تجميعة بـ3500

[ShadyShukri]

أقصى ميزانية محددة: 3500 جنيه

- استخدامك للجهاز: تصفح الانترنت ومشاهدة أفلام و مسلسلات HD وبرمجة وألعاب مثل fifa

- حجم الشاشة و الدقة (Resolution) التي تستخدمها: 19 1366×768

- القطع التي تنوي شراءها: 6th generation

Motherboard,Processor,Ram,Power Supply

- القطع التي ستعيد استخدامها من الجهاز القديم: Hard & case

- ميعاد شراء الجهاز: أقرب وقت
- مكان الشراء: القاهره (ياريت تحددولى مكان)
- محل سكنك: ( يكفى إسم البلد او المحافظه و لا يشترط العنوان بالتفصيل )

[Walid DX01]

التجميعه التاليه مناسبه .. الباورسبلاي الجيد هيعطيلك الفرصه في المستقبل بأضافه كارت شاشه قوي للالعاب
لو قدامك فتره طويله علي الشراء ممكن تنزل للوحه H110 تكون وصلت السوق المصري
وبفرق السعر توصل لمعالج i5-6400 وحتي يمكنك شراء رام 4GB الآن فقط واضافه رامه اخري لاحقا ..

CPU : Intel Core I3-6100 Dual-Core 3.7GHz LGA 1151 = 1200 L.E
MB : Gigabyte GA-B150-HD3 = 1200 L.E
RAM : Kingston HyperX FURY Black 8GB DDR4 2400MHz CL15 1.2v = 550 L.E
PSU : SeaSonic S12II Bronze 520W = 650 L.E

[ShadyShukri]

شكرا لحضرتك على التجميعة
هو حضرتك قصدك بالباور سبلاى الجيد اللى حضرتك كتبه فى التجميعة ولا تقصد أعلى؟
اللوحة H110 تقديريا ممكن تنزل مصر امتى وفى حدود كام السعر؟
هى تفرق اللوحة H110 عن B150 فى ايه؟عامة بيفرق اللوح h عن B فى ايه؟
لو عايز اجيب رام 4GB ممكن اسم رامة؟ لانى لقيت non-ecc وحاجات كدة أو اغلى وسعرها قريب من 8GB
حضرتك قولى احسن المكان ممكن اشترى منه؟
أنا بيتهيألى دى أقل ميزانية لجيل سادس صح ولا فى أقل ؟
من رأى حضرتك أجيب التجميعة ديت ولا ممكن بنفس الميزانية اجيب جيل رابع أحسن؟(ملحوظة انا مش محتاج كارت شاشة دلوقتى)
اه ممكن أقل كيسة أجيبها تبقى ايه؟
أنا عارف الأسئلة كتير بس الواحد بيحب يعرف من ناس فاهمة
وشكرا لحضرتك

[Walid DX01]

- الباور الموجود بالتجميعه ممتاز وقادر علي تشغيل معظم كروت الشاشه الحديثه
- اللوحه المفروض كانت نزلت من فتره بس اعتقد قدامها شهر وهتكون سعرها اقل من 1000ج
- الاتنين داعمين لمعالجات الجيل السادس .. والفروقات بينهم في عدد منافذ الرامات او تدعيم هاردات M.2 وامكانيه تركيب كارتين شاشه AMD كل ده موجود في شرائح B150
لازم الاول نحدد لوحه معينه من H110 ونقارن بينهم حسب اللي هينزل السوق وقتها ..
- الرامات ممكن Crucial Ballistix Sport LT 4GB DDR4 2400 CL16 1.2V او Kingston HyperX FURY Black 4GB DDR4 2400 CL15 1.2v
- دي اقل ميزانيه للجيل السادس ولو حبينا ننتقل للجيل الرابع هتلاقي ان سعر المعالجات تقريبا واحد .. الفرق فقط في اسعار اللوحات والخيارات قليله جدا في السوق للاسف
- الكيسه اللي تعجبك امشي معاها حتي لو حبيت تمشي مع كيسه عاديه ب 200ج لكن ده حل مؤقت فقط ويستاهل التضحيه في سبيل شراء معالج وباور ممتاز تركبه في الكيس ..

ولا يهمك مفيش تعب

[ShadyShukri]

-فى الرامات ايه الفرق بين hyperx fury و hyperx predator
و hyperx fury black و blue
وبرضو لقيت رامة مكتوب عليها value ram و غيرها مكتوب عليه non-ecc
انا مش عارف ايه الفرق بينهم؟؟
-ينفع امشى مع الباور بتاع الكيسة شهرين كدة(خصوصا ان البوردة والبروسيسور مش محتاجين وات كبير) وبعدين ابقى اجيب
SeaSonic S12II Bronze 520W

ولا هيبقى فى مشكلة للبروسيسور والبوردة
انا عارف ان الباور seasonic يفرق كتير جدا عن بتاع الكيسة فى تنظيم الباور وغيره .....
بس قولت اسأل لان الفلوس مش جاهزة كلها دلوقتى والجهاز اللى عندى جاب أخره

[الواد ميشو]

تمام حضرتك ... الفرق ما بين predator و الـ fury زي ما تقول دا موديل وداه موديل يعني الـpredator أقل في التوقيت والمشتت بتاعها اكبر ولكن اعلى في الفولتيه وتقريبا نفس التردد
والبلاك و بلو ( الألوان) ...اللي يهم حضرتك ان الرامة تبقى متوافقة مع اللوحة يعنى ما ينفعش رامة DDR3 تركب على لوحها DDR4 لازم الرامة واللوحة يكونوا متوافقين.
والـvalue ram زي ما تقول أبسط انواع الرمات فهى بلا مشتت وغالبا بتكون عالية في الوقيت وبترددات قليلة نسبيا والوفلت القياسي للنوع يعني DDR3 تبقى على 1.5 فولت

ونقطة Non-ECC فيه موديلات من الرامات تسمى ECC او بيها خاصية زي ما تقول بتخلى البيانات حتى لو التيار قطع او حاجة زي كدا ..بس موجهة للسيرفرات اكتر واغلب البورد قبل شريحة z170 او الجيل السادس لا تدعمها من الاساس ...حتى z170 او الاقل ممكن بعد الانواع ولكن مش هيشتغلوا في مود ECC يعني ملهاش لازمة
فانت ما تشغلش بالك بالـECC .
واعتقد بلاش حوار الباور داه حاول تجيب الباور الseasonic خصوصا ان الجهاز skylake
وانتظر اراء باقي الاعضاء