بخصوص الغاء خمة DSL علي الخط الارضي

[eyes of hell]

السلام عليكم اعضاء ومشرفين منتدانا الحبيب وكل عام وانت بخير
دلؤت انا عايز الغي اشتراكي من شركة تي اي داتا وعايز اشترك مع شركه اسمها نور لاني كنت لسه شغال بالاسعار القديمه والخدمه سيئه وده الطبيعي في الصعيد عندي المهم كنت عايز اعرف الخدمه هتاخد اد ايه لحد ما تتوقف ولا اريح دماغي و اقدم علي خط ارضي جديد ارجو الافاده من اصحاب التجربه في المجال ده وشكرا :):)

[MaHmOuD ZeRo]

بخصوص الغأء الاشتراك مع شركة TE Data
بتسجلة عن طريق الفرع بصورة البطاقة لصاحب الاشتراك
او من ينوب عنه بصورة بطاقة صاحب الاشتراك وصورة بطاقة حضرتك
بتستلم بعدها رقم الالغاء فى خلال 15 يوم عمل من تاريخ تسجيل الطلب

اما بالنسبة لشركة نور للانترنت انتظر رأى الاخوة اللى مجربين الخدمه معهم

[hosamhoshos]

غير النظام اللى انت عليه فى تى اى داتا الاول وجرب الخدمه
يعنى ممكن تاخد سرعات اعلى فى الباقات المحدوده
زى 2 ميجا 140 جنيه 150 جيجا داونلوود
او 4 ميجا 220 جنيه 200 جيجا داونلوود
اما بخصوص الالغاء بيخلص فى 15 يوم ولو ليك حد معرفه فى الشركه تاخده تانى او 3 يوم :)

[eyes of hell]

غير النظام اللى انت عليه فى تى اى داتا الاول وجرب الخدمه
يعنى ممكن تاخد سرعات اعلى فى الباقات المحدوده
زى 2 ميجا 140 جنيه 150 جيجا داونلوود
او 4 ميجا 220 جنيه 200 جيجا داونلوود
اما بخصوص الالغاء بيخلص فى 15 يوم ولو ليك حد معرفه فى الشركه تاخده تانى او 3 يوم :)

تي اي داتا اغلي في الاسعار الجديده من شركة اتصالات واورنج وحتي شركة نور اللي مش عندي معلومات عنها

[hosamhoshos]

عايز اوضحلك حاجه بسيطه جدا
انا مع تى اى داتا من حوالى 14 سنه
عندى خطين عايز اقلك ان خط تى اى داتا مبيفصلش خالص من عندى فى حين الخط التانى لما كان من اتصالات يشتغل 3 اسابيع ويفصل اسبوع وحاجه مقرفه جدا
وصحبى كان واخد من لينك كان نت زباله وتقيل جدا بس مكنش بيفصل برده
انا بكلمك عن تجربه شخصيه وفى الاخر الموضوع يخصك
بالتوفيق :)

[MaHmOuD ZeRo]

عايز اوضحلك حاجه بسيطه جدا
انا مع تى اى داتا من حوالى 14 سنه
عندى خطين عايز اقلك ان خط تى اى داتا مبيفصلش خالص من عندى فى حين الخط التانى لما كان من اتصالات يشتغل 3 اسابيع ويفصل اسبوع وحاجه مقرفه جدا
وصحبى كان واخد من لينك كان نت زباله وتقيل جدا بس مكنش بيفصل برده
انا بكلمك عن تجربه شخصيه وفى الاخر الموضوع يخصك
بالتوفيق :)


جودة او سوء الخدمه
بيرجع للسنترال وليس للشركة

بمعنى ان فى مناطق تى اى داتا فيها افضل من اتصالات أو لينك
وفى مناطق تى اى داتا الخدمه فيها سيئة جدآ بعكس ان الخدمه جيدة بنفس المنطقة مع اتصالات أو لينك

لو هتشترك مع شركة اخرى غير اللى انت كنت عليها
شوف جيرانك مع شركة ايه وشوف رأي كل واحد مع الشركة اللى هوصل موصل منها

[hosamhoshos]

جودة او سوء الخدمه
بيرجع للسنترال وليس للشركة

بمعنى ان فى مناطق تى اى داتا فيها افضل من اتصالات أو لينك
وفى مناطق تى اى داتا الخدمه فيها سيئة جدآ بعكس ان الخدمه جيدة بنفس المنطقة مع اتصالات أو لينك

لو هتشترك مع شركة اخرى غير اللى انت كنت عليها
شوف جيرانك مع شركة ايه وشوف رأي كل واحد مع الشركة اللى هوصل موصل منها
كلامك مظبوط ومعنديش اى اعتراض عليه ولكن ال 90% من قوة التغطيه فى انحاء جمهورية مصر العربيه الغلبه فيها ل تى اى داتا بالرغم من سوء الخدمه فى مناطق كتير لكن هى الاكثر انتشارا ده اولا
ثانيا بقى مع الخطوط الفايبر اللى بيركبوها دى هيبقى فيه شبه احتكار للنت فى مصر
ثالثا وده الاهم اسأل فى منطقتك وشوف جيرانك موصلين منين فعلا وانت تعرف مستوى الخدمه :)

[ayoub_bob]

أنا مشترك تى اى داتا
4ميجا

https://www.m5zn.com/newuploads/2016/05/22/jpg//m5zn_ec8fa2e3601aad8.jpg (https://www.m5zn.com/out.php?code=16317955)

الخدمة رائعة جدا جدا معى
معلومة أيضا الراوتر المجانى الذى ارسلو لى زبالة قمت بتجربتة فقط وتأكدت انة زبالة في الابلود والدون لود
لهذا ركبت الراوتر الخاص بى
اما اشتراكى السابق كان مع دى لينك لفترة طويلة ولكن اكتشفت سرقة العميل عن طريق ضم عميل اخر على نفس اشتراك او بيتم توزيع سرعتك مع ناس اخرين
ولهذا تشاجرت معهم وتركت لهم الاشتراك وقدمت على خط ارضى جديد وشغال الان مع تى اى داتا لى سنة على سرعة 4 ميجا ذي الفل والحمدلله سواء الابلود او الدون لود
تحياتى لكم جميعا

[eyes of hell]

شكرا لحضراتكم ومش عارف والله انا محتار اجرب اتصالات ولا لأ
:$

[ayoub_bob]

شكرا لحضراتكم ومش عارف والله انا محتار اجرب اتصالات ولا لأ
:$
انا عن نفسى لا استطيع ان افيدك في هذا
وكما قال الاخوة الكرام ليس شرط ان النت الذى يعمل عند غيرى 100% يكون عندى مثلة بالضبط
ممكن تجرب مع اتصالات
تحياتى لك

[eyes of hell]

انا عن نفسى لا استطيع ان افيدك في هذا
وكما قال الاخوة الكرام ليس شرط ان النت الذى يعمل عند غيرى 100% يكون عندى مثلة بالضبط
ممكن تجرب مع اتصالات
تحياتى لك
انا من اسيوط وعندي ناس كتير بتشكر في اتصالات فممكن الواحد يجربها ان شاء الله وشكرا لتفاعل حضراتكم مع الموضوع

[eyes of hell]

طيب بعد اذن حضراتكم انا عندي مشكله في ايقاف الخدمه حاسس انهم في السينترال بيماطلوا ومش هيطلعوا رقم الالغاء فايه العمل
اركب خط جديد ولا ينفع اغير رقم الخط الحالي يا ريت تفيدوني برأي حضراتكم وشكرا

[Yasser]

فى الجهاز القومى لتنظيم الاتصالات ممكن تشتكى على الرقم دهhttps://www.tra.gov.eg/ar/consumers/Pages/%D8%A7%D8%AA%D8%B5%D9%84-%D8%A8-155.aspx

بس لو ماطلوا معاك فعلا.... طبيعى انهم يقرفوك وده الواقع للاسف مش الطبيعى ... بس الاول انته بتقول الخدمه فى الصعيد زباله اقرب جار ليك عامل ايه مع تى داتا ومع لينك .... وايه اللى بيحصل معاك بالضبط

[eyes of hell]

فى الجهاز القومى لتنظيم الاتصالات ممكن تشتكى على الرقم دهhttps://www.tra.gov.eg/ar/consumers/Pages/%D8%A7%D8%AA%D8%B5%D9%84-%D8%A8-155.aspx

بس لو ماطلوا معاك فعلا.... طبيعى انهم يقرفوك وده الواقع للاسف مش الطبيعى ... بس الاول انته بتقول الخدمه فى الصعيد زباله اقرب جار ليك عامل ايه مع تى داتا ومع لينك .... وايه اللى بيحصل معاك بالضبط
الغالبيه من اللي سألتهم بيشترك مع وكلاء مش مع الشركه نفسها وغالبا من تي اي داتا اما الاخوه المحترمين بيقولولي رقم الالغاء تاخدوا في خلال اسبوعين او تلاته قلت اللهم لا اعتراض المهم روحت البيت قلت اتاكد من خدمة العملاء قالي مفيش طلب الغاء بالاسم ده ولا كاني طلعت من البيت علشان كده بسال ايه الحل

[MaHmOuD ZeRo]

امتا تم عمل الكنسليشن ؟

[eyes of hell]

امتا تم عمل الكنسليشن ؟


الخميس اللي فات
انا قصدي لو ينفع يتغير رقم الارضي احسن من الانتظار واللف ورا خدمة العملاء

[MaHmOuD ZeRo]

الخميس اللي فات
انا قصدي لو ينفع يتغير رقم الارضي احسن من الانتظار واللف ورا خدمة العملاء

ما انت ممكن تغير رقم التليفون
وتبص تلاقى الخدمه اتنقلت من الرقم القديم الى الرقم الجديد والله اعلم
وممكن تغير الرقم ومينقلش الخدمه عليه ودا بنسبه 80%

ودا هيكلفك حوالى 22 جنيه بس لازم صاحب الخط هو اللى يروح يغير الرقم
يا اما يكون معاك توكيل منه

والخط الجديد بـ 50 جنية وهيركب فى خلال 5 ايام تقريبآ ودا اللى حصل معايا

[eyes of hell]

ما انت ممكن تغير رقم التليفون
وتبص تلاقى الخدمه اتنقلت من الرقم القديم الى الرقم الجديد والله اعلم
وممكن تغير الرقم ومينقلش الخدمه عليه ودا بنسبه 80%

ودا هيكلفك حوالى 22 جنيه بس لازم صاحب الخط هو اللى يروح يغير الرقم
يا اما يكون معاك توكيل منه

والخط الجديد بـ 50 جنية وهيركب فى خلال 5 ايام تقريبآ ودا اللى حصل معايا

طيب معلش انا عارف اني طولت علي حضرتك هو الخط الارضي الجديد هو الحل الاقرب لكن علشان المصاريف الشهريه متزدش ع الفاضي الخط هيبقي موجود علشان النت فقط يعني مش هستخدمه تليفون فهيكون رسمه الشهري كام يعني هيبقي مبلغ ثابت ولا هلاقيه زي الميه والنور استخدمتهم او لا الفاتوره عاليه وخلاص

[محمد فاروق غازي]

عليكم السلام ورحمة الله وبركاته أخي، وكل عام وأنت بخير
رسوم اشتراك الخط الأرضي الربع سنوي (ثلاث شهور) بتكون 36 جنيه + تقريبًا 2 جنيه ضريبة فبيكون الإجمالي 38 جنيه طبعًا دا في حالة عدم إجراء أي مكالمات كما ذكرت أخي،
وليك شهر فترة سماح فوق الـ 3 شهور لو لم يتم الدفع بيكون فيه غرامة تحت مسمى مصروفات إدارية بقيمة 10 جنيهات فيكون الإجمالي تقريبًا 48 جنيه،
لكن الطبيعي 38 كل 3 شهور يعني حوالي 12.5 جنيه في الشهر.

[eyes of hell]

عليكم السلام ورحمة الله وبركاته أخي، وكل عام وأنت بخير
رسوم اشتراك الخط الأرضي الربع سنوي (ثلاث شهور) بتكون 36 جنيه + تقريبًا 2 جنيه ضريبة فبيكون الإجمالي 38 جنيه طبعًا دا في حالة عدم إجراء أي مكالمات كما ذكرت أخي،
وليك شهر فترة سماح فوق الـ 3 شهور لو لم يتم الدفع بيكون فيه غرامة تحت مسمى مصروفات إدارية بقيمة 10 جنيهات فيكون الإجمالي تقريبًا 48 جنيه،
لكن الطبيعي 38 كل 3 شهور يعني حوالي 12.5 جنيه في الشهر.

وحضرتك بالف خير
وشكرا جدا لحضرتك وعمر اعضاء ولا مشرفين عرب هاردوير خيبوا ظن الواحد :$

[iceman2050]

بتقدم طلب لالغاء الخدمة وتاخد رقم الالغاء بعد اسبوعين وساعات بتزيد كمان عن اسبوعين
ولكنك هتحتاج للرقم عشان تقدم فى الشركة التانية