مساعدة في شراء كيسه للألعاب بدون كارت شاشة وهارد في حدود ٤٢٠٠/ ٤٥٠٠

[MrSoLtO]

الميزانية ٤٢٠٠/٤٥٠٠
الاستخدام : للألعاب
القطع المراد شراؤها: بورده وبروسيسور ورامات وباور وكيسه
تأجيل شراء كارت الشاشة لحين توافر فلوس
ناوي ان شاء الله فيما بعد اجيب GTX 970 او حاجه اقل شوية وعندي هارد ودي في دي وشاشة سامسونج ٢٤ بوصة full hd
ميعاد الشراء يوم الجمعة او السبت ١٩/٨/٢٠١٦
هشتري من سوق العصر ان شاء الله
ممكن مؤقتا عشان الفلوس تكفي اجيب رامة واحدة والتانية اجيبها مع كارت الشاشة
واخيرا اشكركم جزيل الشكر على تعاونكم

[zozo 22]

ميزانية ضعيفة اخى نظرا لارتفاغ سعر الدولار فاحاول شراء بندل من الجيل الرابع مستعمل ويكون معالج فية كور i5 لتشغيل الكارت بكامل طاقتة فلو اعطيت للك تجميعة من الجيل السادس بمعالج i3هيكون فى عنق زجاجة

[MrSoLtO]

شكرا جزيلا على اهتمامك اخي الكريم
وبالنسبة للميزانية لو زودت ل ٤٢٠٠ تنفع لشراء المكونات المطلوبة جديدة وللا لأ

[phenomenon]

من سنه واحده ولا سنتين كنا ممكن نجمع جهاز Mid-Range باحدث المكونات بالميزانيه دي
دلوقتي مش عارفين نوصل لجهاز Low-Entry من المواصفات الحديثه وحتى القديمه التجار والوكلاء لعبوا على سعر الدولار فيها بالرغم انها مخزون قديم

مش فاهم ازاي مش نقدر نجيب لوحه ومعالج ورامات ب 4000 جنبيه مش قادر استوعبها بصراحه
الحل الوحيد جيل رابع اخي الكريم والانتظار مش في صالحك
احنا مش بنتقدم وياريتنا حتى ثابتين احنا بننزل بمرور يوم عن يوم - حاول تلحق تشتري منصه جيل رابع

[banasonic]

يمكنك ايضا الاتجاه الى amd ستجد ما يسرك باذن الله fx8370 النسخه الحديثه مع فان wraith cooler ومازر بورد مثلا من asus او asrock لن تندم الى الان يثبت وجوده بقوه هذا المعالج (طبعا فى مصر غلو سعره برضو دلوقتى ) ولكن اذا استتطعت الانتظار لمعالجات zen ستجد ما يسرك ايضا ولن اوعدك باداء مثلا يضاهى الجيل الخامس من انتل او السادس ولكن سيكون اداء عالى جدا بسعر منخفض جدا وبالتوفيق لك

[MrSoLtO]

شكرا الاخ المحترم banasonic
لو الميزانية مش هتكفي ممكن اتجه ل amd
لكن حاليا لو الميزانية هتكفي لشراء انتل اعتقد هيكون اقوى في الاداء
منتظر الرد من الاخوة الاعضاء في ترشيح مكونات مناسبة للميزانية والاستخدام
شكرا

[MrSoLtO]

الاخ المحترم phenomenon
اشكرك على الرد والاهتمام
لو زودت الميزانية ل٥٠٠٠ هل تكفي لشراء مكونات تتوافق فيما بعد مع كارت شاشة GTX970 او ما يعادله
لو الميزانية تكفي رجاء مساعدتي في اختيار المكونات
شكرا

[phenomenon]

برأيى الشخصي انك غير متضطر للضغط على نفسك او ترهق نفسك في الميزانيه

MSI B150M NIGHT ELF Socket 1151 = 1350 LE
Intel Core I5-6400 6M Skylake 2.7GHz LGA 1151 Desktop Processor = 2200 LE
Kingston HyperX FURY Black 8GB DDR4 2666MHz CL15 1.2v = 650 LE

الثلاثه قطع يعملوا تقريباً 4250 جنيه تقريبا يعني متبقي تمن باور سبلاي كويس 600W فقط وهيكون في أزمه في توفير تمن الكيس

ممكن تشوف باور سبلاي او كيس في قسم عروض البيع يكون بحاله كويسه وسعر متوسط

انت ممكن تشتري منصه استعمال LGA 1150 مع معالج I5 4xxx وتوفر مبلغ كويس لكن الامر متوقف على اختيارك للمنصه الرابع ام السادس

لكن حتى اسعار قطع الجيل الرابع الجديده بقت موازيه لاسعار الجيل السادس
لوحة B85 سعرها وصل 1300 جنبيه وكانت بــــ 780 جنبيه من اربعة شهور فقط بالرغم انها ليست مستورده على سعر الدولار الجديد
بس التجاره شطاره " صحيح احنا افورنا في الشطاره بس ما باليد حيله "
ففي الحاله دي الجيل السادس يستحق النظر ليه طالما غلاء بغلاء وتحاسبهم في تمن لوحه هما فعلا استوردوها بسعر غالي ويبقى بالشكل ده غالي عليك وعليه متنصبشي عليك

في الحالتين سواء رابع او سادس مستعمل او جديد
هتلاقي معالج I5 وختى اذا كانت اللوحه ام بشريحه سعريه منخفضه زي H110 أو شريحة الجيل الرابع H81 هيكونوا مناسبين في المستقبل لبطاقة GTX 980Ti أو أعلى
فقط لوحات H81 أقصى دعم لها في الذواكر 16GB وهي سعه ضخمه جدا لجميع الالعاب المستقبليه لسنوات بعيده بإذن الله
بعض الالعاب بدات فعلا بالطلب في 16GB ولكن على حقيقتها وفي ظل تشغيل متصفح مع 65tap صفحه أقصى لعبه كان احتياجها 9GB من الذاكره على شاشه 4K + GTX 980TI

كلما كانت الخصائص أقل والمتطلبات في العمل اقل " GTX 970 " + 1080p " كلما كان احتياجاتك أقل في الذاكره

[MrSoLtO]

شكرا جزيلا الاخ الفاضل phenomenon على نصائحك وملاحظاتك الرائعة ربنا يكرمك بقدر مساعدتك للناس وخدماتك
انا قررت ان شاء الله ابحث عن قطع جيل رابع مستعملة وعايز اعرف الباور ده ينفع لتشغيل gtx 970 او ما يعادله ، انا شفت ردك الرائع في الموضوع وعجبني الباور فهل تنصح بشرائه للتجميعه https://arabhardware.net/forum/showthread.php?t=450369

[phenomenon]

جزاك الله خيراً ..
تفكير صائب ونموذجي وبالشكل ده مش هترهق نفسك بدون داعي " فقط تأكد من سمعة البائع ولو امكن اختبار المكونات قبل الشراء للاطمئنان فقط "
بخصوص الباور سبلاي فهو بالفعل جيد جدا ولكن لا أنصحك به مع بطاقات توازي بطاقة GTX 970 في الاداء أو إستهلاك الطاقه

في الواقع بطاقة GTX 970 احتياجها سهل جدا في الطاقه قد لا تتعدى 230W بعد كسر سرعتها وتفوقها بنسبه 100W كحد أقصى بطاقة R9-390 ولكن المشكله لا تكمن في منسوب الوات بقدر
اهمية عدد الامبير Amps المطلوبه للمنصه جميعها في أوقات الضغط من دائرة فولتية 12V+ بالباور سبلاي

نظرياً الباور بيقدر يقدم 36A من 12V+ وبطاقة GTX 970 تتطلب 28A ومزود طاقه 500W
نظرياً كافي ولكن اذا كان 500W تحسباً لزيادة الهاردات مستقبليا وتوفير شروط التشغيل الامنه يكون افضل

[MrSoLtO]

شكرا اخي الفاضل phenomenon
انا نشرت موضوع في قسم طلبات الشراء فضلا لو تشوفه وتقوللي لو كان محتاج اي تعديلات https://arabhardware.net/forum/showthread.php?t=450626&p=3070058
جزاك الله خير على تعاونك

[phenomenon]

بالتوفيق بمشيئة الله
راقب العروض في قسم البيع الخاص بالأعضاء لأنه اكثر نشاط ممكن تلاقي عروض مختلفه مُناسبه ليك ومتابعين معاك في أي إستفسار إن شاء الله

[MOSTAFA EZzZ]

فى المنتدى هنا عروض جيدا جدا ممكن تجيب بالمبلغ دا حاجة استعمال امكانيات عاليا بسعر كويس