المساعد الشخصي الرقمي

مشاهدة النسخة كاملة : رحلة شراء باور سسونيك 620 واط وسياسة الشركات الغاضبة والمستفزة



الصفحات : [1] 2

zozo 22
15-08-2016, 21:23
انا نزلت اشترى باور سسونيك 620 واط وفوجئت بالاتى ان شركات كلها متفقة على الاتى لزم تشترى معالج ومازر ورامات على الاقل علشان تشترى باور منهم طيب ياجماعة الا عتدة التجميعة وعواز الباور منفرد
لا احنا اسفين وبعد نقاش كتير قالى هيدك باور سسونيك 750 واط ب1375 جنية ودة كان فوق ميزانيتى كنت عامل حسابى على 1000 جنية مشيت وذهبت مواال تانى دخلت شركات نفس موضوع اخر شركة دخلت ايوة فى بس بسعر اغلى 1075 جنية وفى شركات عرضة ب950 جنية بس دة لعبة شركات زى ماقال الاخوة الاعضاء يزودة فى سلعة وينقص ف سلعة مهم مشيت من غير ما اشترى بعد ما ضيعت اليوم فى رحلة البحث عن الباور



سياسية الشركات كلها واحد دة مهزلة كبيرة عواز تشترى يبقى اشترى قطعة منفردة زيادة فى التمن ب100 جنية عجبك مش عجبك امشى
وشكرا

m.mahmoud1
15-08-2016, 21:51
حسبى الله و نعم الوكيل باشكل ده انا مش هشترى كنت ناوى انزل جمع جهاز جديد لاخويا و اشترى باور و كيسه تانيه لنفسى بس للاسف بالشكل ده الواحد مش هيتعامل معاهم تانى دى ساسيه زباله جدا يعنى ايه اشترى ع مزاجهم ده جهازى انا مش جهازهم هما و ايه كل ده عشان اشترى باور لازم اجمع جهاز طب انا عندى جهاز و محتاج باور ؟ ده هبل جد\ا اتجه للمستعمل افضل ليك لو الكلام بالشكل ده

الكلام ده كان ف سوق العصر ولا البستان ؟

phenomenon
15-08-2016, 21:54
اللي خلق Seasonic خلق الف غيره لكن لو فعلا محتاجه فغلاء بغلاء وابعت جيبه من بره
هل الباور موجود في متجر المنتدى ولا خلصان ؟


حسبى الله و نعم الوكيل باشكل ده انا مش هشترى كنت ناوى انزل جمع جهاز جديد لاخويا و اشترى باور و كيسه تانيه لنفسى بس للاسف بالشكل ده الواحد مش هيتعامل معاهم تانى دى ساسيه زباله جدا يعنى ايه اشترى ع مزاجهم ده جهازى انا مش جهازهم هما و ايه كل ده عشان اشترى باور لازم اجمع جهاز طب انا عندى جهاز و محتاج باور ؟ ده هبل جد\ا اتجه للمستعمل افضل ليك لو الكلام بالشكل ده

الكلام ده كان ف سوق العصر ولا البستان ؟

اول واحد بدا بالفكره الرائعه كان النخيلي وده في كان في بداية 2015 واتذكر ان نفس الامر حصل في قطع تانيه كتير بسبب الاقبال عليها الكبير زي MSI B85 Gaming + NOCTUA D15 Cooler

zozo 22
16-08-2016, 03:20
البستان والمهندسين طبعا الرائد شركة النخيلى
حسبى الله و نعم الوكيل فى كل

N3V3RMiND.2016
16-08-2016, 03:43
دى مشاركه ليه من موضوع تانى عن تجربتى المريره فى مول سوق العصر و انا صراحه شايف ان احنا كمشترين لازم ناخد وقفه مع اللى بيحصل من التجار لأنها وصلت لدرجه انهم بيجبروك على الشراء على مزاجهم و انت بقى كل لزمتك انك تديهم فلوس و بس انا شخصيا قررت انى هاقاطع سوق الكمبيوتر فى مصر و هاشترى من بره
المشاركه:


اعتقد حان الوقت عشان اوضح نقطه مهمه جدا جدا لأى شخص نازل يجمع جهاز جديد فى مصر :
انا لما نزلت اجمع بندل جيل سادس (لسه مجمعه من كام شهر فقط) انا جمعت البندل من سوق العصر و النقطه المهمه جدا هى انك مستحيل تشترى معالج لوحده او لوحه ام لوحدها !!

انا لفيت المول كله محل محل و هما متفقين ان اى زبون عايز يشترى معالج لازم يشترى معاه لوحه ام من نفس المحل و لو زبون عايز يشترى لوحه ام لازم يشترى معاها معالج من نفس المحل و لو روحت على اول محل انا دخلته و اللى هو Maximum و اللى روحتله بسبب سمعته الكويسه قالى لازم تشترى لوحه و معالج ورامات مع بعض!!!
نوع الرامات اللى كانت عنده لم تكن النوع اللى انا بفضله ففضلت واقف نصف ساعه احاول اقنعه انى هاشترى فقط المعالج و اللوحه الام لاكنه رفض رفض قاطع!!

يعنى من الاخر عشان اوضحلكم هما عملو ايه هاتلاقى مثلا محل عارض اللوحه b150 بسعر 1300 جنيه و نفس المحل عارض المعالج i3-6100 بسعر 1300 جنيه مثلا يعنى اجمالى المعالج مع اللوحه يبقى 2600 جنيه تمام
و هاتلاقى محل تانى عارض اللوحه ب 1250 جنيه و لكن المعالج عنده معروض بسعر 1350 جنيه يبقى الاجمالى بردو 2600 جنيه !! يعنى هما بيلعبو فى سعر المعالج واللوحه على اساس انك هاتشترى غصب عنك الاتنين مع بعض من نفس المحل و طبعا زى ما انت شايف الاجمالى واحد

وبالنسبالى انا اتحرق دمى لما نزلت اشترى لأنى كنت نازل اشترى معالج i5 فقط و كنت ناوى اشترى لوحه اسوس من بره عن طريق قريب ليا و لكن طبعا لما روحت المول و لقيت الطريقه البشعه فى اجبار الزبون على انه يشترى على الاقل لوحه و معالج مع بعض كنت فعلا قرفت لأنى كنت مستنى حوالى 6 شهور عشان اجمع البندل و طبعا مكنتش عامل حسابى فى الفلوس انى اشترى معالج i5 مع لوحه ام و للأسف قولت اشترى اى حاجه لأنى كنت زهقت فاشتريت بالمبلغ اللى كان معايا معالج i3-6100 ولوحه b-150

وبالنسبه لمول البستان فى التحرير نفس النظام بالظبط لازم على الاقل تشترى لوحه ام ومعالج مع بعض من نفس المحل انا اتصلت ب3 شركات فى البستان وقالولى نفس النظام !!

و طبعا المحل اللى اشتريت منه البندل فى سوق العصر قالى ان النظام ده نازل عليهم من الوكيل يعنى الوكيل بيبيع ليهم كل لوحه و لازم معاها معالج حسب العدد يعنى لو هو هايشترى 60 لوحه ام من الوكيل ايا كان نوعهم يبقى لازم يشترى معاهم 60 معالج متوافق من الوكيل
اما بالنسبه لمحل Maximum فالمحل اللى اشتريت منه قالى ان Maximum بيشترى بنادل على بعض عباره عن معالج و لوحه ام ورامات عشان كده مرضيش يبعلى حتى معالج و لوحه ام لوحدهم.

المهم انا حاليا فى مشكله لأن كما متوقع المعالج الi3 اللى عندى مش بيسد معايا فى برامج الفيديو و السؤال هنا لو انا عايز اغير المعالج و اشترى معالج جديد i5 تخيل هاروح المول عشان يقولولى لازم تشترى معاه على الاقل لوحه ام و انا عندى لوحه ام لسه جديده و من نوع متوسط اللى هى Gigabyte B150HD3
اييه العمل؟ انا الصراحه مش لاقلى حل !

عشان كده اى حد نازل يجمع اعمل حسابك انك هاتشترى المعالج و اللوحه الام من نفس المحل فتأكد من السعر الاجمالى و كمان حط فى بالك انك مش هاتقدر تحدث المعالج مستقبلا لأنك هاتحتاج تبيع البندل كامل و تشترى بندل جديد!

Chrono Cross
16-08-2016, 11:35
فعلا انا كنت عايز اشتري كيس اتصلت بمعظم الشركات كلهم نفس الكلمه مش حينفع ابيع كيس لوحده.المهم توجهت للمستعمل.فلو محتاج جديد ضروري من غير متلف كتير اشتري من متجر عرب هاردوير احسن

khaled moh
16-08-2016, 16:08
طيب حد جرب ماكسيمم هاردوير وهاى اند الى ف روكسي ؟

اعتقد دول توكيلات محترمه اكتر مش زى البياعين الهمج دووول

m.mahmoud1
16-08-2016, 16:20
طيب حد جرب ماكسيمم هاردوير وهاى اند الى ف روكسي ؟

اعتقد دول توكيلات محترمه اكتر مش زى البياعين الهمج دووول

هههههههههه و الله يا صاحبى انت الى محترم
اتصلت ب هاى اند امبارح كنت بجرب بس قولتلهم عايز بروسيسور i3 لوحده قالولى لا مش هينفع يا فندم لازم تاخد بورده معاه قولتلهم انا عندى بورده مش هجيب واحده تانيه انا قالولى لا يفندم مش هينفع

hamdy1959
16-08-2016, 21:55
دوام الحال من المحال
مش حنفضل كده على طول ولازم يفهمو ان الزبون لاينسى ابدا

N3V3RMiND.2016
17-08-2016, 01:20
طيب حد جرب ماكسيمم هاردوير وهاى اند الى ف روكسي ؟

اعتقد دول توكيلات محترمه اكتر مش زى البياعين الهمج دووول
حضرتك ممكن تقرأ تجربتى مع شركة Maximum Hardware فى مشاركتى رقم 5 فوق مشاركة حضرتك :(

khaled moh
17-08-2016, 01:58
هههههههههه و الله يا صاحبى انت الى محترم
اتصلت ب هاى اند امبارح كنت بجرب بس قولتلهم عايز بروسيسور i3 لوحده قالولى لا مش هينفع يا فندم لازم تاخد بورده معاه قولتلهم انا عندى بورده مش هجيب واحده تانيه انا قالولى لا يفندم مش هينفع

هههههههههههه

هو ليه يعنى التخلف دا منا كدا مش هشترى منهم خالص وهيخسروا بيع الاتنين
يعنى هو فرحان انهم مركونين جمبه منا ممكن اخد معالج بس وييجى واحد محتاج مازربورد بس فيها ايه دى ؟؟؟؟؟

khaled moh
17-08-2016, 02:03
الصراحة يا N3V3RMiND.2016 (https://arabhardware.net/forum/member.php?u=11335915) انت غلطت انك سمعت كلامهم واشتريت الاتنين وكمان جبت i3
طيب كدا انت مش هتعرف ترجعه وتجيب i5 الى انت عايزه ابداااااا هتضطر تشترى الجديد وتبقى كدا خساره عليك تمن ال I3
انت كنت تستنى تجيب اللوحه والمعالج من برا حتى لو كان اتاخر عليك شوية مش مشكلة
لان الفرق بين i3 و i5 مش شوية

m.mahmoud1
17-08-2016, 02:07
لان تفكيرهم عقيم جدا و مش بيفهموا و الله خليهم يستنفعوا بشويه الحديد الى عندهم لما يتركن

zozo 22
17-08-2016, 08:39
يا جماعة هم مبسوطين علشان شركة مليانة بضاعة سيبهم بس دة من وجهة نظرى قمة التخلف لان لو كل واحد اشترى حاجة معينة ما البضاعة الا عندة هيجيلها يوم وتخلص دة عبارة عن اسلوب امسكك من ايدك الا مالماك ياريت متجر عرب هاردوير يقوم بتوفير كل قطع الكمبيوتر يعنى انا محتاج دلوقتى باور سسونيك متجة الى مستعمل علما بان مبحبش اشترى مستعمل ياريت موجود مفيش لاسف مش موجود فى متجر عرب هاردوير وشكرا

Chrono Cross
17-08-2016, 11:20
تفضل اخي دول من افضل بورات بالمتجر كسعر بالنسبه للاداء و جوده تصنيع tier1 يعني https://store.arabhardware.net/hardware/power-supplies/cooler-master-v750-750w-semi-modular-80-gold.html
https://store.arabhardware.net/hardware/power-supplies/xfx-proseries-xxx-edition-750w-semi-modular-80-bronze.html
و لن تندم ابداء في اختيار احدهما بالتوفيق

zozo 22
18-08-2016, 21:04
COOLER MASTER V750 / 750W / SEMI-MODULAR / 80+ GOLD اة رايكم فية

never back down
18-08-2016, 22:05
هههههههههه و الله يا صاحبى انت الى محترم
اتصلت ب هاى اند امبارح كنت بجرب بس قولتلهم عايز بروسيسور i3 لوحده قالولى لا مش هينفع يا فندم لازم تاخد بورده معاه قولتلهم انا عندى بورده مش هجيب واحده تانيه انا قالولى لا يفندم مش هينفع

طيب هو بيع البندل ده اجباري علي معالجات ولوح ورمات فئه الماينستريم بس ولا كمان علي فئه الاكستريم علشان ناوي اشتري معالج i7 6800k مع لوحة asus x99 -A ii مع رمات g.skill ripjaws v 32gb 4x8 و كارت gtx 1080 وهارد seagate barracuda pro 10tb وبورسبلاي evga supernova 850w gold عشان انا مش هينفع اشتري من امازون لان معنديش فيزا مسبوقة الدفع لان حتي لو عندي ملزوم ب100 دولار مشتريات في الشهر او 10000 الاف جنيه وانا التجميعة بتاعني معديه ال30 الف جنية و كمان حل ان يكون شرا من امازون عن طريق وسيط زي ادفعلي علي حسبتهم هايدفعوني اد تمن الحاجه مرتين يعني اغلي من اسعار الاسواق هنا في مصر بكتير وكمان الحاجة لو وصلت بتتفتح و بتتبهدل في الجمارك يعني ممكن حاجة تبوظ او تتكسر والبسها بعد كده ويضيع عليه تمنها بالالاف فا انا بجد مش عارف اعمل ايه يا جماعة ارجو نصيحتكم

khaled moh
19-08-2016, 03:18
طيب هو بيع البندل ده اجباري علي معالجات ولوح ورمات فئه الماينستريم بس ولا كمان علي فئه الاكستريم علشان ناوي اشتري معالج i7 6800k مع لوحة asus x99 -A ii مع رمات g.skill ripjaws v 32gb 4x8 و كارت gtx 1080 وهارد seagate barracuda pro 10tb وبورسبلاي evga supernova 850w gold عشان انا مش هينفع اشتري من امازون لان معنديش فيزا مسبوقة الدفع لان حتي لو عندي ملزوم ب100 دولار مشتريات في الشهر او 10000 الاف جنيه وانا التجميعة بتاعني معديه ال30 الف جنية و كمان حل ان يكون شرا من امازون عن طريق وسيط زي ادفعلي علي حسبتهم هايدفعوني اد تمن الحاجه مرتين يعني اغلي من اسعار الاسواق هنا في مصر بكتير وكمان الحاجة لو وصلت بتتفتح و بتتبهدل في الجمارك يعني ممكن حاجة تبوظ او تتكسر والبسها بعد كده ويضيع عليه تمنها بالالاف فا انا بجد مش عارف اعمل ايه يا جماعة ارجو نصيحتكم

انت لو هتجمع جهاز كامل مش عندك مشكلة
هو الموضوع للى عايز يشترى لوحه بس او معالج بس

m.mahmoud1
19-08-2016, 03:27
بالظبط لو هتجمع جهاز كامل هيظبطوك انما المشكله عندنا احنا الى عايزين قطع منفرده بس دول حتى مش بيرضو يبيعوا الرامات لوحدها او الكيسه لوحدها

zozo 22
19-08-2016, 08:16
COOLER MASTER V750 / 750W / SEMI-MODULAR / 80+ GOLD اة رايكم فية

Chrono Cross
19-08-2016, 18:22
باور ممتاز . و موجود بمتجر رب هاردوير و علي فكره الباور اعلي من سيسونك نسخه 620وات و احدث بالتاكيد

Chrono Cross
19-08-2016, 18:23
باور ممتاز . و موجود بمتجر عرب هاردوير و علي فكره الباور اعلي من سيسونك نسخه 620وات و احدث بالتاكيد

zozo 22
19-08-2016, 18:42
طيب هل مكثفات ياباني زى سسونيك

Chrono Cross
19-08-2016, 18:51
اكيد و علي فكره الباور ده بالاساس تصنيع سي سونك

phenomenon
20-08-2016, 00:35
نسخة 750V تصنيع Enhance Electronics وهي شركه عملاقه أيضا في تصنيع الطاقه

مكثفات الجهد بالجانب الاول Panasonic مكثفات فلتر الفولتيات الثلاثه بالجانب الثاني Nippon Chemi-Con-, Rubycon = خليط من احدث المكثفات اليابانيه للعمل باقصى جهد في درجة حراره 105C

متوسط الكفائه 91.5%

جميع دوائر واساليب الحمايه متوفره وبوفره شديده
" إرتفاع - هبوط تيار الفولت / ارتفاع منسوب الطاقه المطلوب المفاجىء / إرتفاع درجات الحراره المفاجىء / الاخطاء الناتجه عن Short Circuit " جميع اساليب الحمايه متوفره

منهج التصنيع Full Bridge Topology من احدث المناهج التي تم الوصول لها والتي تتبعها Seasonic في مزودات طاقه X-Series وسلاسل اخرى قيمه جدا
ولكن المنهج المتبع في Seasonic S12II هو Modular Voltage Regulator وهو من المناهج البدائيه وغير مكلفه في عمليه التصنيع وليست جيده في حالات كسر السرعه ولا يمكن الوصول
لكفائة GOLD معها

نتائجه بالمراجعات افضل من ممتازه - استقرار تام في مستويات الضجيج والمرور بجميع الاختبارات بنجاح اكيد - تم تقييمه مصنعيا بالعمل على تقديم 750W في درجة حراره 40C
ولكن بالحقيقه استطاع ان يقدمها بالمراجعات في ظل درجة حراره 48C وكفائة تصل إلى 90.60%

ضمان خمسة أعوام

العيوب = أكيد سعره فقط ولكن بالمميزات دي اعتقد انه افضل من نسخة Corsair CX 750 لان بنسبه كبيره نسخ CX بتستخدم مكثفات صيني في بعض
اجزاء الباور سبلاي ولكن جودتها وتقييماتها عاليه أيضا واكتر شىء يهمني الضمان

ميهمنيش الباور مطبوخ ازاي : اهم شىء فترة ضمانه وحماياته لان حتى المكثفات الصيني ثبتت جودتها في الفتره الاخيره ولكن غالبا يفضل وجودها في مزودات الطاقه 3 سنوات ضمان فقط
لان اعمارها قليله زي بعض مزودات EVGA التي تم تصنيعها بواسطة HEC أو thermaltake التي تم تصنيعها بواسطه Channel weight Technology ومع ذلك قد يصل عمرها الى 5 سنوات او اكتر
الامر بيكون حسب الاستخدام ونوع الضغط وفترة ساعات العمل المتواصل ورنج الحراره

اذا حاولت دائما المحافظه على وجود نسبه جيده headroom ليست مستخدمه من طاقة الباور بالشكل ده بتحافظ جدا على العمر الاطول للمكثفات حتى اذا كانت صينيه وبتحافظ بوجهه عام على باقي المكونات
لكن في حالات كسر السرعه والفولتيات الاعلي الامر معقد ولابد من وجود المكثفات اليابانيه فقط

Chrono Cross
20-08-2016, 10:24
اه صح غلطت ده فل موديولر v750 تصنيع سي سونك بس الموديل المتوفر في مصر semi modular تصنيع Enhance Electronics D-:

phenomenon
20-08-2016, 14:50
صدقني الاتنين محترمين جدا في الاداء ومن الداخل اخوه وصوره طبق الاصل ولكن بما ان Seasonic شهيره في الامر فالشركه تعطيله مميزات اكبر في الكماليات وتلعب على السمعه
لكن مزودات عالميه اخرى قد تكون اكثر اعتماديه وشهره بمراحل كبيره جدا جدا وهي ليست تصنيع Seasonic
EVGA SuperNOVA اصدارات تصنيع SuperFlower ثبتت كفائه أعلى من EVGA SuperNOVA GS تصنيع Seasonic ومع ذلك كلاهما رائع الا ان الافضليه لا تزال من نصيب G2 / P2 وغيرهم صناعة SF
CORSAIR AX Series تصنيع Seasonic استثناء موديل او 2 وسلسلة HX + HXi تصنيع " اذا كانت ذاكرتي صحيحه " Flextronics + CWT

الفكره كلها في راي الشخصي متعلقه بامرين
مين الشركه اللي تقدر تنتج خط كامل من سلسله وتقدر توفر مساحه العمل والوقت لاجلهم في الوقت دا
على سبيل المثال Cooler Master تتفق مع Seasonic على انتاج 6 مزودات طاقه لفتره زمنيه وعدد محدد ولكن ممكن الشريك يعترض على عدم قدرته
فتتجهه كولار ماستر لشريك اخر زي EE وتتفق معاه على انتاج باور بنفس المواصفات او على حسب

الامر الثاني مشاكل الباور سبلاي اصبحت متواجده فقط في المزودات سيئة السمعه جدا
او في حالة عدم فهمي لقدرة المزود اللي معايا وقسوتي بزياده على مجهوده واعتمادي عليه بطريقه غير ايجابيه وبالتالي سلبياته بتبدا تظهر بصوره اسرع

zozo 22
20-08-2016, 17:02
SeaSonic SSR-750RM G Series 750W 80 PLUS Gold PSU (https://www.********.com/en/product/seasonic-ssr-750rm-g-series-750w-80-plus-gold-psu-el-nekhely-technology) طيب اسف لكثرة اسئلتى امامى هذا الباور بسعر نفس الباور
COOLER MASTER V750 / 750W / SEMI-MODULAR / 80+ GOLD بضمان محلى فايهم اختار وشكرا

Chrono Cross
20-08-2016, 21:42
لو مكانك حشتري كولر ماستر بدون تفكير والباور متوفر بمتجر عرب هاردوير بسعر جيد

phenomenon
21-08-2016, 00:38
الباور ممتاز ولكن ليه تفضل الادنى على ما هو افضل واحدث
عموما انت مصعب الامر جدا وموقفه على شىء لا يستحق خصوصا ان بنسبه كبيره جدا اي منهم لن يتعدى نصف قوته اثناء التشغيل وكل منهم تضمن عمله 5 سنوات عمل من التشغيل المتواصل