المساعد الشخصي الرقمي

مشاهدة النسخة كاملة : مشكلة ارتفاع درجة الحراره الي 89



Shehap Ahmed
30-06-2016, 21:13
السلام عليكم
كل عام و انتم بخير

انا اشتريت كمبيوتر استعمال الخارج hp 8200
و اضفت له كارت gtx 750 ti

المشكله مش هنا الجهاز و الكارت مع بعض اداء اكثر من رائع
المشكله في البروسيسور درجة الحراره اول ما افتح الجهاز بتكون حوالي 50 درجه اقل او اكثر درجه في المعدل التغير كل ثانيه
لما العب لعبه مش تقيله زي pes 2016 البروسيسور درجة حرارته بتبقي في السبعينات

لما لعبت watch dogs الحراره اقصي حاجه و صلتلها هي 89 درجه

مروحة البروسيسور ما بسمعش صوتها غير لما تبقي الحراره فوق 80

الجهاز ما بيحصلش اي تهنيج او لاج في الالعاب الي جربتها حتي علي اعلي اعدادات هي مشكلتي الوحيده الحراره

اول ما بقفل اللعبه الحراره بترجع 50 تاني و صوت المروحه بيختفي

جربت شغلت المروحه علي اعلي سرعه من البيوس الجهاز بقي اول ما افتحو درجة الحراره 45 و تعلي و تنزل من 45 ل 50

كلمت المحل الي اشتريت منو الكمبيوتر في البستان قالي ده طبيعي

هل ده طبيعي و مفيش اي ضرر و لا ايه ولو في ضرر اعمل ايه هو قالي لو عايز اغير الجهاز بموديل تاني مفيش مشكله بس لو هغير اجيب ايه يبقي كويس في الحراره و متوافق مع الكارت هو النسخه الzotac ؟

شكرا مقدما

ahmadsheta555
30-06-2016, 22:33
الكيسه مفيهاش تبريد تبردها وحش جدا هات كلور ماستر احسن وشوف باقى الاعضاء هيقلو ايه

Shehap Ahmed
30-06-2016, 23:34
حضرتك تقصد ايه اجيب مشتت كولر ماستر؟ ولو كده اجيب ليه مع العلم جربت فتحت غطي الكيسه و حسنت التهويه شويه و مفيش تحسن و هل في خطر لو كملت علي كده ؟

محمد السنهوري
01-07-2016, 00:35
أخي الفاضل

مفيش حاجه طبيعيه في معالج بيوصل درجه حرارته 89

كده انت بتعرضه للخطر كده استمر كام ساعه لعب وهتخسره

لازم مشتت اخر غير الموجود لانه لا يفعل اي شيء وحضرتك بتقول مش بتسمع صوته غير في ال80

هات مشتت احترافي افضل وايضا معجون أحترافي

ولو استمرت المشكله الافضل تغير الجهاز او علي الاقل المعالج

ولو الكيسه فيها تركيب مراوح ركب لها مراوح

المعالج اقصي درجه امان ليه مع الضغط 75 الي 78 درجه

80 انت في بدايه مرحله الخطر

Shehap Ahmed
01-07-2016, 01:02
طيب لو هغير المشتت و اجيب معجون احترافي اجيب مشتت ايه و هيعمل كام و المعجون برضو ايه النوع و السعر ؟ لاني ما عنديش خبره فيهم خالص و ايه رايك لو اغير الجهاز اجيب ايه ؟و هل هيبقي في فرق !

Shehap Ahmed
01-07-2016, 01:08
و بالنسبه للهارد و كارت الشاشه الاتنين مشتريهم جديد و حرارتهم كويسه هل العيب في البروسيسور ؟

محمد السنهوري
01-07-2016, 01:18
طيب لو هغير المشتت و اجيب معجون احترافي اجيب مشتت ايه و هيعمل كام و المعجون برضو ايه النوع و السعر ؟ لاني ما عنديش خبره فيهم خالص و ايه رايك لو اغير الجهاز اجيب ايه ؟و هل هيبقي في فرق !

بالنسبه لمشتت اختار مقاس تقدر معاه تقفل غطاء الكيس لو هتقفله

المعجون من 50 جنيه ل 100 معجون احترافي تقريبا كل المركات قريبه من بعض

بالنسبه للهارد والكارت لا تفرط فيهم اطلاقا

لو فيه مقدره انك تجمع جهاز عادي وتغير الي معاك كاملا يبقي افضل

ولن نحكم علي المعالج غير بعد تركيب المشتت والمعجون

Shehap Ahmed
01-07-2016, 01:46
ما جمعتش لاني السعر حكمني و قلت كده افضل من حيث السعر و الاداء بس الواضح العكس وخايف اني اصرف علي المشتت و المعجون من غير نتيجه لان لسه ليا 15 يوم ضمان عند صاحب المحل فعايز حل مناسب بدون مخاطره

neztiti
01-07-2016, 01:59
اخي هل تأكدت ان المشتت راكب جيدا ؟؟ تأكد من تركيب المشتت لانه على الاغلب غير راكب كويس

Shehap Ahmed
01-07-2016, 02:09
جربت ربط المسامير بتاعتو لاكن ربطت بسيط و محصلش اي فرق

neztiti
01-07-2016, 02:24
اوك - الان عليك بتغيير المعجون بعد تنظيف سطح المعالج والمشتت جيدا وعليك ايضا ان تفحص ما اذا كانت هناك برامج شغالة في التاسك منجر ويا ريت ترفق صورة واذا كنت تستخدم برنامج انترنت داونلوود منجر فاغلقه من التاسك منجر واعلمنا بالنتيجة ونحن بالانتظار

مناع
01-07-2016, 11:48
اوك - الان عليك بتغيير المعجون بعد تنظيف سطح المعالج والمشتت جيدا وعليك ايضا ان تفحص ما اذا كانت هناك برامج شغالة في التاسك منجر ويا ريت ترفق صورة واذا كنت تستخدم برنامج انترنت داونلوود منجر فاغلقه من التاسك منجر واعلمنا بالنتيجة ونحن بالانتظار

أتفق مع آخى neztiti فى الرأى , درجة الحراره مع الضغط غير طبيعيه وتشير الى خلل فى تركيب المشتت او الى جفاف المعجون .
ويمكنك الوصول لدرجات حراره افضل كثيرا عند تغيير المشتت بآحدى الانواع المتوفره بالسوق ( آى نوع بمروحه بحجم 90MM سيمكن تركيبه بدون وجود عائق .
هذا لو كان جهازك من ذاك النوع .

33343

Shehap Ahmed
01-07-2016, 13:10
شكرا لكم اخوتي علي اهتمامكم و متابعتكم غيرة المعجون و الحمدلله انخفضت درجة الحراره و اصبحت من 36 الي 40 عند عدم تشتغيل شئ و حوالي 68 عند تشغيل watch dogs

محمد السنهوري
01-07-2016, 14:15
شكرا لكم اخوتي علي اهتمامكم و متابعتكم غيرة المعجون و الحمدلله انخفضت درجة الحراره و اصبحت من 36 الي 40 عند عدم تشتغيل شئ و حوالي 68 عند تشغيل watch dogs

الحمد لله علي حل المشكله

ومبروك الحراره الجديده :)

neztiti
01-07-2016, 14:19
مبروك اخي حل المشكلة

Shehap Ahmed
01-07-2016, 20:32
شكرا لكم اخوتي علي متابعتكم

TheLeader
02-07-2016, 20:26
جبت معجون إحترافي ولا العادي ؟