تجربتي مع اراميكس

[tamperland]

السلام عليك

ارجو اذا كان مكان الموضوع غلط المشرفين يوضحولي المكان الصحيح

دلوقتي انا شحنت كارت من القاهره والمشتري في اسيوط واتشحن عن طريق اراميكس

خدو الكارت الاربعاء اللي فات ووصل يوم الخميس وانا المفروض هحصل منهم تمن الكارت بعد ما المندوب بتاعهم ياخد فلوسو من المشتري في اسيوط

دلوقتي انا من يوم السبت وعمال بتصل بيهم ويفضلو يماطلو ويقولولي تابع معانا - اصل المبلغ متسلمش في الحسابات - طيب هنخلي حد يكلمك ( ومحدش بيتكلم طبعا ) - طيب هنعمل طلب باستصدار شيك

دلوقتي انا مش عارف دول نصابين ولا ايه نظامهم واشتكيهم لمين ( مع العلم ان المبلغ اللي المفروض ان المندوب خدو من المشتري مكتوب في الاستماره اللي كانت مع المندوب وهو جاي ياخد الكارت

ارجو المساعده

[H_KIMO]

اصبر كمان يومين

[tamperland]

اديني صابر اهو والله ان شاء الله خير :)

[zozo 22]

اصبر متقلقش هما بالهم طويل شوية

[phenomenon]

متقلقشى طالما معاك وصل بانهم استلموا الطرد منك ومدون فيه انه بيشترط عودة مبلغ من المال

من خلال تعاملي معاهم زى ما الاخوه نصحوك انتظر فتره اكبر
هما هيفضلوا يماطلوا فيك لحد ما يلاقوه اكتر من طرد رايح فى سكتك ويعدوا عليك بس انت خليك تابع معاهم

بصراحه ميدل ايست نعمه بس غاليه

[zozo 22]

عملت اة

[tamperland]

كلمتهم امبارح قالتلي هتكلم الحسابات , وجت تاني قالتلي انا كلمتهم وقالولي علي يوم الخميس او السبت بالكتير هيوصلك الشيك واديني هشوف اهو

[tamperland]

تحديث : تم الاتصال بي عن طريق المندوب وتم تسليمي الشيك

شكرا لكل من اهتم بالموضوع

[zozo 22]

قالتلك الصبر دى شركات محترمة اهم شىء السمعة هما عندهم صبر زيادة شوية بس فى اخر وصللك حققق

[tamperland]

اه الحمد لله

[محمد السنهوري]

شركة زبالة
بعت شحن من إسكندرية للقاهرة
وصلوا الشحنة بعد 8 أيام عمل

أخي الفاضل ممنوع السباب لأي سبب حتي لا تتعرض للمخالفه