سؤال محيرنى بين المعالجات والبوردة ؟

[Abdallh205]

السلام عليكم ورحمه الله

لحظت مؤخرا انى فى اجيال كتير للمعالجات بتنزل وكل جيل ليه سوكت خاص بى وطبعا اداء مختلف على حسب نوع المعالج السؤال المهم هنا واللى عايز افهمه !!
انى لسه جايب مازر بورد جيجا بيت H81M-S2PH سوكت طبعا 1150 عايز افهم هل انها بتشغل الجيل الثالث من معالجات I3 ولا فقط الجيل الرابع
وبالنسبه لل I5 السؤال كذالك ؟
الملحوظه انى بشوف على علبه كل من المعالجين الجيل الثالث سوكت 1150 لكن يجى واحد يقولك لا البوردة بتعتك مبتشغلش غير الجيل الرابع طيب ازى اذا كان البورد سوكت 1150 !!
ارجو من الاعضاء الكرام يفهمونى الجزئيه دى ايه وجه الاختلاف وايه الافضل للبوردة .

[phenomenon]

وعليكم السلام ورحمه الله وبركاته
سلسلة لوحات 60 / 70 هى اللوحات المناسبه لمعالجات انتل الجيل الثانى والثالث وبجانب اسمها Socket 1155
مثال عليها H61 / P67 / Z68 / P75 / Q75 / Z77 عشان كده بنسميها سلسله 60 / 70 ويمكن تركيب معالجات انتل الجيل الثانى والثالث عليها
مثال على I3-2100 / I5-2500 / I7-2600 / I3-3100 / I5-3470 / I7-3770 ولانهم بيبدوا فهتلاحظ ان الالفيه بتاعتهتم كلهم 2000 او 3000


سلسله لوحات 80 / 90 هى اللوحات المناسبه لمعالجات انتل الجيل الرابع وجمب اسمها Socket 1150
مثال على H81 / B85 / H87 / Z87 / H97 / Z97 عشان كده بنسميها سلسلة 80 / 90 لان كل ارقامهم فيها رقم 80 او 90
مثال على معالجات الجيل الرابع ايضا اللى فيها عدد 4xxx زى I3-4150 / I5-4670 - I7-4790

مفيش معالجات جيل خامس غير معالجين اتنين I5-5675C + I5-5775C وممكن تشغيلهم على نفس سوكيت لوحات الجيل الرابع بشرط لوحات شيبايه H97 / Z97 فقط

متكلمناش خالص على لوحات فئه EXTREME اللى هى موجهه لاقصى الاستخدامات واصحاب الميزانيات المفتوحه
ده ممكن يتسببلك فى التشويش
لانك لو جيت تبص على معالج الجيل الثانى اكستريم هتلاقى رقمه I7-3820K ومعالج الجيل الثالث اكستريم هتلاقى فى منه رقم I7-4960X
فهتلاحظ انه بالرغم من انه الجيل ---------- لكن عدد الالفى فيه بيزيد الف


انت لوحتك H81 لا يناسبها سوى الجيل الرابع فقط
بالاضافه الى سلسله بانتيم وسيليرون في الاتى
I3-4150 / I3-4130 l I3-4160 / I3-4330 / I3-4340 / I3-4170
I5-4440 / I5-4460 / I5-4670 / I5-4690
I7-4770 / I7-4771 / I7-4790
اي معالج فى نهايته حرف K يبقى مخصص مصنعيا لكسر السرعه على لوحات Z87 + Z97
اي معالج فى نهايته حروف اخرى بيبقى نفس الاداء بالضبط للمعالج اللى بدون هذه الحروف ولكن افضل قليلا فى مستوى استهلاك الطاقه واحيانا بدون معالج جرافيكى مدمج

الافضل للبورده اى معالج من معالجات الجيل الرابع فقط اللى مكتوب جمب اسمه Socket 1150 وركز فى رقم السوكيت كويس جدا 1150 ميزيدشى
لانه لو زاد واحد 1151 اصبح معالج الجيل السادس واللى سلسله لوحاته 100 زى H110 / B150 / H170 / Z170
https://ark.intel.com/

[Abdallh205]

شكرا لك استاذى العزيزPhenomenon (https://arabhardware.net/forum/member.php?u=11301600)
على التوضيح المجمل والشرح المبسط ريحتنى من الحيرة
انا سعيد بوجودك فى الموقع :)