المساعد الشخصي الرقمي

مشاهدة النسخة كاملة : مشكلة خاصة بالراوتر والاتصال بالانترنت


mido658
10-06-2016, 15:10
السلام عليكم .. أنا أسف جدا على الازعاج .. بس عندي مشكلة في راوتر tplink الخاص بشركة اورانج لينك دي اس إل .. ودورت على حلها كتير فلم أجد فقررت أراسلكم لعلي أجد المساعدة .. مشكلتي هى أن الراوتر كل شوية بيفصل لمبة adsl والانترنت وأيضا لمبة الوايرلس الثلاة مع بعض .. وميشتغلوش إلا لما أقوم بإعادة تشغيل الراوتر .. قلت المشكلة من الراوتر غيرته نفس المشكلة .. قلت من سلك التليفون جبت فتي عمل صيانة ولقا السلوك تمام مفيش قطع .. قلت السبليتر .. غيرته نفس المشكلة .. أرجو مساعدتي لو هناك تفسير أو سبب لما يحدث لأني احترت جدا وفصل النت كل شوية يزعجني جدااا .. وشكرا وأسف على الإطالة
whiteknights
10-06-2016, 19:29
جربت تغير ال ethernet cable الواصل من الراوتر لجهاز الكمبيوتر؟... أيضا جرب توصل سلك الخط الخارج من البوكس بالتليفون مباشرة بدون سبليتر, و نفس الكلام لكابل الراوتر
mido658
13-06-2016, 10:45
شكرا ياغالي على ردك .. أنا فعلام موصل سلك التليفون مباشرة على الراوتر .. وغيرت
ethernet cable ونفس المشكلة برضه للأسف .. أرجو المتابعة
whiteknights
13-06-2016, 19:37
ممكن ترفع صورة من صفحة الراوتر TP-link الرئيسية
mido658
16-06-2016, 22:18
الصورة في المرفقات وأسف على التأخير
whiteknights
17-06-2016, 19:42
الصورة في المرفقات وأسف على التأخير

طيب إذا كنت 3 ميجا فالسرعة عندك اعتقد انها مش واصلة كاملة.. السرعة عندك 2 ميجا و شوية,, كلم الشركة استفسر على النقطة دى

تانى حاجة جرب تضغط على Advanced ثم اختار ADSL , هتلاقى عند ال ADSL mode فيه اكتر من اختيار, جرب تعملها على G.DMT او على AUTO

و اعمل علامة صح على Bitswap enable و SRA Enable
mido658
18-06-2016, 19:40
شكرا جدا على المتابعة وأسف على تعب حضرتك معي

أولا انا سرعتي 1 ميجا ..

ثانيا في خيار advance مش لاقي اللي حضرتك بتقول عليه

ودي صورة اوبشن الادفنس
whiteknights
18-06-2016, 21:23
غريبة المفروض يكون فيه خيار ال ADSL موجود فى ال advanced , من الواضح ان نسخة الراوتر عندك أقدم من اللى عندى لكن عموما جرب شوفها فى Others .. يمكن هى فى خيار ال others

الأغرب ان ال upstream عندك أعلى من ال downstream عشان كده انا اتلخبط و قريت ال up على انه down .. و عادة العكس هو اللى بيكون
mido658
25-06-2016, 22:56
مش لاقي الاوبشن ده خالص ..
whiteknights
28-06-2016, 22:19
طيب أخى جرب تستخدم بوكس تليفون مختلف غير اللى انت بتستخدمه حاليا
mido658
29-06-2016, 20:32
شكرا ياغالي على المتابعة .. واسف على تعبك معايا .. بالتوفيق إن شاء الله