مطلوب تحديث هذا الجهاز

[medo tarek]

السلام عليكم
انا شاري الجهاز من سنتين ونص بالظبط
واصحابي نصحونى انى احدثه تجنبا لللمشاكل
البروسيسور i5 4440
موذر بورد giga byte b85
رامات 8 جيجا ججي سكيل
كرت شاشة vapor r9 270 x 2giga
باور سيسونيك 500 وات
الشاشه 32 كيرف سامسونج فول اتش دي
طبعا انا هبيع قطع بس مش هاقدر أزد اكتر من الفين جنيه

[Yasser]

الجهاز جميل لو انته متابع الالعاب الحديثه هتحتاج تعلى كارت الشاشه ومشدلوقتى لما الاسعار تثبت وتعرف تختار .....حسب الاستخدام انته ممكن ماتحتاجش تحديث !

[medo tarek]

مانا ماكنتش بفكر فى بيعه بس اصحابي قالولى مكثفات البورده بتتضعف مع الوقت عشان استخدامي 24 ساعه تقريبا مش بيتفصل

[Yasser]

اهتم بالتهويه والتنظيف من الاتربه واعمل اللى عليك و2.5 سنه مش كتير للدرجه دى!

[medo tarek]

طب حضرتك لو انا قررت احدث
الاولويه تروح لمين وايه البديل

[Yasser]

لو مش بتشتكى من نقص اداء فالتحديث مالوش معنى ... اما لو حاسس انك فعلا استخدامك تقيل وشايف ان الاحلال والتجديد مكسب طويل الآجل يبقى حسب رغبتك .... بس راقب الاسعار وميزانيتك عشان تجيب اعلى مش اقل من اللى معاك فى الجيل الجديد! والاخوه هنا يوافونك بتجميعات مختلفه فقط اذكر الميزانيه كامله فى موضوع !

[khaled moh]

الجهاز مشاء الله ممتاز وهيقعد معاك سنه على الاقل مش هتحتاج اى تحديث فيه لانك اشتريت انواع قوية من البداية

اما بالنسبة للانواع الجديدة من المعالج الجيل السادس ورامات ddr4 كله قال انها مش تفرق كتير ف الاداء وهتكلفك جدا

[zozo 22]

تحديث مش هيفرق معاك كتير لو غاوى الالعاب بيع كارتك هات كرت اكبر دة الاهتحس بية فى الاداء عموما جهاز جميل

[medo tarek]

اطب العمر الافتراضي للبورده والبروسيسور وخلافه كم

[medo tarek]

قالولى مع الاستخدام المتواصل 24 ساعه المكثفات بتاعه البورده بتبوظ والشيبسات بتعوز تتغير

[zozo 22]

كلام كلام سيبيك اهم شىء هى استقرار الكهرباء مغذية للجهاز وباور بتاعك تمام

[MOSTAFA EZzZ]

حضرتك جهازك كويس جدا ومش تقلق ممكن تعلى الكارت الشاشة بس وفى ناس بتبقى مشغلة الكيسة 24 ساعة وعادى والجهاز ممكن يشتغل معاهم اكتر من 5 سنين وكويس كمان المهم الباور لانه الى بيحافظ على المكسفات والكهربا لان دول الى هيأثروا عليها بشكل مباشر