[مصر] طلب مساعدة بخصوص تجميع كيسة بـ 2000 جنيه تصلح للألعاب

[mu.ew]

السلام عليكم .. :$


كنت ناوي اشتري كيسة كمبيوتر لاخي الصغير تصلح للألعاب وكنت عامل ميزانية في حدود 2000 جنيه ، بس ما عنديش خبرة في موضوع التجميع والاسعار ..

ممكن لو حد ليه خبره في الموضوع ده يقولي على القطع المناسبة واسعارها التقريبية مع العلم اني عندي الهارد والدي في دي رايتر فمش محتاجهم فالـ 2000 جنيه للكيسة بس من غيرهم ،
وهل فيه مكان كويس وثقة في القاهرة يقدر يجمع لي الجهاز .. وشاكر جدا لكم :$




32930

[salahali244]

وعليكم السلام

للاسف اخي الكريم بالميزانية دي صعب تجمع جهاز يصلح للالعاب الحديثة زي ( gta v - the witcher 3 ) , ياريت تقرأ الموضوع ده عشان تطلع اكتر علي الاسعار

https://arabhardware.net/forum/showthread.php?t=447736

لو تقصد العاب زي pes و fifa ممكن بالمبلغ ده اكتبلك تجميعة بس هتكون مستعملة عشان نحاول نوصل لافضل امكانيات في حدود الميزانية

[mu.ew]

شكرا يا فندم على ردك ..

مش شرط للالعاب الحديثة والتقيلة لكن حاجة تكون معقولة تشغل العاب زي بلاك شوت وكونكر وولف تيم وممكن بيس لانه يعتبر جهاز للأطفال

[salahali244]

التجميعة دي مستعملة ودي اسعار تقريبيه وهتلاقي عروض كتير في قسم بيع الاجهزة

بوردهh61 + معالج i5 3470 من الجيل الثالث = 1300 جنية
رامه 4 جيجا = 200 جنية
كيسة تايجر x6 اوي اي كيسة تجاريه = 150
بور 350w من نوع هيك (hec) = 150 جنية
المجموع = 1800 جنية

الجهاز ده يشغلك كل الالعاب اللي انت عايزها (بلاك شوت وكونكر وولف تيم و بيس )ومش محتاج كارت شاشة خارجي هتكتفي بكارت الشاشة الداخلي الموجود بالمعالج

بالنسبه للالعاب المذكورة ممكن عدم شراء التجميعة المذكورة بالاعلي والاكتفاء بأي بجهاز في حدود 1000 جنية بمعالج i3 او حتي بمعالح core quad لان الالعاب دي مش محتاجه مواصفات عالية نهائياً

انا كتبتلك التجميعة دي عشان لو عايز تلعب العاب حديثة زي gta v وغيرها تقدر عن طريق شراء كارت شاشة خارجي في حدود 500~600 جنية انك تشغل الالعاب الحديثة علي اعدادت متوسطة , او حتي لو عايز تلعب الالعاب الحديثة علي اعدادات عالية ممكن تجيب كارت شاشة اعلي مع تغيير البور لو الكارت اللي هتشتريه بيحتاج بور اعلي , يعني تقدر تركب اي كارت شاشة لان المعالج عالي وبيشغل كروت الشاشة العالية

يعني التجميعة دي تعتبر للمستقبل لو حبيت تحدث او تلعب العاب حديثة , لكن لو انت هتكتفي بالالعاب اللي انت كاتبها ومش هتلعب غيرها يبقي زي ما قولتلك جهاز بمعالج i3 او core quad وانت اولي بفرق السعر

[mu.ew]

شكرا لحضرتك ..
طب هل في مكان كويس في القاهرة الاقي عنده القطع دي ؟
وممكن تكتب لي تجميعه لكيسة جديدة برده بالمبلغ ده وشكرا على اهتمام حضرتك :)

[salahali244]

الحقيقة معرفش اماكن بيع المستعمل في القاهرة لكن في تجار كتير هنا في المنتدي وممكن تدخل في القسم ده وهتلاقي عروض كتير

عروض بيع الأجهزة ومتعلقاتها المُقدمّه من الأعضاء (https://arabhardware.net/forum/forumdisplay.php?f=46)

بالنسبه للتجميعة الجديدة اقل تجميعة جديدة بمعالج i3 من الجيل الرابع هتزيد عن 2000 جنية وهتبقي اقل بكتير من التجميعة المستعملة لان التجميعة المستعملة بمعالج i5 والتجميعة الجديدة بمعالج i3 , وهي دي التجميعة

ASUS H81M-V3 LGA1150 Motherboard = 650 L.E
Intel Core I3-4170 Haswell Dual-Core 3.7GHz LGA 1150 = 1,275 L.E
CORSAIR Vengeance Low Profile 4GB (1 X 4GB) DDR3 1600 CL9 1.5V = 270 L.E
TIGER X6 Case = 250 L.E
power hec = 290 L.E
المجموع = 2735 جنية