هل معالج I5 4460 مناسب لكارت GTX 1070 ?

[Abdallh205]

السلام عليكم ورحمه الله

كان عندى سؤال مهم جدا كنت عايز اعرف رأي حضرتكم

انا معايا كمبيوتر جيل رابع
معالج I5 4460
بوردة جيجا بيت H81M-S2PH
رامات 2*4 8جيجا
باور COOLER MASTER 700W PLUS
وشاشة 24 بوصه BENQ 1920*1080 مش بشغلها غير على كبل HDMI
عايز اشترى فيجا اما GTX 980 او GTX 1070

وبصراحه عجبني اوى كارت 1070 لكن خايف منه على منصتى يحصلى عنق زجاجة لانى فى ناس بتقول انى المعالج ضعيف للكارت مش هيعطيك 150 فريم اللى اصلا هو قوة اداء الكارت لكن هتستفيد بنصف اداء الكارت هل الكلام دة حقيقى ولا لأ ولو مش هستفيد بقوة الكارت هخسر من اداء اد ايه ؟
ولا اخلينى مع كارت 980 بدل ماافتح على نفسى واطر اغير وانا حاليا مش هعرف اغير شيئ من الجهاز ممكن حد يريحنى من الحيرة دى وبكل ثقه يقولى جيب كارت GTX 1070 :)

[m.mahmoud1]

بكل ثقة هات الكارت
حضرتك حوار ال bottleneck حوار كبير و لازم اى جهاز يكون فيه عنق زجاجه سواء من البروسيسور او من الكارت
هنا احنا بنقلل الحوار ده على قد ما نقدر فلو بصينا ع البروسيسور و الكارت فالبروسيسور قوى جدا و بينافس معظم ال i7 بإستثناء الجيل الجديد منه يعنى و البروسيسور ده يعيش كمان سنتين او تلاته ممكن
و مش هيحصل اى عنق زجاجه زى ما انت فاهم و ان شاء الله الكارت هيشتغل بكل قوته توكل ع الله و جيب ال 1070 و متضيعش فلوسك ع 980 لانه ميستهلش اصلا من وجه نظرى فى حجات احسن زى 1060 لو مش عايز ال 1070 توكل ع الله و مش يهمك

[Abdallh205]

شكرا شكرا شكرا
m.mahmoud1 (https://arabhardware.net/forum/member.php?u=11313475) على الرد السريع والكلام المقنع خلاص توكلنا على الله هجيب ان شاء الله 1070 D-:

[neztiti]

اشتريه وتوكل على الله يا راجل واضرب الحديد وهو حامي وحتى لو كان عنق زجاجة فاكيد رح يكون قليل وليست بجميع الالعاب وهذا الكلام باجماع الكثيرين وبانتظار اراء اخرى

[محمد السنهوري]

أخي الفاضل قبل الشراء لازم باور أخر لان ما تملكه سيئ وسيضر الكارت لانه غير أحترافي ويفضل سيسونك أو xfx

[Abdallh205]

شكرا للجميع :)

ولحضرتك يا استاذ
محمد السنهوري (https://arabhardware.net/forum/member.php?u=11335011) بس انا حاليا مش هعرف اغير الباور بس الباور احترافى ومشاء الله شغال معايا زى الفل وبعدين انا فى الغالب هجيب نسخه جيجا بيت انا فاهم وجه نظرك بخصوص الباور بس مش عايز احط العقدة فى المنشار لانى الكارت سعرة غالى وانا ميزانيتى محدودة للكارت فقط .

[محمد السنهوري]

شكرا للجميع :)

ولحضرتك يا استاذ
محمد السنهوري (https://arabhardware.net/forum/member.php?u=11335011) بس انا حاليا مش هعرف اغير الباور بس الباور احترافى ومشاء الله شغال معايا زى الفل وبعدين انا فى الغالب هجيب نسخه جيجا بيت انا فاهم وجه نظرك بخصوص الباور بس مش عايز احط العقدة فى المنشار لانى الكارت سعرة غالى وانا ميزانيتى محدودة للكارت فقط .


مفيش أي مشاكل من الأعتماد عليه فتره قليله لاكني أعلم ومتأكدأن نسخ أكستريم هذه من أسواء ما أنتجت كولر ماستر وبرأئ خبراء

ولست أنا فقط

لان لاقدر الله أخر شيء تريده ان الكارت يتلف بسبب باور مهما يكن لن يزيد عن 1000 جنيه قصاد كارت ب 6000 فقط لاغير

وطبعا أنت اكثر معرفه مني بميزانيتك فأنا أنصحك فقط

وبصراحه وهذه الجزئيه أعتبرها رائي شخصي جدا

أفضل شراء كارت 970 مع باور أحترافي أفضل من 1070 مع باور مثل هذا

وبالتوفيق

[Abdallh205]

انا قلقت كدة من الباور ومش مستعد احرق كارت بسبب باور بس انا بطلب من حضرتك تقولى من رئيك الشخصى ايه افضل باور للكارت مع افضل سعر اظن معادله صعبD-: وممكن كمان تذكر قوة الباور للحد المناسب للكارت وشكرا لحضرتك جدا .

[محمد السنهوري]

أخي الفاضل الشكر لله

فقط أخوك محمد مفيش أي داعي لحضرتك


مش معادله صعبه ولا حاجه زي مذكرت لك أعتمد عليه فتره طبعا كل ما قصرت أفضل وتقدر ترقي لباور أفضل

الكارت باور 750 ممتاز ليه جدا ويفضل جدا باور seasonic m12ii 750w evo edition 750 watt 80 plus bronze fulmodular

سعره حوالي 1300 ألي 1400

[Abdallh205]

شكرا ليك اخى على النصيحة انا هحاول ابيع الباور ال عندي واكمل واجيب سيسونك :)(y)

[omar9084]

انت مش محتاج باور عالي اوى كدة لان جهازك لا يستهلك طاقة كتير!
ممكن تجيب seasonic s12ii bronze 520w 80 plus certified psu فى حدود ال 700/800ج
كان من فترة ب 400/500 جنية :D

[omar9084]

انا معي ال 1070 وشغال على باور seasonic s12ii bronze 520w 80 plus certified psu بلا مشاكل
وال 1070 لا يستهلك باور اعلى من ذلك

ولا تنسي ان كل ما تزيد فى الباور كل ما فاتورة الكهرباء هتولع :D

[zoro00]

نصيحه علشان بس متهدرش فلوسك فى الفاضى
الباور اللى معاك يشغل الكارت بكفائه 100% ومش هيحرقلك اى شىء فيه عن بحث فى عده تقارير ورفيوهات
بعض التفاصيل للاطمئنان
هوه الباور COOLER MASTER 700W PLUS مش النوعيه الكفائه زى بعض المركات الاخرى اى نعم لكن عمره ميقل عن 500 وات عطاء للجهاز
كارت الشاشه 1070 بيتميز باستهلاكه طاقه قليله جدا وهذه ميزه معماريه نفديا الجديده باسكال اللى مستخدمه فى الكارت
الكارت جميع المواقع والخبراء بينصحوا بافضل باوى سبلاى 500 وات فقط ودا معناه ان الكارت ممكن يشتغل على اقل من كدا كمان بكتير لكن همه بينصحوا ب 500 علشان بيعملوا حساب الباورات اللى مش ماركات محترمه لما تعطى اداء اقل من 500 وات فيبقى الموضوع امن ومعمول حسابه

فانت توكل على الله وهات الكارت وشغله على الباور اللى عندك ومتصرفش فى الفاضى الا عند الحاجه فقط

تحيتى

[محمد السنهوري]

نصيحه علشان بس متهدرش فلوسك فى الفاضى
الباور اللى معاك يشغل الكارت بكفائه 100% ومش هيحرقلك اى شىء فيه عن بحث فى عده تقارير ورفيوهات
بعض التفاصيل للاطمئنان
هوه الباور COOLER MASTER 700W PLUS مش النوعيه الكفائه زى بعض المركات الاخرى اى نعم لكن عمره ميقل عن 500 وات عطاء للجهاز
كارت الشاشه 1070 بيتميز باستهلاكه طاقه قليله جدا وهذه ميزه معماريه نفديا الجديده باسكال اللى مستخدمه فى الكارت
الكارت جميع المواقع والخبراء بينصحوا بافضل باوى سبلاى 500 وات فقط ودا معناه ان الكارت ممكن يشتغل على اقل من كدا كمان بكتير لكن همه بينصحوا ب 500 علشان بيعملوا حساب الباورات اللى مش ماركات محترمه لما تعطى اداء اقل من 500 وات فيبقى الموضوع امن ومعمول حسابه

فانت توكل على الله وهات الكارت وشغله على الباور اللى عندك ومتصرفش فى الفاضى الا عند الحاجه فقط

تحيتى

طيب ممكن حضرتك تدلنا علي التقارير ألتي تفيد بكفائه هذا الباور

وهل حضرتك مقياس جوده الباور فقط بعطاء الوات فقط أليس هناك حساب الأمان مثل الفولتيات الخاطئه التي حتي قد تفسد الهارد ديسك وليس الكارت فقط

أذا فليس هناك داعي لأختبارت الأداء التي تتم له والتي تحدد كفائته برونز أو جولد

بالمناسبه نحن لا نطلب من الأعضاء أهدار المال فهو لن يشتري الباور منا نحن لا نستفاد بشيء غير الثواب ولأن الأعضاء تثق بنا

فنحاول تقديم أقصي ما عندنا