اريد بعض القطع جيل سادس في حدود 5000 او 5500

[amr010]

السلام عليكم عاوز اشتري قطع جيل سادس وهي البورده و المعالج و الرامه تكون ddr4 ويكون معاهم بور سبلاي كويس فقط لا غير وهل سوف تكون القطع متوفره في مصر ام لا و من اين لو وجدت

[wcw 321]

المذربورد
Gigabyte GA-H110M-S2PH Socket 1151 Motherboard = 850 L.E
المعالج
Intel Core I5-6600 6M Skylake 3.3GHz LGA 1151 Desktop Processor = 2,300 L.E
المشتت الاحترافي الهوائي الخاص بالمعالج ( اختياري للحصول علي درجات حرارة اقل اثناء اللعب ويمكن الاكتفاء بالمشتت العادي الذي يأتي مع المعالج )
CRYORIG H7 With QF120 CPU Cooler = 350 L.E
الذواكر ( الرامات )
Corsair Vengeance LPX 8GB (1 X 8GB) DDR4 DRAM 2400MHz C14 1.2V Memory Kit = 575 L.E
البورسبلاى
Seasonic M12II 620W EVO Edition 620-Watt 80 PLUS Bronze Full Modular PSU


البور بسعر 1000 جنية
المجموع للقطع
5075

[amr010]

طب وبالنسه هيتوفروفي مصر ولا لاء ؟ ولو كدا ياريت اماكن البيع

وبعض الناس نصحتني باني استني الجيل السابع هل انتظر ولا الحكايه مش مستهله انتظار ؟

و سؤال كمان معلش هل البور سبلاي دا كافي لتشغيل اعلي الكروت ولا ايه ؟؟

وبالنسبه للرامات اللي انتا كاتبها احلا ولا النوع دا

Crucial Ballistix Tactical 8GB Kit (2 X 4GB) DDR4 2666 CL16 1.2V (https://www.%2A%2A%2A%2A%2A%2A%2A%2A.com/en/product/crucial-ballistix-tactical-8gb-kit-2-x-4gb-ddr4-2666-cl16-1-2v-up-to-date-computer)


مع العلم ان الباس هنا اعلي

[hinokio]

طب وبالنسه هيتوفروفي مصر ولا لاء ؟ ولو كدا ياريت اماكن البيع

وبعض الناس نصحتني باني استني الجيل السابع هل انتظر ولا الحكايه مش مستهله انتظار ؟

و سؤال كمان معلش هل البور سبلاي دا كافي لتشغيل اعلي الكروت ولا ايه ؟؟

وبالنسبه للرامات اللي انتا كاتبها احلا ولا النوع دا

Crucial Ballistix Tactical 8GB Kit (2 X 4GB) DDR4 2666 CL16 1.2V (https://www.%2A%2A%2A%2A%2A%2A%2A%2A.com/en/product/crucial-ballistix-tactical-8gb-kit-2-x-4gb-ddr4-2666-cl16-1-2v-up-to-date-computer)


مع العلم ان الباس هنا اعلي

ممكن تحدد انت عاوز التجميعة لليجمينج ولا لا ولو جيمينج هتركب كارت شاشة موديل اية عليها

[hinokio]

https://i.imgur.com/oCm0nTW.jpg

البوردة دية افضل من بوردة سوكت h110 لانها هتقبل رامات بباس اعلى وهتسمح بانك تعمل overclocking اما بالنسبة للباور فهو ممتاز حتى للكروت القوية الى بتحتاج باور عالى يفضل تذكر اسم الكارت الى هتركبة علية اما البروسيسور هو مفيش فرق بينة وبين ال i5 6600 فى الاداء لكن هو ارخض منة فى حوالى 200 جنية والقطع كلها متوفرة فى مصر واسامى المحلات عندك فى الصورة

[amr010]

تسلم علي النصائح المحلات دي بقا القيها في مول ايه لو سمحت مصر الجديده ولا وسط البلد

[zozo 22]

الاغلبية وسط البلد

[m.mahmoud1]

طالما مش هتكسر السرعه فاكس بورده z170 غاليه فقط ممكن توفرها و تجيب بورده اقل لتوفير الفلوس لا اكثر

ثانيا انصحك بالشراء من مول سوق العصر بس لف كتير عشان ف فرق ف الاسعار و ممكن تروح البستان ف التحرير او تكنولوجى مول ف مدينه نصر بجانب السيراج مول

[hinokio]

الشركة الفرنسية:
Cairo:
Nasr City - Technology Mall branch:
Makram Ebied St.'s end, Technology Mall beside El Serag Mall - 2nd floor, Shop #221
Telephone: (02) 22737170
Mobile: 01111421261

vision :
Cairo:
Downtown - El Bostan branch:
El Bustan Mall - Bab El Louk - Ground Floor
Mobiles: 01005127339 - 01021401303 - 01278220465

Giza:
Mohandessin - Computer Market branch:
7 Gamaat Al Dowal Al Arabia - Sphinx square - second floor, partition S8
Mobiles: 01021401303 - 01278220465 - 01121015779

[zozo 22]

اتصل بيهم قبل ذهاب

[amr010]

تسلمو علي هذا النصائح وفعلا البورده
z170 غاليه شويه هل يوجد وسط بينها وبين البورده GA-H110M-S2PH يعني مثلا يكون فيها منفذ m.2 بس تكون اقل في السعر من z170 و اعلي من GA-H110M-S2PH وشكرا لكم

[hinokio]

تسلمو علي هذا النصائح وفعلا البورده
z170 غاليه شويه هل يوجد وسط بينها وبين البورده GA-H110M-S2PH يعني مثلا يكون فيها منفذ m.2 بس تكون اقل في السعر من z170 و اعلي من GA-H110M-S2PH وشكرا لكم


فى بوردات سوكت b150 فيها منفذ m.2 بتبقى فى حدود 1200 الى 1450
فى بوردات سوكت h170 ودية هتلاقى فى بعضها منفذ m.2 زى gigabyte ga-h170-d3h

للعلم البوردات هتشغل الرام على باس 2133 عكس ال Z170

[phenomenon]

في لوحات H110 + B150 فيها منفذ M.2 ولكن اقصى عرض نطاق ترددي ليها 10GB/s والسرعه ممتازه مش شرط تكون 32GB/s

[hinokio]

الوحات H110 بمنفذ m.2 غير متوفرة فى المحلات فى مصر
اما ال B150 فيوجد فى المحلات
Gigabyte GA-B150-HD3 Socket 1151 Motherboard متوفرة بمنفذ m.2 واقصى نطاق ترددى ليها 32/gb بسعر 1250 الى 1450
تم التعديل سورى على الخطاء بخصوص ال b-150 :)

[N3V3RMiND.2016]

اعتقد حان الوقت عشان اوضح نقطه مهمه جدا جدا لأى شخص نازل يجمع جهاز جديد فى مصر :
انا لما نزلت اجمع بندل جيل سادس (لسه مجمعه من كام شهر فقط) انا جمعت البندل من سوق العصر و النقطه المهمه جدا هى انك مستحيل تشترى معالج لوحده او لوحه ام لوحدها !!

انا لفيت المول كله محل محل و هما متفقين ان اى زبون عايز يشترى معالج لازم يشترى معاه لوحه ام من نفس المحل و لو زبون عايز يشترى لوحه ام لازم يشترى معاها معالج من نفس المحل و لو روحت على اول محل انا دخلته و اللى هو Maxmum و اللى روحتله بسبب سمعته الكويسه قالى لازم تشترى لوحه و معالج ورامات مع بعض!!!
نوع الرامات اللى كانت عنده لم تكن النوع اللى انا بفضله ففضلت واقف نصف ساعه احاول اقنعه انى هاشترى فقط المعالج و اللوحه الام لاكنه رفض رفض قاطع!!

يعنى من الاخر عشان اوضحلكم هما عملو ايه هاتلاقى مثلا محل عارض اللوحه b150 بسعر 1300 جنيه و نفس المحل عارض المعالج i3-6100 بسعر 1300 جنيه مثلا يعنى اجمالى المعالج مع اللوحه يبقى 2600 جنيه تمام
و هاتلاقى محل تانى عارض اللوحه ب 1250 جنيه و لكن المعالج عنده معروض بسعر 1350 جنيه يبقى الاجمالى بردو 2600 جنيه !! يعنى هما بيلعبو فى سعر المعالج واللوحه على اساس انك هاتشترى غصب عنك الاتنين مع بعض من نفس المحل و طبعا زى ما انت شايف الاجمالى واحد

وبالنسبالى انا اتحرق دمى لما نزلت اشترى لأنى كنت نازل اشترى معالج i5 فقط و كنت ناوى اشترى لوحه اسوس من بره عن طريق قريب ليا و لكن طبعا لما روحت المول و لقيت الطريقه البشعه فى اجبار الزبون على انه يشترى على الاقل لوحه و معالج مع بعض كنت فعلا قرفت لأنى كنت مستنى حوالى 6 شهور عشان اجمع البندل و طبعا مكنتش عامل حسابى فى الفلوس انى اشترى معالج i5 مع لوحه ام و للأسف قولت اشترى اى حاجه لأنى كنت زهقت فاشتريت بالمبلغ اللى كان معايا معالج i3-6100 ولوحه b-150

وبالنسبه لمول البستان فى التحرير نفس النظام بالظبط لازم على الاقل تشترى لوحه ام ومعالج مع بعض من نفس المحل انا اتصلت ب3 شركات فى البستان وقالولى نفس النظام !!

و طبعا المحل اللى اشتريت منه البندل فى سوق العصر قالى ان النظام ده نازل عليهم من الوكيل يعنى الوكيل بيبيع ليهم كل لوحه و لازم معاها معالج حسب العدد يعنى لو هو هايشترى 60 لوحه ام من الوكيل ايا كان نوعهم يبقى لازم يشترى معاهم 60 معالج متوافق من الوكيل
اما بالنسبه لمحل Maxmum فالمحل اللى اشتريت منه قالى ان Maxmium بيشترى بنادل على بعض عباره عن معالج و لوحه ام ورامات عشان كده مرضيش يبعلى حتى معالج و لوحه ام لوحدهم.

المهم انا حاليا فى مشكله لأن كما متوقع المعالج الi3 اللى عندى مش بيسد معايا فى برامج الفيديو و السؤال هنا لو انا عايز اغير المعالج و اشترى معالج جديد i5 تخيل هاروح المول عشان يقولولى لازم تشترى معاه على الاقل لوحه ام و انا عندى لوحه ام لسه جديده و من نوع متوسط اللى هى Gigabyte B150HD3
اييه العمل؟ انا الصراحه مش لاقلى حل !

عشان كده اى حد نازل يجمع اعمل حسابك انك هاتشترى المعالج و اللوحه الام من نفس المحل فتأكد من السعر الاجمالى و كمان حط فى بالك انك مش هاتقدر تحدث المعالج مستقبلا لأنك هاتحتاج تبيع البندل كامل و تشترى بندل جديد!

[hinokio]

انت بتتكلم بجد؟ الكلام دة اسمة قلة ادب اية الوساخة دية مش كفاية اسعار كروت الشاشة الى معلين سعرها على الاخر عن سعرها الطبيعى
الكلام دة فى كل المولات ولا كان فى سوق العصر بس ؟
لو الكلام دة لسة شغال لغاية دلوقتى شكلنا كدة كل حاجة هنجيبها من برة

[N3V3RMiND.2016]

انت بتتكلم بجد؟ الكلام دة اسمة قلة ادب اية الوساخة دية مش كفاية اسعار كروت الشاشة الى معلين سعرها على الاخر عن سعرها الطبيعى
الكلام دة فى كل المولات ولا كان فى سوق العصر بس ؟
لو الكلام دة لسة شغال لغاية دلوقتى شكلنا كدة كل حاجة هنجيبها من برة
الكلام ده مطبق فى سوق العصر و فى مول البستان فى التحرير و كمان فى مول المهندسن (انا اتصلت بشركتين فى مول المهندسين و قالى نفس الكلام)
بالنسبه لمول تكنولوجى اللى فى مدينة نصر معرفش الصراحه لأنى مسألتش بس تكنولوجى مول اصلا غالى فى الاسعار عن باقى المولات
يعنى انا بروح مشوار لسوق العصر لما احتاج اشترى على الرغم ان تكنولوجى مول قريب منى لأن تكنولوجى بيغلو فى الاسعار بالاضافه ان مفيش شركات كتيره معروفه فى المول.

[hinokio]

التكنولوجى معايا واحد صاحبى بيشترى منة كل حاجة من شركة معينة هناك هية الى حلوة الشركة الفرنسية بيتعامل معاها من سنين وحاجاتها بتبقى رخيصة
المشكلة فى السياسة الزفت الى مطبقة دية لية بيعملوا فينا كدة مش كفاية الاسعار النار الى ضاربنها فى السما هيحصلهوم حاجة لما يبيعوا كل حاجة لوحديها ولا علشان كل محل عاوز يخلص من البضاعة الى عندوا يثبتوا السعر فيما بينهوم وتبقى كل المحلات بنفس السعر مش مهم الى عاوز يشترى المهم انهوم يبيعوا :@:@:@:@:@:@

[zozo 22]

انا نزلت اشترى باور سسونيك 620 واط وفوجئت بالاتى ان شركات كلها متفقة على الاتى لزم تشترى معالج ومازر ورامات على الاقل علشان تشترى باور منهم طيب ياجماعة الا عتدة التجميعة وعواز الباور منفرد لا احنا اسفين وبعد نقاش كتير قالى هيدك باور سسونيك 750 واط ب1375 جنية ودة كان فوق ميزانيتى كنت عامل حسابى على 1000 جنية مشيت وذهبت مواال تانى دخلت شركات نفس موضوع اخر شركة دخلت ايوة فى بس بسعر اغلى 1075 جنية وفى شركات عرضة ب950 جنية بس دة لعبة شركات زى ماقال الاخوة الاعضاء يزودة فى سلعة وينقص ف سلعة مهم مشيت من غير ما اشترى بعد ما ضيعت اليوم فى رحلة البحث عن الباور وشكرا

[hinokio]

انا نزلت اشترى باور سسونيك 620 واط وفوجئت بالاتى ان شركات كلها متفقة على الاتى لزم تشترى معالج ومازر ورامات على الاقل علشان تشترى باور منهم طيب ياجماعة الا عتدة التجميعة وعواز الباور منفرد لا احنا اسفين وبعد نقاش كتير قالى هيدك باور سسونيك 750 واط ب1375 جنية ودة كان فوق ميزانيتى كنت عامل حسابى على 1000 جنية مشيت وذهبت مواال تانى دخلت شركات نفس موضوع اخر شركة دخلت ايوة فى بس بسعر اغلى 1075 جنية وفى شركات عرضة ب950 جنية بس دة لعبة شركات زى ماقال الاخوة الاعضاء يزودة فى سلعة وينقص ف سلعة مهم مشيت من غير ما اشترى بعد ما ضيعت اليوم فى رحلة البحث عن الباور وشكرا

هههههههههههه دة طلع الموضوع كبير لو الكلام دة كلة صح ولسة شغال كمان سنة مش هينفع نشترى اى حاجة غير لما نشترى كل حاجة دية مهزلة

[m.mahmoud1]

للاسف انا اؤكد الكلام ده النهارده اتصلت بشركه هاى اند و طلبت بروسيسور core i3 و قولتلهم عايزه لوحده قالولى لا لازم تاخد ماذر بورد معاه
الموضوع مستفز بطريقه رهيبه جدا كده الواحد يتجه للمستعمل افضل ليه واريح لان انا مش هجمع جهازى ع مزاجهم هما

[hinokio]

شكلها كدة يهانجيب مستعمل او نجيبة من الخارج اول مرة اشوف بجاحة بالطريقة دية هنشترى على مزاجهوم افرض البوردة الى عاوزها مش عندوا مجبر انا بالى عندوا
انا كنت ناوى احدث الكمبيوتر بتاعى لجيل السادس بس شكلها كدة هخلينى بية شوية خصوصا انة مش عامل عنق زجاجة فى الالعاب لغاية محكاية البنادل دية تتحل

[zozo 22]

سياسية الشركات كلها واحد دة مهزلة كبيرة عواز تشترى يبقى اشترى قطعة منفردة زيادة فى التمن ب100 جنية عجبك مش عجبك امشى

[amr010]

للاسف كلامكم طلع مظبوط ولازم اشتري بورده مع بروسسور :( ... بس محتاج رايكم في حاجه


i5 6600k معروض عليا ب 2800 ودا من واحد في محل كدا مداري يظهر نسيو يتفقو معاه و في ناس قلتلي عامل 3200 !! والاغرب ان في ناس عرضت عليا العادي ب 2800 و 2900 وكلهم كانو متفقين ولما جيت اقولها يا جماعه دا ب 1300 قالو دا الكلام دا من مده والحوارات دي
و z170 d3h معروضه ب 1800 في ناس قالت ب 1950 !!
و الرمات ملقتش غير كينجستون هيبر اكس 16 جيجا ( 2x8gb ) باص 2666 عامله 1300
والباور سبلاي كان عامل 950 فعلا زي ما اتقال هنا
والكيسه الكلارماستر HAF 912 برضو لقيتها غاليه ازيد من السعراللي هنا من 50 ل 100 جنيه وكلهم كانو متفيقن

الخلاصه الاسعار مووولعه مش فاهم في ايه بالظبط في الاسعار الغبيه و سياسه المحلات الاغبي منها !!!!!

اتخنقت بقا من اللف و صدمه الاسعار و روحت تاني


ياريت ايه رايكم في الاسعار واجيب كينجستون هيبر اكس ولا ايه واجيب باقي المكونات علي الاسعار دي ولا ايه

[hinokio]

ممكن تشوف تجيب من برة بس لو انت من الى بيركزوا فى الضمان فاحسب الزيادة الى هتدفعها كلها على الكمبيوتر ككل وشوف اذا كانت زيادة مسموحة بالنسبالك ولا كتير وشوف الانسبلك

[amr010]

تسلم علي ردك انتا ايه رايك في معدل الاسعار اللي ذكرتها و اذاي اجيب من برا ؟؟ وهل فرق السعر يستحق العناء اني اجيب من برا ؟؟ ياريت الرد من الخبراء

[hinokio]

تسلم علي ردك انتا ايه رايك في معدل الاسعار اللي ذكرتها و اذاي اجيب من برا ؟؟ وهل فرق السعر يستحق العناء اني اجيب من برا ؟؟ ياريت الرد من الخبراء

الاسعار لو حسبناها بدون الرام لانى اظن انك لو لفيت فى كذا مول تانى هتلاقى منها 8 جيجا مستحيل تكون كل المحلات 16 جيجا فغالبا هتلاقى 8 جيجا بس بقى هتعرف تشتريها لوحديها دية انا مش هقدر اقولك رائى فيها غير دور ولف لغاية متوصل لحد بيبيع الحاجات منفردة
اما فرق الاسعار فى البروسيسور اولا انت بصيت على ال i5 6600k وهو المفروض بيتراوح من 2500 الى 3100 فانت لاقيتة ب 2800 يعنى حوالى فرق 300 جنية عن سعرة
اما البوردة انت تقريبا ملقتهاش غالية لاقيتها ب 1800 ودة تقريبا سعرها
والباور نفس الكلام كان بنفس الاسعار
والكيسة غالية 50 الى 100 يعنى تقريبا المجموع كلة هيبقى بروسيسور 300 + كيسة 100 يعنى حوالى 400 جنية فرق فى الاسعار لو دة فرق انت تقدر تستحملة اشتريهوم وانت هتبقى طبعا كلهوم ضمان من الوكيل فى مصر عكس لو اشتريت من برا هيبقى ضمان دولى
اما بالنسبة للشراء من الخارج هيبقى بضمان دولى بس هيبقى ارخص فى الاسعار عن المحلات فى كل حاجة مع العلم ان الباور والبوردة يفضل تجيبهوم من هنا لانهوم تقريبا نفس السعر وفى مشاكل فى شحنهوم تقدر تتابع الموضوع دة عن الشراء من امازون
طريقة الشراء من امازون بأرخص الاسعار (https://arabhardware.net/forum/showthread.php?t=450355)

[amr010]

تسلم علي ردك ... خلاص باذن الله نازل اشتري وشكرا لكل خبراء المنتدي العظيم دا

[amr010]

يا جماعه اجيب مشتت اي نوع للبرسسور ؟؟

[zozo 22]

CRYORIG H7 With QF120 CPU Cooler = 350 L.E دة كان سعرة قبل زيادة