استفسار هام جدا بخصوص طريقة توصيل انترنت للبيت

[Black_Spy]

بسم الله الرحمن الرحيم



الاستفسار بخصوص طريقة توصيل انترنت شوفتها عند واحد قريبي بس طريقه غريبه وعاوز شوية تفاصيل عنها للى عنده اى معلومه

انا روحت عند واحد قريبي لقيته واخد وصلة انترنت من واحد جارهم بيطلع وصلات نت .. السلك جاي ومتوصل فى الراوتر الوايرليس عنده انا كنت فاكر ان دا اكسس الاول

بس لما بصيت عليه لقيت مكتوب عليه انه راوتر وكمان السلك متوصل فى المكان اللى بيركب فيه سلك التليفون الارضي وهو بياخد النت وايرليس بيشغل الموبايل او اللاب وكده

عاوز افهم ازاى دا حصل ؟؟ المفروض ان اللى يتوصل فى المكان دا هو سلك التليفون الارضي مش سلك النت اللى جاي من عند الراجل دا وازاى الراوتر بيطلع نت وايرليس بالشكل دا ؟؟

[محمد فاروق غازي]

الأكسيس بوينت بيكون مكتوب عليه رواتر بردو عادي والمنفذ الخاص بتوزيع الإنترنت عن طريق كابل النت (RJ45) بيكون لونه مختلف عن باقي المنافذ
فاحتمال تكون حسبته منفذ التليفون (RJ9-11) يا ريت تتأكد مرة تانية وتشوف المنفذ RJ45 ولا RJ9-11 ومكتوب على المنفذ أيه بالضبط.

[Black_Spy]

هو فعلا كان لون المنفذ مختلف كان لونه ازرق .. وكان فى اربع منافذ تانيه بلون اصفر بس السلك كان متركب فى المنفذ اللى لونه ازرق وكان سلك الانترنت اللى جاي من عند الراجل هو اللى متركب

دلوقتي ايه الفرق بقي بين المنفذ اللى لونه ازرق والمنافذ اللى لونها اصفر رغم انهم تقريبا حسب مانا فاكر نفس الحجم ؟؟

وممكن على فكره اخليه يصورلنا الراوتر دا وارفعها هنا عشان انا عاوز اعرف بردو

[محمد فاروق غازي]

هو فعلا كان لون المنفذ مختلف كان لونه ازرق .. وكان فى اربع منافذ تانيه بلون اصفر بس السلك كان متركب فى المنفذ اللى لونه ازرق وكان سلك الانترنت اللى جاي من عند الراجل هو اللى متركب

دلوقتي ايه الفرق بقي بين المنفذ اللى لونه ازرق والمنافذ اللى لونها اصفر رغم انهم تقريبا حسب مانا فاكر نفس الحجم ؟؟

وممكن على فكره اخليه يصورلنا الراوتر دا وارفعها هنا عشان انا عاوز اعرف بردو





المنفذ الأزرق بيكون نفس الحجم فعلًا RJ45 اللي هو على مقاس كابلات الإنترنت المنزلية المتداولة عندنا في مصر
والمنفذ الأزرق بيكون هو المنفذ الرئيسي اللي بيسحب الإنترنت من الراوتر ويوزعه للـ 4 منافذ الأخرى اللي هي منافذ الـ LAN وبيقدر كمان يبث إشارة للواي فاي،
وفيه انواع من الأكسيس بتقدر تسحب الإشارة من الراوتر عن طريق الواي فاي وتوزعها واي فاي وLAN في نفس الوقت.

[إنـــســـان]

السلام عليكم ورحمة الله وبركاته

منفذ الهاتف يكون أصغر من منفذ الإيثرنت وبالعادة يكون لونه رمادي، اما منفذ الإيثرنت يكون بالعادة لونه ازرق.

اما طريقة الربط فهي بسيطة حيث غالبًا بيت جار صديقك لديه راوتر وقد قام بربط سلك من راوتره الخاص في المنفذ الاصفر اللون وارسله الى صديقك الذي ربط السلك براوتره الخاص بالفتحة الزرقاء اللون.

اي ببساطة الجار وصديقك يشتركون بخط انترنت واحد وراوتر صديقك يعمل كنقطة تقوية لبث الانترنت لاسلكيًا.