اخي افضل حل ليك لو الميزانيه قليله شوف i3-2100 + H61 + 4-8GB + GTX 750 Ti كلهم استعمال
المعالج واللوحه والرام هيعمل حوالي 1000 والكارت مستعمل 900-800 جنيه بس