المساعد الشخصي الرقمي

مشاهدة النسخة كاملة : الكهرباء تؤثر على السماعة



Mido Al-Shabah
18-08-2016, 01:06
عندي سماعات كنت حاطتها في اوضة مافيش فيها اجهزة كتير و لما كنت ابقى مشغلها و اطفي النور او اشغله تفصل و تشتغل تاني لوحدها و الصوت بيشتغل عادي (كانها بتعمل ريستارت)
مشغلها دلوقتي على الكمبيوتر و كانت شغالة عادي لكن النهاردة برضو لما افتح النور او اطفيه الصوت يقف مع انها لسة منورة يعني الباور لسة شغال !!!
لازم اعمل لها ريستارت عشان الصوت يرجع


دي مشكلة في السماعة نفسها و لا في الكهربا بتاعة الشقة ؟

محمد فاروق غازي
18-08-2016, 02:47
جرب تشغل السماعات على إيستبليزر وشوف هتحصل نفس المشكلة أثناء تغير مستويات التيار الكهربائي ولا لا.

Mido Al-Shabah
18-08-2016, 12:55
شكرا على الرد بس انا دخلت شوفت الاسعار اسعاره غالية جدا و مش معقول هصرف الوفات عشان اشوف السماعة هتشتغل كويس و لا لا :D

محمد فاروق غازي
18-08-2016, 18:02
أخي أكيد مش شرط تشتري إيستبليزر ممكن تاخد السماعة وتروح لأي محل أدوات كهربائية أو عند صديق أو قريب أو أي حد عنده إيستبليزر وهناك تجرب تشغلها مرة على الكهرباء مباشر ومرة بالإيستبليزر وتشوف النتيجة في الحالتين.

phenomenon
18-08-2016, 21:52
حاول تشتري محول كهرباء كويس ميقلش سعره عن 25 او 50 بوجهه عام هو مفيد وبيحافظ على ثبات التيار قد الامكان وبيكون كابل التوصيل ليه ميقلش عن 10 متر او اكتر
وجرب توصل كهرباء السماعه على اكتر من سوكيت كهرباء في البيت وشوف هل العيب في سوكيت " كوبس الكهرباء " للغرفه بتاعتك ولا في السماعه