ارجو المساعدة في تجميع جهاز للألعاب والبرمجة والمونتاج

[Shreif Ragab]

السلام عليكم

كنت عايز تجميعة لجهاز يكون ممتاز ف شغل البرمجة والمونتاج والجرافيكس ويكون بيشغل احدث الالعاب

عايز كارت الشاشة يكون جبار والهارد يكون تيرا بلاك

الجهاز يكون ف حدود من 6000 ل 9000 جنيه بدون الشاشة ولو بالشاشة يبقى تمام

[m.mahmoud1]

حضرتك عايز الشاشه كام بوصه ؟ عشان بالميزانية دى ممكن تعدى ال 9000
ع العموم دى فى حدود الميزانية بالشاشه
Samsung S22D300BY 22 Inch LED LCD Monitor 900 L.E
Intel Core I5-6500 6M Skylake 3.2GHz LGA 1151 Desktop Processor (https://www.********.com/en/product/intel-core-i5-6500-6m-skylake-3-2ghz-lga-1151-desktop-processor-el-frencya) 2150 L.E
Gigabyte GA-H110M-S2PH Socket 1151 Motherboard (rev. 1.0) (https://www.********.com/en/product/gigabyte-ga-h110m-s2ph-socket-1151-motherboard-rev-1-0--new-vision) 850 L.E
Crucial Ballistix Tactical 8GB Kit (2 X 4GB) DDR4 2666 CL16 1.2V (https://www.********.com/en/product/crucial-ballistix-tactical-8gb-kit-2-x-4gb-ddr4-2666-cl16-1-2v-up-to-date-computer) 575 L.E
Western Digital (WD) Caviar BLUE WD10EZEX 1TB SATA 6Gb/s 7200 RPM 64MB Cache HDD 475 L.E (https://www.********.com/en/product/western-digital-wd-caviar-blue-wd10ezex-1tb-sata-6gb-s-7200-rpm-64mb-cache-hdd-el-yamama)
SAPPHIRE Radeon RX 480 8GB GDDR (https://www.********.com/en/product/sapphire-radeon-rx-480-8gb-gddr5-new-vision) 2800 L.E
Cooler Master Elite V2 500W PSU (https://www.********.com/en/product/cooler-master-elite-v2-500w-psu-ram-technology) 490 L.E
Antec Nine Hundred Two Steel ATX Mid Tower Case (https://www.********.com/en/product/antec-nine-hundred-two-steel-atx-mid-tower-case-sigma-computer) 740 L.E

المجموع 8980

ممكن لو ملقتش ال RX 480 ف مصر تجيب GTX 970 مستعمل ولا حاجه هيبقى ف نفس السعر او تزود و تجيب GTX 1060 بس هاته من بره مصر عشان هنا مبالغ فى سعره





(https://www.********.com/en/product/cooler-master-elite-v2-500w-psu-ram-technology)

[Shreif Ragab]

تمام يا غالي

الشاشة هتكون 24 بوصة

بس ممكن تشيلها خالص وتخلي التجميع بدون شاشة

وكارت الشاشة انا عايزة نيفيديا وياريت تقولي انهي الافضل في الالعاب والجرافكس AMD او Nvidia

وياريت تقولي سعر GTX 1060 كام ف مصر


وشكرا ليك يا غالي

[m.mahmoud1]

عفوا على ايه
بص معايا اولا لو شلت الشاشه و حطيت تمنها ع تمن كارت الشاشه ممكن تجيب gtx 1060 كان ف واحد عارضه ف المنتدى هنا ب 3700 جنيه و ده سعر مقبول عن اسعار السوق الى ب 4900 جنيه
قثانيا التجميعه هتفضل زي ما هى كده و احتفظ بتمن الشاشه او ضيفه ع كارت الشاشه و جيب 1060
بص يا صاحبى مفيش حاجه اسمها نيفيديا احسن من اى ام دى او العكس بس فى مقارنه كارت بكارت و كله ليه مميزات و ليه عيوب
يعنى لو هنقارن دلوقتى بين ال rx 480 و ال gtx 1060 فإنت اختار ال 1060 لانه احسن بكتير جدا من ال 480
بس لو بصيت ع direct x 12 هتلاقى 480 بيدعمه احسن من ال 1060 بس دى مشكله هتتحل عادى بتعريف من نيفيديا و كلها استراحات نفسيه للحاجه عموما لو عايز نصيحتى انا ع حسب تفضيلاتى الشخصيه انصحك بأى كارت من نيفيديا لانى بحبها دون amd و درجات حرارتها بتبقى حلوه و مناسبه و انصحك ب ال 1060 بشده

[Shreif Ragab]

ياريت لو مكنتش بتقل عليك تبعتلي لينك الرابط لل gtx 1060 اللي واحد عارضه فالمنتدى

وشكرا ليك يا محمد ع الرد والمساعدة

[m.mahmoud1]

ولا يهمك يا استاذ شريف احنا تحت امرك ف اى وقت
اتفضل اللينك اهو
https://arabhardware.net/forum/showthread.php?t=450223

[Shreif Ragab]

شكراً ربنا يكرمك يا أ.محمد

الكارت ZOTAC GeForce® GTX 1060 AMP! Edition (https://www.zotac.com/ca/product/graphics_card/zotac-geforce-gtx-1060-amp-edition)

هل ال ZOTAC كويس او Gigabayte او Asus او msi فالكارت الـ 1060

خصوصاً ان اغلب الموجود من الكارت Gigabayte

[m.mahmoud1]

Zotac فوق الممتاز و معروف بكروته الكويسة و النضيفه مش تخاف منها و تبريده بيبقى محترم برضو انا بفضل عن نفسى msi و بعدين ال zotac بس غالاب الفروق بينهم بتبقى بسيطه

[zozo 22]

msi افضل

[m.mahmoud1]

طب لو حابب اكسر سرعة المعالج ايه اللي المفروض اعمله

وينفع اكسر السرعة على الامكانيات اللي فوق دي ولا هغير حاجة ؟

وانا دلوقتي ناوي اشتري الاتنين دول
NVIDIA GIGABYTE GeForce GTX 1070 XTREME GV-N1070XTREME-8GD Graphics Card (https://www.amazon.com/s/ref=nb_sb_noss?url=search-alias%3Delectronics&field-keywords=graphics%2Bcards)
Intel (https://www.newegg.com/Product/ProductList.aspx?Submit=ENE&Description=intel) Boxed Core I5-6600K 3.50 GHz, 6 M Processor Cache 6 for LGA 1151

هل اجيب باقي الامكانيات الموجودة فوق ولا اغير حاجة ؟


اولا اخى نصيحه لا تكلف نفسك شئ فى الكسر لانك بالشكل ده هتحتاج ع الاقل 2700 جنيه زياده لشراء ماذربورد اخرى و مشتت للبروسيسور
البروسيسور كافى جدا لتشغيل كارت 1070
و لكن لو اردت كسر السرعه يجب شراء ماذربورد Z170 و مشتت انصحك ب Cooler Master Seidon 120V Plus Liquid CPU Cooler

و هات باقى الامكانيات عادى و يفضل تغير الباور بباور SeaSonic S12II Bronze 620W 80 PLUS Certified PSU

[Shreif Ragab]

طب لو مش هكسر السرعة بس عايز احافظ على درجة حرارة البروسيسور اجيب مشتت هوائي فقط ولا ملوش لازمة ؟

وهل البرسيسور I5-6600K مع بوردة H110 مش هيبقى بكامل كفائثته وكمان المازربورد H110 لا تدعم كسر السرعة و كدا تضييع فلوس ؟

[m.mahmoud1]

لو فى ميزانية تسمح ليك بشراء مشتت هوائى كويس مفيش مشكله هيبقى شئ جميل
و فعلا البورد h110 ضعيفه و مش بتدعم اى كسر لو حضرتك حابب تزود و تجيب حاجه احسن موجود b150 او h170 ع حسب ميزانيه حضرتك

[Shreif Ragab]

شكراً يا أ. محمد ومتأسف على الاطالة

كنت بس بسأل حضرتك عن نوع الرامات ده Geil EVO Potenza 16gb هل كويس اشتريه لأنه معروض للبيع ع المنتدي من شخص بسعر كويس

ولا اشتري اللي انت موصيهالي أفضل ؟

والكارت الـ 1070 اللي كنت هشتريه ملحقتوش واتباع ومعروض دلوقتي قدامي كارت MSI GeForce GTX 1060 Gaming X 6 GB اشتريه ولا استنى الـ 1070

يعني فيه فرق كبير بين الـ 1060 والـ 1070 يخليني ادفع الفرق اللي بينهم ده واستنى واجيبه ؟

[m.mahmoud1]

فوا يا اخى انا ف الخدمه ولا اطاله ولا حاجه
اولا الرامات حلوه توكل ع الله و اشتريها بس لا تنسى انك تجربها قبل ما تاخدها الاول
ثانيا و الله ع حسب ميزانيه حضرتك لو معاك فلوس لل 1070 انصحك بيه جدا الكارت رائع و اكثر كمان
لو مش معاك فلوس ليه و عايز كارت اقوى من 980 و اقل شويه من 980ti هات ال 1060 و مش هتندم عليه ابدا الكارتين روعه كله متوقف ع ميزانيه حضرتك فقط
و لكن لو جبت ال 1070 يجب تغير الباور ل SeaSonic S12II Bronze 620W 80 PLUS Certified PSU (https://www.********.com/en/product/seasonic-s12ii-bronze-620w-80-plus-certified-psu-new-vision)

(https://www.********.com/en/product/seasonic-s12ii-bronze-620w-80-plus-certified-psu-new-vision)لانه باور احترافى و جيد جدا

[Shreif Ragab]

شكراً جداً ليك يا أ.محمد

انا فعلاً اشتريت msi 1060 وتقريباً انت قلتلي ان msi افضل واحد فالـ 1060 ؟
واشتريت كمان برسيسور i5-6600k
كدا ناقص باقي الجهاز .. اجيب الباور ده SeaSonic S12II Bronze 620W 80 PLUS Certified PSU (https://www.********.com/en/product/seasonic-s12ii-bronze-620w-80-plus-certified-psu-new-vision) لأني اعرف ان سي سونيك افضل شركة فالباور او مش لازم تكلفة ع الفاضي

والرامات اللي قلتلك عليها فالتعليق السابق موجودة هنا بسعر 830 ج هل كدا سعر كويس عن المولات اللي عندنا بكتير ولا اشتري من المولات اضمن

وبالنسبة للمازربورد طبعاً حضرتك عارف ان قلتلك هغيرها اجيب ايه من دول b150 او h170 او z170 ؟

والمشتت اجيبه هوائي او مائي والفرق فالسعر كبير اوي ولا فيه مائي سعره حلو ؟

واجيب هارد ssd 120 g و هارد بلاك الف ولا كدا الهارد البلاك ملوش لازمة اجيب بلو افضل ؟

مع العلم اني ميزانتي للجهاز ككل بالشاشة مفتوحة لحد 11500ج وممكن توصل ل 12 لو لشئ لزم او ضروري اوي

وشكراً لحضرتك ودي اخر وكل استفسارتي ..

منتظر ردك

[m.mahmoud1]

طالما الميزانية مفتوحه فنعدل شويه
تمام انصحك بالباور ده و كويس جدا و سعره حلو 850 تقريبا
الرامات كويسه بس طالما الميزانيه معاك هات جديد احسن و هو قريب من سعر المولات مش فرق كبير ولا حاجه فكده هات من المول افضل
نعم msi 1060 نسخه رائعه
انصحك ب z170 لتنعم بكسر السرعه لو حبيت ف المستقبل و هتفيدك
+ المشتت المائى هيكون جيد جدا و سعره مش غالى حوالى 750 او اكثر قليلا و هو هيكون جيد جدا
ممكن تجيب هارد ssd تمام للسيستم و لو حابب تحط لعبه عليه زى باتل فيلد او كده يبقى تمام و تجيب بجانبه هارد 2 او 3 تيرا للتخزين و بلاش بلاك لانه غالى بلو جيد و يفى بالغرض

لو حابب تضيف اى تعديل اخبرنى

و حضرتك اشتريت البروسيسور من انهى مول و محل ؟؟

[Shreif Ragab]

اشتريت البرسيسور من المنتدى هنا جاي من امازون جديد

وبالنسبة للمشتت المائي انا عندي الجو حر هيأثر عليه او مفيش اي مشكلة عادي ؟

وانا شفت حد كاتب ف موضوع ان المولات مش بتبيع المازربورد لوحدها ف كدا هيكون عندي مشكلة ف حكاية المازربورد ولا فيه مولات عادي ؟

[m.mahmoud1]

لا مش هيأثر عليه ان شاء الله اكيد مش هتبقى احر من الاوضه بتاعتى الى منى للسطح ع طول
بس هيأدى معاك حلو ان شاء الله

ايوه مهو عشان كده سألت حضرتك جبت البروسيسور منين عشان اجيب حاجه لوحده انا كمان دلوقتى مفيش قدامك غير شوف متجر المنتدى هنا او شوف اى تاجر خارجى ممكن يوفر ليك البورده و انا ممكن اوصلك بواحد لو ملقتهاش عموما ف المتجر هنا و برضو انزل شوف يمكن يرضوا يدوهالك لوحدها و الله يبقى حاجه كويسه

[Shreif Ragab]

هنزل اشوف الأول وربنا يسهل

انا هاروح المول اللي ف مدينة نصر تكنولجي هشوف هناك


انت جايب مشتت مائي لجهاز ؟

بالنسبة للمازربورد فيه أ.عصام عارض مازربورد MSI Enthuastic Gaming Intel Z170A LGA 1151 m5 بس بـ 2200 جنيه سعرها غالي وتقريباً زي سعرها هنا او اغلى الله اعلم

[m.mahmoud1]

ايوه المشتت اساسى عندى عشان الجو ف الصيف بيبقى لا يطاق + مفيش تكيف

ثانيا ابقى برضو بص ع مول البستان و سوق العصر و خود برضو جوله ف مول كوين جمب مول العصر شوف
الماذر برود المعروضه معرفش سعرها جديد صراحه لانها مش موجوده ف اى محل شوفته فى منها ال m3 سعرها جديد 2250

[Shreif Ragab]

من رأيك طيب المازربورد دي افضل ولا z170 ؟ من ناحية السعر والاداء

[m.mahmoud1]

فئة ال z170 عن نفسى شخصيا شايفها كلها زى بعضها هات اى نوع فيها ايا كان و هيكون جيد جدا

[Shreif Ragab]

أ. محمد

انا نزلت واشتريت كل اللي ناقص من الجهاز
رحت تكنولوجي مول للشركة الفرنسية
اشتريت عادي ومقلش لازم بندل كامل ولا حاجة
بس الاسعار كانت غالية يعني جبت مازربورد z170 Gaming 3 ب 2400 جنيه والمشتت ب 1250

اول حاجة عايز رأيك فالمازربورد وملقتش باور سي سونيك جبت cooler master عايز رأيك حلو او لا

والمشتت كنت هجيبه cooler master بس هو قالي thermaltake افضل ف جبته

وجبت هارد انتل sdd 535 وشاشة سامسونج 24 اللي بتلف 360 درجة

وجبت رامات corsair 16g 2×8 3000MHzهي افضل او كنجستون ؟

والباقي بقى كلها كمليات

عايز رأيك فالحاجات اللي جبتها ؟
وياريت بعد اذنك تقولي ازاي اركب المشتت المائي بشكل صحيح ؟

// أ.محمد فيه حاجة ضايقتني جداا البروسيسور اللي قلتلك اني اشتريته i5-6600k والبورد z170 اللي جايبها طلعوا مش متوافقين :(

[phenomenon]

الف مبروك
البورده والمعالج المركزي متوافقين أخي الكريم
اليست MSI Z170 Gaming 3 ؟
اذن هي مناسبه لجميع معالجات الجيل السادس I7-6700 + I5-6XXX + I3-6XXX
بالإضافه ان الشركه مش هتخرج بقطعتين مُختلفين في الجيل صعب جدا الا في حالة لم ينتبهه احد لاختياراتك
مين قالك انهم غير متوافقين او ايه المشكله معاك بالضبط ؟

[Shreif Ragab]

هما فعلاً طلعوا متوافقين وانا اما فتحت البوردة لقيتها متوافقة فعلا

بس وانا بركب البروسيسور فيه سنون من السكوت اتكسرت واتنت مش كتير بس اكيد هتقصر على الاداء

ياريت حضرتك تقولي حل ؟

[phenomenon]

المفروض كونت تتاني وتسالنا او على الاقل تشاهد فيديوهات لعمليات تركيب
عموما قدر الله وما شاء كان
في الحاله دي لازم ترجع باللوحه للشركه تاني واطلب منهم يدخلوها الضمان للصيانه وانتظر فتره وهتدفع تمن تغيير السوكيت او صيانته