ما راي الخبراء في شاشة للالعاب

[saleh43]

ياريت تتفضلوا واعرف رايكم في شاشة
Samsung u28d590ds
مع العلم ان استخدامي العاب بلدرجة الاولي
وهستخدمها مع كارت gtx 980
مستني راي الخبراء وشكرا لكم

[nanonona]

دي شاشة 4K يا ريس ومتنفعش نهائي مع 980 واحد على الأقل اتنين "SLI" وبرضه مش حتوصل غير لـ 40 فريم بالكارتين..
وممكن 1070 لـ 30-40 فريم.. ولازم المعالج يكون قوي جدا وقصص..
خليك في شاشة 1440p إلا إذا كنت حتحدث الكارت قريبًا جدًا..

[phenomenon]

+1 GTX 980 SLI عشان تضمن 60 اطار مع معظم الالعاب او الحل الاخر والتضحيه باعلى الاعدادات وتلعب على ميديام وبصراحه مش متوافقه لعمليه شويه ميديام + 2160p هتلاحظ تدني جوده الصوره بوضوح
بس ممكن تتقبل الامر عادي لان الريزيلوشن نفسه افضل نقاء ومع الترقيه القادمه تشتري اخ لكارت GTX 980

[ahmedmiy]

السلام عليكم ،،، الشاشة السامسونج موديل قديم وتكنولوجيا من سنوات عديده وخسارة فيها الفلوس وفيها مشاكل فنيه ، كنت ببحث الايام الاخيره وفى موقع مراجعات تفصيليه ان شاء الله اجيب لكم اللينك هنا وبالنسبه للسوق المصري مفيش غيرها وفى الاسوس ب 15 الف جنيه ومن غير ما نفهم السبب غير ان كل حاجه خربت ولازم نبطل اللعاب ونسترجل وفى شاشه البنك xl2730z ب 6000 جنيه على قد السعر والمقارنه هي الافضل بس اكيد محتاجه كارت مناسب هى دقه 2160 و 144 هرتز

[ahmedmiy]

https://www.tftcentral.co.uk/reviews.htm

https://www.tftcentral.co.uk/reviews/samsung_u28d590d.htm

الموديل الموجود مختلف عن الموجود فى الخارج بكل تاكيد هنا اسوا حاجه وكمان المراجعه ديه على موديل مختلف الى هو المفروض كان نازل بره دقق فى اسم الشاشة تجد الفرق

[ahmedmiy]

4k resolution arguably too high for this size screen for some uses and systems
PWM used for lower brightness adjustment range
Limited stand adjustments

[saleh43]

شكرا علي الرد السريع
انا فهمت من كلام حضرتكم ان الشاشة جيدة بس محتاجة sli مع العلم ان معاها كابل db فهل هيفرق في الاداء ولو هيا مش جيدة اية البديل ويكون للجيمز زيها
شكرا ليكم

[phenomenon]

بالتاكيد كابل Displayport مطلوب ولابد الاعتماد على هذا المنفذ في شاشات 4K وفي البطاقه الرسوميه لتشغيل معدل إنعاش الشاشه على Refresh Rate 60hz
ولكن هو غير مسؤول عن الأداء عملياً