المساعد الشخصي الرقمي

مشاهدة النسخة كاملة : شرح طريقه الشراء من على موقع امازون شخصيا الى مصر مباشر



Mohamed-H
26-05-2016, 14:57
بسم الله الرحمن الرحيم

بعد اذن الساده المشرفيين على هذا الموقع الرائع اود شرح طريقه الشراء من على موقع امازون الامريكى شخصيا مباشر الى مصر و اتمنى ان يكون الموضوع فى القسم الصحيح لنشره و اتمنى الا يكون هذا الموضوع مخالفه بالنسبه لقسم الاعلانات المقدمه من التجار
فى البدايه قرارى بكتابه هذا الموضوع جاء بعد سؤال الكثير من الساده الاعضاء لى عن كيفيه الشراء من موقع امازون بعد رؤريه ردودى فى احد المواضيع السابقه مش عايز اطول و نبدا فى الشرح

اولا نصائح عامه :-
1- يفضل عدم شراء صندوق الحاسب (الكيسه) من الخارج لان تكاليف شحنها عاليه كدا مع اقرب مثال يمكن ان تجد كيسه من شركه عالميه مثل Fractal Design تصنع صناديق حاسب مميزه جدا و معروفه فى الخارج مثل Fractal Design Define R5 سعرها يساوى 123.78 دولار بالمصرى 1100 جنيه لكن بعد اضافه قيمه الشحن يصبح سعرها 2250 جنيه مصرى لذا يفضل الابتعاد عن شحن صناديق الحاسب من الخارج و خصوصا انك تتحمل اى عيوب فيها عن الوصول يمكنك ان تحصل على مالك او اخرى مجانيه لكنك تتحمل مصاريف شحنها الى امركيا مره اخرى
2- يمكن فى بعض الحالات شحن الباور سبلاى من الخارج اذا كنت تحتاج اليه و لا يوجد فى مصر شبيه او اخر مماثل له لكن ايضا تكلفه شحنه بعض الشئ

ثانيا:- قطع الحاسب التى لا يقوم امازون بشحنها الى مصر و هى اللوحه الام لا يقوم امازون حاليا الا بشحن القليل جدا من اللوحات الام الى مصر و المتوفره للشحن
على الموقع هى لوحات سيرفرات و لوحه واحده للحاسب الشخصى

ثالثا:- القطع المتوفره للشحن و تنقسم الى ثلاثه اقسام
1-القطع ذات القيمه الاقتصاديه العاليه :- فيما معناه ان هناك بعض مكونات الحاسب يمكن شحنها الى مصر مع بعضها و سوف توفر لك كثيرا فى السعر عن مصر
مثل الرامات و أقراص الحالة الصلبة و المعالج
2- القطع ذات القيمه الاقتصاديه المتوسطه :-
مثل المشتت الحرارى و كارت الرسوميات
3- القطع ذات الجوده الاقتصاديه المنخفضه
الباور سبلاى و القرص الصلب
4- القطع التى لا تحقق اى جوده اقتصاديه
هى صناديق الحاسب (الكيسه)

و لان الشرح الفعلى عن كيفيه الشراء :-

اولا:- ما تحتاجه للشراء من الخارج هو بطاقه اموال الكترونيه من اى نوع مثل (فيزا او ماستر كارد) و ارخصهم البطاقات البطاقات المدفوعة مقدماً ثمنها 30 جنيه و هناك عموله قيمتها 3.5% على المعاملات الاجنبيه و فى حالتى استخدم بطاقه بنك CIB ترافيل تشويس و ذلك رابط الشرح https://www.cibeg.com/Arabic/Personal/Cards/Pages/PrepaidCards.aspx

ثانيا:- الرقم البريدى للاقرب مكتب بريد لك عن طريق الموقع https://www.codemasr.com/

ثالثا:- عنوانك الحالى باللغه الانجلزيه او اللغه الافرانكو (الانجليزى المعرب) و يفضل ان يكون عنوانك مشهور بعض الشئ و يمكن الوصول اليه بسهوله مثلا انا حاليا اسكن بمحافظه الجيزه باحد المناطق الشعبيه لكنى فضلت التسجيل على الموقع بعنوان عملى لانه مشور و اقضى معظم وقت اليوم فى العمل يوميا و المكان الذى اعمل به يوجد به شركات اجنبيه مثلا عنوان الشحن الخاص بى هو 108 شارع ورش التليفونات مبنى البريد المصرى شركه Teleperformance شبرا القاهره مصر و يوجد مكتب بريد اسفل المبنى رقمه البريدى 11549
كيفيه تحويلى له باللغه الانجلزيه هو Telephone Workshops-Shobra-Cairo-Egypt
Cairo, Shobra 11549
Egypt
و هذا العنوان استخدمه ايضا فى الشحن من الصين الى مصر
و اخيرا و ليس اخرا يفضل استخدام العمله الاجنبيه فى الشراء لكن لك 750 دولار شهريا فقط لاستخدامهم لان امازون فى حاله الشراء بالعمله المحليه يحسب الدولار بما قيمته USD = 9.360003717 EGP

اتمنى ان يكون الشرح كافيا و اذا هناك اى خطا فسامحونى و اذا كان هناك اى سؤال انا متواجد للأجابه ان شاء الله

nerazzurri
26-05-2016, 15:39
شكرا على الموضوع يا باشا

طيب طريقة حساب التكلفة ازاي ؟ يعني اعرف اجمالي المنتج بالمصري بعد اضافة الجمارك ومصاريف الشحن وخلافه ازاي ؟بس تكون طريقة مضبوطة بحيث اعرف ثمن الحاجة وملاقيش المبلغ المطلوب اعلى

Mohamed-H
26-05-2016, 16:39
شكرا على الموضوع يا باشا

طيب طريقة حساب التكلفة ازاي ؟ يعني اعرف اجمالي المنتج بالمصري بعد اضافة الجمارك ومصاريف الشحن وخلافه ازاي ؟بس تكون طريقة مضبوطة بحيث اعرف ثمن الحاجة وملاقيش المبلغ المطلوب اعلى
حضرتك بتفتح موقع امازون و بتعمل اضافه للسلع الى انت عايزها و ينفع تتشحن لمصر الى سله الشراء (Cart) و بتدوس على Proceed to cheakout
32819

اولا دا السعر كامل بالشحن و الضريبه الى مصر و مش بتدفع تانى حاجه عليه و دا بالمصرى و تم تحويل العمله بالدولار عن طريق امازون
مثال الاجمالى هنا = 6751 جنيه مصرى
32820

ثانيا دا السعر كامل بالشحن و الضريبه الى مصر و لكن بالدولار و انت مسمحولك بى 750 دولار فى الشهر
مثال هنا الاجمالى = 721.25 دولار لكن لسه فى 3.5 عموله بنك يبقى حتتحسب كدا
721.25* 3.5/100 + المبلغ الاصلى تانى = 721.25+3.5 عموله = 25.24375 = 746.49375*8.88 سعر الدولار حاليا = 6628.8645 جنيه مصرى
32821

اتمنى تكون المعلومه و صلت

nerazzurri
26-05-2016, 17:39
طيب معلش سؤال اخير بالنسبة للجمارك ؟ ولا المبلغ ده شامل الجمارك وكل حاجة ؟

Mohamed-H
26-05-2016, 19:06
طيب معلش سؤال اخير بالنسبة للجمارك ؟ ولا المبلغ ده شامل الجمارك وكل حاجة ؟
المبلغ دا شامل كل حاجه مبتدفعش حاجه تانى

nerazzurri
27-05-2016, 02:23
تمام شكرا على الرد يا باشا

Chrono Cross
28-05-2016, 00:21
طيب سؤال هو لازم يكون علي حساب الفيزا دولار ولا ينفع ادفع بالجنيه؟

Mohamed-H
31-05-2016, 22:34
طيب سؤال هو لازم يكون علي حساب الفيزا دولار ولا ينفع ادفع بالجنيه؟
اسف على التاخير فى الرد انت بتعمل ايداع بالمصرى فى الفيزا عادى خالص و بتشترى عادى يا اما بتختار ان البنك يحولك العمله لدولار و انت بتشترى و دا بيحاسبك بسعر الدولار فى البنك يا اما بتخلى امازون يحولك بسعر الدولار بتاعه و دا اغلى من البنك حتى الان الله اعلم بسعر الدولار حيبقى عامل ازاى بعد كده