تحديث كارت شاشة لجهاز Asus G20 AJ - السعودية - 1500 ريال

[bigmarley]

السلام عليكم


اسم الجهاز
ASUS ROG G20AJ Gaming PC


- أقصى ميزانية محددة: 1500 ريال قابل للزيادة على حسب افضل اختيار

- استخدامك للجهاز: العاب

- القطع التي تنوي شراءها: كـارت شاشة

- القطع التي ستعيد استخدامها من الجهاز القديم: الجهاز كامل ما عدا كارت الشاشة

- ميعاد شراء الجهاز: خلال يومين

- مكان الشراء: حسب التوصية

- محل سكنك: جـدة - السعودية


ملحوظــة : الرجاء مرعاة ان الباور سبلاي خارج الجهاز و قدرته 180 وات لكارت الشاشة و 230 وات لباقي الجهاز
و مرعاة ايضا حجم الكارت نظرا لضيق تصميم الجهاز من الداخل

امكانيات الجهاز



Processor
Intel Core i7-4790 (Quad-Core, 3.6GHz)


Motherboard
ASUS G20AJ (H97)


Memory
1x 8GB Samsung DDR3-1600 (11-11-11)


Graphics
NVIDIA GeForce GTX 760 2GB


Storage
Seagate Desktop SSHD 1TB (8GB NAND)


Optical
SuperMulti DVD RW


Audio
Realtek ALC887


Wireless
802.11ac & Bluetooth 4.0


Connectivity
2x DVI, 1x HDMI, 1x DisplayPort
4x USB 3.0, 4x USB 2.0
6 Audio Ports
1x Ethernet


Power Supply
230W (PC) & 180W (GPU)


Et cetera
13.38″ x 4.09″ x 14.09″
14 lbs
Windows 8.1
Kensington Lock
Includes keyboard and mouse




شكـــرا

[phenomenon]

وعليكم السلام ورحمة الله وبركاته
مرحبا بك , بصراحه اختيار كارت شاشه aftermarket للجهاز ده من نفسنا امر غير صحيح
ممكن تكون محتاج كارت low profile وفي الحاله دي لازم تشتري في اقرب فرصه لانها اسرع كروت بتخلص من السوق بسبب الاقبال الكبير عليها والانتاج المحدود منها
لازم تعرف من مانوال " كُتيب التعليمات " القادم مع الحاسب ابعاد كروت الشاشه المسموحه اولا لان اي تخمين مننا لو فرق ملليميترات فقط لن يتم تدعيمه وربما تتسبب في تلفه اثناء التركيب
اذا مقدرتش تلاقي الكتيب الخاصه بالجهاز هنحاول نشوفه على صفحه الجهاز ونحمله اولا ولكن عموما المشكله ليست في الميزانيه حاليا ولكن الاهم نعرف المقاسات الصحيحه المتاحه

[bigmarley]

اشكرك على السرعة و التوضيح

مبدايا انا حملت الداتا شيت الخاصة بالجهاز من الموقع لكن للاسف لم يتم ذكر اي شيء بخصوص القياسات و لكن انا بحثت على اليويتوب و شوفت ناس بتعمل تحديث لكارت الشاشة

بيستبدلوها بكروت شاشة قوية أمثلة : EVGA GTX 970 \ EVGA GTX 980 \ GTX 1070 لم الاحظ مشاكل من حيث الحجم لكن بالنسبة للجزئية الخاصة بالباور فيها تعديل بيتم لكن انا مقدرتش افهمه

ياريت لو حضرتك تقدر تفيدني فيها لان متخوف من الجزئية دي جـدا ... و لو ينفع استخدم كروت من نوع AMD او لأ .. كل الفيديوهات على اليوتيوب كانت انفيديا

شكــرا

[phenomenon]

طيب فين هو الفيديو بالضبط

[bigmarley]

اتفضل دول مجموعة فيديوهات

ده كارت Gforce GTX 970
https://www.youtube.com/watch?v=qNXwfOpvZLQ

ده كارت EVGA GTX 980
https://www.youtube.com/watch?v=sn7wqh1yGLw

ده كارت تقريبا MSI GTX 980
https://www.youtube.com/watch?v=oDB8VjFX6L0

ده كارت GTX 1070 founders edition 8gb

https://www.youtube.com/watch?v=wvzZvk_YT7I

و في فيديوهات اخرى طبعا ..

[phenomenon]

تمام تقريباً الحامل يقدر يشيل اي كارت حديث بس كل ما يكون slim كل مايكون افضل

اما بخصوص الباور :- بيجي مع الجهاز كابلين power adapter زي ماهو واضح في الفيديو ولو مش موجودين معاك مش مشكله ممكن تشتريهم من اي مكان
الجهاز فيه منفذين 6pin + 8pin وده معناه ان الباور سبلاي هيقدر يمد الفيديو كارت بمنسوب 75W+150W والطبيعي ان سوكيت اللوحه بيمد الكارت 75W
اعتقد ان مفيش مشكله من البطاقات القويه ولكن

ولكن عشان تأمر الجهاز انه يبدأ يغزي البطاقه الرسوميه الحديثه بالطاقه الأكبر -

هتلاقي منفذ طاقه أسمه GDC عباره عن 3 دبابيس 3x pins كما هو موضخ في الفيديو وراكب فيهم شريحه صغيره ولكنها تستغل 2x pin فقط على يمين GDC Connector
ودلوقتي مطلوب انك تفك الشريحه من منفذ GDC وتركبها تاني في نفس المنفذ بالضبط ولكن المرادي هتستغل 2x pins اللي على يسار منفذ GDC
الامر شبيهه تماما بالجامبر المسؤل عن reset Bios في اغلب اللوحات مش اكتر

[bigmarley]

شكرا جزيلا ... كلامك واضح و كله تمام تسلم يا غالي

بس معلش هتعبك معايا تاني لو تقترح عليا كارت شاشة من وجهة نظرك انت

ايه المناسب من Nvidia و ايه المناسب من AMD

كل استخدامي العاب زي ,Fifa , GTA V ,DOTA , Warcraft, Overwatch , COD

شكرا مرة تانية يا باشا

[phenomenon]

بالتوفيق اخي الكريم

طيب ايه أبعاد الشاشه اللي جايه معاك حاليا Res وايه زمن او معدل الانعاش فيها كام Refresh Rate ولا في شاشه جديده جايه في المستقبل القريب وايه خصائصها

بطبيعة الحال هنخلينا في انفيديا حالياً " لان البطاقه الرسوميه التي تأتي من nVIDIA في نفس رنج الاداء تقريبا للبطاقه الرسوميه التي تأتي من AMD " بيكون إستهلاك الطاقه
الأفضل والحراره الأفضل لصالح بطاقات انفيديا مع بعض التقنيات الحصريه ولكن بيكون أحيانا سعره أعلى قليلا ولكن احيانا متساوي في السعر ( على حسب مكان الشراء )
ومبلغ 1500 ريال بيعادلوا كام بالدولار تقريباً حالياً ؟

[bigmarley]

بالنسبة للشاشة هي 27 بوصة و بتشتغل على 1920x1080

تفاصيل و امكانيات الشاشة في اللينك ده : https://support.hp.com/us-en/document/c03616870
بالاضافة ان ساعات بوصل الجهاز بتلفزيون سمارت 48 بوصة

بالنسبة للسعر : 1500 ريال دي اقصى ميزانية و بتعادل 400 دولار

[phenomenon]

انت قريب جدا من بطاقة GTX 1070 Overclocked من بعض الشركات
يعني بعض البطاقات بتبدأ من 409 أو 420 دولار وهكذا ولكن شخصياً لا أميل لهذه الخيارات لان تبريدها قياسي وبيكون قريب جدا من نسخ المراجعات ال refrence مروحه واحده شبيهه بالنسخه
اللي تابعناها صباحا في الفيديو

فممكن نبدا نفكر في كارت GTX 1060 6GB

في نفس الوقت في نسخ من RX 480 في نفس رنج السعر مع GTX 1060 ولكن بذاكرة فيديو 8GB

كارت GTX 1060 هيكون مناسب جدا ليك وحرارته كويسه وفي الاستهلاك ولكن تذكر حاول اختيار كارت نحيف قدر الامكان وافضل تبريد

في الحاه دي ASUS STRIX 1060 GAMING هيكون الافضل من حيث التبريد ولكن مش عارف نظام تصميمه هيكون مناسب لحامل الكارت معاك ولا لا
نسخهة MSI سمعتها عاليه في التبريد والهدوء ولكن عريضه قليلا من شكلها
نسخة Gigabyte G1 Gaming سمعتها عاليه في التبريد وتعتبر التصميم الأفضل من حيث الشكل
اللي بيكون في نفس الشكل والسُمك ده بتكون كروت ايفجا وطبعا هي بتكون اعلى واغلى نسخ بسبب جودتاها العاليه في دوائر الطاقه ولكن مش عارف اخبار الحراره ايه بس اكيد ممتازه خصوصا
في نسخه زي ACX 2.0 أو FTW ولكن كلاهما غير متاحين حتى الان في أغلب مواقع البيع

عموما ان شاء الله اعتقد ان الحجم مش هيكون عائق ولكن انا بقولك حاول تحتاط وتختار نسخه نحيفه قدر الامكان
نسخ Palit + Colorful + Gainward ممتازين ايضا وحجمهم مثالي وتقريباً نفس الاداء واحد لجميع النسخ ولكن بسبب انتاجهم المحدود قليلا فشهرتهم في العالم العربي وبعض الدول قليله

فشوف ميولك كده واي كارت فيهم هتقدر توصل معاهم ان شاء الله لاعلى اعدادات جرافيك على الشاشه بتاعتك واداء جيد