مطلوب تجميعات متنوعة

[Hany Eid]

دخلت المنتدي علشان اخد فكرة عن تجميعة لجهاز جديد و للأسف لقيت ٣ تجميعات من الجيل الرابع بيعتمدو كلهم علي ماذربورد اسوس H81-M v3
وكمان ٢ من الجيل السادس وبرضة ماذربورد جيجابايت GA-H110
مفيش غير أخر تجميعة اللي بتعتمد علي ماذربورد gaming
علي حسب معلوماتي اسوس وجيجابايت مقسمين خطوط انتاج الماذربورد ل مجموعات زي مجموعة كسر السرعه و مجموعة الألعاب ومجموعة قوة التحمل الفائقة تقريبا
طيب ليه مفيش تجميعات علي حسب المجموعات دي او حتي تجميعة واحدة من كل مجموعة بالحد الأدني مادياً لتناسب وضعنا المادي التعبان [emoji23] [emoji23] [emoji23]
انا عارف اننا كأعضاء عايزين منكم المعجزات في التجميعات يعني انا حالياً بعد كل الهري دة عايز منكو الأتي
تجميعة جيل رابع جامينج إذا وجد لأني شاكك أن كل الماذربورد الجامينج جيل سادس [emoji2] [emoji2] ولو مفيش يبقا كفاية اللي في المنتدى
تجميعة جيل سادس أقل تكلفة وهيتم تحديثها
المعجزة بقة هي اني عايز في التجميعات دي ماذربورد و بروسيسور يدعموا كارت شاشة داخلي لحين شراء كارت شاشة ٤ او ٦ جيجا أن وجد برضة لأني شفت اكتر من ماذربورد جامينج مابيدعموش كارت داخلي [emoji2] [emoji2]
[emoji17] [emoji17] [emoji17] [emoji17] كرهتوني صح ؟
الله يقويكوا علي الأعضاء وعلشان ترتاحو عايزينكو تزودولنا معلوماتنا عن الأجيال 60/70 و 80/90 والتوافق بين الأجزاء والسوكيت 1151 و 1150 واللي مش عارفهم بتوع MSI [emoji3] والميجاهيرتز بتاع الرام 1600و 2300 و 3000 والهاردديسك HDD , SSD , والهجين منهم HSDD باين [emoji6]
كل حاجة كل حاجة وشكرا علي قوة التحمل لكل من قرأ كلامي للآخر [emoji7] [emoji7] [emoji7] [emoji8] [emoji8] [emoji8] [emoji8]


أرسلت من Infinix X509 الخاص بي

[phenomenon]

انا فعلا كان عندي قوة تحمل رهيبه لحد ما قرات جميع اسئلتك والحجاره شطبت بعدها :)
ايه كل السمايلات دى اقصد ايه كل الاسئله دى :)
ماهو يا رابع يا سادس
وبعدين كل اللوحات الام بلا استثناء مفيهاش كارت شاشه لان كارت الشاشه الداخلى اصبح فى جميع معالجات انتل الموجهه للاجهزه المكتبيه المنزليه Pentium / Celeron / I3/I5/I7
المهم انك تتاكد من وجود منافذ عرض الصوره فى ظهر اللوحه الام نفسها عشان تنقل الصوره من جرافيك انتل المدمج
جميع لوحات H81 / B85 / H87 / Z87 / H97 / Z97 الموجهه للجيل الرابع فيها منافذ عرض واستثناءات بسيطه جدا اللى مش فيها زى اللى بتبدا احيانا بحرف P

جميع لوحات الجيل الرابع سوكيت 1151 جمب اسمها وبتلاقى نفس الرقم 1151 بجانب معالجات الجيل الرابع
جميع لوحات الجيل السادس سوكيت 1150 جمب اسمها وكذلك المعالجات

مترجعشى بقى للوحات جيل 60 / 70 لانها كانت موجهه لسوكيت 1151 معالجات انتل الجيل التانى والتالت

خد فكره فى الموضوع ده واتاكد انك وصلت لنهايه الصفحه الاولى عشان تشوف جميع الفقرات
اختيار اللوحه الام المناسبه H110 & B150 لمعالج SKYLAKE 6th Gen (https://arabhardware.net/forum/showthread.php?t=441537)

[Hany Eid]

فعلاً موضوع هائل أضاف الي معلوماتي أكثر مما كنت بتخيل وعاجباني دماغك جداً [emoji88] [emoji122] [emoji122] ( بتحلق فين [emoji139] ) [emoji23] [emoji23] [emoji23] [emoji23]
عايز بقة كل المعلومات اللي عندك دي واكتر كمان وياريت عن كل هاردوير الكمبيوتر
[emoji6] بعد ماكنت داخل ادور علي تجميعة وخلاص بقيت مفجوع اني اعرف اكتر واكتر واكتر لمجرد المعرفة وزيادة معلوماتي[emoji165]

[phenomenon]

انا حزرتك من البدايه والحمد لله انك اخدت بالك :)
احنا باستمرار بنعمل مواضيع وفي ردود على نفس الاسئله بالضبط كتيره لكن مكدبشي عليك المستوي
التقني نفسه فى المنتديات العربيه ضعيف من فتره طويله وقدر الامكان بنحاول نصلح منه باستمرار

فى لوحات العاب رخيصه بتبدا من 700 جنيه وفي 900 جنيه فى لوحات الجيل الرابع
طيب ايه الشىء الوحيد اللى بتدور عليه موجود فى لوحات الالعاب

[Hany Eid]

لأ بقة ما خلاص ده كان مجرد أن واحد بطنه واجعاه فعايز دكتور باطنه متخصص متخرج من هارفارد مع أن ممكن دكتور عام في وحدة صحية رخيصه يديه كبسولة بنص جنيه ويخف 😂😂
اللي انا عايزه بقة بعد ما فهمت بعض النقط وربنا يستر ماغيرش رأيي تاني بعد ما أفهم حاجة تاني
عايز ماذربورد أقدر ابتدي بيها تجميعة قابلة للترقية بس علي مراحل وهاشغلها بدون كارت شاشة مقدماً
يعني تجميعة بدون كارت شاشه في حدود 5 الي 6 الف جنيه كارت الشاشه هاتكون ميزانية مفتوحة لكارت 4 ل ٦ جيجا لأني مش هاحتاج اكتر من كدة



أرسلت من Infinix X509 الخاص بي

[Hany Eid]

شفتلك كومنت بيوضح انه مش دايما الجيل السادس احسن واقوي لو اخترت ماذربورد تدعم DDR3 ويكون اخرها 16 جيجا رام في حين أن ممكن ماذربورد جيل رابع تكون بتدعم 32 جيجا رام او فيها اكتر من اتنين سوكيت رام تكون احسن
هاشوف في المتجر بتاع عرب هاردوير واقارن علي ما ترد عليا

أرسلت من Infinix X509 الخاص بي

[phenomenon]

طيب كويس جدا كده انت تقدر تحدد اللوحه المناسبه ليك
فسواء كانت H81 / B85 / Z97 مش هتفرق كتير سواء كانت موجهه لالالعاب ام لا المهم شوف استخداماتك
لوحات الالعاب مميزه فقط فى كارت الصوت واللان واحيانا الاضائات وفراشة الافراح RGB اللى بيضيفوها هى بتضيف لمحه جماليه خصوصا لو باب الكيس زجاجي او شفاف وبردو ممكن نقول بتميز اللوحه بالاضائه اثناء الليل لو محتاج
تتاكد بالنظر على شىء معين في الكيس

بس موضوع الاضائه موجود فى الجيل الجديد فقط والعالى بس
اما لو انت استمريت مع لوحة H81 جيل رابع فهتكون محدود فقط فى اعداد المنافذ اللى عليها وان شاء الله هيكون في موضوع قريب جدا عن تجميعات باسعار متفاوته تلبي طلبك

[Hany Eid]

شكراً جزيلاً ... يغلق

أرسلت من Infinix X509 الخاص بي